ကိုးကန့်ဒေသမှာ တိုက်ပွဲတွေ ပြင်းထန်

ကိုးကန့် တပ်သားများ 
ကိုးကန့် ကိုယ်ပိုင် အုပ်ချုပ်ခွင့်ရ ဒေသက လောက်ကိုင်မြို့ အရှေ့မြောက်ဘက် နမ်ထီးမန်ဆန် အရပ်မှာ အစိုးရ စစ်တပ်နဲ့ ဦးဖုန်ကြားရှင် ဦးဆောင်တဲ့ MNDAA ကိုးကန့် တပ်ဖွဲ့တွေကြား ဧပြီလ ၂၃ ရက် ကြာသပတေးနေ့က တိုက်ပွဲတွေ ပြင်းထန်ခဲ့ပါတယ်။

တိုက်ပွဲတွေကြောင့် အကျအဆုံး အများအပြား ရှိခဲ့တယ်လို့ MNDAA ကိုးကန့် တပ်ဖွဲ့ဘက်က ပြောပါတယ်။

ကြာသပတေးနေ့ မနက်က စတင်ပြီး အစိုးရ စစ်တပ် အမြောက်စခန်းတွေကနေ လက်နက်ကြီးတွေနဲ့ ပစ်ခတ်တဲ့အပြင် မြေပြင် တပ်တွေကလည်း ထိုးစစ်ဆင်ခဲ့တာ ညပိုင်းမှ ရပ်တန့်သွားတယ်လို့ ကိုးကန့်တပ်ဖွဲ့ရဲ့ အတွင်းရေးမှူးလည်းဖြစ် ပြောခွင့်ရပုဂ္ဂိုလ်လည်းဖြစ်တဲ့ ဦးထွန်းမြတ်လင်းက ပြောပါတယ်။

အစိုးရ စစ်တပ်ဘက်က ထိုးစစ်ဆင်တဲ့ အချိန်မှာ ကိုးကန့် တပ်တွေနဲ့ ထိပ်တိုက်တွေ့ပြီး နှစ်ဘက် အကျအဆုံးတွေ ရှိခဲ့တယ်လို့သူက ပြောပါတယ်။

ကိုးကန့်ဘက်က လူ ၂ ယောက် သေဆုံးခဲ့ပြီး ၁၂ ယောက် ဒဏ်ရာရခဲ့သလို စစ်တပ်ဘက်ကလည်း လူ ၉၀ အထက် သေဆုံးပြီး ဒဏ်ရာရသူ ၂၀၀ ကျော်ရှိတယ်လို့ ဦးထွန်းမြတ်လင်းက ပြောပေမဲ့ အစိုးရဘက်ကတော့ အဲဒီတိုက်ပွဲသတင်းနဲ့ ပတ်သက်လို့ တစုံတရာ ထုတ်ဖော် မပြောသေးပါဘူး။

အစိုးရတပ်ဘက် ဓာတုဗုံးတမျိုး သုံးတယ်လို့လည်း MNDAA ကိုးကန့်တပ်ဖွဲ့ဘက်က စွပ်စွဲခဲ့ပါတယ်။

ကိုးကန့်တပ်ဖွဲ့က ပြောကြားတဲ့ အစိုးရစစ်တပ်ရဲ့ အကျအဆုံး အရေအတွက်နဲ့ ဓာတုလက်နက် သုံးမသုံး ဆိုတာတွေနဲ့ ပတ်သက်လို့ အစိုးရစစ်တပ်ရဲ့ ပြောရေးဆိုခွင့်ရှိသူ တဦးကို ဆက်သွယ်ခဲ့ရာမှာ မြဝတီ တီဗီ အွန်လိုင်း စတဲ့ သတင်းတွေကနေ ထုတ်ပြန်သင့်တာတွေကို ထုတ်ပြန်နေတယ်လို့ တုံ့ပြန် ပြောပါတယ်။

BBC Burmese
http://www.bbc.com/burmese

အလုပ်သမားအရေးဖြေရှင်းဖို့ သူရဦးရွှေမန်း တိုက်တွန်း

 ပြည်သူ့လွှတ်တော်ဥက္ကဌ သူရဦးရွှေမန်း ဧပြီလ ၂၄ ရက်နေ့က လှိုင်သာယာစက်မြို့နယ်မှာ အလုပ်ရှင်၊ အလုပ်သမား ကိုယ်စားလှယ်တွေနဲ့ တွေ့ဆုံစဉ်။ Photo: Thiha Tun/RFA

အလုပ်အကိုင် အခွင့်အလမ်းနည်းပါးမူနဲ့ ဝင်ငွေကွာဟ ချက်များတာတွေကြောင့် နိုင်ငံရပ်ခြားကို ထွက်ခွာသွား တဲ့ အလုပ်သမားတွေ ပြန်လာနိုင်ဖို့ အတွက် ပြည်တွင်း မှာ အလုပ်အကိုင် အခွင့်အလမ်းတွေ ဖန်တီးပေးဖို့ လိုအပ်တယ်လို့ ပြည်သူ့လွှတ်တော်ဥက္ကဌ သူရ ဦးရွှေမန်းက ဒီနေ့ ပြောကြားလိုက်ပါတယ်။

ရန်ကုန်မြို့ လှိုင်သာယာမြို့နယ် ကနောင်ခန်းမမှာ ရန်ကုန်တိုင်းဒေသကြီးအစိုးရအဖွဲ့၊ အလုပ်ရှင်၊ အလုပ်သမားကိုယ်စားလှယ်တွေနဲ့ တွေ့ဆုံ တဲ့ဆွေးနွေးပွဲမှာ ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောခဲ့တာပါ။

"ဘယ်မှာသွားရှိလဲ သူများနိုင်ငံမှာသွားရှိတယ်၊ ယိုးဒယားမှာ သွားရှိတယ်၊ မလေးရှားမှာ သွားရှိတယ်၊ အဲ့ဒီတော့ နိုင်ငံ့ကာကွယ်ရေးပဲကြည့်ကြည့် နိုင်ငံ့စီးပွားရေးထူးထောင်ရေးပဲဖြစ်ဖြစ် ကျနော်တို့ တကယ်တမ်းတမ်း အလုပ်လုပ်နိုင်တဲ့သူဟာ ကျနော်တို့ဆီမှာမရှိဘူး၊ ရှိအောင်လုပ်ယူရမယ်၊ ရှိအောင်လုပ်ယူရမယ်ဆိုတာမှာ SME လိုပုံစံမျိုး ကိုယ့်နိုင်ငံမှာ ထူထောင်ပေးဖို့လို့တယ်၊ အဲ့ဒီအတွက် ဝိုင်းစဉ်းစားပေးကြပါ၊ ဝိုင်းပါဝင်ပေးကြပါ အဲ့နေရာတွေမှာ ကျနော်တို့လူတွေ အလုပ်လုပ်ဖို့ ကျနော်တို့ စီစဉ်ပေးရမယ်၊ အလုပ်လုပ်တက်အောင် ကူညီပေးရမယ်"

ဒါ့အပြင် သူရဦးရွှေမန်းက အလုပ်ရှင်နဲ့အလုပ်သမားကြားဖြစ်ပွားနေတဲ့  အနည်းဆုံးလုပ်ခလစာ သတ်မှတ်ပေးရေးကို ရန်ကုန်တိုင်းဒေသကြီးအစိုးရက အမြန်ဆုံး အကောင်အထည်ဖော်ဖို့ကိုလည်း တိုက်တွန်းခဲ့ပါတယ်။

ဒီနေ့ပွဲကို တက်ရောက်လာတဲ့ အလုပ်သမား အလုပ်အကိုင်နဲ့ လူမူဖူလုံရေးဝန်ကြီးဋ္ဌာန ပြည်ထောင်စု ဒုတိယဝန်ကြီး ဒေါ်ဝင်းမော်ထွန်းက လာမယ့်မေလကုန်လောက်မှာ အလုပ်ရှင် အလုပ်သမား နှစ်ဘက် သဘောတူညီနိုင်တဲ့ အနိမ့်ဆုံးလုပ်ခလစာကို သတ်မှတ်နိုင်မယ်လို့ မျှော်လင့်ကြောင်းပြောပါတယ်။

အလားတူ ရန်ကုန်တိုင်းဒေသကြီး ဝန်ကြီးချုပ်ဦးမြင့်ဆွေကလည်း အလုပ်သမားတွေရဲ့ လုပ်ခလစာလိုအပ်မူတွေ ကို တောင်းဆိုတဲ့နေရာမှာ ဥပဒေဘောင်အတွင်းက ဆောင်ရွက်ကြဖို့ ပြောခဲ့ပါတယ်။

ဒီပွဲကိုတက်ရောက်လာတဲ့ အလုပ်သမားကိုယ်စားလှယ်တွေက အနိမ့်ဆုံးလုပ်ခလစာ သတ်မှတ်ရေး၊ ရွှေ့ပြောင်း အလုပ်သမားအရေးနဲ့ လုပ်ငန်းခွင်ဆက်ဆံရေး အခြေအနေတွေကို တင်ပြခဲ့ကြပါတယ်။

လှိုင်သာယာ စက်မူဇုံက အလုပ်ရှင် ကိုယ်စားလှယ်တွေကလည်း စက်မူဇုံတွေမှာ ၂၄ နာရီ မီးအပြည့်အဝရရှိရေး နဲ့ နိုင်ငံတကာကိုတင်ပို့တဲ့ ကုန်ပစ္စည်းအခွန်အခ လျော့ချပေးရေးအတွက် ဆွေးနွေးခဲ့ကြပါတယ်။

RFA Burmese
http://www.rfa.org/burmese
 

ပြည်နယ်နဲ့တိုင်း ပါတီခေါင်းဆောင်တွေ နဲ့ ဒေါ်အောင်ဆန်းစုကြည် တွေ့ ဆုံမည်


 အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်ဟာ လာမယ့် ဧပြီလ ၂၇ ရက်နေ့ကစပြီး တိုင်းဒေသကြီးနဲ့ ပြည်နယ်အသီးသီးက အန်အယ်လ်ဒီ ပါတီ အလုပ်အမှုဆောင် အဖွဲ့ဝင်တွေနဲ့ ၇ ရက်ကြာ သီးခြားစီတွေ့ဆုံမယ်လို့ သိရပါတယ်။

တိုင်းဒေသကြီးနဲ့ ပြည်နယ်အသီးသီးက အခြေ အနေတွေကို မေးမြန်းဖို့အတွက် တစ်နေ့ကိုနှစ်ဖွဲ့ စီ တွေ့ဆုံမှာဖြစ်တယ်လို့ အန်အယ်လ်ဒီပါတီ ပြောရေး ဆိုခွင့်ရှိသူ ဒေါ်နန်းခင်ထွေးမြင့်က ပြောပါတယ်။

"ရက်တွေကတော့ ၂၇ ရက်နေ့ကစတယ်၊ တိုင်းနဲ့ပြည်နယ် ၂ ခုစီဆိုတော့ လေးငါးခြောက် ခုနှစ်အထိရှိတယ်၊ ပြည်နယ်တွေတိုင်းတွေမှာ အသေအချာစောင့်ကြည့်ပြီးမှပြန်ပြီးတော့ အခြေအနေတွေကို ပြန်ပြီးတော့ သုံးသပ်တာပေါ့နော်၊ ဘာအခက်အခဲတွေရှိလဲပေါ့၊ ဒေါ်စု အားတဲ့ ရက်မှာ သူကအကုန်လုံးကိုပြန်ပြီးတော့ တွေ့ပေးတာပေါ့၊ အဲ့လိုမျိုးတွေ့ပြီးတော့ သေချာမေးမှာပါ"

အဲ့ဒီလိုတွေ့ဆုံဖို့အတွက် ပြီးခဲ့တဲ့နှစ်ရက်က ကျင်းပခဲ့တဲ့ ဗဟိုအလုပ်အမှုဆောင် ကော်မတီအစည်းအဝေးမှာ ဆုံးဖြတ်ခဲ့တာဖြစ်ပါတယ်။

အန်အယ်လ်ဒီပါတီ အလုပ်အမှုဆောင်အဖွဲ့ဝင်တွေဟာ တိုင်းဒေသကြီးနဲ့ ပြည်နယ်အသီးသီးမှာ ကြုံတွေ့နေရတဲ့ လယ်ယာမြေပြဿနာတွေနဲ့ ရွေးကောက်ပွဲအောင်နိုင်ရေး ကော်မတီကိစ္စတွေကို တင်ပြဖို့ပြင်ဆင်ထားကြတယ်လို့ သိရပါတယ်။

ဒေါ်အောင်ဆန်းစုကြည်ဟာ ဟောပြောပွဲခရီးစဉ်တွေအတွင်းမှာသာ အလုပ်အမှုဆောင်အဖွဲ့ဝင်တွေနဲ့ တွေ့ဆုံခဲ့ တာဖြစ်ပြီး အခုလိုတွေ့ဆုံမယ့်အစီအစဉ်ဟာ ပထမဆုံးဖြစ်တယ်လို့ သိရပါတယ်။

RFA Burmese
http://www.rfa.org/burmese

၂၀၁၅ ရွေးကောက်ပွဲ ကုလမဟာမိတ် အလေးထား

ဘရူနိုင်းနိုင်ငံတွင်ကျင်းပသည့် အာဆီယံထိပ်သီးအစည်းအဝေးပွဲတွင် တွေ့ရသည့် ကုလအတွင်းရေးမှူးချုပ် ဘန် ကီမွန်းနှင့် သမ္မတဦးသိန်းစိန်။ အောက်တိုဘာ ၁၀၊ ၂၀၁၃။

 မြန်မာနိုင်ငံမှာ ဒီနှစ်နှောင်းပိုင်း ကျင်းပဖို့ရှိတဲ့ ရွေးကောက်ပွဲတွေဟာ ပြုပြင်ပြောင်းလဲရေးအစီအစဉ်မှာ အထူးအရေးပါတဲ့ အဆင့် ဖြစ်မယ်လို့ Partnership Group on Myanmar မြန်မာ့အရေး ကုလသမဂ္ဂ မဟာမိတ်အဖွဲ့က ပြောလိုက်ပါတယ်။ ဒီအဖွဲ့ရဲ့ အစည်းအဝေးတရပ်ကို သောကြာနေ့က နယူးယောက်မြို့ ကုလသမဂ္ဂရုံးချုပ်မှာ ကျင်းပပြီးတဲ့နောက် ထုတ်ပြန်ချက်ထဲမှာ အဲဒီလို ပြောထားတာပါ။

ဒါ့အပြင် လုပ်ပိုင်ခွင့်အပြည့်ရှိတဲ့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံးခွဲ မြန်မာနိုင်ငံမှာ ဖွင့်လှစ်ဖို့ကိုလဲ ကုလသမဂ္ဂ အတွင်းရေးမှူးချုပ်က ထပ်ပြီး တောင်းဆိုသွားပါတယ်။ လူ့အခွင့်အရေးကို မြှင့်တင်ကာကွယ်ဖို့ မြန်မာနိုင်ငံရဲ့ သန္နိဋ္ဌာန်ကို ဒီလို လူ့အခွင့်အရေးရုံးခွဲဖွင့် လုပ်ဆောင်တာကနေ အထောက်အကူဖြစ်စေနိုင်မယ်လို့ အတွင်းရေးမှူးချုပ်ကပြောပါတယ်။

သောကြာနေ့ကကျင်းပတဲ့ အစည်းအဝေးမှာ မြန်မာအစိုးရကို ကိုယ်စားပြုပြီး သမ္မတရုံးဝန်ကြီးတဦးဖြစ်သူ ဦးစိုးသိန်းဦးဆောင်တဲ့ ကိုယ်စားလှယ်အဖွဲ့ တက်ရောက်တဲ့အပေါ် အဖွဲ့က ကြိုဆိုပါတယ်။ ဒါဟာ မြန်မာနိုင်ငံမှာဖော်ဆောင်နေတဲ့ ပြုပြင်ပြောင်းလဲရေး လုပ်ငန်းစဉ်ရဲ့ အပေါင်းလက္ခဏာဆောင် လမ်းကြောင်းကို ထင်ဟပ်နေပြီး နိုင်ငံတကာအသိုင်းအ၀န်းနဲ့ အပြုသဘောဆောင် ထိတွေ့ဆက်ဆံတာကို ပြနေတယ်လို့ ထုတ်ပြန်ချက်ထဲမှာ ပြောထားပါတယ်။

အပစ်အခတ်ရပ်စဲရေးဆိုင်ရာ ဆွေးနွေးပွဲတွေနဲ့ပတ်သက်ပြီးတော့ ပါဝင်သူအားလုံးရဲ့ မျှော်လင့်ချက်တွေနဲ့ ကိုက်ညီတဲ့ နိုင်ငံရေး တွေ့ဆုံဆွေးနွေးပွဲတခုအတွက် မူဘောင်တွေအပေါ် သဘောတူညီချက်တခုကို စောလျင်စွာရလာဖို့ အဖွဲ့က မျှော်လင့်တဲ့ အကြောင်း ပြောထားပါတယ်။

ရခိုင်ပြည်နယ်နဲ့ တခြားဒေသတွေက လူမှုအ၀န်းအ၀ိုင်းတွေကြား တင်းမာမှုဆက်ရှိနေတာနဲ့ပတ်သက်ပြီး နောက်ထပ် ပဋိပက္ခတွေ ထပ်ဖြစ်မလာအောင် တားဆီးရေး အစိုးရအနေနဲ့ အခိုင်အမာလုပ်ဆောင်ဖို့ လိုတယ်ဆိုတာကို အဖွဲ့ဝင်နိုင်ငံတွေက အလေးထား ပြောဆိုကြတယ်လို့ ကုလသမဂ္ဂရဲ့ထုတ်ပြန်ချက်မှာ ဖော်ပြထားပါတယ်။

မြန်မာနိုင်ငံမှာ လူမျိုးစုနဲ့ ကိုးကွယ်တဲ့ဘာသာပေါင်းစုံ ရောထွေးနေ တာနဲ့ နိုင်ငံရဲ့သမိုင်းကြောင်းကို အသိအမှတ်ပြုတာနဲ့ တချိန်ထဲမှာပဲ ဒီမိုကရေစီပြုပြင်ပြောင်းလဲရေး ရှေ့ဆက်ဖော်ဆောင်နေတာနဲ့အမျှ လူသားချင်း စာနာထောက်ထားမှုဆိုင်ရာနဲ့ လူ့အခွင့်အရေး ဆိုင်ရာ နိုင်ငံတကာ စံနှုန်း စံထားတွေအတိုင်း ဆက်ပြီး အခိုင်အမာလုပ်ဆောင်သွားဖို့ အဖွဲ့ဝင်နိုင်ငံတွေ က တောင်းဆိုပါတယ်။

မြန်မာ့အရေး ကုလသမဂ္ဂ မဟာမိတ်အဖွဲ့ဟာ အရင်ကရှိခဲ့တဲ့ မြန်မာ့ မိတ်ဆွေနိုင်ငံများအဖွဲ့ကို ၂၀၁၃ ခုနှစ်က နာမည်ပြောင်းခဲ့တဲ့ အဖွဲ့ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com
 

မဟာဗန္ဓုလရေယာဉ် လေပြင်းတိုက်ခတ်ခံရသော်လည်း ခရီးသည်များ ဘေးအန္တရာယ်မှ ကင်းလွတ်


မော်လမြိုင်ကျွန်း ဧပြီ ၂၄

ရန်ကုန်မြို့မှ မော်လမြိုင်ကျွန်းမြို့သို့ ဧပြီ ၂၃ ရက် ညနေ ၄ နာရီခွဲက ခုတ်မောင်းလာသော မဟာဗန္ဓုလ ပုဂ္ဂလိက နှစ်ထပ်ရေယာဉ်သည် ညနေ ၅ နာရီ ၄၅ မိနစ်ခန့်က ရန်ကုန်-တွံတေးတူးမြောင်းအတွင်း ရှစ်မိုင်ခွဲ အရောက်တွင် ရေယာဉ်ကို ရုတ်တရက် သဲမုန်တိုင်း(လေပြင်း)ကျရောက် တိုက်ခတ်ခံခဲ့ရသည်။

ယင်းသဲမုန်တိုင်းတိုက်ခတ်ချိန် ရေယာဉ်ပေါ်ပါ ခရီးသည် ၇၄ ဦးတို့ သဘာဝဘေးမှ ဘေးကင်းလုံခြုံမှု ရှိစေရေးအတွက် ရေယာဉ်ဝန်ထမ်းများ က ခရီးသည်များအား အသက်ကယ်အင်္ကျီများဝတ်ဆင်စေပြီး အသက်ကယ် ဗောများ အသင့်ပြင်ဆင်ထားခဲ့ကြသည်။

သဲမုန်တိုင်းမှာ ညနေ ၅ နာရီ ၄၅ မိနစ်မှ ၆ နာရီ ၅ မိနစ်အထိ မိနစ် ၂ဝ ကြာ သဲရော လေပါ တိုက်ခတ်ခဲ့သည်။

ယင်းမဟာဗန္ဓုလရေယာဉ်သည် သဲမုန်တိုင်းမှ သက်သာမှုရရှိစေရန် ရေယာဉ် ညာဘက်ခြမ်းချွန်းထိပ် သစ်ပင်အနီးတွင် ခေတ္တရပ်နားခဲ့သည်။

''သဲမုန်တိုင်းလို့တော့ ပြောရမှာပဲ၊ သဲရောလေပါ ခပ်ပြင်းပြင်းတိုက်ခတ်ခဲ့တာ ပတ်ဝန်းကျင်တစ်ခုလုံး သဲသဲကွဲကွဲမမြင်ရဘူး။ သဲမုန်တိုင်းက မိနစ် ၂ဝ လောက် တိုက်ခဲ့တာပါ။ ရေယာဉ်မတိမ်းမှောက်ရေးနဲ့ ခရီးသည် များ ဘေးကင်းလုံခြုံမှုရှိရေးကို ကျွန်တော်တို့ရေယာဉ် ဝန်ထမ်းတွေ ကြိုးပမ်းဆောင်ရွက်ခဲ့ပါတယ်။ ခရီးသည် အားလုံးလည်း အသက်ကယ်အင်္ကျီဝတ်ပြီး ငြိမ်သက် စွာ ထိုင်နေကြဖို့ မှာကြားရပါတယ်''ဟု မဟာဗန္ဓုလ ရေယာဉ်ဝန်ထမ်း ဦးဇော်ဦးနှင့် ဦးမင်းဇော်တို့က ပြောသည်။

ယင်းမဟာဗန္ဓုလရေယာဉ်သည် တစ်နာရီခန့် ရပ်နားပြီးနောက် တွံတေးတူးမြောင်း ရှစ်မိုင်ခွဲမှ မော်လမြိုင်ကျွန်းမြို့သို့ ပြန်လည်ခုတ်မောင်းခဲ့ရာ ဧပြီ ၂၄ ရက် နံနက် ၄ နာရီခွဲတွင် မော်လမြိုင် ကျွန်းမြို့ဆိပ်ကမ်းသို့ ဘေးကင်းလုံခြုံစွာ ဆိုက်ကပ်ခဲ့ သည်။

ခရီးသွားပြည်သူများ ဘေးကင်းလုံခြုံစွာ သွားလာ နိုင်ရေးအတွက် မြစ်ကြောင်းသွားရေယာဉ်များတွင် အသက်ကယ်အင်္ကျီများနှင့် အသက်ကယ်ဗောများ လုံလောက်စွာ ထားရှိစေလိုသည်ဟု သိရသည်။

မော်ကျွန်း-မြင့်အောင်
Myanmaalinn
https://www.facebook.com/MYANMAALINNNEWS

ဧပြီလ (၂၆)ရက်နေ့ ထုတ် EURO SPORTS Journal ( Vol- 5 No- 55 )

ဧပြီလ (၂၆)ရက်နေ့ ထုတ် EURO SPORTS Journal ( Vol- 5 No- 55 )

ဂျာနယ် ဖတ်ရှုရန် ဒီနေရာကို နှိပ်ပါ 



ဧပြီလ (၂၅)ရက်နေ့ ထုတ် မြန်မာ့အလင်း နေ့ စဉ် သတင်းစာ

ဧပြီလ (၂၅)ရက်နေ့ ထုတ် မြန်မာ့အလင်း နေ့ စဉ် သတင်းစာ

သတင်းစာ ဖတ်ရှုရန် ဒီနေရာကို နှိပ်ပါ 



ဧပြီလ (၂၅)ရက်နေ့ ထုတ် ကြေးမုံ နေ့ စဉ် သတင်းစာ

ဧပြီလ (၂၅)ရက်နေ့ ထုတ် ကြေးမုံ နေ့ စဉ် သတင်းစာ

သတင်းစာ ဖတ်ရှုရန် ဒီနေရာကို နှိပ်ပါ 



ဧပြီလ (၂၅)ရက်နေ့ ထုတ် ပြည်ထောင်စု နေ့ စဉ် သတင်းစာ

ဧပြီလ (၂၅)ရက်နေ့ ထုတ် ပြည်ထောင်စု နေ့ စဉ် သတင်းစာ

သတင်းစာ ဖတ်ရှုရန် ဒီနေရာကို နှိပ်ပါ 



မြန်မာတပ် ဓာတုဗုံးသုံး ဟု ကိုးကန့် စွပ်စွဲ

ကိုးကန့်တပ်ဖွဲ့
 အရင်ရက်က တိုက်ပွဲတွေပြင်းထန်ခဲ့တဲ့ ကိုးကန့်ဒေသမှာ ဒီကနေ့မှာတော့ ငြိမ်သက်နေပေမဲ့ တိုက်ပွဲတွေဟာ ဆက်လက် ပြင်းထန်တဲ့ အခြေအနေရှိနေပါတယ်။ ဒီလ ၂၃ရက်နေ့ တိုက်ပွဲအတွင်းမှာတော့ အစိုးရတပ်ဖက်က သုံးစွဲတဲ့လက်နက်ဟာ သာမာန်လက်နက်နဲ့မတူဘဲ ထူးခြားနေတာကြောင့် ဓါတုလက်နက်နဲ့ ပစ်ခတ်တယ် လို့ ကိုးကန့်တပ်ဖွဲ့က သတင်းထုတ်ပြန်ပေမဲ့ သီးခြား အတည်ပြုချက်တော့ မရသေးပါဘူး။ ကိုးကန့်ဒေသရဲ့ နောက်ဆုံးအခြေအနေကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

၂လကျော်ကြာ ရှည်ကြာလာတဲ့ ကိုးကန့်ဒေသတိုက်ပွဲတွေဟာ ပြီးခဲ့တဲ့သီတင်းပတ် အတွင်းမှာ အတန်ငယ် ငြိမ်သက်နေရာ က မနေ့ကတော့ လောက်ကိုင်မြို့ရဲ့ အရှေ့မြောက်ဖက်ခြမ်းမှာ ပြင်းပြင်းထန်ထန် တိုက်ခိုက်ခဲ့ကြပါတယ်။ ဒီတိုက်ပွဲတွေ ဟာ ဒီကနေ့မှာတော့ ငြိမ်သက်နေတယ်လို့ မြန်မာအမျိုးသားဒီမိုကရေစီ မဟာမိတ် တပ်ဖွဲ့ MNDAA ခေါ် ကိုးကန့်တပ်ဖွဲ့ရဲ့ ပြောရေးဆိုခွင့်ရှိသူ ဦးထွန်းမြတ်လင်း က ပြောပါတယ်။

"ဒီကနေ့ကတော့ ငြိမ်နေပါတယ်။ မနေ့တုန်းကတော့ တော်တော်ပြင်းထန်ပါတယ်။ မနေ့တုန်းက သုံးနာရီခွဲက စဖြစ်တယ်။ မိုးမလင်းခင်၊ ညကိုးနာရီလောက် လက်နက်ကြီးနဲ့ ပစ်ပြီးတော့မှ ကြည်းတပ် မြေပြင် ကြည်းတပ် ထိုးပါတယ်။"

ဒီတိုက်ပွဲအတွင်းမှာ အစိုးရတပ်ဖက်က အသုံးပြုတဲ့ လက်နက်နဲ့ ပတ်သက်ပြီး ဦးထွန်းမြတ်လင်းက အခုလို ဆက်ပြောပါတယ်။

"သူတို့က သာမာန်ဗုံးနဲ့ မတူတာက သာမာန်ဗုံးက ကွဲသွားရင်တောင် မီးခိုးပဲ ထွက်တာပေါ့။ သာမာန်မီးခိုး၊ အခုဟာက သာမာန်မီးခိုးထွက်ပြီးတဲ့နောက် အရောင်တွေ ပါလာတယ်။ တချို့တွေကျတော့ အနီရောင်၊ တချို့တွေကျတော့ အဝါရောင်၊ အပြာရောင် တချို့ကျတော့လည်း အရမ်းဖြူတဲ့ အဖြူရောင်လည်း ရှိတယ်။ ပြီးတော့ စူးရှတဲ့ မွှေးကြိုင်တဲ့ အနံ့ရှိပါတယ်။ အဲ့ဒီ့အနံ့ကို ရှုမိတဲ့ ရဲဘော်တွေ၊ ကျနော်တို့ဘက်က ရဲဘော်တွေ အော့်အန်ကုန်ကြတယ်။ ထမင်းစားလည်း အန်တယ်။ ရေသောက်လည်း အန်တာပဲ။ ဆိုတော့ တိုက်ခိုက်မှု အင်အား မရှိတော့ဘူးလို့ ပြောရမှာပဲ။"

ဒီလက်နက်နဲ့ ပတ်သက်ပြီး ကိုးကန့်တပ်ဖွဲ့က ဓါတုလက်နက် အဖြစ် ကြေညာချက် ထုတ်ပြန်ပေမဲ့ သီးခြား အတည်ပြုချက်တော့ မရပါဘူး။ ကိုးကန့်တပ်ဖွဲ့အနေနဲ့လည်း ကျွမ်းကျင်ပညာရှင်တွေနဲ့ စစ်ဆေးနိုင်တဲ့ အခြေအနေမရှိကြောင်း ပြောဆိုပါတယ်။

ကိုးကန့်ဒေသတိုက်ပွဲတွေဟာ ဒီကနေ့ ငြိမ်သက်နေပေမဲ့ တိုက်ပွဲတွေ ဆက်လက်ပြင်းထန်နိုင်တယ်လို့ ကိုးကန့်တပ်က ခန့်မှန်းထားသလို ကိုးကန့်ရဲ့ မဟာမိတ်တပ်ဖွဲ့ဖြစ်တဲ့ တအာန်းခေါ် ပလောင်ပြည်နယ် လွတ်မြောက်ရေးတပ်ဖွဲ့ TNLAရဲ့ အထွေထွေအတွင်းရေးမှုး တာ့ဘုန်းကျော်က တိုက်ပွဲတွေ ဆက်လက်ပြင်းထန်နိုင်ကြာင်း ပြောပါတယ်။

"ကိုးကန့်ဘက်ကတော့ တိုက်ပွဲအခြေအနေ ပြင်းတယ်။ မနေ့ကတော့ စစ်ကြောင်းကြီး သုံးကြောင်းနဲ့ တပ်ပြီးတော့ ထိုးတာ အကျအဆုံး တော်တော်များ တယ်လို့ ကျနော်တို့သိရတယ်။ ဒုကာကွယ်ရေးဦးစီးချုပ် ကိုးကန့်ဘက် လာကြည့်တယ်ပြောတယ်။ ပြီးတော့ ပြန်သွားပြီ။ နောက်ထပ် အင်အားတွေ ထပ်ဖြည့်မယ်လို့ ကျနော်တို့ သိရတယ်။ ဆိုတော့ တိုက်ပွဲအခြေအနေက နည်းနည်းပြင်းလိုက်မယ်ဆိုတဲ့ သဘောကျနော်တို့ သိရတယ်။ "

ပြီးခဲ့တဲ့ရက်ပိုင်းတွေအတွင်းကတော့ တရုတ်မြန်မာနယ်စပ်၊ တရုတ်နိုင်ငံနဲ့ လားရှိုးမြို့ကို ရောက်ရှိနေတဲ့ စစ်ရှောင်ဒုက္ခသည် ၆၀ ၀၀၀ လောက် ဟာ နေရပ်ရင်း ပြန်လာနေပြီး အစိုးရက ကယ်ဆယ်ရေးစခန်း ဖွင့်လှစ်ပြီး ကူညီထောက်ပံ့ထားခဲ့ပါတယ်။

ကွမ်းလုံမြို့နယ်က ပြည်သူ့လွှတ်တော်ကိုယ်စားလှယ် ဦးဟော်ရှောက်ချမ်း ကတော့ လောက်ကိုင်မြို့အခြေအနေက လုံးဝ မတည်ငြိမ်သေးဘူး လို့လည်း ပြောပါတယ်။

" အခုအခြေအနေကတော့ ဘယ်လိုလဲ။ ဘာမှ ထူးထူးခြားခြား မရှိသေးပါဘူး။ စစ်ပွဲလုပ်တယ်။ တချို့တဝက် ပြန်လာတယ်။ ပြန်လာပြီးတော့မှ အရပ်သားလည်း ပြန်လာတယ်။ ပြန်လာတော့ အိမ်တွေ သိပ်မဝင်ရဲသေးဘူး ခင်ဗျ။ လောက်ကိုင် အနောက်ခြမ်းက တိုက်နေတယ်။ မနက်ကလည်း တိုက်တယ်။ လောက်ကိုင်နဲ့ အနောက်မြောက်၊ အနောက်မြောက် တိုက်နေတယ်။ အဲ့တော့ လူထုကလည်း မပြန်ရဲဘူးလေ။ တိုက်ပွဲရှိတော့ မအေးချမ်းသေးဘူးလေ နော့်။"

တရုတ် မြန်မာနယ်စပ် ကိုးကန့်ဒေသအတွင်းမှာ အခုလို တိုက်ပွဲတွေဖြစ်ပွားနေ ချိန်မှာပဲ မြန်မာအစိုးရနဲ့ တိုင်းရင်းသားလက်နက်ကိုင် တပ်ဖွဲ့တွေက မေလအတွင်းမှာ တနိုင်ငံလုံး အပစ်အခတ် ရပ်စဲရေးစာချုပ် လက်မှတ်ရေးထိုးနိုင်ဖို့ အတွက် ပြင်ဆင်နေပါတယ်။ ပြီးခဲ့တဲ့လကုန်ကတော့ အပစ်ရပ် စာချုပ်နောက်ဆုံး မူကြမ်းကို နှစ်ဖက် ကိုယ်စားလှယ်တွေ ဟာ နိုင်ငံတော်သမ္မတ ရှေ့မှောက်မှာ လက်မှတ်ရေးထိုးခဲ့ကြပါတယ်။

အင်ဒိုနီးရှားနိုင်ငံ ဂျကာတမြို့မှာ ကျင်းပတဲ့ အာရှ အာဖရိက ထိပ်သီးညီလာခံမှာ ညီလာခံအတွင်း တရုတ်သမ္မတ ရှီ ကျင့်ဖျင် နဲ့ နိုင်ငံတော်သမတ ဦးသိန်းစိန်နဲ့ တွေ့ဆုံစဉ်မှာ မြန်မာနိုင်ငံမြောက်ပိုင်းက အခြေအနေတွေနဲ့ ပတ်သက်လို့ ငြိမ်းချမ်းရေးဆွေးနွေးပွဲတွေကနေ တဆင့် ပြဿနာကိုဖြေရှင်းဖို့ ကြိုးပမ်းနေတာကို တရုတ်က ထောက်ခံကြောင်းနဲ့ တိုးတက်မှု အသစ်တွေကိုမြင်ရဖို့ မျှော်လင့်ကြောင်း တရုတ်သမ္မတက ပြောဆိုခဲ့ပါတယ်။

မိုးဇော် / ဗွီအိုအေ (မြန်မာပိုင်း)
http://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။

နောက်ဆုံးရ သတင်း အပုဒ် (၅၀)

 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

အင်္ဂလိပ်သတင်းများ