မုန်တိုင်းသတိပေးချက် ထုတ်ပြန်ခြင်း (ယနေ့မြန်မာစံတော်ချိန် (၁၀း၃၀)နာရီအချိန်)


မုန်တိုင်းအ‌ခြေအနေ

ယနေ့မြန်မာ စံတော်ချိန် (၁၀း၃၀)နာရီအချိန် တိုင်းထွာချက်များအရ ဘင်္ဂလား ပင်လယ်အော် အရှေ့မြောက်ပိုင်းတွင် ဖြစ်ပေါ်နေသည့် အားကောင်းသော မုန်တိုင်းငယ်သည် ပိုမို အားကောင်း လာကာ ဆိုင်ကလုန်းမုန်တိုင်း “ကိုမန်” (Komen) အဖြစ်သို့ ရောက်ရှိခဲ့ပါသည်။ အဆိုပါ ဆိုင်ကလုန်းမုန်တိုင်းသည် အိန္ဒိယနိုင်ငံ၊ ကိုလ်းကတ္တားမြို့၏ အရှေ့-အရှေ့တောင်ဘက် မိုင်(၁၇၀)ခန့်၊ ဘင်္ဂလားဒေ့ရ်ှနိုင်ငံ၊ စစ်တကောင်းမြို့၏ အနောက်တောင်ဘက် မိုင်(၅၀)ခန့်၊ မြန်မာနိုင်ငံ၊ မောင်တောမြို့၏ အနောက်မြောက်ဘက် (၈၅)မိုင်ခန့်နှင့် စစ်တွေမြို့၏ အနောက်မြောက်ဘက် (၁၃၅)မိုင်ခန့်အကွာ ပင်လယ်ပြင်ကို ဗဟိုပြုနေပါသည်။

ဆိုင်ကလုန်းမုန်တိုင်း၏ လက်ရှိအခြေအနေမှာ လိမ္မော်ရောင်အဆင့်ရှိပြီး၊ ဘင်္ဂလားဒေ့ရ်ှနိုင်ငံတောင်ပိုင်းကမ်းခြေဒေသသို့ ဦးတည်၍ မြန်မာနိုင်ငံ ရခိုင်ကမ်းရိုးတန်း မြောက်ပိုင်းစွန်းဒေသအနီးမှ ရွေ့လျားနေသည့် အခြေအနေဖြစ်ပါသည်။

ဆိုင်ကလုန်းမုန်တိုင်း၏ တည်နေရာ၊ ဗဟိုချက်လေဖိအားနှင့် လေတိုက်နှုန်း

အဆိုပါ ဆိုင်ကလုန်းမုန်တိုင်းသည် မြန်မာစံတော်ချိန် (၁၀း၃၀)နာရီအချိန်တွင် မြောက်လတ္တီကျု (၂၁.၇)ဒီဂရီနှင့် အရှေ့လောင်ဂျီကျု (၉၁.၂)ဒီဂရီတွင်ရှိပြီး၊ ဗဟိုချက်လေဖိအား (၉၈၆)ဟက်တိုပါစကယ်နှင့် အမြင့်ဆုံးလေတိုက်နှုန်းမှာ တစ်နာရီလျှင် မိုင်(၅၀)နှုန်း ဖြစ်ပါသည်။

နောက်(၁၂)နာရီအတွင်းခန့်မှန်းချက်

အဆိုပါ ဆိုင်ကလုန်းမုန်တိုင်းသည် ယနေ့နံနက်မှ နောက်(၁၂)နာရီအတွင်း ဘင်္ဂလားဒေ့ရ်ှနိုင်ငံတောင်ပိုင်းကမ်း‌ခြေဒေသကို စစ်တကောင်းမြို့အနီးမှ ဖြတ်ကျော်ဝင်ရောက်ပြီး၊ အနောက်-အနောက်မြောက်ဘက်သို့ ဆက်လက်ရွေ့လျားကာ တဖြည်းဖြည်းအားလျော့ သွားမည်ဟု ခန့်မှန်းရပါသည်။

ဆိုင်ကလုန်းမုန်တိုင်းသည် ဘင်္ဂလားဒေ့ရ်ှနိုင်ငံတောင်ပိုင်းကမ်းခြေဒေသသို့ ဖြတ်ကျော်စဉ် မောင်တောခရိုင်ဒေသတွင် အမြင့်ဆုံးလေတိုက်နှုန်းမှာ တစ်နာရီလျှင် မိုင်(၆၀)မှ မိုင်(၈၀)အထိနှင့် စစ်တွေခရိုင်ဒေသတွင် အမြင့်ဆုံးလေတိုက်နှုန်းမှာ တစ်နာရီလျှင်မိုင် (၅၀)မှ မိုင်(၆၀)အထိတိုက်ခတ်နိုင်သည်ဟု ခန့်မှန်းရပါသည်။

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် မကြာခဏမိုးသက် လေပြင်းများကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင်(၅၀)မှ မိုင်(၆၀)အထိ တိုက်ခတ်နိုင်ပါသည်။

ဆိုင်ကလုန်းမုန်တိုင်းသည် ဘင်္ဂလားဒေ့ရ်ှနိုင်ငံတောင်ပိုင်းကမ်းခြေဒေသသို့ ဖြတ်ကျော်စဉ် မုန်တိုင်းဒီရေ အမြင့်ဆုံးမှာ မောင်တောခရိုင်ကမ်းခြေဒေသတွင် (၈)ပေမှ (၁၀)ပေ ခန့်အထိနှင့် စစ်တွေခရိုင်ကမ်းခြေဒေသတွင် (၆)ပေမှ (၈)ပေခန့်အထိ မြင့်တက်လာနိုင်ကြောင်းခန့်မှန်းရပါသည်။


သတိပေးနှိုးဆော်ချက်

အဆိုပါ ဆိုင်ကလုန်း မုန်တိုင်း၏ အရှိန်ကြောင့် စစ်ကိုင်းတိုင်း ဒေသကြီး အောက်ပိုင်း၊ မကွေးတိုင်း ဒေသကြီး၊ ပဲခူးတိုင်း ဒေသကြီး၊ ရန်ကုန်တိုင်း ဒေသကြီး၊ ဧရာဝတီတိုင်း ဒေသကြီး၊ ချင်းပြည်နယ်နှင့် ရခိုင်ပြည်နယ်တို့တွင် နေရာအနှံ့အပြား မိုးထစ်ချုန်း ရွာပြီး၊ ဒေသအလိုက်မိုးကြီးခြင်း၊ လေပြင်း တိုက်ခတ်ခြင်း၊ ရုတ်တရက်ရေကြီးခြင်းနှင့် မြေပြိုခြင်းများ ဖြစ်ပေါ်နိုင်ပါသည်။

စစ်ကိုင်းတိုင်းဒေသကြီးအထက်ပိုင်း၊ မန္တလေးတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ နေရာကွက်၍ မိုးကြီးခြင်း၊ လေပြင်းတိုက်ခတ်ခြင်း၊ ရုတ်တရက်ရေကြီးခြင်းနှင့် မြေပြိုခြင်းများဖြစ်ပေါ်နိုင်ပါသည်။

အကြံပြုချက်

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ရှိ ကမ်းနီး၊ ကမ်းဝေးငါးဖမ်းရေယာဉ်များ၊ သင်္ဘောများအနေဖြင့် အထူးရှောင်ရှားကြရန် အကြံပြုအပ်ပါသည်။

(၃၀.၇.၂၀၁၅)ခုနှစ်၊ နံနက် (၁၁း၃၀)နာရီ

မိုးလေဝသနှင့်ဇလဗေဒညွှန်ကြားမှုဦးစီးဌာန
https://www.facebook.com/dmhmoezalanaypyitaw

လေယာဉ်အပိုင်းစတွေ့ ပျောက်ဆုံးတဲ့ မလေးလေယာဉ်လို့ထင်

La Reunion ကျွန်းပေါ်မှာ တွေ့ရတဲ့ လေယာဉ် အပိုင်းအစ (Credit: AFP) 
  အာဖရိကတိုက်နဲ့ ​နီးတဲ့ ​La ​Reunion ​ကျွန်းပေါ်ကို ​လေယာဉ် ​အပိုင်းအစ ​လှိုင်းနဲ့အတူ ​ပါလာရင် ​သောင်တင်နေရာက ​ဒါဟာ ​ပျောက်ဆုံးနေတဲ့ ​မလေးရှား ​လေယာဉ် ​MH370 ​ရဲ့ ​အပိုင်းအစ ​ဖြစ်မယ်လို့ ​ယူဆနေကြပါတယ်။

အဲဒီလေယာဉ်ရဲ့ ​အပိုင်းအစဟာ ​၂ ​မီတာလောက် ​ရှည်လျားပြီး ​လေယာဉ်တောင်ပံရဲ့ ​အစိတ်အပိုင်းဖြစ်မယ်လို့ ​ယူဆနေကြပါတယ်။

La ​Reunion ​ကျွန်းဟာ ​Madagascar ​ကျွန်းအနားမှာ ​တည်ရှိပါတယ်။

ကျွန်းပေါ်ကလူတွေက ​ကမ်းခြေတလျှောက်မှာ ​သန့်ရှင်းရေးလုပ်တုန်း ​လေယာဉ် ​အစိတ်အပိုင်း ​တစ်ခုကို ​တွေ့ခဲ့တာပါ။

အဲဒီ ​အပိုင်းအစပေါ်မှာ ​တခြားအရာတွေကပါ ​တွယ်ကပ်နေပြီဆိုတာကို ​ကြည်ြ့ခင်းအားဖြင့် ​ပယ်လယ်ထဲ ​အချိန်အကြာကြီး ​ရောက်ရှိနေတာလို့ ​သုံးသပ်နိုင်ကြောင်း ​မျက်မြင် ​သက်သေတစ်ဦးက ​ပြောပါတယ်။

ဒီကိစ္စနဲ့ ​ပတ်သက်ပြီး ​ပြင်သစ်နိုင်ငံ ​လေကြောာင်းလိုင်း ​အရာရှိတွေက ​စုံစမ်းမှု ​လုပ်သွားမှာ ​ဖြစ်ပါတယ်။

ဒီလေယာဉ် ​အပိုင်းအစက ​ဘယ်လေယာဉ် ​အပိုင်းအစ ​ဖြစ်နိုင်မလဲ။

မလေးရှားပိုင် ​MH370 ​လေယာဉ်က ​၂၀၁၄ ​ခုနှစ် ​မတ်လတုန်းက ​ကွာလာလမ်ပူကနေ ​ဘေကျင်းမြို့ကို ​အသွား ​ပျောက်ဆုံးနေတာ ​ဖြစ်ပါတယ်။

အီသီယိုးပီးယား ​လေကြောင်းပိုင် ​961 ​လေယာဉ်ဟာလည်း ​၁၉၉၆ ​ခုနှစ်တုန်းက ​သြစတြေးလျနိုင်ငံမှာ ​ခိုလှုံခွင့်တောင်းတဲ့ ​အီသီယိုးပီးယား ​နိုင်ငံသား ​သုံးယောက်ရဲ့ ​ပြန်ပေးဆွဲမှုကြောင့် ​အိန္ဒိယ ​သမုဒ္ဒရာထဲ ​ထိုးကျပြီး ​လူပေါင်း ​၁၇၅ ​ယောက်ထဲက ​၁၂၅ ​ယောက် ​သေဆုံးခဲ့ရပါတယ်။

တောင်အာဖရိကပိုင် ​၂၉၅ ​လေယာဉ်ဟာလည်း ​၁၉၈၇ ​ခုနှစ်တုန်းက ​အိန္ဒိယ ​သမုဒ္ဒရာထဲ ​ထိုးကျသွားခဲ့ဖူးပါတယ်။
ဒီလေယာဉ်အပိုင်းအစက ​ဘယ်လေယာဉ်ရဲ့ ​အပိုင်းအစ ​ဖြစ်မလဲဆိုတာကို ​သိနိုင်ဖို့ ​မလေးရှားကလည်း ​ကိုယ်စားလှယ်တွေကို ​စေလွှတ်ပြီး ​စစ်ဆေးမှာ ​ဖြစ်တယ်လို့ ​သိရပါတယ်။

တချို့လူတွေကတော့ ​လေယာဉ် ​အစိတ်အပိုင်းတောင် ​ဟုတ်ရဲ့လားဆိုတာ ​စောင့်ကြည့်ရဦးမယ်လို့ ​ပြောဆိုနေကြပါတယ်။

ABC Radio Australia
http://www.radioaustralia.net.au/burmese
 

မုန်တိုင်းငယ်မှာ ဆိုင်ကလုန်အဖြစ်သို့ ရောက်ရှိသွားပြီ ဖြစ်သဖြင့် Komen အမည်ပေး


ရန်ကုန်၊ ဇူလှိုင် ၃၀

ဘင်္ဂလာပင်လယ်အော်တွင် ဖြစ်ပေါ်နေသော မုန်တိုင်းငယ်မှာ အင်အားပြင်း ဆိုင်ကလုန်မုန်တိုင်း အဖြစ်သို့ ရောက်ရှိသွားပြီ ဖြစ်သဖြင့် ယခုအခါ ယင်းဆိုင်ကလုန် မုန်တိုင်းအား Komen ဟု အမည်ပေးလိုက်ပြီဟု ဘင်္ဂလာဒေ့ရှ် မိုးလေ၀သနှင့် ဇလ ဗေဒမှ ကြေငြာသည်။

ယင်းမုန်တိုင်းငယ်သည် တဖြည်းဖြည်း အင်အားကောင်းသော ဆိုင်ကလုန်မုန်တိုင်း အဖြစ်သို့ ရောက်ရှိသွားပြီး မုန်တိုင်း အန္တရယ် သတိပေး အဆင့် (၇) ကို သတ်မှတ်လိုက်ပြီဟု သိရသည်။

ယင်းမုန်တိုင်းသည် ယနေ့ ကြာသပတေး နေ့လယ်ပိုင်းတွင် ဘင်္ဂလာဒေ့ရှ် နိုင်ငံ အရှေ့တောင်ဘက် စစ်တကောင်းမြို့နှင့် ဘာရာဆဲလ် မြို့အကြား ဖြတ်ကျော်ဝင်ရောက် တိုက်ခတ်နိုင်သည်ဟု ဘင်္ဂလာဒေ့ရှ် မိုးလေ၀သနှင့် ဇလ ဗေဒ တာဝန်ရှိသူများက ခန့်မှန်းထားကြသည်။

ဘင်္ဂလာဒေ့ရှ် မိုးလေ၀သနှင့် ဇလ ဗေဒ၏ ထုတ်ဖော်ပြောကြားချက်အရ ယင်းမုန်တိုင်းသည် ယခုအခါ စစ်တကောင်းမြို့ အနောက်တောင်ဘက် ကီလိုမီတာ ၁၁၀ အကွာတွင် ဗဟိုပြုတည်ရှိနေပြီး ကော့စ်ဘဇား (ဖလောင်းချိတ်)၏ အနောက်- အနောက်မြောက်ဘက် ၁၀၅ ကီလိုမီတာ အကွာတွင် တည်ရှိနေသည်ဟု သိရသည်။

မုန်တိုင်းသည် ကုန်းတွင်းပိုင်းကို ဖြတ်ကျော် ၀င်ရောက် တိုက်ခတ်စဉ် တစ်နာရီကို ၆၂ နှင့် ၈၈ ကီလိုမီတာ အကြား တိုက်ခတ်နိုင်သည်ခန့်မှန်းထားသည်။

မြန်မာနိုင်ငံ မိုးလေ၀သနှင့် ဇလဗေဒ ကျေညာချက်အရ မုန်တိုင်းမှာ ယခုအခါ စစ်တွေမြို့၏ အနောက်ဘက် မိုင် ၁၁၀ အကွာတွင်လည်းကောင်း၊ မောင်တောမြို့ အနောက်တောင်ဘက် ၆၅ မိုင် အကွာတွင် ဗဟို ပြုနေသည်ဟု ဆိုသည်။

Arakan State
https://www.facebook.com/NarinjaraNews

ဗြိတိန်ဝန်ကြီး Hugo Swire မြန်မာခရီးစဉ်

ဗြိတိန်နိုင်ငံခြားရေးနဲ့ ဓနသဟာရရုံး ၀န်ကြီး Hugo Swire - မြန်မာအစိုးရတာဝန်ရှိသူတွေနဲ့ တွေ့ဆုံ (ဓာတ်ပုံ - MOI)
 ဗြိတိန်နိုင်ငံခြားရေးနဲ့ ဓနသဟာရရုံး ၀န်ကြီး Hugo Swire ဟာ အရှေ့တောင်အာရှနဲ့ ဗြိတိန်ကြား ဆက်ဆံရေးတိုးမြှင့်တဲ့ ခရီးစဉ် တစိတ်တပိုင်းအဖြစ် မြန်မာနိုင်ငံကို ရောက်ရှိခဲ့ပြီး တနင်္ဂနွေနဲ့ တနင်္လာနေ့က ရခိုင်ပြည်နယ်ကို သွားရောက်ခဲ့ပါတယ်။

အဲဒီမှာ မူဆလင်နဲ့ ဗုဒ္ဓဘာသာဝင် ဒုက္ခသည်စခန်းတွေကို သွားရောက်ကြည့်ရှုခဲ့သလို၊ နှစ်ဖက် လူမှုအသိုင်းအ၀ိုင်း ခေါင်းဆောင်တွေ၊ ပြည်နယ်အစိုးရနဲ့ တွေ့ဆုံပြီး လက်ရှိနိုင်ငံရေးနဲ့ လူသားချင်းစာနာမှု အကူအညီ အခြေအနေတွေနဲ့ ပတ်သက်ပြီး ဆွေးနွေးခဲ့ပါတယ်။

ရခိုင်ပြည်နယ် အရေးပေါ်အခြေအနေတွေအတွက်  ဗြိတိန်နိုင်ငံအနေနဲ့ ၂၀၁၂ ခုနှစ်ကတည်းက စတင်ပြီး ထောက်ပံ့ကူညီလာရာမှာ ဒီနှစ်အတွက် စတာလင်ပေါင်း ၆ သန်းကျော် အပါအ၀င် စုစုပေါင်း စတာလင်ပေါင် ၁၈ သန်းကျော်ထိ ကူညီခဲ့တယ်လို့ ၀န်ကြီး Swire က ပြောပါတယ်။ ဒါအပြင် ဗြိတိန်ဟာ ရခိုင်ပြည်နယ်ကို လူသားချင်းစာနာမှု အများဆုံးပေးနေတဲ့ နိုင်ငံတွေထဲမှာ ပါဝင်နေတယ်ဆိုတာ ခရီးစဉ်အတွင်း သူကိုယ်တိုင် မြင်ခဲ့ကြောင်း ပြောပါတယ်။

Mr. Swire ရဲ့ ခရီးစဉ်အတွင်း ရခိုင်ပြည်နယ် ၀န်ကြီးချုပ် ဦးမောင်မောင်အုန်း၊ ကုလသမဂ္ဂ အဖွဲ့အစည်းတွေ အပါအ၀င် ရွှေစေတီဘုန်းကြီးကျောင်းရဲ့ ကျောင်းထိုင်ဆရာတော်နဲ့လည်း တွေ့ဆုံခဲ့ပါတယ်။

တနင်္လာနေ့မှာ အတိုက်အခံခေါင်းဆောင် ဒေါ်အောင်ဆန်းစုကြည်နဲ့ သူရဲ့ ရန်ကုန်နေအိမ်မှာ တွေ့ဆုံပြီး မကြာခင်ကျင်းပတော့မယ့် ရွေးကောက်ပွဲနဲ့ပတ်သက်လို့ ၀န်ကြီး Swire ဆွေးနွေးခဲ့ပါတယ်။ ဒါအပြင် မြန်မာစီးပွားရေး လုပ်ငန်းရှင်တွေနဲ့လည်း တွေ့ဆုံခဲ့ပါတယ်။

အင်္ဂါနေ့မှာတော့ Mr. Swire ဟာ နေပြည်တော်မှာ ပြည်ထောင်စုဝန်ကြီး ဦးအောင်မင်းနဲ့ ဘဏ္ဍာရေးဝန်ကြီး ဦးဝင်းရှိန် အပါအ၀င် အစိုးရအဆင့်မြင့်ခေါင်းဆောင်တွေနဲ့ တွေ့ဆုံခဲ့ပါတယ်။

နိုဝင်ဘာလ ၈ ရက်နေ့မှာ ကျင်းပမယ့်ရွေးကောက်ပွဲဟာ ယုံကြည်စိတ်ချရပြီး၊ အားလုံးပါဝင်ဖို့လိုကြောင်း ၀န်ကြီး Swire က ပြောပါတယ်။ ဗြိတိန်နိုင်ငံအနေနဲ့ ပြည်ထောင်စ ရွေးကောက်ပွဲကော်မရှင်ကို အကူအညီပေးနေသလို ပြည်တွင်းရွေးကောက်ပွဲ စောင့်ကြည့်သူတွေကိုလည်း သင်တန်းတွေပေးနေတယ်လို့ ဆိုပါတယ်။

Hugo Swire အနေနဲ့ သူရဲ့ တတိယမြောက် မြန်မာနိုင်ငံခရီးစဉ်အတွင်း  ငြိမ်းချမ်းရေးရဖို့ ဆောင်ရွက်ချက်တွေနဲ့ ဖွဲ့စည်းပုံအခြေခံဥပဒေ ပြင်ဆင်ရေး အပါအ၀င် ဒီမိုကရေစီ ပြုပြင်ပြောင်းလဲရေးနဲ့ ပတ်သက်တဲ့ တိုးတက်မှုအခြေအနေတွေကို အဓိကထား ဆွေးနွေးခဲ့တယ်လို့ ဗြိတိန်အစိုးရရဲ့ အင်္ဂါနေ့က ထုတ်ပြန်ချက်မှာ ဖေါ်ပြထားပါတယ်။

ဗြိတိန်အခြေစိုက် မြန်မာ့အရေးလှုပ်ရှားနေတဲ့ Burma Campaign UK ကတော့ ၀န်ကြီး Swire အနေနဲ့ မြန်မာနိုင်ငံမှာ လူ့အခွင့်အရေး အခြေအနေထက် စီးပွားရေးဆက်ဆံမှုကို ပိုဦးစားပေးကြောင်း ဗြိတိန်လွှတ်တော်မှာ ဝေဖန်ခံခဲ့ရတဲ့အတွက်ကြောင့် အခုလို မြန်မာနိုင်ငံကို တတိယအကြိမ်မြောက် သွားရောက်ခဲ့တာ ဖြစ်တယ်လို့ သုံးသပ်ပါတယ်။

ဗွီအိုအေ (မြန်မာပိုင်း)
http://burmese.voanews.com
 

လူသားချင်းစာနာမှုလေ့လာဖို့ Angelina Jolie ရခိုင်နဲ့ ကချင်ပြည်နယ်သွားမည်

Angelina Jolie ရဲ့ မြန်မာနိုင်ငံခရီးစဉ် 29-07-2015 (ဓာတ်ပုံ-MOI)
 မြန်မာနိုင်ငံကို ရောက်ရှိနေတဲ့ ကုလသမဂ္ဂ မဟာမင်းကြီးရုံး UNHCR ရဲ့ အထူးသံတမန် နာမည်ကျော် ဟောလီးဝုဒ် ရုပ်ရှင်မင်းသမီး Angelina Jolie ရဲ့ မြန်မာနိုင်ငံခရီးစဉ်ကြောင့် ပဋိပက္ခဖြစ်နေတဲ့ တိုင်းရင်းသားဒေသတွေမှာ စစ်ကြောင့် အကြမ်းဖက်ခံရတဲ့ အမျိုးသမီးတွေရဲ့ အခြေအနေတွေ၊ လူမျိုးရေးခွဲခြားမှုကြောင့် အိုးအိမ်စွန့်ခွာထွက်ပြေးနေရသူတွေရဲ့ အခြေအနေတွေကို နိုင်ငံတကာက ပိုပြီးသိလာမယ်လို့ မျှော်လင့်ကြောင်း လူ့အခွင့်အရေးလှုပ်ရှားတဲ့အဖွဲ့တွေက ပြောပါတယ်။

ကချင်နဲ့ ရခိုင်ဒေသက ဒုက္ခသည်စခန်းတွေကို သွားရောက် ကြည့်ရှုဖို့အတွက် အစီအစဉ်ရှိသလို၊ လူထုအခြေပြု အဖွဲ့အစည်းတွေနဲ့လည်း Jolie က တွေ့ဆုံဖို့ရှိပါတယ်။ မအင်ကြင်းနိုင်က အပြည့်အစုံ တင်ပြထားပါတယ်။

လေးရက်ကြာခရီးစဉ်အဖြစ် မြန်မာနိုင်ငံကိုရောက်ရှိနေတဲ့ နာမည်ကျော် ဟောလီးဝုဒ်မင်းသမီး Angelina Jolie ဟာ နိုင်ငံတကာက ဒုက္ခသည်အရေး အပါအ၀င် ပဋိပက္ခဖြစ်ပွားနေတဲ့ နေရာတွေက လိင်ပိုင်းဆိုင်ရာအကြမ်းဖက်ခံရတဲ့ အမျိုးသမီးတွေအရေး ကမ္ဘာသိအောင် လှုပ်ရှားဆောင်ရွက်နေသူဖြစ်ပါတယ်။

ဒါကြောင့် သူရဲ့ခရီးစဉ်အတွင်း မြန်မာနိုင်ငံက လူ့အခွင့်အရေး ချိုးဖောက်မှုတွေနဲ့ ပတ်သက်လို့ မြန်မာအစိုးရခေါင်းဆောင်တွေကို မေးခွန်းထုတ်သွားမှာ ဖြစ်တယ်လို့ နယူးရောက်အခြေစိုက် HRW လူ့အခွင့်အရေးစောင့်ကြည့်ရေးအဖွဲ့ အာရှရေးရာတာဝန်ခံ Brad Adams က ဗွီအိုအေကို ပြောပါတယ်။

“Angelina Jolie ဟာ အခြား ဟောလီးဝုဒ်က နာမည်ကျော်ရုပ်ရှင်မင်းသား၊ မင်းသမီးတွေနဲ့ မတူပါဘူး။ နိုင်ငံတကာကို ခရီးလှည့်လည်ပြီး လူ့အခွင့်အရေးကိစ္စ အထူးသဖြင့် ဒုက္ခသည်တွေရဲ့ အခွင့်အရေးတွေအတွက် အကျိုးရှိရှိ ထိရောက်အောင် ဆောင်ရွက်နေတာပါ။ ဒီမြန်မာခရီးစဉ်ကိုလည်း သူဟာ အသေအချာကို စီစဉ်ထားတာပါ။ မြန်မာအစိုးရဘက်ကလည်း ဒီအတွက် အဆင့်သင့်ဖြစ်နေသင့်ပါတယ်။ လက်ရှိ မြန်မာနိုင်ငံမှာ ဖြစ်နေတဲ့ လူ့အခွင့်အရေး ချိူးဖောက်မှုတွေကို Jolie အနေနဲ့ လိမ္မာပါးနပ်စွာ မေးခွန်းထုတ်မှာ ဖြစ်ပါတယ်။ ဒီအတွက် အစိုးရနဲ့ တာဝန်ရှိသူတွေဟာ မဖြစ်မနေ အဖြေပေးဖို့ လိုအပ်မှာပါ။ ရိုဟင်ဂျာတွေအပေါ် ကာလကြာမြင့်စွာ ဖိနှိပ်မှုတွေ၊ ရခိုင်ပြည်နယ်က ဒုက္ခသည်စခန်းတွေ၊ နိုင်ငံရေးအကျဉ်းသား အရေအတွက် တိုးလာတာတွေ၊ အိုးအိမ်စွန့်ခွာ ထွက်ပြေးနေကြသူတွေရဲ့ ဒုက္ခသည်စခန်းတွေ၊ ငြိမ်းချမ်းရေး သဘောတူညီချက် မရနိုင်သေးတာ စတာတွေဟာ ရွေးကောက်ပွဲမတိုင်ခင်မှာ ဖြစ်နေတဲ့ အခြေအနေပါ။ မြန်မာနိုင်ငံကို ရောက်နေတဲ့ Angelina Jolie ရဲ့ စကားတွေနဲ့ ခြေလှမ်းတိုင်းကို ကမ္ဘာ့သတင်းမီဒီယာတွေ စောင့်ကြည့်နေတဲ့ အခုလိုအချိန်မှာ ဒီအခြေအနေတွေနဲ့ ပတ်သက်တဲ့ မေးခွန်းတွေကို အစိုးရအနေနဲ့ မဖြစ်မနေ တုံ့ပြန်ဖြေဆိုရာမှာ ဖြစ်ပါတယ်။”

UNHCR ရဲ့ အထူးသံတမန်အနေနဲ့ လာတဲ့ ခရီးစဉ်အတွင်း ရခိုင်နဲ့ ကချင်ပြည်နယ်က ဒုက္ခသည်စခန်းတချို့ သွားရောက်ကြည့်ရှုပြီး ဒုက္ခသည်တွေရဲ့ စိုးရိမ်ချက်တွေနဲ့ မျှော်လင့်ချက်တွေကို မေးမြန်းနားထောင်ဖို့ ရှိတယ်လို့ မနေ့က ထုတ်ပြန်တဲ့ Angelina Jolie ရဲ့ ကြေညာချက်မှာ ဖေါ်ပြထားပါတယ်။ ဒါ့အပြင် အမျိုးသမီးအဖွဲ့တွေ၊ အရပ်ဖက် လူမှုအဖွဲ့အစည်းတွေ၊ လူငယ်အဖွဲ့အစည်းတွေနဲ့ တွေ့ဆုံဖို့ ရှိပါတယ်။ Angelina Jolie ရဲ့ ခရီးစဉ်ကြောင့် မြန်မာနိုင်ငံရဲ့ အခြေအနေတွေကို ကမ္ဘာက ပိုပြီး သိရှိနားလည်လာဖို့ မျှော်လင့်ကြောင်း သူနဲ့တွေဆုံဖို့ ဖိတ်ကြားခံထားရတဲ့ Women Peace Network Arakan ရဲ့ ညွန်ကြားရေးမှူး မဝေေ၀နုက ဗွီအိုအေကို ပြောပါတယ်။

“သူလာချင်းအားဖြင့် ဒီ attention ပေါ့နော် ကျမတို့ လောလောဆယ် ရွေးကောက်ပွဲရှိတယ်။ ဒါပေမဲ့လည်း ပြဿနာတွေလည်း အများကြီး ရှိနေတယ်။ အမျိုးသမီးတွေ အကြမ်းဖက်ခံရမှုတွေ၊ ခွဲခြားမှုတွေ ဒါမျိုးတွေလည်း အများကြီး ရှိနေတဲ့အခါကျတော့ မြန်မာပြည်အပေါ်မှာ attention အရမ်းကို များသွားမယ်ပေါ့နော်။ ရခိုင်ပြည်နယ်ဘက် သွားတဲ့အခါကျရင် သူကိုယ်တိုင်ကိုယ်ကျ မြင်သွားပြီဆိုရင် ပိုပြီးတော့ ဒီအတွက်လည်း သူ့အနေနဲ့ တစုံတရာတော့ message ကျမတို့အစိုးရကို ပေးနိုင်တယ် ဆိုလို့ရှိရင် ဒါ အရမ်းကောင်းတယ်ပေါ့နော်။”

အလားတူ Angelina Jolie အနေနဲ့ ကချင်ပြည်နယ်က ဒုက္ခသည်စခန်းတွေကို သွားရောက်ကြည့်ရှုခြင်းအားဖြင့် စစ်ကြောင့် ကချင်အမျိုးသမီးတွေ ရင်ဆိုင်နေရတဲ့ အကြမ်းဖက်မှုတွေ၊ ဒုက္ခအခြေအနေတွေကို နိုင်ငံတကာသိအောင် ဆောင်ရွက်ပေးနိုင်လိမ့်မယ်လို့ မြင်ကြောင်း ကချင်ငြိမ်းချမ်းရေးကွန်ယက်ရဲ့ ညှိုနှိုင်းရေးမှူး ခွန်ဂျာက ပြောပါတယ်။

“အခုအချိန်မှာ ကချင်ဒေသကိုလည်း သူ ကြွရောက်လာမယ်ဆိုတော့ ကျမတို့အနေနဲ့ အင်မတန်မှ  ၀မ်းသာပါတယ်ရှင့်။ နံပါတ်တစ်ကတော့ ကျမတို့ ဒီဒုက္ခသည်စခန်းတွေထဲမှာ ဒုက္ခသည်များဟာ နိုင်ငံတကာ စံချိန်စံညွှန်းနဲ့ လုံးဝကို မကိုက်ညီဘဲနဲ့ ဒုက္ခဆင်းရဲခံနေရတယ်ပေါ့လေ။ အခုခေတ်အမျိုးသမီးများဟာ ပြည်တွင်းစစ်ကာလအတွင်း အထူးသဖြင့် လွန်ခဲ့တဲ့ ၄ နှစ်ကျော်ကာလအတွင်းမှာ အနိုင်ကျင့်ခြင်းခံရတယ်ပေါ့။ မြန်မာ့တပ်မတော်ရဲ့ လက်ချက်ကြောင့်ပေ့ါလေ။ ဒီအခြေအနေမှာ Angelina Jolie ရောက်လာခြင်းအားဖြင့် အမျိုးသမီးများရဲ့ ကိစ္စတွေကို ပိုပြီးတော့မှ နိုင်ငံတကာက သိရှိအောင် စွမ်းဆောင်ပေးနိုင်မယ်လို့ ယူဆတယ်ရှင့်။”

မနေ့က မြန်မာနိုင်ငံကို ရောက်ရှိလာတဲ့ Angelina Jolie ဟာ နေပြည်တော်မှာ သမ္မတဦးသိန်းစိန် အပါအ၀င် ပြည်ထောင်စု လွှတ်တော်နာယက သူရဦးရွှေမန်းနဲ့ အစိုးရထိပ်ပိုင်း ခေါင်းဆောင်တွေနဲ့ တွေ့ဆုံခဲ့ပါတယ်။ ဒါအပြင် သူရဲ့ခရီးစဉ်အတွင်း အတိုက်အခံခေါင်းဆောင် နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်နဲ့လည်း တွေ့ဆုံဖို့ရှိသလို မြန်မာအနုပညာရှင် တချို့နဲ့လည်း တွေ့ဆုံဖို့ရှိပါတယ်။ ၂၀၁၂ ခုနှစ်က Angelina Jolie ဟာ UNHCR ရဲ့ အထူးသံတမန်အနေနဲ့ ထိုင်းမြန်မာနယ်စပ်က  မြန်မာဒုက္ခသည်စခန်းတွေကို သွားရောက်ကြည့်ရှုပြီးနောက် မြန်မာ့အရေးမှာ စတင်ဆောင်ရွက်လာတာ ဖြစ်ပါတယ်။

အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com

ရခိုင်ပြည်နယ်သို့ မုန်တိုင်း စတင်ဝင်ရောက်၊ အဆောက်အဦးများစွာပျက်စီး


 ဇူလှိုင်လ ၃၀

 မြန်မာ- ဘင်္ဂလာဒေ့ရှ့် အနီး ရခိုင်ပြည်နယ်ဘက်ခြမ်းတွင် မုန်တိုင်း စတင် ၀င်ရောက်တိုက်ခတ်နေရာ အဆောက်အဦးများ၊ အိမ်များ၊ သစ်ပင်များ ပြိုလဲ ပျက်စီးသွားပြီ ဖြစ်ကြောင်း သိရသည်။

“ အခု ရသေ့တောင်မြို့နယ် စေတီပြင်ရွာက နယ်စပ်လုံခြုံရေးတပ်စခန်းထဲက မိသားစုနေထိုင်တဲ့ လိုင်းတန်း (၂) ခု လုံးဝ ပိလဲပြိုကျသွားပါပြီ။ ပီးရင် အထက်တန်းကျောင်းတွေ ခေါင်မိုးတွေ၊ နံရံတွေလည်း လွှင့်ပါ ပျက်စီးကုန်ပါပြီ။ ရွာထဲမှာ အိမ်တွေ အတော်တော်များများလည်း ပျက်စီးကုန်ပါပြီ” ဟု ဒေသခံ တစ်ဦးက ယနေ့ နံနက် ၈ နာရီက နိရဉ္စရာသို့ ဖုန်းဆက်ပြောကြားသည်။

ယင်းပြင် လမ်းတစ်လျှောက်တွင် သစ်ပင်များ ဆက်တိုက်ပြိုလဲကျနေပြီး ကျေးရွာအများအပြားတွင် လေမုန်တိုင်း ဒဏ်ကို ခံနေကြရသည်ဟု ဆိုသည်။ ယမန်နေ့က ည နေ ၉ နာရီမှ စတင်ကာ ယခုအချိန်ထိ မုန်တိုင်း တိုက်ခတ်နေဆဲ ဖြစ်သည်ဟု သူက ပြောဆိုသည်။

လက်ရှိ ရရှိသော သတင်းအရ စစ်တွေမြို့နယ် အနောက်ဘက် ပင်လယ်ကမ်းခြေ တစ်လျှောက်နှင့် ရသေ့တောင်မြို့နယ် တောင်ပိုင်း အငှုမော်၊ ဆင်ပိုက်၊ ဒုံးပိုက်နှင့် မောင်တောမြို့နယ်တောင်ပိုင်း အင်းဒင်၊ သင်္ဘောကွေ့ ကျေးရွာတို့တွင် အခြေအနေ မှာ အလွန်ဆိုးရွားနေသည်ဟု သတင်း ရရှိသည်။

ယခု မုန်တိုင်း တိုက်ခတ်နှုန်းမှာ တစ်နာရီ ၇၀ မိုင်နှုန်းခန့် ရှိနိုင်သည်ဟု ဒေသ အာဏာပိုင် တစ်ဦးက ခန့်မှန်း ပြောဆိုသည်။

Arakan State
https://www.facebook.com/NarinjaraNews

ဗိုလ်မှူး ဆန်းအောင်တို့ အဖွဲ့ကို DKBA က တိုက်လို့ ထွက်ပြေးခဲ့ရ

အမိန့် မနာခံမှုနဲ့ ဗိုလ်မှူး စောဆန်းအောင်ကို DKBA ကလိုထူးဘော ဌာနချုပ်က ထုတ်ပယ်ထား 
DKBA ကလိုထူးဘော ဌာနချုပ်ကနေ ထုတ်ပယ်ခြင်း ခံထားရတဲ့ ဗိုလ်မှူး စောဆန်းအောင်နဲ့ ဗိုလ်မှူး ကျော်သက်တို့ရဲ့ တပ်ဖွဲ့တွေကို အစိုးရ တပ်တွေနဲ့ အစိုးရနဲ့ ငြိမ်းချမ်းရေး ယူထားတဲ့ ကရင် လက်နက်ကိုင် ပူးပေါင်း တပ်တွေက ပိတ်ဆို့ တိုက်ခိုက်ခဲ့တဲ့အတွက် ကော့ကရိတ်ဒေသမှာ လှုပ်ရှားနေတဲ့ ဗိုလ်မှူး ဆန်းအောင်နဲ့ ဗိုလ်မှူး ကျော်သက်တို့ နှစ်ဖွဲ့ခွဲပြီး ဆုတ်ခဲ့ ရပါတယ်။

ဗိုလ်မှူး ကျော်သက်အဖွဲ့က ကော့ကရိတ်မြောက်ဘက် မြိုင်ကြီးငူဘက်ကို လွတ်မြောက်သွားပေမယ့် တောင်ဘက်အခြမ်းက DKBA ကလိုထူးဘောရဲ့ ဌာနချုပ် ဆုံဆည်းမြိုင်ဘက် ကို ဆုတ်သွားတဲ့ ဗိုလ်မှူး စောဆန်းအောင် တို့ကိုတော့ DKBA ဌာနချုပ်က ပစ်ခတ် တိုက်ခိုက်ခဲ့တဲ့အတွက် အဲဒီနေရာ ကနေ ထပ်ဆုတ်ခွာခဲ့ရပြီး တပ်ဖွဲ့ဝင် အတော်များများ လက်နက်ချခဲ့ရပါတယ်။

ဗိုလ်မှူး ဆန်းအောင်ရဲ့ တပ်ဖွဲ့ဝင်တဦး ကျဆုံးခဲ့ပြီး သူ့အမျိုးသားတွေ အကျအဆုံး ရှိမှာ စိုးတဲ့အတွက် ခုခံမတိုက်ဘဲ အတတ်နိုင်ဆုံး ရှောင်ကွင်း ခဲ့တယ်လို့ ဗိုလ်မှူး ဆန်းအောင်က ဘီဘီစီကို ပြောပါတယ်။

ဇူလိုင် ၂၈ ရက်နေ့စွဲနဲ့ အစိုးရထုတ် သတင်းတွေ မှာတော့ စောဆန်းအောင် အဖွဲ့က စောဘိကြည် ခေါင်းဆောင်တဲ့ တပ်ဖွဲ့ဝင် ၅၈ ဦးဟာ လက်နက်မျိုးစုံနဲ့ ကရင်ပြည်နယ်၊ ကြာအင်းဆိပ်ကြီး မြို့နယ်၊ ထီးဟူသံရွာက BGF နယ်ခြားစောင့်တပ်ဆီမှာ လက်နက်ချ အလင်းဝင်တယ်လို့ ဖေါ်ပြခဲ့ပါတယ်။

BBC Burmese
http://www.bbc.com/burmese

အကျဉ်းသား/အကျဉ်းသူ ၆၉၆၆ ဦးတို့အား ပြစ်ဒဏ်လွတ်ငြိမ်း ချမ်းသာခွင့်များပေး


 လူသားချင်း စာနာထောက်ထားမှုများဖြင့် အကျဉ်းသား/အကျဉ်းသူ ၆၉၆၆ ဦးတို့အား ပြစ်ဒဏ်လွတ်ငြိမ်း ချမ်းသာခွင့်များပေး

နေပြည်တော်၊ ဇူလိုင် ၃၀ ရက်

ပြည်ထောင်စု သမ္မတ မြန်မာနိုင်ငံတော်၊ နိုင်ငံတော်သမ္မတသည် ဖွဲ့စည်းပုံ အခြေခံဥပဒေ ပုဒ်မ ၂၀၄ ပုဒ်မခွဲ (က) နှင့်အညီ အကျဉ်းထောင်အသီးသီးတွင် ထိုက်သင့်သော ပြစ်ဒဏ်များကျခံပြီးဖြစ်သည့်အပြင် အကျဉ်းထောင်ကျ ခံစဉ်ကာလအတွင်း စည်းကမ်းကောင်းမွန်သည့် အကျဉ်းသား/အကျဉ်းသူ ၆၉၆၆ ဦးတို့အား နိုင်ငံတော်တည်ငြိမ် ရေးနှင့် ထားရဝငြိမ်းချမ်း မှုဖော်ဆောင်ရေး အတွက်လည်းကောင်း၊ အမျိုးသားပြန်လည် စည်းလုံး ညီညွတ်ရေး အတွက်လည်းကောင်း နိုင်ငံရေးလုပ်ငန်းစဉ်များတွင် အားလုံးပါဝင်နိုင်ခွင့် ရရှိစေရေး အတွက်လည်းကောင်း၊ လူသားချင်းစာနာ ထောက်ထားမှုကို အလေးပေးသော အားဖြင့်လည်းကောင်း ၂၀၁၅ ခုနှစ်၊ ဇူလိုင်လ ၃၀ ရက် (မြန်မာသက္ကရ် ၁၃၇၇ ခုနှစ်၊ ဒုတိယဝါဆိုလဆန်း ၁၄ ရက်) နေ့တွင် ပြစ်ဒဏ်လွတ်ငြိမ်းခွင့်များပေးခဲ့ပါသည်။

အဆိုပါပြစ်ဒဏ်လွတ်ငြိမ်းခွင့်တွင် နိုင်ငံတော်၏ မေတ္တာနှင့် စေတနာကို နားလည်ကြပြီး နိုင်ငံတော်သစ် တည်ဆောက်ရေးတွင် တစ်ဖက်တစ်လမ်းမှ အထောက်အပံ့ဖြစ်စေသည့် နိုင်ငံသားများအဖြစ်သို့ ပြုပြင် ပြောင်းလဲ စေရေးအတွက် မြန်မာနိုင်ငံသားအကျဉ်းသား ၆၇၅၆ ဦးအား ပြစ်ဒဏ် လွတ်ငြိမ်းချမ်းသာခွင့်များနှင့် နှစ်နိုင်ငံချစ်ကြည်ရေး၊ နိုင်ငံအချင်းချင်း မိတ်ဝတ် မပျက် ဆက်ဆံရေးတို့ကို ရှေးရှုသောအားဖြင့် နိုင်ငံခြားသား အကျဉ်းသား ၂၁၀ ဦးအား ပြစ်ဒဏ်လွတ်ငြိမ်းချမ်းသာခွင့်များပေး၍ ပြည်နှင်ဒဏ်ပေးခြင်း တို့ပါဝင်ပြီး စုစုပေါင်း အကျဉ်းသား/အကျဉ်းသူ ၆၉၆၆ ဦးတို့အား ပြစ်ဒဏ်လွတ်ငြိမ်းချမ်းသာခွင့်များ ခွင့်ပြုပေးခဲ့ကြောင်း သတင်းရရှိသည်။

MOI Webportal Myanmar
https://www.facebook.com/MOIWebportalMyanmar

မြန်မာစစ်ဦးစီးချုပ်ကို အိန္ဒိယ ဘာကြောင့် ကော်ဇောနီခင်းကြိုဆို

ဗိုလ်ချုပ်မှူးကြီး မင်းအောင်လှိုင် ၂၀၁၂ အိန္ဒိယခရီးစဉ်မှာ တွေ့မြင်ရစဉ်
 အိန္ဒိယနိုင်ငံကို အလည်အပတ်ခရီး ရောက်နေတဲ့ မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် က ရေကြောင်းလုံခြုံရေး အပါအ၀င် ၂ နိုင်ငံကြား ကာကွယ်ရေးနဲ့ လုံခြုံရေးဆိုင်ရာ ပူးပေါင်း ဆောင်ရွက်မှုတွေ တိုးမြှင့်လိုကြောင်း ပြောကြားလိုက်တယ်လို့ သိရပါတယ်။ လက်ရှိခရီးစဉ်အတွင်း ကာကွယ်ရေးဦးစီးချုပ်ကို အိန္ဒိယက နွေးထွေးစွာ ကြိုဆိုမှုအပေါ် သုံးသပ်ချက်တွေ ထွက်ပေါ်ခဲ့ပါတယ်။ အကြောင်းစုံကို ဦးစံမိုးဝေ က တင်ပြထားပါတယ်။

ဗိုလ်ချုပ်မှူးကြီး မင်းအောင်လှိုင်ဟာ အိန္ဒိယ၀န်ကြီးချုပ် Narendra Modi အိန္ဒိယ ကာကွယ်ရေးဝန်ကြီး Manohar Parrikar ၊ အိန္ဒိယအမျိုးသားလုံခြုံရေး အကြံပေးပုဂ္ဂိုလ် Ajit Doval တို့နဲ့ နယူးဒေလီမြို့တော်မှာ ဗုဒ္ဓဟူးနေ့က တွေ့ဆုံခဲ့စဉ် အဲဒီလို ပြောကြားခဲ့တာ ဖြစ်တယ်လို့ အိန္ဒိယ၀န်ကြီးချုပ်ရုံးက ထုတ်ပြန်တဲ့ ကြေညာချက်မှာ ဖေါ်ပြထားပါတယ်။ အိန္ဒိယ ၀န်ကြီးချုပ် ကလည်း မြန်မာနိုင်ငံနဲ့ အိန္ဒိယနိုင်ငံတို့ကြား ကာကွယ်ရေး၊ လုံခြုံရေး၊ ကိစ္စရပ်တွေ အပါဝင် နှစ်နိုင်ငံ ဆက်ဆံရေးကို ကဏ္ဍတိုင်းမှာ ပိုမို အားပေးလုပ်ဆောင်လိုတဲ့ ဆန္ဒရှိပါတယ်လို့ ပြောကြားခဲ့ပါတယ်။

ဗိုလ်ချုပ်မှူးကြီးရဲ့ ခရီးစဉ်အတွင်း နှစ်ဘက်စစ်ရေး ပူးပေါင်းတိုးမြှင့်ဖို့နဲ့ နယ်စပ်လုံခြုံရေးဆိုင်ရာ စီမံခန့်ခွဲမှုတွေကို ပိုကောင်းမွန်အောင် လုပ်ဆောင်ဖို့တွေကို အဓိက ဆွေးနွေးကြမယ်လို့ အိန္ဒိယကာကွယ်ရေး သတင်းရပ်ကွက်က သိရပါတယ်။ ၂၀၁၂ ခုနှစ်နောက်ပိုင်း မြန်မာနဲ့ တရုတ်နိုင်ငံကြား ဆက်ဆံရေး ကျဆင်းလာပြီးနောက် မြန်မာ့တပ်မတော် အနေနဲ့ အိန္ဒိယကို ပိုပြီးတော့ မှီခိုအားထားလာပုံ ရတယ်လို့ စစ်ထောက်လှမ်းရေးအရာရှိ ဗိုလ်မှူးဟောင်း အောင်လင်းထွဋ် က သုံးသပ်ပါတယ်။

“ဧရာဝတီမြစ်ဆုံကိစ္စ ပြီးတဲ့နောက်ပိုင်းမှာ တရုတ်နဲ့မြန်မာရဲ့ ဆက်ဆံရေးဟာ နည်းနည်းကျဲလာတဲ့ သဘောရှိပါတယ်။ ဗိုလ်ချုပ်မှူးကြီးမင်းအောင်လှိုင်နဲ့ နောက်ပိုင်းမှာ တရုတ်နဲ့ ဆက်ဆံရေးဟာ မကောင်းခဲ့ပါဘူး။ မကောင်းတဲ့အခါမှာ တရုတ်ဘက်ကနေ ကျန်တဲ့ဒီထောက်ပံ့မှုပေါ့လေ၊ လက်နက်တို့ဘာတို့ မရတဲ့အပြင်မှာ အခုလက်ရှိ ကျနော်သိသလောက်ပေါ့လေ၊ တရုတ်က KIA တို့ ကျန်တဲ့ ကိုးကန့်တို့ကို တရုတ်က ထင်ထင်ပေါ်ပေါ် မထောက်ပံ့ပေမဲ့ လက်နက်မှောင်ခိုတွေ ရောင်းနေတယ်ဆိုတဲ့ အသုံးအနှုန်းမျိုးနဲ့ တရုတ်လက်နက်တွေက အဲဒီလူတွေလက်ထဲတွေကို တော်တော်များများ ရောက်ပါတယ်။ ဒါ တရုတ်ထောက်လှမ်းရေးသတင်းတွေအရ ဒီအတိုင်းပဲ သိရပါတယ်။ အဲဒီအပိုင်းမှာ ဒီဘက်က ဗိုလ်ချုပ်မှူးကြီး မင်းအောင်လှိုင်တို့ အနေနဲ့ ထုံးစံအတိုင်းပဲ တရုတ်နဲ့ အဆင်မပြေတဲ့အခါမှာ အိန္ဒိယကို ပြေးကပ်တဲ့ အနေအထားမျိုးရှိပါတယ်။”

မိုင်တစ်ထောင်ကျော် ကုန်းတွင်းနယ်နမိတ်ချင်း ထိစပ်နေတဲ့ အိန္ဒိယနဲ့ မြန်မာနယ်စပ်မှာ အခြေစိုက်ထားတဲ့ နာဂသူပုန်အဖွဲ့က ဇွန်လ ၄ ရက်နေ့တုန်းက ခြုံခိုတိုက်ခိုက်ခဲ့တာကြောင့် အိန္ဒိယတပ်ဖွဲ့ဝင် ၁၈ ဦး သေဆုံးခဲ့အပြီး အိန္ဒိယဘက်က အထူးတပ်ဖွဲ့ဝင် ၇၀ လောက်ဟာ မြန်မာနိုင်ငံဘက် အခြမ်းကို ဝင်ရောက်ပြီး နာဂ သူပုန်တွေရဲ့ စခန်းတွေကို ပြန်ပြီး တိုက်ခိုက်ခဲ့တယ်ဆိုတဲ့ သတင်းတွေ ထွက်ပေါ်ခဲ့တာပါ။ အဲဒီအဖြစ်အပျက်တွေ ဖြစ်ပြီးတဲ့နောက် အခုလို ဗိုလ်ချုပ်မှူးကြီးမင်းအောင်လှိုင် အိန္ဒိယနိုင်ငံကို သွားရောက်တာ ဖြစ်ပါတယ်။
မြန်မာနိုင်ငံနဲ့ ဘူတန်နိုင်ငံတွေက နယ်စပ်တွေမှာ ဒါဇင်နဲ့ချီတဲ့ သူပုန်တပ်ဖွဲ့တွေ အခြစိုက်ပြီး အိန္ဒိယအစိုးရကို ဆန့်ကျင်တိုက်ခိုက် နေကြတယ်လို့ အိန္ဒိယ စစ်ဘက်အရာရှိတွေက ပြောကြောင်း အိန္ဒိယ မီဒီယာတွေမှာ ဖော်ပြထားပါတယ်။

မြန်မာအစိုးရ အနေနဲ့ နယ်စပ်မှာရှိတဲ့ သူပုန်တွေက်ို နှိမ်နင်းပေးတာကို အိန္ဒိယက မြင်တွေ့လိုသလို မြန်မာစစ်တပ် အတွက်လည်း စစ်လက်နက် ပစ္စည်းတွေ သင်တန်းတွေပေးဖို့ ကမ်းလှမ်းထားတယ်လို့ ဆိုပါတယ်။ မြန်မာရေတပ်အတွက် အထောက်အကူတွေ အိန္ဒိယထံက ရရှိနိုင်ကြောင်း ဗိုလ်မှူးဟောင်း အောင်လင်းထွဋ်က ပြောပါတယ်။
“စစ်ရေးအရ အထူးသဖြင့် ဘင်္ဂလားပင်လယ်အော်မှာ ဘယ်နည်းနဲ့မဆို အိန္ဒိယက တရုတ်ကိုလည်း အ၀င်ခံချင်တဲ့ အနေအထားမျိုး မရှိပါဘူး။ တရုတ်ကလည်း အခုဟာက ကျောက်ဖြူ ရေနက်ဆိပ်ကမ်းကို သူတို့ ဆိပ်ကမ်းသဘောမျိုး လုပ်လာတဲ့အခါ အိန္ဒိယအနေနဲ့ သူ့နိုင်ငံရဲ့ လုံခြုံရေးအရ အန္တရာယ်ရှိလာတဲ့ အခါမှာ မြန်မာရေတပ်ကလည်း အင်မတန်မှ ချို့တဲ့ပါတယ်။ ချို့တဲ့တယ် ဆိုတာလည်း မြန်မာ့ရေတပ်မှာ အရင်တုန်းက ကျနော်တို့ခေတ်တုန်းက တရုတ်ပြည်က ၀ယ်ထားတဲ့ သင်္ဘောတွေလောက်ပဲရှိတယ်။ ကျန်တဲ့သင်္ဘောကောင်းကောင်း မရှိသလောက် အနေအထားမျိုး ရှိပါတယ်။

အခုနောက်ပိုင်းတော့ တစင်းစ၊ နှစ်စင်းစ ဆောက်တဲ့ အနေအထားမျိုးရှိတော့ အိန္ဒိယဆီကတော့ အခုနကပြောတဲ့ ရေတပ်နဲ့ပတ်သက်တဲ့ ဟာတွေကတော့ အဓိက ၀ယ်လိမ့်မယ်လို့ ကျနော်ထင်တယ်။ နောက် အိန္ဒိယက ကမ္ဘာမှာ နည်းပညာကတော့ အများကြီး မြင့်ပါတယ်။ ဆက်သွယ်ရေးနဲ့ ပတ်သက်တာတွေ၊ လုံခြုံရေးကိစ္စတွေမှာ အိန္ဒိယနဲ့ မြန်မာနဲ့က ပေါင်းပြီးတော့မှ လုပ်လိမ့်မယ်လို့ ကျနော်ကတော့ မြင်ပါတယ်ခင်ဗျ။”

ဗုဒ္ဓဟူးနေ့က ၀န်ကြီးချုပ် နရင်ဒရာမိုဒီနဲ့ မတွေ့ဆုံခင် ဗိုလ်ချုပ်မှူးကြီး မင်းအောင်လှိုင်ကို အိန္ဒိယ စစ်တပ်က ကော်ဇောနီခင်းပြီး ဂုဏ်ပြုတပ်ဖွဲ့နဲ့ ကြိုဆိုဂုဏ်ပြုခဲ့ပါတယ်။ အခုလို ဗိုလ်ချုပ်မှူးကြီးအပေါ် အိန္ဒိယ အစိုးရက နွေးထွေးစွာ ကြိုဆိုရတာနဲ့ ပတ်သက်ပြီး  ဗိုလ်မှူးဟောင်း အောင်လင်းထွဋ် ရဲ့ အမြင်ကတော့ -
“ဗိုလ်ချုပ်မှူးကြီး မင်းအောင်လှိုင်ကို အခု ကော်ဇော်နီခင်းပြီးတော့ ကြိုဆိုရတဲ့ အဆင့်မျိုးက အခုလာမယ့် ၂၀၁၆ မှာ ဗိုလ်ချုပ်မှူးကြီး မင်းအောင်လှိုင်ကို သမ္မတရာထူးအတွက် မျှော်မှန်းကောင်း မျှော်မှန်းပါလိမ့်မယ်။ ”

ဗိုလ်ချုပ်မှုးကြီး မင်းအောင်လှိုင်က မြန်မာနိုင်ငံအတွက် အိန္ဒိယနဲ့ဆက်ဆံရေးဟာ အရေးကြီးသလို အိန္ဒိယနိုင်ငံဟာ မြန်မာနိုင်ငံတိုးတက်ရေးအတွက် ယုံကြည်စိတ်ချရတဲ့ မိတ်ဖက် နိုင်ငံတနိုင်ငံအဖြစ် ရပ်တည်ခဲ့မှုအတွက် ကျေးဇူးတင်ကြောင်း ၀န်ကြီးချုပ် မိုဒီနဲ့ တွေ့ဆုံစဉ်မှာ ပြောခဲ့တယ်လို့ သိရပါတယ်။

စံမိုးဝေ / ဗွီအိုအေ (မြန်မာပိုင်း)
http://burmese.voanews.com

MH 17 လေယာဉ်ပစ်ချခံရမှု ကုလဆုံးဖြတ်ချက် ရုရှား ဗီတိုအာဏာသုံးပယ်ချ


 လွန်ခဲ့တဲ့ တနှစ်ကျော်က ယူကရိန်းလေပိုင်နက်အတွင်း မလေးရှားလေကြောင်းပိုင် လေယာဉ်တစင်းကို ပစ်ချခဲ့မှုအတွက် တာဝန်ရှိတဲ့သူတွေအပေါ် ICC အပြည်ပြည်ဆိုင်ရာ ပြစ်မှုဆိုင်ရာခုံရုံးက စစ်ဆေးမယ်ဆိုတဲ့ ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်ကို ရုရှားနိုင်ငံက ဗီတိုသုံး ပယ်ချလိုက်ပါတယ်။

ဒီခုံရုံးဖွဲ့ စစ်ဆေးမဲ့ကိစ္စကို မလေးရှား၊ နယ်သာလန်၊ သြစတေးလျ၊ ယူကရိန်းနဲ့ ဘယ်လ်ဂျီယံတို့က ထောက်ခံခဲ့ကြပြီး မလေးရှားက အဆိုပြုချက်မူကြမ်း ရေးဆွဲ တင်ပြခဲ့တာ ဖြစ်ပါတယ်။ ဗုဒ္ဓဟူးနေ့က ကျင်းပတဲ့ ကုလသမဂ္ဂ လုံခြုံရေးကောင်စီ အစည်းဝေးပွဲမှာ အဲဒီ ၅ နိုင်ငံစလုံးရဲ့ နိုင်ငံခြားရေး ၀န်ကြီးတွေ တက်ရောက်ခဲ့ကြတာပါ။

ဒီကိစ္စမှာ ဗီတိုအာဏာ မသုံးဖို့ ရုရှားသမ္မတ Vladimir Putin ကို အဲဒီနေ့ အစောပိုင်းက Dutch ၀န်ကြီးချုပ် Mark Rutte က အပြင်းအထန် မေတ္တာရပ်ခံခဲ့ပါတယ်။ မစ္စတာ Rutte ရဲ့ရုံးက ထုတ်ပြန်တဲ့ ကြေညာချက်ထဲမှာ နယူးယောက်မှာ အဆိုပြုချက် မတင်သွင်းမီ မစ္စတာ ပူတင်ကို သူက တယ်လီဖုန်းနဲ့ ဆက်သွယ်ပြီး နိုင်ငံတကာ ခုံရုံးဖွဲ့စည်းမှုကို ထောက်ခံမှု ရရှိဖို့ ကြိုးပမ်းခဲ့တယ်လို့ ဖော်ပြထားပါတယ်။ ရုရှားအစိုးရကတော့ ဒီလေယာဉ်ပျက်ကျမှုနဲ့ ပတ်သက်ပြီး Dutch ဦးဆောင်တဲ့ ပြုလုပ်ဆဲ နိုင်ငံတကာ စုံစမ်းစစ်ဆေးမှု ပြီးပြည့်စုံတဲ့အထိ စောင့်ဆိုင်းလိုတယ်လို့ ဆိုပါတယ်။

ယူကရိန်းနဲ့ အနောက်နိုင်ငံတွေကတော့ ဒီလေယာဉ်ကို ပစ်ချခဲ့တာဟာ ရုရှားစစ်သားတွေ၊ ဒါမှမဟုတ် ယူကရိန်း ခွဲထွက်ရေး သမားတွေရဲ့ လက်ချက်လို့ သံသယ ရှိနေကြပေမဲ့ ရုရှားကတော့ ထပ်ခါတလဲလဲ ငြင်းဆိုပြီး ယူကရိန်းတပ်ဖွဲ့ဝင်တွေရဲ့ လက်ချက်ဖြစ်တယ်လို့ ပြောနေပါတယ်။

ဗွီအိုအေ (မြန်မာပိုင်း)
http://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။

နောက်ဆုံးရ သတင်း အပုဒ် (၅၀)

 

30 Days Stats

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

အင်္ဂလိပ်သတင်းများ