Showing posts with label မြန်မာ့သတင်း. Show all posts
Showing posts with label မြန်မာ့သတင်း. Show all posts

ထိုင်းနိုင်ငံလုံး အတိုင်းအတာဖြင့် မြန်မာရွှေ့ပြောင်း အလုပ်သမား ကွန်ရက် ဖွဲ့စည်း

စက်တင်ဘာ ၂၃ရက်၊ ၂၀၁၄ခုနှစ်။

ထိုင်းနိုင်ငံအတွင်း ဒေသအသီးသီးရှိ ရွှေ့ပြောင်း အလုပ်သမား အရေး ဆောင်ရွက် နေကြသည့် အဖွဲ့အစည်းများ စုပေါင်း၍ ထိုင်း နိုင်ငံလုံးဆိုင်ရာ မြန်မာရွှေ့ပြောင်း အလုပ်သမား ကွန်ရက်ကြီး(Myanmar Migrants Network Thailand-MMNT)ကို ဘန် ကောက်မြို့တွင် စက်တင်ဘာလ ၂၀ရက်နေ့က ဖွဲ့စည်းခဲ့သည်။

အဆိုပါကွန်ရက်ကြီးတွင် ရွှေ့ပြောင်းအလုပ်သမားအရေး ဆောင်ရွက်သည့် အစိုးရမဟုတ်သောအဖွဲ့အစည်း(NGO)များ၊ လူထု အခြေပြုအဖွဲ့အစည်း(CBO)များနှင့် အလုပ်သမားအဖွဲ့အစည်းပေါင်း(၈၀)ဖြင့် ဖွဲ့စည်းခဲ့ကြောင်း လက်ရှိ ကွန်ရက်၏ အထွေထွေ အတွင်းရေးမှူးအဖြစ် ရွေးချယ်ခံရသူ ဦးမိုးကြိုးက ကေအိုင်စီသို့ ပြောသည်။

“ထိုင်းနိုင်ငံမှာ ဒီလိုအဖွဲ့စုံပါဝင်တဲ့ ကွန်ရက်တစ်ခုဖွဲ့နိုင်တာ ပထမဆုံးပါပဲ။ ထိုင်းနိုင်ငံမှာ ဒေသကြီးအသီးသီးက မိမိနည်း၊ မိမိဟန် နဲ့ လှုပ်ရှားနေကြတဲ့ မြန်မာရွှေ့ပြောင်းအလုပ်သမား အဓိကထားတဲ့အဖွဲ့တွေကို တစ်နေရာတည်းမှာ စည်းမျဉ်းသတ်မှတ်ပြီး ဖွဲ့ စည်းလိုက်တာပါ”ဟု ပြောဆိုသည်။

ကွန်ရက်ဖွဲ့စည်းလိုက်ခြင်းအားဖြင့် မြန်မာရွှေ့ပြောင်းအလုပ်သမားအရေးကို ပိုမိုလုပ်ဆောင်နိုင်မည်ဖြစ်သလို ထိုင်းနိုင်ငံရှိ လူမှုအ သိုင်းအ၀ိုင်း၏ စနစ်နှင့် ဥပဒေများကို ပူးပေါင်းဆောင်ရွက်မှု ပြုလုပ်သည်အခါ ပိုမို ထိရောက်လာနိုင်မည်ဖြစ်ကြောင်း ဦးမိုးကြိုး က ဆက်ပြောသည်။

ယင်းကွန်ရက်ဖွဲ့စည်းခဲ့သည့် အစည်းအဝေးတွင် ထိုင်းနိုင်ငံအလယ်ပိုင်းဒေသကြီး၊ တောင်ပိုင်းဒေသကြီး၊ မြောက်ပိုင်းဒေသကြီး အတွင်းရှိ ခရိုင်များရှိ NGO၊ CBO၊ အလုပ်သမားအဖွဲ့အစည်း စသည့်အဖွဲ့များမှ ကိုယ်စားလှယ်ပေါင်း ၄၀ကျော်တက်ရောက်ခဲ့ကြ ရာ ၎င်းအထဲမှ ဗဟိုအလုပ်အမှုဆောင်ကော်မတီ(CEC ) ၁၂ဦး၊ အရံကော်မတီဝင် ၃၀ဦးတို့ဖြင့် ဖွဲ့စည်းခဲ့ကြခြင်းဖြစ်သည်။

ရခိုင်အလုပ်သမားလှုပ်ရှားမှုအဖွဲ့( ALC) တာဝန်ခံ ကိုအောင်အောင်က “အရင်က မဟာချိုင်မှာ ဖြစ်တဲ့ပြဿနာက မဲဆောက်ကို ရောက်လာတယ်။ ဘယ်လိုမှ မသွားနိုင်ဘူး။ မချိတ်ဆက်နိုင်ဘူး ဖြစ်နေတယ်။ ကွန်ရက်ကို ဖွဲ့စည်းလိုက်မယ်ဆိုရင် တစ်နေရာမ ဟုတ် တစ်နေရာ ဒီပြဿနာကို ဆက်စပ်ပြီး ဖြေရှင်းနိုင်သွားမယ်”ဟု ကေအိုင်စီသို့ ပြောသည်။

ကွန်ရက်အဖွဲ့ဝင်များအနေဖြင့် မိမိတို့သက်ဆိုင်ရာ နယ်မြေဒေသအတွင်းရှိ အလုပ်သမားများ၏ အလုပ်သမားရေး၊ ကျန်းမာရေး၊ ပညာရေး၊ လူမှုရေး စသည်တို့ကို တတ်စွမ်းသမျှ ကူညီလုပ်ဆောင်သွားရမည်ဖြစ်ပြီး ထိုင်း-မြန်မာ နှစ်နိုင်ငံမှ အာဏာပိုင်အဖွဲ့အ စည်းများနှင့် ဆက်စပ်လုပ်ဆောင်သွားမည်ဖြစ်သည်ဟု သိရသည်။

လက်ရှိ ဖွဲ့စည်းလိုက်သည့် ထိုင်းနိုင်ငံလုံးဆိုင်ရာ မြန်မာရွှေ့ပြောင်းအလုပ်သမားကွန်ရက်ကြီးကို ဦးဆောင်မည့် ဗဟိုအလုပ်အမှု ဆောင်များကို မဲစနစ်ဖြင့် ရွေးချယ်ခဲ့ကြပြီး အဖွဲ့ဝင်များအနေဖြင့် တနှစ်လျှင်တစ်ကြိမ် ကွန်ရက်ညီလာခံ ပြုလုပ်ရန်နှင့် ယင်းညီ လာခံမှ အမှုဆောင်အသစ်များကို ထပ်မံ ရွေးချယ်သွားမည်ဖြစ်သည်ဟု ဦးမိုးကြိုးက ဆိုသည်။

ကွန်ရက်ဖွဲ့စည်းနိုင်ရန်အတွက် ပထမဆုံးအကြိမ် အလုပ်ရုံဆွေးနွေးပွဲတစ်ခုကို ဘန်ကောက်မြို့အနီးရှိ နခွန်းပထုံခရိုင် စန်ဖရမ်မြို့ တွင် ဇူလိုင်လအတွင်းက ကျင်းပပြီးနောက် ကွန်ရက်ကို ယခုလို အကောင်အထည်ဖော်ဆောင်ကာ ဖွဲ့စည်းလာနိုင်ခဲ့သည်။

စဖန်းရှောင်း
ကေအိုင်စီ - KIC News
http://www.kicnews.org/


နိုင်ငံသားဖြစ်ခွင့်ပေးမှု မြေပုံမှာ ကန့်ကွက်မှုတွေရှိ

ရခိုင်ပြည်နယ် မြေပုံမြို့နယ်ရှိ ရိုဟင်ဂျာ မူဆလင်တွေထဲက အယောက် ၄၀ ကို မနေ့က မြန်မာနိုင်ငံသား အဖြစ် အသိအမှတ်ပြု လိုက်တဲ့ အပေါ်မှာ ရခိုင်လူမျိုးတွေ ဘက်က ကန့်ကွက်တာတွေ ရှိနေပါတယ်။

အခုလို နိုင်ငံသား ဖြစ်ခွင့်ပေးတဲ့နေရာမှာ ဘင်္ဂါလီဆိုတဲ့ လူမျိုးနာမည်နဲ့ ပေးတဲ့ အပေါ်မှာ မူဆလင်လွှတ်တော် ကိုယ်စားလှယ်တဦးက ဝေဖန်လိုက်ပါတယ်။ လူဝင်မှုကြီးကြပ်ရေး တာဝန်ရှိသူကတော့ ၁၉၈၂ ခုနှစ် နိုင်ငံသားဥပဒေနဲ့အညီ ဆောင်ရွက်ပေးနေ တာ ဖြစ်တယ်လို့ ဆိုပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေ မြန်မာပိုင်း သတင်းထောက် ကိုအောင်ရဲမောင်မောင် က သတင်းပေးပို့ထားပါတယ်။

စက်တင်ဘာလ ၂၂ ရက်နေ့က မြေပုံမှာ နေထိုင်ကြတဲ့ မူဆလင်အချို့ကို နိုင်ငံသားဖြစ်ခွင့်ပေးတဲ့အပေါ်မှာ ဒေသခံ ရခိုင်လူမျိုးတွေဘက်က ကန့်ကွက်မှုတွေ ရှိနေဆဲ ဖြစ်ပါတယ်။ ၁၉၈၂ ခုနှစ် နိုင်ငံသားဥပဒေအရ နိုင်ငံသားဖြစ်ခွင့်ရှိတဲ့ ဘင်္ဂါလီ ၄၀ ကျော်ကို နိုင်ငံသားဖြစ်ခွင့်ပေးပြီး တခါတည်း ကျမ်းသစ္စာ ကျိန်ဆိုမှုတွေပါ လုပ်ခဲ့တာပါ။ အခုလို အစိုးရဘက်က ဘင်္ဂါလီတွေကို နိုင်ငံသားဖြစ်ခွင့်ပေးတာဟာ ကုလသမဂ္ဂ အပါအ၀င် နိုင်ငံတကာကို မြန်မာနိုင်ငံအတွင်းမှာ မူဆလင်တွေကို နိုင်ငံသားဖြစ်ခွင့်ပေးနေပြီဆိုတဲ့ ရုပ်ပြသဘောဆန်ဆန် လုပ်ဆောင်တာဖြစ်တယ်လို့ မြေပုံမြို့နယ် ကိုယ်စားပြု လွှတ်တော်အမတ်တဦးက ပြောပါတယ်။

ကန့်ကွက်မှုတွေ ရှိနေတဲ့ကြားက အခုလို ဆောင်ရွက်မှုတွေကို အခြားဒေသခံတွေကလည်း ကန့်ကွက်မှုတွေ လုပ်လာနိုင်တယ်လို့ ရှုမြင်ကြောင်း ရခိုင်ပြည်နယ် မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက ဗွီအိုအေကို ပြောပါတယ်။

“တဘက်မှာက ဒါ မြေပုံမြို့နယ်တခုတည်းကိုပဲ လုပ်တဲ့အချိန်အခါမှာ ရခိုင်တပြည်နယ်လုံး ပြဿနာနဲ့ မြေပုံမြို့နယ်ရဲ့ လူဦးရေက နည်းနည်းလေးပဲ ရှိတဲ့အခါမှာ သူတို့က ဇောင်းပေးပြီးတော့ပေါ့လေ ကျနော်တို့က နိုင်ငံရေးပယောဂ မကင်းဘူးလို့ ယူဆတာပေါ့ဗျာ။ ဘာဖြစ်လို့လဲဆိုတော့ လာမယ့် ဒီအောက်တိုဘာမှာလည်း ကုလသမဂ္ဂ အထွေထွေ ညီလာခံကြီး စမှာဆိုတော့ အဲ့ဒီဘက်မှာ ဒီပြဿနာတွေကို နိုင်ငံသားပေးနေပါပြီ ဘင်္ဂါလီဆိုတဲ့ ပြဿနာကို အလျှင်စလို လုပ်လိုက်တာလားပေါ့လေ တလလောက် အတောအတွင်းမှာ ဗဟိုက ဒီလူတွေကို နိုင်ငံသားအဖြစ် ချပေးလိုက်တယ်ဆိုတော့ အဲ့ဒီအပေါ်မှာ သိပ်ပြီးတော့ မြန်ဆန်လွန်းတယ်ပေါ့။ အရင်တုန်းကတော့ ၅ နှစ် ၁၀ နှစ်ကြာတာတောင် နိုင်ငံသားလျှောက်တာ မရခဲ့ဘူးလေ။ အခုကျတော့ အဲ့ဒီလို နိုင်ငံရေးပယောဂတွေ ပါတယ်။”

နေပြည်တော် လူဝင်မှုကြီးကြပ်ရေး ၀န်ကြီးဌာနရဲ့ အရာရှိတဦးကတော့ အခုလို နိုင်ငံသားလက်မှတ် ထုတ်ပေးတာဟာ ရခိုင်ပြည်နယ် အစိုးရအဖွဲ့ရဲ့ တောင်းဆိုချက်အရ ဥပဒေနဲ့အညီ ဆောင်ရွက်ပေးတာ ဖြစ်တယ်လို့ ပြောပါတယ်။

“ဟို ရခိုင်ပြည်နယ် အစိုးရအဖွဲ့ကို မေးတာ ကောင်းမယ်ဗျ။ ဘာဖြစ်လို့လဲဆိုတော့ ကျနော်တို့က ဒီမှာရှိတာ အဲ့ဒီဟာကို သွားပြီးတော့ ပေးတာတို့၊ ပြုတာတို့ လုပ်တဲ့ဥစ္စာက ကျနော်တို့ဘက်က ဥပဒေကြောင်းအရ လုပ်ပေးလိုက်တာပဲရှိတယ်။ ဟိုဘက်က ပေးတာပြုတာလုပ်တဲ့အပိုင်းကတော့ အဲ့ဒီဥစ္စာကျတော့ ရခိုင်ပြည်နယ်အစိုးရကပဲ အစအဆုံး လုပ်သွားတာ။”

ဒီကိစ္စနဲ့ပတ်သက်ပြီး ရခိုင်ပြည်နယ် အစိုးရအဖွဲ့ကို မေးမြန်းတဲ့နေရာမှာတော့ ရခိုင်ပြည်နယ် အစိုးရ အဖွဲ့နဲ့ အဆက်အသွယ် မရခဲ့ပါဘူး။ မနေ့တုန်းကတော့ ဒီလို နိုင်ငံသားဖြစ်ခွင့် ကျမ်းသစ္စာ ကျိန်ဆိုတဲ့ အခမ်းအနားကို ရခိုင်ပြည်နယ်ဝန်ကြီးချုပ် ဗိုလ်ချုပ်မောင်မောင်အုန်းကိုယ်တိုင် တက်ရောက်ဖို့ရှိခဲ့ပေမဲ့ ဒေသခံတွေက နေအိမ်တွေ၊ ဆိုင်တွေ ပိတ်ပြီးတော့ ကန့်ကွက်ခဲ့တာကြောင့် ၀န်ကြီးချုပ် အခမ်းအနားကို လာရောက်ခြင်း မရှိခဲ့ဘူးလို့ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက ပြောပါတယ်။

မြေပုံမှာရှိတဲ့ မူဆလင်တွေထဲက ၄၀ ကျော်ကို နိုင်ငံသားဖြစ်ခွင့်ပေးတဲ့အပေါ်မှာ ဘင်္ဂါလီ ဆိုတဲ့ လူမျိုးအမည်နဲ့ နိုင်ငံသားဖြစ်ခွင့်ပေးတာဟာ မဖြစ်သင့်ဘူးလို့ မူဆလင်ဖြစ်တဲ့ ဘူးသီးတောင်မြို့နယ် ပြည်သူ့လွှတ်တော်ကိုယ်စားလှယ် ဦးရွှေမောင်း က ပြောပါတယ်။

“အဲ ဘင်္ဂါလီလို့ ပြောမှ ပေးမယ်ဆိုကတည်းက ကျနော်ထင်ပါတယ် အဲ့ဒီကတည်းက နိုင်ငံသားစိစစ်ရေးလုပ်ငန်းက လွဲနေပြီဗျ။ ဘာဖြစ်လို့လဲဆိုတော့ ဘယ်လူမျိုးဖြစ်တယ်ဆိုတာကို သက်ဆိုင်ရာ ကာယကံရှင်က ပြောတဲ့ဟာပဲလုပ်ရမယ်။ အခုက ဘင်္ဂါလီဖြစ်မှ နိုင်ငံသားပေးမယ်လို့ ပြောလိုက်တော့ နိုင်ငံသားစိစစ်ရေးကဒ်ပြား မရသေးတဲ့သူတွေကို ဒါက ဘယ်လိုပြောမလဲ ကျနော်တို့ ဒီ နိုင်ငံရေးအရ အကြပ်ကိုင်သလို ဖြစ်သွားတယ်။ ဆိုတော့ ဒီမြေပုံက လူတွေကလည်း ကျနော် လေ့လာမိသလောက် သူတို့ကလည်း တောင်ပေါ်စခန်းမှာ ပိတ်မိနေတော့ ဟိုဘက်လည်းသွားလို့မရ၊ ဒီဘက်လည်း သွားလို့မရ၊ အခြေအနေက အဲ့ဒီလိုဖြစ်နေတယ်ဗျ။”

ဒါပေမဲ့ တဘက်မှာတော့ ရခိုင်ပြည်နယ် မြေပုံ ဒေသခံတဦးလည်းဖြစ်၊ မြေပုံမြို့နယ် ရခိုင်အမျိုးသမီးကွန်ယက်ရဲ့ ဥက္ကဌလည်းဖြစ်တဲ့ ဒေါ်ခင်သိန်းကတော့ သူတို့ကို နိုင်ငံသားမပေးသင့်ဘူးလို့ အခုလို သုံးသပ်ပါတယ်။

“အခုလက်ရှိမှာ ဖြစ်နေတာက သူတို့ကို နိုင်ငံသား အယောက် ၄၀ ဖြစ်ခွင့်ပေးလိုက်တာပေါ့နော်။ ပြုနိုင်ငံသားက ၁၆၉ ယောက် သူတို့မှာ မွေးထားတဲ့ သားသမီးတွေက ၃၀၀ ကျော်တယ်ရှင့်။ အဲ့ဒါ ပထမပေးလိုက်တဲ့ စာရင်းဇယားအရဆိုရင် သူတို့ ၁၄ ယောက်ပဲကျန်တယ်လို့ ပြောတယ်၊ မဖြစ်တဲ့သူတွေ၊ အားလုံး အကုန်လုံးတော့ မတိုက်စစ်ရသေးဘူး။ အကုန်လုံးသာပေးမယ်ဆိုရင် တရွာလုံးဖြစ်သွားနိုင်တယ်။ အဲ့ဒါကို မကျေနပ်ပါဘူး။”

မြေပုံမြို့နယ်မှာရှိတဲ့ မူဆလင်တွေထဲက နိုင်ငံသား စိစစ်ပေးဖို့ လျောက်လွှာတင်ခဲ့သူဟာ တစ်ထောင်ကျော်ရှိပြီးတော့ အဲဒီထဲကမှ အယောက် ၄၀ ကို နိုင်ငံသားဖြစ်ခွင့်နဲ့ ၁၆၉ ဦးကို နိုင်ငံသားပြုခွင့် ပေးခဲ့တာပါ။ တချိန်တည်းမှာပဲ  မနေ့တုန်းက ကန့်ကွက်မှုတွေရှိခဲ့တဲ့အတွက် ဒီကနေ့မှာတော့ ရခိုင်ပြည်နယ်ဝန်ကြီးချုပ် မောင်မောင်အုန်းက ရခိုင်ပြည်နယ် စည်းကမ်းထိန်းသိမ်းရေးအဖွဲ့က ဆရာတော်၊ သံဃာတော်အချို့နဲ့ စစ်တွေမှာ အစည်းဝေးတရပ် ကျင်းပခဲ့ပါတယ်။

အောင်ရဲ မောင်မောင်  / ဗွီအိုအေ (မြန်မာပိုင်း)
http://burmese.voanews.com/content/rohingya-burma-naturalization/2459369.html

စစ်တွေမြို့မြောက်ဘက် ဒါပိုင်မူဆလင်ဒုက္ခသည်စခန်း။

ဆိုက်ရောက်ဗီဇာ ခွင့်မပြုတော့

မြန်မာအစိုးရဟာ နိုင်ငံခြားသားတွေကို အင်တာနက်ကနေ E-Visa စနစ်နဲ့ ဗီဇာလျှောက်ခွင့် ၀င်ရောက်ခွင့် ပေးပြီးနောက် စက်တင်ဘာ ၁၈ ရက်နေ့ကစ ဆိုက်ရောက်ဗီဇာ ထုတ်ပေးတာကို လုံးဝ ရပ်ဆိုင်းလိုက်ပြီ ဖြစ်ကြောင်း ကြေညာပါတယ်။

ကြေညာချက်ထဲမှာ ဟိုတယ်နဲ့ ခရီးသွားလာရေးဝန်ကြီးဌာနမှာ ကြိုတင် ခွင့်ပြုချက် တင်ပြထားပြီး ဖြစ်တဲ့ ခရီးသည် ၁၂၀၀ ကိုပဲ လာမယ့် အောက်တိုဘာကုန်အထိ ဆိုက်ရောက်ဗီဇာ ထုတ်ပေးဦးမှာ ဖြစ်ပြီး အခြားသူတွေကိုတော့ လုံးဝ ခွင့်မပြုတော့ဘူးလို့ ဆိုပါတယ်။

အစိုးရအနေနဲ့ ခုလို ဆိုက်ရောက်ဗီဇာ ထုတ်ပေးမှု ရုတ်တရက် ရပ်ဆိုင်းလိုက်တာကြောင့် ခရီးသွားဝင်ရောက်မှုကို ထိခိုက်မယ်၊ မထိခိုက်ဘူး ဆိုတာကိုတော့ မသိနိုင်သေးပါဘူး။

By ဒီဗွီဘီ
http://burmese.dvb.no/archives/65789

ရန်ကုန် အပြည်ပြည်ဆိုင်ရာလေဆိပ်

တန်ဖိုးနည်းအိမ်ရာ အဆိုပြုလွှာ ခေါ်ယူ

The Infrastructure of Myanmar ကုမ္ပဏီဟာ အခြေခံ လူတန်းစားတွေ အတွက် တန်ဖိုးနည်း အိမ်ရာ စီမံကိန်း ၀ယ်ယူ လိုသူတွေဆီက အဆိုပြု လွှာတွေကို ဂျာနယ်တွေကနေ တဆင့် ဖိတ်ခေါ် နေပါတယ်။

လောလောဆယ် တိုက်ခန်းကို ဘယ်တိုင်းနဲ့ ပြည်နယ်မှာ ၀ယ်ယူလိုတယ်ဆိုတာကို အဆိုပြုဖို့ ဖြစ်ပြီး ကုမ္ပဏီအနေနဲ့ သက်ဆိုင်ရာ တိုင်းနဲ့ ပြည်နယ်အစိုးရအဖွဲ့တွေဆီကနေ ခွင့်ပြုချက် ရရှိမှသာ တိုက်ခန်းရောင်းချပေးမယ့် လျှောက်လွှာတွေ ထပ်ပို့ပေးမယ်လို့ ဆိုပါတယ်။

ဒီအခါ အကျယ် စတုရန်း ပေ ၆၀၀ ကျယ်ဝန်းတဲ့ အခန်းကို ၀ယ်ယူလိုသူတွေအနေနဲ့ ဘဏ်မှာ ၁ လ ကျပ် ၃ သောင်း နဲ့ နှစ်ပေါင်း ၃၀ တိတိ သွင်းရမှာ ဖြစ်ပါတယ်။ ငွေသွင်းပြီး ၂ နှစ်အတွင်း တိုက်ခန်းတွေ အပ်နှံသွားမယ်လို့လည်း ကုမ္ပဏီက ဆိုပါတယ်။

တနိုင်ငံလုံးမှာ တိုက်ခန်း ၂ သန်းလောက် အကောင်အထည် ဖော်မယ်ဆိုတဲ့ ဒီ ကုမ္ပဏီ သတင်းစာရှင်းလင်းပွဲလုပ်ပြီးနောက် ယုံကြည်စိတ်ချရမှု မရှိဘူးလို့ သတင်းမီဒီယာတွေက ရေးသား ဖော်ပြကြပါတယ်။

By ဒီဗွီဘီ
http://burmese.dvb.no/archives/65787


နိုင်ငံခြားဖြစ် အရက်နှင့် ၀ိုင်များကို တင်သွင်းခွင့်ပြုရန် စီစဉ်လျက်ရှိ

ရန်ကုန် ၊ ၂၃-၉-၂၀၁၄

ပြည်ပနိုင်ငံများမှ နိုင်ငံခြားဖြစ် ဝိုင်နှင့် အရက် အမျိုးမျိုးကို ယခု နှစ်ကုန်ပိုင်းမှ စတင်၍ ပြည်တွင်းသို့ တင်သွင်းခွင့် ပြုရန် စီစဉ်လျက် ရှိ်ကြောင်း သိရသည်။

''ပထမဆုံး အနေနဲ့ ဝိုင်ကို တရားဝင် တင်သွင်းခွင့် ရအောင် အဆိုပြု ခဲ့တာ ဆိုတော့ ဝိုင်ကို အရင် တင်သွင်းခွင့် ရနိုင်ပါတယ်။ နှစ်မျိုးစလုံးကို တစ်ပြိုင်နက် တည်း တရားဝင် တင်သွင်း ခွင့်လည်း ရနိုင်တယ်။ အကန့်အသတ် မရှိ တင်သွင်းခွင့် ပေးတာတော့ မဟုတ်ပါဘူး။ စည်းမျဉ်း စည်းကမ်း သတ်မှတ်ချက် တော့ရှိမယ်။ လက်ရှိ မှာတော့ ဝိုင်နဲ့ အရက် အမျိုးမျိုး ဖြေလျှော့ ပေးမှု အပိုင်းတွေကို ဆွေးနွေး နေပါတယ် ... ''ဟု ကုန်သွယ်မှု မူဝါဒ လုပ်ထုံး လုပ်နည်းများ ဆိုင်ရာ စိစစ်ရေး ဌာနခွဲမှ ညွှန်ကြားရေးမှူး ဦးမြတ်ထွန်းအောင် က ပြောသည်။

ယခုအချိန်တွင် တင်သွင်းခွင့် ကန့်သတ် ကုန်ပစ္စည်းများ ဖြစ်သည့် နိုင်ငံခြားဖြစ် ဝိုင်နှင့် အရက် အမျိုးမျိုးကို လုပ်ငန်း လိုအပ်ချက်များ အရသာ တင်သွင်းခွင့်ပြု ပေးထားပြီး စီးပွားဖြစ် အနေဖြင့် တရားဝင် တင်သွင်းခွင့်ပြု ထားခြင်း မရှိကြောင်း သိရသည်။

''ပြည်တွင်း လိုအပ်ချက် အရနဲ့ ကမ္ဘာ့ ကုန်သွယ်ရေး အဖွဲ့ ( WTO ) ရဲ့ သဘော တူညီမှုတွေ အရ ဖြေလျှော့ ပေးမှုတွေ ဆောင်ရွက်ရခြင်း ဖြစ်ပါတယ် ... '' ဟု ၄င်းက ဆက်လက် ပြောသည်။

ထို့အပြင် ရန်ကုန်မြို့ အတွင်း၌ ဖြန့်ဖြူး ရောင်းချ နေသော အရက်နှင့် ဘီယာအခွန်များ ကိုလည်း မကြာမီ ကာလအတွင်း လက်ရှိ နှုန်းထား၏ သုံးဆကျော်၊ လေးဆ နီးပါးအထိ တိုးမြှင့် ကောက်ခံ သွားမည် ဖြစ်ကြောင်း ရန်ကုန်တိုင်း ဒေသကြီး လွှတ်တော်၌ အတည်ပြုခဲ့ပြီး ဖြစ်ကြောင်း သိရသည်။

‪#‎Themyawadydaily‬
https://www.facebook.com/myawadydaily?fref=ts


ယခုလမှစ၍ အိမ်သုံးမီတာများကို မြင်းကောင်ရေကြေး ထည့်သွင်း ကောက်ခံလာ

စစ်ကိုင်း ၊ ၂၃-၉-၂၀၁၄

စစ်ကိုင်းမြို့နယ်၊ လျှပ်စစ် ဓာတ်အား ဖြန့်ဖြူးရေး လုပ်ငန်း အနေဖြင့် ပြည်သူလူထုအား ကြိုတင် အသိပေး အကြောင်းကြားခြင်း မရှိဘဲ ယခုလပိုင်းမှ စတင်၍ အိမ်သုံး လျှပ်စစ်မီတာ တစ်လုံး လျှင် မြင်းကောင်ရေ ကြေး ငွေကျပ်၂ဝဝ စီ ဓာတ်အားခ တောင်းခံလွှာတွင် ထည့်သွင်း ဖော်ပြ ကောက်ခံ လာကြောင်း သိရသည်။

ယခင်က လုပ်ငန်းသုံး ပါဝါမီတာများ ကိုသာ သုံးစွဲသည့် မြင်းကောင်ရေကို လိုက်၍ မြင်းကောင်ရေကြေး ကောက်ခံကြောင်း၊ အိမ်သုံးမီတာ များကို မြင်းကောင်ရေကြေး ကောက်ခံမှု မရှိခဲ့ကြောင်း သိရသည်။ ယခုလပိုင်းမှစတင်၍ လျှပ်စစ် ဓာတ်အားခ၊ မီတာ ဝန်ဆောင်ခ အပြင် မြင်းကောင်ရေကြေး ငွေကျပ် ၂ဝဝ ကိုပါ ထည့်သွင်း ကောက်ခံ လာကြောင်း သိရသည်။

''အရင်က လုပ်ငန်းသုံး ပါဝါမီတာ တွေကိုပဲ မြင်းကောင်ရေကြေး ဆိုတာ ကောက်ခံ ပါတယ်။ ဆယ်ကောင် မီတာ တပ်ထားတဲ့ အတွက် လစဉ် မြင်းကောင်ရေကြေး ငွေကျပ် နှစ်ထောင် ထည့်သွင်း ပေးဆောင် ရတယ်။ အခုလပိုင်း ကစပြီး ဓာတ်အားခ တောင်းခံလွှာ တွေ ထွက်လာတဲ့ အခါ အိမ်သုံးမီတာ တွေကိုပါ မြင်းကောင်ရေကြေး ကျပ်နှစ်ရာစီ ထည့်သွင်း တောင်းခံလာတာ တွေ့ရတယ်။ လျှပ်စစ်ဌာန အနေနဲ့ ဘာကြောင့် ကောက်ခံရတယ် ဆိုတာကို ပွင့်လင်း မြင်သာစွာ ချပြ ကောက်ခံ တာမျိုး ဖြစ်သင့်တယ်။ ပြည်သူလူထု ကို ကြိုတင် အသိပေးခြင်း မရှိဘဲ တောင်းခံလွှာထဲ ထည့်သွင်း ကောက်ခံ လိုက်တာမျိုး မဖြစ်သင့်ဘူး ... '' ဟု ပုံနှိပ်စက်လုပ်ငန်းရှင် တစ်ဦးက ပြောပြသည်။

လျှပ်စစ်ဓာတ်အား ဖြန့်ဖြူးရေး လုပ်ငန်း အနေဖြင့် အိမ်သုံးမီတာ များကို သုံးစွဲယူနစ် (၁-၁ဝဝ) ယူနစ်အထိ တစ်ယူနစ် လျှင် ငွေကျပ် ၃၅ ကျပ်နှုန်း၊ (၁ဝ၁-၂ဝဝ) ယူနစ်အထိ ငွေကျပ် ၄ဝ နှုန်းအပြင် မီတာ ဝန်ဆောင်ခ ငွေကျပ် ၅ဝဝ ကောက်ခံကြောင်း၊ ယခုအခါ မြင်းကောင်ရေကြေး ငွေကျပ်၂ဝဝ ထပ်မံ ထည့်သွင်း တောင်းခံ ကောက်ခံ လာကြောင်း သိရသည်။ (၁၇ဝ)

#PyiChitThar

http://www.pyichitthar.com/2014/09/blog-post_24.html


မှော်ဘီမှာ စစ်တပ်က မြေသိမ်းပြန်

မှော်ဘီမြို့နယ် ဝါးနက်ချောင်းကျေးရွာက တောင်သူတွေ လွန်ခဲ့တဲ့နှစ်ပေါင်းများစွာကတည်းက လုပ်ကိုင်လာခဲ့တဲ့ ခြံမြေဧက ၁ဝဝ ဝန်းကျင်ကို ရန်ကုန်တိုင်းစစ်ဌာနချုပ်က တပ်မြေအဖြစ်သတ်မှတ်ပြီး၊ လက်ရှိလုပ်ကိုင်နေသူတွေနဲ့ မသက်ဆိုင်ကြောင်း ဒီကနေ့ လက်မှတ်ရေးထိုးခိုင်းမှာဖြစ်တဲ့အတွက် ဒေသခံတောင်သူတွေ ဆန္ဒပြကြမယ်လို့ဆိုပါတယ်။

ဝါးနက်ချောင်းကျေးရွာအုပ်စုအတွင်းက တောင်သူ ၂ဝ ကျော် လွန်ခဲ့တဲ့နှစ်ပေါင်း ၄ဝ ကျော်က လုပ်ကိုင်နေတဲ့ ခြံမြေတွေကို ရန်ကုန်တိုင်းစစ်ဌာနချုပ်က တပ်ပိုင်မြေဖြစ်ပြီး တောင်သူတွေနဲ့ သက်ဆိုင်ခြင်းမရှိကြောင်း လက်မှတ်ရေးထိုးဖို့ ဝါးနက်ချောင်းအုပ်ချုပ်ရေးမှူးရုံးကို စက်တင်ဘာ ၂၃ ရက်နေ့ မွန်းလွဲ ၂ နာရီ အရောက်လာကြဖို့ အမိန့်ထုတ်ထားတာဖြစ်ပါတယ်။ တောင်သူ ဦးစိုးထွန်းက ခုလိုပြောပါတယ်။

"ကျနော်တို့အနေနဲ့က ဒီလက်မှတ်ကို မထိုးနိုင်ဘူး၊ မထိုးနိုင်ဘူးဆိုတာ ကျနော်တို့က လုပ်ကိုင်နေတဲ့လူတွေဖြစ်တယ်၊ ပြီးတော့ ကျေးရွာအုပ်ချုပ်ရေးကလည်း ထောက်ခံထားတာရှိတယ်၊ ထောက်ခံတယ်ဆိုတာ အပင်စိုက်ပျိုးကြောင်း ထောက်ခံထားတာရှိတယ်၊ ကျနော်တို့မှာ ပြေစာအပြင်ကို ခိုင်မာတဲ့ဟာ စိုက်ပျိုးတာ လုပ်ကိုင်တာလည်းရှိတယ်၊ အပင်တွေပြစရာရှိပါတယ်ခင်ဗျ၊ လက်မှတ်မထိုးပဲ ကန့်ကွက်ဆန္ဒပြဖို့ပဲရှိပါတယ်"

ဒီမြေတွေနဲ့ပတ်သက်ပြီး ရန်ကုန်တိုင်းစစ်ဌာနချုပ်က ၁၉၉၉ ခုနှစ်အတွင်း ဒုတိယဗိုလ်မှူးကြီး အဆင့်ရှိသူတွေကို ချထားပေးပြီးဖြစ်တယ်ဆိုတဲ့ အကြောင်းကြားစာကို ခြံလုပ်ကိုင်နေသူတွေထံ ပေးပို့ထားပါတယ်။ ဒါပေမဲ့တောင်သူတွေက မိမိတို့မှာရှိတဲ့ စာရွက်စာတန်းတွေကို ပြသရှင်းလင်းပြီးဖြစ်တယ်လို့ ဆိုပါတယ် ။

တောင်သူတွေအနေနဲ့ စက်တင်ဘာ ၂၃ ရက်နေ့မှာ ဝါးနက်ချောင်းကျေးရွာ အုပ်ချုပ်ရေးမှူးရုံးကို သွားရောက်ကြမှာဖြစ်ပေမဲ့ လက်မှတ်ရေးထိုးဖို့မဟုတ်ဘဲ ကန့်ကွက်ဆန္ဒပြဖို့ဖြစ်တယ်လို့ RFA ကို ပြောပါတယ်။

RFA Burmese
https://www.facebook.com/pages/RFA-Burmese/39218993127


စဥ့်ကူး ရေဘေးဒုက္ခသည်များ အကူညီ လိုအပ်

မန္တလေးတိုင်း စဥ့်ကူးမြို့နယ် အတွင်းက ရေဘေးဒုက္ခ ရောက်နေကြတဲ့ ဒုက္ခသည် တွေကို အလှုရှင် တချို့က သွားရောက်လှုဒါန်း မှုတွေ ပြုလုပ်နေပေမယ့် အကူညီတွေ ထပ်မံလိုအပ် နေပါတယ်။

စက်တင်ဘာ ၁၈ ရက်နေ့ မနက်က မိုးသည်းထန်စွာ ရွာသွန်းပြီး ရေကြီးရေ လျှံမှု ဖြစ်ခဲ့တာကြောင့် စဥ့်ကူးမြို့နယ် အတွင်း မှာရှိတဲ့ ကျည်တောက်ပေါက်၊ နွယ် ရုံ၊ ရေ မျက်၊ ၅ ပြားပေး၊ ရွာတွေမှာ ရေ ကြီးရေလျှံ ဖြစ်ပေါ် ခဲ့တာ ဖြစ်ပါတယ်။

ရေမျက်ကျေးရွာက အဆိုးရွား ဆုံး ဖြစ်ခဲ့ တာကြောင့် ရေ မျက်ကျေးရွာက ရေဘေးဒုက္ခသည်တွေကို အလှုရှင်အချို့က သွားရောက်လှုဒါန်းနေကြပါတယ်။

အလှူရှင်တဦးဖြစ်သူ ဒေါ်အမာနီက “အသေအပျောက်က ၂ ဦး၊ ကိုယ်ဝန်သည်လေးနဲ့ ကလေးကို ၆ သောင်းပေးလိုက်တယ်။ သားနဲ့ သမီးရော သေသွားပြီး တဦးတည်း ကျန်နေတဲ့ မိသားစုက ကိုမျိုးကို ကိုကျတာ့ ၄ သောင်းပေးလိုက်တယ်။ ကျန်တဲ့ ၁၅ ဦးကိုကျတော့ ၁ အိမ်ထောင်ကို ၃ သောင်းနှုန်းနဲ့ ဆန်၊ ဆီ၊ ဆား၊ ဆပ်ပြာ၊ ငါးခြောက်ကျော်၊ ပဲ၊ လက်ဖက်၊ ဟင်းချိုမှုန့်နဲ့ ဆပ်ပြာမှုန့် အဲဒါတွေကို ၁ ထုပ်ဆီဝေပါတယ်။ အိမ်ထောင်စု ၁ စုကို ၁ သာင်းဆီနဲ့က အားလုံးပေါင်း ၅၉ အိမ်ထောင်စု” လို့ ပြောပါတယ်။

ခုလို ရေကြီးမှုတွေကြောင့် ရေဘေးဒုက္ခရောက်နေရတဲ့ ရွာတွေကို နီးစပ်ရာမြို့တွေနဲ့ ရွာတွေက လာရောက် ကူညီလုပ်အားပေးတာတွေလည်း ရှိနေပါတယ်။

စဥ့်ကူးမြို့နယ် အမျိုးသားဒီမိုကရေစီအဖွဲ့ချုပ် ဒုဥက္ကဋ္ဌ ဦးစမ်းဦးမောင်ကတော့  “ကံတောင်၊ လက်ပန်လှ၊ နွယ်ရုံ၊ ချောင်းကြီး၊ ရွာသစ်ကလေး၊ ရွာသစ်ကြီး၊ ခူလယ်၊ ငပျင်းအင်း၊ ကဗျို၊ ပြီးတော့ ကြားတဲ့နေရာကပေါ့၊ စားသောက်ရိက္ခာကတော့ ကြားတဲ့ရောက်တဲ့နေရာကတော့ မြန်မာလူမျိုးတွေဆိုတော့ ဒုက္ခအကြီးအကျယ် ရောက်တဲ့နေရာကို ကြားတဲ့နေရာက နေပြီးတော့ ကူကြပါတယ်။ မတ္တရာကလည်း ရောက်ပါတယ်။ ကျနော်တို့ မတ္တရာနယ်ထဲကလည်း ရောက်တယ်။ သပိတ်ကျင်း နယ်ထဲကလည်းရောက်တယ်။ ကြားတာကို လာကူကြတာပါ” လို့ ရှင်းပြပါတယ်။

အကူအညီတွေဟာ ရွာနီးနားကပဲ လာရောက် စောင့်ရှောက်မှုတွေ လုပ်ပေးနေတာ ဖြစ်ပြီး ထိရောက်တဲ့ ကူညီမှုမျိုးတွေ ရလာဖို့ ဒုက္ခသည်တွေက မျှော်လင့်နေကြပါတယ်။

ရေမျက်ကျေးရွာမှာ ရေဘေးဒုက္ခသည်တဦးဖြစ်တဲ့ မသင်းက “ရွာရပ်ကပဲ စောင့်ရှောက်ပေးနေတာ၊ ရွာနားနီးကအရပ်ကတို့ မြို့နယ်ပေါ်ကတော့ ဟိုလို ထိခိုက်နစ်နာတဲ့ ပုံစံမျိုး မပါသေးဘူး။ တရွာနဲ့တရွာ ထိစပ်မှုပေါ့ စည်းလုံးမှုလေ၊ အဲဒီလိုလေးပေးတာပဲရှိတာ” လို့ ပြောပါတယ်။

စက်တင်ဘာ ၁၈ ရက်နေ့က စတင်ပြီး လူမှုကူညီရေးအသင်းတွေနဲ့ အလှုရှင်တွေက စတင်ကူညီကယ်ဆယ်ရေးတွေ ပြုလုပ်ပေးနေတာ ဖြစ်ပြီး အာဏာပိုင်အဖွဲ့အစည်းတွေ လာရောက်ကူညီပေးနေပေမယ့် လုိုအပ်ချက်တွေကတော့ ရှိနေဆဲပါ။

အခုချိန်အထိ အမိုးကာတွေနဲ့ အိမ်သာတွေ မရှိသေးတဲ့အတွက် ဝမ်းပျက်ဝမ်းလျော ရောဂါတွေ ဖြစ်လာမှာကိုလည်း ရွာခံတွေက စိုးရိမ်ပူပန်နေကြပါတယ်။

By ဒီဗွီဘီ
http://burmese.dvb.no/archives/65763


သုံးသလောက်သာကောက်မည့် အစီအစဉ် အော်ရီဒူး ကြေညာ

အော်ရီဒူးမြန်မာ က စက်တင်ဘာ ၂၃ ရက်နေ့ မနက် ၆ နာရီကစပြီး တယ်လီဖုန်း ခေါ်ဆိုခ နှုန်းထားကို စက္ကန့်နဲ့ တွက်ချက်ယူမယ့် နှုန်းထားကို ပြောင်းလဲ ကျင့်သုံး မယ်လို့ ကြေညာ လိုက်ပါတယ်။

အော်ရီဒူး မြန်မာရုံး က လူမှု ဆက်ဆံရေး နဲ့ ပြန်ကြားရေး မန်နေဂျာ ဒေါ်သီရိကြာညိုက “အော်ရီဒူးကနေ အော်ရီဒူး အချင်းချင်း ခေါ်ဆိုရင် ၁ မိနစ်ကို ၂၅ ကျပ်ဆိုတော့ စက္ကန့် ၆၀ နဲ့ စားပေါ့။ ကျသလောက် စက္ကန့်နဲ့ ပြော သမျှပဲ ကောက်ခံမှာပါ” လို့ ပြောပါတယ်။

အော်ရီဒူး ဆင်းကတ်ကနေ မြန်မာ့ဆက်သွယ်ရေးက အမ်ပီတီဆင်းကတ်နဲ့ ဖုန်းကို ခေါ်ဆိုရင်တော့ ၁ မိနစ်ကို ၃၅ ကျပ်နှုန်းထားနဲ့ ၁ စက္ကန့်ချင်း သုံးစွဲသလောက်  တွက်ချက် ကောက်ခံမှာ ဖြစ်တယ်လို့ သူက ရှင်းပြပါတယ်။

ဒီနှုန်းထားမတိုင်မီက  ဖုန်းခေါ်ဆိုခတွေကို ၁ စက္ကန့်ကျော်တိုင်း ၁ မိနစ်စာ (၆၀ စက္ကန့်) နှုန်းထား ကောက်ခံခဲ့တာ ဖြစ်ပါတယ်။

မြန်မာနိုင်ငံမှာ အော်ပရေတာ တင်ဒါအောင်ခဲ့တဲ့ အော်ရီဒူးမြန်မာဟာ လွန်ခဲ့တဲ့လဆန်းပိုင်းကစလို့ တယ်လီဖုန်းနဲ့ အင်တာနက်ဝန်ဆောင်မှုပေးနေသလို လက်ရှိမှာ မြန်မာ့ဆက်သွယ်ရေး အမ်ပီတီနဲ့ ဈေးကွက်မှာ ယှဉ်ပြိုင်နေပြီး တယ်လီဖုန်းဆင်းကတ် ၁ သန်းကျော် ရောင်းချထားပြီးဖြစ်ပါတယ်။

အော်ရီဒူးမြန်မာရဲ့ အမှုဆောင်အရာရှိချုပ် Ross Comack က “ကိုယ်သုံးသလောက်ပဲ ကျသင့်တယ်ဆိုတာ အင်မတန်အရေးကြီးတယ်လို့ ကျနော်တို့ရဲ့ သုံးစွဲသူ မိဘပြည်သူများ ပြောပြချက်အရ သိရပါတယ်။ ကျနော်တို့ရဲ့ အသံအရည်အသွေးမြင့် ခေါ်ဆိုမှုတွေကို ဒီအယူအဆနဲ့ ထပ်ပေါင်းခြင်းအားဖြင့် သုံးစွဲသူ မိဘပြည်သူများကို ပိုမိုကောင်းမွန်တဲ့အတွေ့အကြုံနဲ့ ပိုမိုသက်သာတဲ့ နှုန်းထားတွေကို ၀န်ဆောင်မှု ပေးနိုင်တော့မှာဖြစ်ပါတယ်” လို့ ပြောပါတယ်။

ဒေါ်သီရိကြာညိုက အော်ရီဒူးမြန်မာဟာ ပထမဆုံးအနေနဲ့ နေပြည်တော်၊ မန္တလေး၊ ရန်ကုန်မြို့နဲ့ အနီးဝန်းကျင်က ၆၈ မြို့နယ်ကို စတင်ဝန်ဆောင်မှုပေးနေတဲ့အနက် နေပြည်တော်နဲ့ မန္တလေးမှာ ကြည်လင်ပြတ်သားပြီး မြန်နှုန်းမြင့်အင်တာနက်ရပေမယ့် လူနေသိပ်သည်းတဲ့ ရန်ကုန်ုမှာတော့ ၄၅ မြို့နယ်အနက် မြို့နယ် ၂၆ ခုမှာသာ အပြည့်အ၀ ၀န်ဆောင်မှုပေးနိုင်သေးတယ်လို့ ရှင်းပြပါတယ်။

စီးပွားရေးမြို့တော် ရန်ကုန်တခွင်လုံး ၀န်ဆောင်မှုပေးနိုင်အောင် တာဝါတိုင်တွေ တိုးမြှင့်ဆောက်လုပ်နေရာမှာ ဆီဒိုးနားနဲ့ မီကာဆာဟိုတယ်တွေအပေါ်မှာ တာဝါတိုင်တည်ဆောက်ရေးအတွက် လုပ်နေတယ်လို့ ဆိုပါတယ်။

အောက်တိုဘာ ၁၅ ရက်နောက်ပိုင်းမှာ လှည်းကူး၊ ရေနံချောင်း၊ အုတ်ကန်၊ သုံးဆယ်၊ သာယာဝတီ၊ နတ်မောက်၊ မရမ်းကုန်း၊ ကော့မှူး၊ ပခုက္ကူ။ တောင်ငူ၊ ပုဂံ၊ ညောင်ဦး ကြည့်မြင်တိုင်၊ မြင်းခြံ၊ ဖြူး၊ သနပ်ပင်၊ ပန်းတနော်၊ ဒလ၊ နတ်တလင်း မင်းလှမြို့နယ်တွေမှာ အော်ရီဒူးဆင်းကတ်ဖုန်းတွေ သုံးနိုင်တော့မယ်လို့ ပြောပါတယ်။

လက်ရှိ မြန်မာနိုင်ငံရဲ့ ဆက်သွယ်ရေးအော်ပရေတာတွေအဖြစ် မြန်မာ့ဆက်သွယ်ရေး၊ (အမ်ပီတီ)၊ အော်ရီဒူးနဲ့ ယှဉ်ပြိုင်ရောင်းချနေကြပြီး လာမယ့် အောက်တိုဘာလဆန်းပိုင်းကျရင် အော်ပရေတာအောင်ထားတဲ့ တယ်လီနောမြန်မာက ဈေးကွက်မှာ ၀င်ရောက်ယှဉ်ပြိုင်ရောင်းချတော့မှာဖြစ်ပါတယ်။

မြန်မာ့ဆက်သွယ်ရေးကတော့ ၁ မိနစ်ဖုန်းခေါ်ဆိုခ ၅၀ ကျပ် ကျသင့်နေပြီး ခေါ်ဆိုသည့်အချိန် ၆ စက္ကန့်တိုင်း တခါ   ကောက်ခံတဲ့စနစ်ကျင့်သုံးနေတယ်လို့ သိရပါတယ်။

လက်ရှိကာလမှာ ဈေးကွက်အခြေအနေအရ မြန်မာ့ဆက်သွယ်ရေးတယ်လီဖုန်းဆင်းကတ်တွေဟာ ဈေးကွက်မှာ ၁၅၀၀ တန်ဆင်းကတ်တခုဟာ ၁ သောင်းခွဲကနေ ၂ သောင်းထိ ဈေးပေါက်နေပြီး အ၀ယ်လိုက်နေပါတယ်။

By အေးနိုင် (ဒီဗွီဘီ)
http://burmese.dvb.no/archives/65758


သက်တမ်းကုန် အလုပ်သမားများ ခရီးသွားလာခွင့် မြန်မာသံရုံး ထုတ်ပေးမည်

ထိုင်းနိုင်ငံရောက် ရွှေ့ပြောင်း မြန်မာ အလုပ်သမားတွေ မြန်မာနိုင်ငံပြန်ပြီး မှတ်ပုံတင်နဲ့ အိမ်ထောင်စု စာရင်း လုပ်နိုင်ဖို့ ခရီးသွားလာခွင့် လက်မှတ်ကို ဘန်ကောက်မြို့ရှိ ထိုင်းနိုင်ငံဆိုင်ရာ မြန်မာသံရုံးက ထုတ်ပေးမှာ ဖြစ်ပါတယ်။

ထိုင်းအစိုးရက ထုတ်ပေးထားတဲ့ ယာယီအလုပ်လုပ်ကိုင် ခွင့်နဲ့ နေထိုင်ခွင့် လက်မှတ်က လာမယ့် ၂၀၁၅ ခုနှစ် မတ်လမှာ သက်တမ်းကုန် မှာ ဖြစ်ပါတယ်။

သက်တမ်းမကုန် ခင်မှာ မြန်မာ သံရုံးက နိုင်ငံကူးလက်မှတ် (ပတ်စပို့စ်) ထုတ်ပေး မှာ ဖြစ်ပြီး နိုင်ငံ ကူးလက်မှတ်ထုတ်ယူရာမှာ မှတ်ပုံတင်နဲ့  အိမ်ထောင်စုစာရင်း အဓိက လိုအပ်ပါတယ်။

မှတ်ပုံတင်နဲ့ အိမ်ထောင်စုစာရင်းမရှိသူတွေအနေနဲ့ မြန်မာနိုင်ငံကို ပြန်ပြီး လုပ်ဆောင်ရမှာ ဖြစ်ပါတယ်။ ပြန်လုပ်နိုင်ဖို့အတွက် ထိုင်းနိုင်ငံအတွင်း ဖြတ်သန်းသွားလာရာမှာ အဖမ်းအဆီး မရှိအောင် ဘန်ကောက်မြို့ရှိ မြန်မာသံရုံးနဲ့ ထိုင်းအလုပ်သမားဝန်ကြီးဌာနတို့ ပူးပေါင်းပြီး ခရီးသွားလာခွင့် လက်မှတ် ထုတ်ပေးမှာ ဖြစ်ပါတယ်။

ဒါကြောင့် ရွှေ့ပြောင်းမြန်မာအလုပ်သမားတွေအနေနဲ့ ကိုယ်တိုင် သံရုံးကိုလာရောက် လျှောက်ထားနိုင်သလို ဒါမှမဟုတ် အောက် ဖော်ပြပါပုံအတိုင်း လျှောက်လွှာပုံစံမှာ လိုအပ်ချက်တွေဖြည့်ပြီး အီးမေးလ်က တဆင့်ပို့လို ရတယ်လို့ သိရပါတယ်။

အီးမေးလ်ရပြီးဆိုရင်တော့ မြန်မာသံရုံးက ခရီးသွားထောက်ခံစာကို စာတိုက်က တဆင့် ပြန်လည်ပေးပို့ပေးမယ်လို့ ဆိုပါတယ်။ ဖော်ပြပါ ခရီးသွားလက်မှတ်ဟာ အသွားအပြန် တကြိမ်တည်းသာ အသုံးဝင်တယ်လို့ သံရုံးက ထုတ်ပြန်တဲ့ လျှောက်လွှာမှာ ဖော်ပြထားပါတယ်။

ထိုင်းနိုင်ငံတွင် မြန်မာရွှေ့ပြောင်းအလုပ်သမား ၃ သန်းလောက် ရှိတယ်လို့ သိရပါတယ်။

By ဒီဗွီဘီ
http://burmese.dvb.no/archives/65768

မဟာချိုင်ဒေသ ပင်လယ်စာ လုပ်ငန်းခွင့်တွေ့ရသည့် မြန်မာအလုပ်သမားအချို့



လုပ်ငန်းသုံး ယာဉ်အချို့ နယ်စပ်ကနေ တင်သွင်းခွင့်ပြု


အစိုးရ မော်တော်ယာဉ် တင်သွင်းခွင့် ကြီးကြပ်ရေး ဆိုင်ရာ ကော်မတီဟာ ပစ်ကပ်ကားတွေ အပါအ၀င် လုပ်ငန်းသုံး ကားတစ်ချို့ကို နယ်စပ်ဝင်ပေါက် တွေကနေတဆင့် တင်သွင်းခွင့်ပြု လိုက်တယ်လို့ စက်တင်ဘာလ ၁၈ ရက်နေ့က ထုတ်ပြန်ကြေညာပါတယ်။

နယ်စပ်ကုန်သွယ်ရေး စခန်းတွေကနေ တဆင့် လုပ်ငန်းသုံး ယာဉ် အမျိုးအစားတွေထဲမှာ ပါဝင်တဲ့ Pick Up, Extended Cab, Open Cab , Smart Cab, Space Cab, 2 door, Pick up ၁ ခန်း၊ ၁ ခန်း ခွဲ အမျိုးအစားတွေကို တင်သွင်းခွင့် ပြုလိုက်တာ ဖြစ်ပါတယ်။

ဒီ့မတိုင်ခင်ကလည်း နယ်စပ်ကနေ တဆင့် ကုန်တင်ယာဉ်၊ ခရီးသည်တင်ယာဉ် နဲ့ လုပ်ငန်းသုံးယာဉ်တွေကို တင်သွင်းခွင့်ပေးထားပြီး ဖြစ်ပါတယ်။

လတ်တလော မြန်မာနိုင်ငံထဲကို ဂျပန် တစ်ပါတ်ရစ်ကားတွေ တင်သွင်းနေပြီး အများစုဟာ အင်ဂျင်ပါဝါ ၁၃၀၀ စီစီအောက် အိမ်စီး လူသုံးကားငယ်လေးတွေ ဖြစ်နေပါတယ်။

ဒီကားအများစုဟာ မြန်မာနိုင်ငံ အနှံ့အပြားက ကျေးလက်နဲ့ လမ်းတွေပေါ်မှာ ပြေးဆွဲလို့ မသင့်တော်တာကြောင့် ခုလို ပစ်ကပ်ကားတွေကို နယ်စပ်ကနေ သွင်းခွင့်ပြုတာလို့ ကားဝယ်ရောင်း ကိုမျိုးမင်းက ရှင်းပြပါတယ်။

By ဒီဗွီဘီ
http://burmese.dvb.no/archives/65728


ဗွီဒီယိုဇာတ်ကားများ ပြန်လည်စစ်ဆေးတော့မည်

ပြန်ကြားရေးဝန်ကြီးဌာနက ဖွဲ့စည်းပေးထားတဲ့ မြန်မာ့ရုပ်ရှင်လုပ်ငန်း ဗီဒီယို ဆင်ဆာအဖွဲ့ဟာ လာမယ့် ဒီဇင်ဘာလကစပြီး ဗွီဒီယိုဇာတ်ကားတွေကို ပြန်လည်စစ်ဆေး တော့မယ်လို့ သိရပါတယ်။

ဗီဒီယိုဇာတ်ကားတွေကို ဆင်ဆာအဖွဲ့က ပြန်လည်စစ်ဆေးမှာနဲ့ ပတ်သက်ပြီး မြန်မာ့ရုပ်ရှင်လုပ်ငန်း မြှင့်တင်ရေးက ညွှန်ကြားရေးမှူး ဦးသိန်းနိုင်က အခုလိုပြောပါတယ်။

"ခုလက်ရှိလဲ အရင်တုန်းကစစ်သလို အခုလည်းစစ်နေတယ်၊ နောက်ပိုင်း အတုယူမှားတာပေ့ါနော် မင်းသား၊ မင်းသမီးဆိုတော့ ကျန်တဲ့သူတွေက အတုခိုးတာပေ့ါ၊ အဲ့လိုအတုခိုးမှာစိုးလို့ ဖြတ်မယ်တောက်မယ်ပေါ့"

အရင်က နိုင်ငံရေး၊ ဘာသာရေး၊ တိုင်းရင်းသားချစ်ကြည်ရေး၊ အမျိုးသားယဉ်ကျေးမှု ထိန်းသိမ်းရေး၊ ရက်စက်ကြမ်းကြုတ်မှုများ မပါဝင်ရေးစတဲ့ ဆင်ဆာမူဝါဒဆိုင်ရာ အချက် ၁၀ ချက် သတ်မှတ်ခဲ့ပါတယ်။ လွန်ခဲ့တဲ့ ၂၀၁၁ ခုနှစ် ဒီဇင်ဘာလမှာ တပ်မတော်၊ ရဲတပ်ဖွဲ့၊ ရာဇ၀င်ဇာတ်လမ်းတွေနဲ့ သရဲတစ္ဆေဇာတ်လမ်းတွေကို ရိုက်ကူးခွင့်ပြုခဲ့တာဖြစ်ပါတယ်။

မြန်မာရုပ်ရှင်လုပ်ငန်း ဗွီဒီယိုဆင်ဆာအဖွဲ့ဟာ ကာရာအိုကေသီချင်း၊ ဗွီဒီယိုဇာတ်ကားတွေနဲ့ ရုပ်ရှင်ကားတွေကို ဆင်ဆာဖြတ်တောက်သွားမှာ ဖြစ်တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127


လယ်သမားများအရေး အထူးအလေးထားသင့်လို့ ဒေါ်အောင်ဆန်းစုကြည် ပြော

မြန်မာနိုင်ငံက တောင်သူ လယ်သမား တွေရဲ့ အရေးဟာ တိုင်းပြည်ရဲ့ နိုင်ငံရေး စီးပွားရေး လူမှုရေးတွေနဲ့ သက်ဆိုင်တဲ့အတွက် အထူး အလေးထားရမှာ ဖြစ်ကြောင်း ဒီတောင်သူတွေ အတွက် ပညာပေးရေး အစီအစဉ်တွေကို အမျိုးသား ဒီမိုကရေစီ အဖွဲ့ချုပ်အနေနဲ့ တတ်နိုင်သမျှ ဆောင်ရွက် ပေးသွားမှာ ဖြစ်ကြောင်း ဒေါ်အောင်ဆန်းစုကြည်က ပြောကြားပါတယ်။

ပြည်သူ့လွှတ်တော်ကို ဒီနေ့ သွားရောက်လေ့လာတဲ့ စစ်ကိုင်းတိုင်း မင်းကင်းမြို့နယ်က အမျိုးသား ဒီမိုကရေစီအဖွဲ့ချုပ် အဖွဲ့ဝင်တွေနဲ့ တွေ့ဆုံစဉ်မှာ ဒေါ်အောင်ဆန်းစုကြည်က ပြောကြားလိုက်တာပါ။

"တောင်သူလယ်သမားကိစ္စဆိုတာ လူမှုရေးရော၊ နိုင်ငံရေးရော၊ စီးပွားရေးရော အားလုံးဆိုင်နေတယ်ဆိုတော့ တစ်နည်းအားဖြင့် အတိမ်းအစောင်းမခံနိုင်ဘူး၊ အဲ့ဒါကြောင့်မို့ ဂရုစိုက်ပါ၊ တောင်သူလယ်သမားတွေ ပညာပေးရေးနဲ့ ပတ်သက်လို့ တတ်နိုင်သမျှ လုပ်ပေးနေတယ်၊ ပညာပေးရေးဆိုတာ နှစ်ခုပေါ့၊ တစ်ခုကတော့ တစ်ခုကတော့ ဥပဒေပိုင်းဆိုင်ရာ ကိုယ့်ရဲ့ရပိုင်ခွင့်၊ နောက်တစ်ခုက နည်းပညာပိုင်းဆိုင်ရာပေါ့၊ ကိုယ့်ရဲ့လုပ်ငန်းက ပိုပြီးတော့ အဆင့်မြင့်လာအောင်၊ ဝင်ငွေပိုကောင်းလာအောင် ဘယ်လိုလုပ်နိုင်မလဲဆိုတာမျိုးပေ့ါ"

တောင်သူလယ်သမားတွေအရေးအတွက် လွှတ်တော်က ဆွေးနွေးဆောင်ရွက်နေတာတွေရှိပေမဲ့ တကယ်တန်းမှာ အုပ်ချုပ်ရေးပိုင်းက ဆောင်ရွက်မှုတွေသာ အဓိကကျကြောင်း၊ ဒါကြောင့် အုပ်ချုပ်ရေး အာဏာပိုင်တွေနဲ့ ညှိနှိုင်းဆောင်ရွက်ဖို့လိုကြောင်း အဖွဲ့ဝင်တွေကို ဒေါ်အောင်ဆန်းစုကြည်က ဒီတွေ့ဆုံပွဲမှာ တိုက်တွန်းခဲ့ပါတယ်။

"တောင်သူလယ်သမားတွေ အဆင်ပြေဖို့ဆိုတာဟာ မြေမရှိပဲနဲ့ ဘယ်လိုမှ လယ်ကွင်းမရှိဘူး၊ တောင်သူလယ်သမားဆိုတာဟာ မြေရှိကိုရှိရမယ်၊ ဒီနိုင်ငံမှာဆိုလို့ရှိရင် မြေပိုင်ဆိုင်မှုပြဿနာဟာ တကယ့်ကို အကြီးမားဆုံးပြဿနာပဲ၊ လွှတ်တော်က အကြံပြုလို့ပဲရမယ် တကယ်အကောင်အထည်ဖော်ဖို့ဆိုတာက အုပ်ချုပ်ရေးပိုင်းဆိုင်ရာ အစိုးရကပဲ အကောင်အထည်ဖော်လို့ရတယ်"

နောက်ဆုံးအနေနဲ့ တောင်သူလယ်သမားတွေရဲ့ဘဝ အဆင့်မြင့်မားလာရေးကို မင်းကင်းမြို့နယ် NLD အဖွဲ့ဝင်တွေအနေနဲ့ ကြိုးစားဆောင်ရွက်ပေးကြဖို့ ဒေါ်အောင်ဆန်းစုကြည်က မှာကြားခဲ့ပါတယ်။

RFA Burmese
https://www.facebook.com/pages/RFA-Burmese/39218993127


အမှန်သိချင်ရင် စုံစမ်းရေးသားနိုင်တယ်လို့ ဝန်ကြီးပြော

ပြန်ကြားရေး ဝန်ကြီးဌာန ပြည်ထောင်စုဝန်ကြီး ဦးရဲထွဋ်က သူ့ရဲ့ပိုင်ဆိုင်မှုတွေ သိချင်ရင် မီဒီယာတွေ အနေနဲ့ စုံစမ်းထောက်လှမ်းပြီး ဖော်ထုတ်ရေးသား တိုင်ကြားနိုင်တယ်လို့ ဒီနေ့ ပြောကြား လိုက်ပါတယ်။

ဒီနေ့ ပြည်ထောင်စုလွှတ်တော် အစည်းအဝေးမှာ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသန်းအောင်နဲ့အတူ ကျမ်းသစ္စာကျိန်ဆိုအပြီး မီဒီယာတွေနဲ့တွေ့ဆုံရာမှာ ဝန်ကြီးဦးရဲထွဋ်က အခုလို ပြောကြားခဲ့တာပါ။

"ကျနော့်ရဲ့ ပိုင်ဆိုင်မှုကို သိချင်လို့ရှိရင် ဥပဒေကြောင်းအရ တောင်းဆိုမှပဲရမယ်၊ ဆိုပါစို့ ခင်ဗျားတို့ အဂတိလိုက်စားမှု ကော်မရှင်ကို ခင်ဗျားတို့ အထောက်အထားရှိရင်တိုင်၊ ဒါမှမဟုတ် ကျနော်အဂတိလိုက်စားတယ် ထင်လို့ရှိရင် ခင်ဗျားတို့ Eleven အနေနဲ့ ဖွင့်ချပြီးတော့ရေး၊ အဲ့ဒီအခါကျရင် ကျနော်ဥပဒေဘက်ကနေ ရင်ဆိုင်ဖို့အသင့်ပဲ၊ ဥပဒေအရမဟုတ်ဘဲ ကျနော်လည်း ဆောင်းပါးတစ်ပုဒ်ရေးပြီးတော့မှ Eleven Media အုပ်စုထဲမှ အစုရှယ်ယာတွေ ဘယ်သူပါသလဲ၊ နေ့စဉ်အရှုံးခံမထုတ်နိုင်အောင် ဘယ်လိုများရပ်တည်နေပါသလဲလို့ ကျနော်မေးဖူးရင် ဘယ်တရားမလဲ၊ ဒါခင်ဗျားတို့ရဲ့ လုပ်ပိုင်ခွင့်ပဲကိုး၊ ဒါကြောင့်မို့ ကျနော်တောင်းဆိုရင်လည်း မတရားဘူး၊ ခင်ဗျားတို့လည်း အဲ့လိုရေးနေမယ့်အစား ကျနော်တို့ပစ္စည်းတွေကို ထုတ်ပြပြီးတော့ လိုအပ်တဲ့ အကြောင်းအခြင်းအရာတွေရှိရင် အဂတိလိုက်စားမှု ကော်မရှင်ကိုလည်း တိုင်နိုင်ပါတယ်၊ ဒါပေမယ့် ခင်ဗျားတို့ကလည်း Investigate Journalism အနေနဲ့ စုံစမ်းထောက်လှမ်းတဲ့ စာနယ်ဇင်းအတတ်ပညာနဲ့ ကျနော့်ကို ရေးနိုင်ပါတယ်၊ မှန်ရင်လည်း ကျနော်ခံသွားမှာပေ့ါ၊ မမှန်ဘူးဆိုရင်လည်း ကျနော် ဥပဒေအကာအကွယ်ယူပြီး ကာကွယ်မှာပေါ့"

ပြီးခဲ့တဲ့ စက်တင်ဘာလ ၂၁ ရက်နေ့က ထုတ်ခဲ့တဲ့ အလဲဗင်းသတင်းစာပါ '' ဦးရဲထွဋ်တုံ့ပြန်၍ ဦးခင်အောင်မြင့် ကိုယ်စား ကျွန်တော်ပြောချင်သည်'' ဆောင်းပါးမှာ ဝန်ကြီးဦးရဲထွဋ်ရဲ့ ပိုင်ဆိုင်မှုနဲ့ပတ်သက်ပြီး ဝေဖန်ရေးသားခဲ့တယ်လို့လည်း သိရပါတယ်။

RFA Burmese
https://www.facebook.com/pages/RFA-Burmese/39218993127


မြေပုံ မွတ်ဆလင် တွေကို နိုင်ငံသား ကတ် ထုတ်မပေးနိုင်သေး

ရခိုင် ပြည်နယ် မြေပုံ မြို့နယ်မှာ နိုင်ငံသား စိစစ်မှုတွေ လုပ်ပြီးနောက် မွတ်ဆလင် ၂ဝဝ ကို နိုင်ငံသား ကတ် ထုတ်ပေးမယ့် အစီအစဉ် ပျက်ပြား သွားပါတယ်။

ပြည်နယ် ဝန်ကြီးချုပ် ဗိုလ်ချုပ် မောင်မောင်အုန်း အခမ်းအနား တက်ဖို့ ရောက်လာပေမယ့် ရခိုင် မြို့ခံ တွေနဲ့ မြို့ လူကြီး တွေက အခမ်းအနား မတက်ဘဲ အသံတိတ် တံခါးပိတ် ဆန္ဒပြ ခဲ့ကြလို့ အစီအစဉ် ပျက်ခဲ့ရတာ ဖြစ်ပါတယ်။

ဥပဒေ အရ စိစစ်ပြီး နိုင်ငံသား ပေးတာ ဖြစ်ပေမယ့် ဒီလူတွေ ထဲမှာ ဒေသ ဘာသာစကား မတတ်သူတွေ၊ မပေးသင့်ဘူးလို့ မှတ်ချက် ပေးထားသူတွေ ပါနေလို့ ရခိုင် လူကြီးတွေက စိစစ်ရေး ကော်မတီက နုတ်ထွက် ခဲ့တယ်လို့ မြေပုံ ပြည်သူ့ လွှတ်တော် အမတ် ဦးဖေသန်း က ပြောပါတယ်။

ဥပဒေ အရ အချိန်ယူ စစ်ဆေး ပြီး ပေးတာကို လက်ခံပေမယ့် နိုင်ငံတကာ ဖိအားကြောင့် မွတ်ဆလင် တွေကို အချိန်တို အတွင်း နိုင်ငံသား ကတ်တွေ ထုတ်ပေး နေတယ်လို့ ရခိုင် တွေက ယူဆလို့ ဒီလို ကန့်ကွက်တာ လို့လဲ သူက ပြောပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/09/140922_myebon_idcards.shtml

ဒုက္ခသည် စခန်းတွေမှာ နှစ်ချီနေရတဲ့ မွတ်ဆလင်တွေ

ဗိုလ်ချုပ်မှူးကြီး မင်းအောင်လှိုင် ဂျပန်ခရီးစဉ် စတင်

တပ်မတော် ကာကွယ်ရေး ဦးစီးချုပ် ဗိုလ်ချုပ် မှူးကြီး မင်းအောင်လှိုင်ဟာ ဂျပန် နိုင်ငံ ခရီးစဉ် အတွက် တနင်္လာနေ့ ညနေပိုင်းက ထွက်သွားပြီ ဖြစ်ပြီ ဖြစ်ပါ တယ်။

ဒါဟာ ဗိုလ်ချုပ်မှူးကြီး ရဲ့ ဂျပန် နိုင်ငံ ပထမဆုံး ခရီးစဉ် ဖြစ်ပြီး ခရီးစဉ် အတွင်း နှစ်နိုင်ငံ စစ်ဖက် ဆိုင်ရာ ကိစ္စ တွေကို ဆွေးနွေးကြ မယ်လို့ ယူဆရ ပါတယ်။

ဂျပန် နိုင်ငံ စစ်ဦးစီးချုပ် ဟာလည်း ပြီးခဲ့တဲ့ မေလက မြန်မာ နိုင်ငံကို ပထမဆုံး အကြိမ် လာရောက် လည်ပတ် ခဲ့ပြီးနောက် အခုလို မြန်မာ ကာကွယ်ရေး ဦးစီး ချုပ်ရဲ့ ဂျပန် နိုင်ငံ ခရီးစဉ် ပေါ်ပေါက် လာတာ လည်း ဖြစ်ပါတယ်။

မြန်မာ သမ္မတရဲ့ ဒီဇင်ဘာ ခရီးစဉ် တုန်းက ဂျပန်နဲ့ စစ်ဖက် ဆိုင်ရာ ဆက်သွယ်ရေး ထူထောင်ဖို့ သဘောတူ ခဲ့တဲ့ အချက် အရ အခုလို နှစ်ဆက် စစ်တပ် ဆက်ဆံ မှုတွေ တိုးလုပ်လာ တာ ဖြစ်မယ်လို့ ဂျပန် နိုင်ငံမှာ အခြေစိုက်တဲ့ Study Group for Human Rights ၊ Democracy and Tolerance in Burma အဖွဲ့ က သုတေသီ ဦးတင်ဝင်းက ပြောပါတယ်။

ဂျပန် အနေနဲ့ မြန်မာ အပါဝင် ဗီယက်နမ် နဲ့ ဖိလစ်ပိုင် ၃ နိုင်ငံ တို့ဟာ သူတို့ အတွက် အရေးကြီးတဲ့ အခန်း ကဏ္ဍဍမှာ ရှိနေတဲ့ အတွက်လည်း အခုလို ဆက်ဆံ လာတာ ဖြစ်တယ် လို့ ဦးတင်ဝင်းက ပြောပါတယ်။

ဂျပန် ရေတပ်က စစ် သင်္ဘာ နှစ်စင်း ဟာလည်း ဒုတိယ ကမ္ဘာစစ် ပြီးနောက် ပထမဆုံး အကြိမ် အဖြစ် မြန်မာ နိုင်ငံကို ပြီးခဲ့တဲ့ နှစ် စက်တင်ဘာ လက လာရောက် လည်ပတ် ခဲ့ဖူးပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/09/140922_minaunghlaing_japan_visit.shtml

ဂျပန် ရေတပ်က စစ် သင်္ဘာ နှစ်စင်း ၂၀၁၃ စက်တင်ဘာက မြန်မာ နိုင်ငံကို လာရောက် လည်ပတ်

ကော့တောင်ကျွန်း လူသတ်မှု မြန်မာလုပ်သားများ အစစ်ဆေးခံနေရဆဲ

ထိုင်းနိုင်ငံ၊ ကော့တောင်ကျွန်းမှာ ဗြိတိသျှ ကမ္ဘာလှည့် ခရီးသည်နှစ်ဦး အသတ်ခံရတဲ့ ကိစ္စနဲ့ ပတ်သက်လို့ အဲဒီမှာ ရှိနေတဲ့ မြန်မာရွှေ့ပြောင်း အလုပ်သမားတွေကို ထိုင်းရဲတပ်ဖွဲ့က ခေါ်ယူ မေးမြန်း စစ်ဆေးတာတွေ လုပ်နေတာမှာ ရိုက်နှက်ပြီးတော့ စစ်ဆေး ခံရတာတွေ ရှိတယ်လို့ အလုပ်သမားတွေကို အကူအညီ ပေးနေတဲ့ အဖွဲ့က ပြောပါတယ်။ ဒီအခြေအနေကြောင့် အလုပ်သမားတွေအကြား စိုးရိမ်နေပြီး အလုပ်အကိုင်ပျက်တဲ့ထိ ဖြစ်နေကြတယ်လို့ဆိုပါတယ်။ ဒါနဲ့ပတ်သက်ပြီး ဆက်သွယ် မေးမြန်းထားတဲ့ ဗွီအိုအေ ထိုင်းအခြေစိုက်သတင်းထောက် မအေးမာက သတင်းပေးပို့ထားပါတယ်။

ပြီးခဲ့တဲ့တပတ်ကျော်ကထိုင်းနိုင်ငံ၊ ကော့တောင်ကျွန်းလို့ လူသိများတဲ့ လိပ်ကျွန်းမှာ အသက် ၂၀ ကျော်အရွယ် ဗြိတိန်နိုင်ငံသား ၂ ဦး သတ်ဖြတ်ခံခဲ့ရပါတယ်။ ရဲတွေက သေသူတွေရဲ့အလောင်းတွေကို စစ်ဆေးချက်အရ သေဆုံးသူအမျိုးသမီးရဲ့ ခန္ဓာကိုယ်ပေါ်မှာ DNA ၂ မျိုး တွေ့ရတယ်လို့ ဆိုပါတယ်။

စက်တင်ဘာလ ၂၀ ရက်နေ့မှာတော့ လူသတ်မှုကျူးလွန်သူတွေဟာ အာရှသားတွေဖြစ်တယ်လို့ ရဲက ကောက်ချက်ချခဲ့ပါတယ်။ ပြီးခဲ့တဲ့ တပတ်ကျော်က စပြီး အဲဒီကျွန်းမှာ ထောင်နဲ့ချီပြီး အလုပ်လုပ်တဲ့ မြန်မာနိုင်ငံသားတွေဟာ စစ်ဆေးမေးမြန်းမှု၊ သွေးစစ်ဆေးရယူမှု၊ ဓာတ်ပုံနဲ့ ဗွီဒီယိုမှတ်တမ်း ရယူမှုတွေကိုလည်း အာဏာပိုင်တွေက တင်းတင်းကြပ်ကြပ် လုပ်ဆောင်နေပါတယ်။ ရွှေ့ပြောင်း အလုပ်သမားတချို့ဟာ စစ်ဆေးမှုတွေအတွင်း ရိုက်နှက်ခံရမှုတွေလည်း ရှိတဲ့အကြောင်း ရွှေ့ပြောင်းအလုပ်သမားအရေး ဆောင်ရွက်နေတဲ့ ထိုင်းနိုင်ငံတောင်ပိုင်းက ပညာရေးနဲ့ ဖွံ့ဖြိုးရေးဖောင်ဒေးရှင်း ဒါရိုက်တာ ဦးထူးချစ်က ဆိုပါတယ်။

“ဗြိတိသျှနိုင်ငံသားနှစ်ဦး အသတ်ခံရပြီးကတည်းက အဲဒီကျွန်းပေါ်မှာရှိတဲ့ မြန်မာနိုင်ငံသားအတော်များများပေါ့-ကျနော်တို့ ကြားသလောက်ဆို အနည်းဆုံး အယောက် ၂၀ လောက်တော့ စစ်ဆေးမေးမြန်းမှုတွေ လုပ်တာ တွေ့ရတယ်။ ကျနော်တို့ကို လာပြီး အကြောင်းကြားတာပေါ့နော်။ စစ်ဆေးမေးမြန်းရင်းနဲ့ နှိပ်စက်ခံရတယ်ဆိုတာမျိုးပေါ့။ ရိုက်နှက်မှုခံရတာတော့ မြန်မာနိုင်ငံသားလေးတစ်ယောက်ပေါ့နော်။ သူကတော့ သူ့ကို စစ်ဆေးမေးမြန်းတဲ့အချိန်မှာ အရိုက်ခံရတယ်ဆိုတဲ့အကြောင်း ကျနော်တို့ကို တိုင်ကြားတာ ရှိပါတယ်။ မနက်ဖြန်တော့ ကျနော်တို့ဆီက အဖွဲ့အစည်းကတော့ တရားဝင်ပေါ့နော်- ရှေ့နေတွေနဲ့ သွားပြီးတော့ မေးမြန်းဖို့တော့ ပြင်ဆင်နေတယ်။ အခု လက်ရှိ ပြောပြချက်အရကတော့ မေးမြန်းရင်းနဲ့ ဟိုဘက်က စစ်တဲ့လူတွေက စိတ်မရှည်တာလား။ ဒီဘက်က ပြောတဲ့လူအနေနဲ့ကလည်း ဘာသာစကား အခက်အခဲကြောင့်ပဲလားတော့ မသိဘူး။ အရိုက်ခံထိတယ်ပေါ့နော်။”

အခုအခါမှာ လူ ၃၀ ထက်မနည်းကို စစ်ဆေးမေးမြန်းမှုတွေ ရှိနေတယ်လို့ ထိုင်းသတင်းတွေမှာ ဖော်ပြနေပါတယ်။ ဒါပေမယ့် သေဆုံးသူ အမျိုးသမီးရဲ့ ခန္ဓာကိုယ်ပေါ်မှာ တွေ့ရတဲ့ အမျိုးသားနှစ်ဦးရဲ့ သုတ်ရည်တွေဟာ DNA စစ်ဆေးချက်အရ သေဆုံးခဲ့တဲ့ ဗြိတိသျှနိုင်ငံသားနဲ့ မတူသလို လူသတ်မှုနဲ့ပတ်သက်လို့ အခုထိ စစ်ဆေးမေးမြန်းခံခဲ့ရသူတွေရဲ့ DNA နဲ့လည်း မတူကြောင်း ရဲအဖွဲ့က ပြောပါတယ်။ ဒါကြောင့် တချို့ကို စစ်ဆေးမေးမြန်းပြီး ပြန်လွှတ်ခဲ့သလို စစ်ဆေးခံရသူတွေကို အချိန်မရွေး ပြန်လည်ခေါ်ယူ စစ်ဆေးနိုင်အောင်လည်း သတိပေး ပြောဆိုမှုတွေ ရှိတဲ့အကြောင်း အလုပ်သမားတွေက ဆိုပါတယ်။ အဲဒီကျွန်းမှာ အလုပ်လုပ်နေတဲ့ အလုပ်သမားတစ်ဦးကတော့ သူတို့မိသားစု အစစ်ဆေးခံခဲ့ရကြောင်း CCTV ကင်မရာထဲက ပုံနဲ့ နီးစပ်တယ်ဆိုပြီး သူ့ရဲ့သားဖြစ်သူကို စစ်ဆေးခဲ့ကြောင်း အခုလို ပြောပြပါတယ်။

“သားကလည်း သူ့သူငယ်ချင်းတွေနဲ့ အလုပ်လုပ်တယ်။ သူ့သူငယ်ချင်းတွေနဲ့ အတူနေတယ်ပေါ့။ အဲဒါ နင့်သူငယ်ချင်းတွေ ဘယ်မှာလဲ၊ သွားခေါ်ဆိုပြီးတော့ ရဲတွေက ခေါ်သွားပြီးတော့ သူ့သူငယ်ချင်း သုံးယောက်ကို သွားခေါ်တယ်။ ခေါ်ပြီးတော့ သူတို့သုံးယောက်စလုံးကို စစ်တယ်။ စစ်ပြီးတော့ ဓာတ်ပုံတွေရိုက်၊ သွေးတွေစစ်တယ်လို့ ပြောတယ်။ သူတို့ကို ထိုင်ခိုင်းထားတယ်ပေါ့။ ထိုင်ခိုင်းထားတော့ ကျနော်တို့လည်း စောင့်နေတယ်ပေါ့။ ဗမာတွေဆိုလို့ရှိရင်လည်း ကြောက်ပြီးတော့ ပန်းရံတွေလည်း သိပ်မလုပ်ကြတော့ဘူးပေါ့။ စစ်သားတွေရော၊ ရဲတွေရော စစ်တယ်ဆိုတော့ ကြောက်ပြီးတော့ --သူတို့က ဒီလိုမျိုးပဲ ဆွဲဆွဲပြီးတော့ ထည့်နေတဲ့အခါကျတော့----။ ကျနော့မိန်းမက ပြောတယ်။ သူသားမဟုတ်ရ၊ တခြားလူနဲ့မတူလည်း မတူဘူးဆိုတာပြောတယ်။ သူတို့က ပုံစံချင်းတူတယ်ဆိုလို့ရှိရင် လိုက်လိုက်ပြီးတော့ မေးတယ်။ ပုံကလည်း သိပ်မကွဲပြားဘူးလေ။ နေ့တိုင်း ခေါ်ခေါ်ပြီး စစ်တာပေါ့။ အခုဆိုလို့ရှိရင် ကျွန်းထဲမှာ ရဲတွေ၊ စစ်သားတွေ၊ အကုန်လုံးသတင်းထောက်တွေဆို ပြည့်နေရော။”

အခုလို ဗြိတိန်နိုင်ငံသားနှစ်ဦး အသတ်ခံရတာနဲ့ပတ်သက်လို့ ထိုင်းအစိုးရအနေနဲ့ စုံစမ်းစစ်ဆေးမှုတွေကို အပြင်းအထန်ဆောင်ရွက်နေသလို အခုအချိန်အထိတော့ တရားခံအဖြစ် တိတိကျကျ စွပ်စွဲပြောဆိုနိုင်တာတော့ မတွေ့ရသေးပါဘူး။ ထိုင်းနိုင်ငံအတွင်း ရွှေ့ပြောင်းအလုပ်သမားတွေဟာ အခုလိုမျိုး သတ်ဖြတ်ခံရမှုတွေ ရှိပေမယ့် စုံစမ်းစစ်ဆေး အရေးယူဆောင်ရွက်ပေးတာမျိုး မရှိသလောက် အားနည်းခဲ့ပါတယ်။ အခု ဗြိတိန်နိုင်ငံသားနှစ်ဦး အသတ်ခံရတဲ့ကျွန်းမှာ မြန်မာ ရွှေ့ပြောင်းအလုပ်သမား ၄ ထောင်လောက် နေထိုင်နေကြပြီး ပန်းရံလုပ်ငန်း၊ ဟိုတယ်လ်ဝန်ထမ်း၊ စားသောက်ဆိုင်ဝန်ထမ်းတွေအဖြစ် အလုပ်လုပ်ကိုင်ကြသူတွေများပြီး အခုအခါမှာတော့ အလုပ်သမားအတော်များများဟာ အလုပ်မသွားရဲကြတော့အောင် စစ်ဆေးခံရမှာကို ကြောက်ရွံ့နေကြရတယ်လို့ ဆိုပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com/content/thailand-myanmar-migrant-workers-investigated-for-murder-of-2-british-/2457993.html

Koh Tao ကျွန်းမြေပုံ။

ပျောက်ဆုံး တောင်တက်သမားနှစ်ဦးရှာဖွေမှု စက်တင်ဘာ ၂၇ အဆုံးသတ်မည်

ပျောက်ဆုံးနေတဲ့ ခါကာဘိုရာဇီ တောင်တက်သမား ၂ ဦးတို့ကို စက်တင်ဘာလ ၂၇ ရက်နေ့ နောက်ဆုံးထား ရှာဖွေဖို့ သတ်မှတ်လိုက်ပါပြီ။ အခု ချိန်ထိတော့ ရာသီဥတု အခြေအနေ ဆိုးရွားလွန်းတာကြောင့် ရှာဖွေရေးအဖွဲ့တွေ ခါကာဘိုရာဇီ တောင်ပေါ်ကို မတက်နိုင်သေးပါဘူး။  သီတင်း ၃ ပတ်ကျော်ကြာ ပျောက်ဆုံးနေတဲ့ တောင်တက်သမားတွေ အသက်ရှင်ရပ်တည်ရေးနဲ့ သူတို့ကို ရှာဖွေ ကယ်ဆယ်နိုင်ရေး အခြေအနေတွေကို မသိင်္ဂီထိုက် စုစည်းတင်ပြပေးထားပါတယ်။

ခါကာဘိုရာဇီတောင်ပေါ်မှာ ကိုအောင်မြင့်မြတ်နဲ့ ကိုဝေယံမင်းသူတို့ ပျောက်ဆုံးနေတာ ၂၃ ရက်ရှိသွားပါပြီ။ ထူးဖောင်ဒေးရှင်းရဲ့ ကယ်ဆယ်ရေး အဖွဲ့ကတော့ မနက်ဖြန်မှာ ခါကာဘိုရာဇီ အခြေစိုက်စခန်းကို ရောက်ရှိမှာဖြစ်ပြီး ပျောက်ဆုံး တောင်တက်သမားတွေကိုရှာဖွေရေး လုပ်ငန်းကို စက်တင်ဘာ ၂၇ ရက်နေ့ကို နောက်ဆုံးရက်အဖြစ် သတ်မှတ်ထားတဲ့အကြောင်း ပြောခွင့်ရ ကိုဖြိုးကိုကိုသက်က ပြောပါတယ်။

 “၂၇ ရက်နေ့ အပြီးရှာမယ်လို့ ကျနော်တို့က ရှာဖွေ ကယ်ဆယ်ရေးရဲ့ သဘောသဘာဝ အရ သတ်မှတ်ထားတာပါ။  လက်ရှိ အဆက်အသွယ် ပျောက်ဆုံးနေတဲ့ တောင်တက်သမား ၂ ဦးကို ကျနော်တို့ကတော့ အသက်ရှင်လျက် နှစ်ဦးလုံး ပြန်လည်ကယ်ဆယ်နိုင်ဖို့အတွက် မျှော်လင့်ပြီးတော့မှ ကျနော်တို့ အားသွန်ခွန်စိုက် ကြိုးစားပြီး အမြန်ဆုံးဖြစ်အောင် ကြိုးစားနေပါတယ်။ အဲဒီ ၂၇ ရက်နေ့ အပြီး ကျနော်တို့ကတော့ ရှာဖွေကယ်ဆယ်ရေးကို ဆောင်ရွက်သွားမှာပါ။ တကယ်လို့ အဲဒီ ၂၇ ရက်နေ့ နောက်ပိုင်းဆိုရင်တော့  ကျနော်တို့ ဆရာ ဦးတေဇရဲ့ လမ်းညွှန်ချက်အတိုင်း ဆက်လက် ဆောင်ရွက်သွားမှာပါ။”

မြန်မာနိုင်ငံ ခြေလျင်တောင်တက်အသင်းရဲ့ နာယကဖြစ်သူ စီးပွားရေးလုပ်ငန်းရှင်ကြီး ဦးတေဇရဲ့ ထူးဖောင်ဒေးရှင်းက ဦးဆောင်ပြီး ပျောက်ဆုံး တောင်တက်သမားတွေကို ခြေလျင်နဲ့ဝေဟင် အဖွဲ့တွေနဲ့ ရှာဖွေဖို့ ကြိုးစားနေကြတာ ဖြစ်ပါတယ်။ ဒါပေမယ့် ရာသီဥတု ဆိုးလွန်းတာကြောင့် ခါကာဘိုရာဇီ တောင်ပေါ်ကိုတော့ ရဟတ်ယာဉ်နဲ့ တက်ရောက်ဖို့ ဖြစ်နိုင်ခြေ နည်းတယ်လို့လည်း ပြောခွင့်ရ ကိုဖြိုးကိုကိုသက်က ပြောပါတယ်။

“သူတို့အဖွဲ့က မနက်ဖြန် ကျရင် တောင်ခြေ အခြေစိုက်စခန်းကို ရောက်ပါမယ်။ အမြင့်ပေ (၁၃၂၀၀ ) မှာ ရှိပါတယ်။ အစီအစဉ် အရတော့ တောင်ခြေ စခန်းထိကို ရဟတ်ယာဉ်နဲ့ တက်ဖို့ စီစဉ်ထားပါတယ်။ နောက်ပြီး တောင်ပေါ်ကိုလည်း ဆက်ပြီး တက်ဖို့ စီစဉ်ထားပါတယ် ခင်ဗျ။ ရဟတ်ယာဉ်နဲ့ ရှာဖွေ ကယ်ဆယ်ဖို့အတွက်က ရာသီဥတု အခြေအနေက ပူတာအိုရဲ့ မြင်နိုင်စွမ်းအား အရမ်းနည်းနေတယ်။ မိုးလည်း အရမ်းရွာနေပါတယ်။ အဲဒီတော့ ရဟတ်ယာဉ်နဲ့ ခါကာဘိုရာဇီ တောင်ပေါ်အထိ တက်ပြီးတော့ ရှာဖွေဖို့ကတော့ ရာသီဥတု အခက်အခဲနဲ့ ကြုံတွေ့နေရပါတယ် ခင်ဗျ။”

ပျောက်ဆုံး တောင်တက်သမား ၂ ဦးတို့နဲ့ အတူ ခါကာဘိုရာဇီ တောင်ကို တက်ခဲ့ကြတဲ့ တက္ကသိုလ် ခြေလျင် တောင်တက်အသင်း သဘာဝ ခေါ်သံ ဖောင်ဒေးရှင်းက တောင်တက် အဖွဲ့ဝင် ၆ ဦးတို့ကတော့ ရန်ကုန်ကို ပြန်လည်ရောက်ရှိခဲ့ပါပြီ။ ကိုအောင်မြင့်မြတ်နဲ့ ကိုဝေယံမင်းသူတို့ ပျောက်ဆုံးနေတာ သတင်း ၃ ပတ် ကျော်သွားပြီ ဖြစ်လို့ ရိက္ခာ ပြတ်လပ်မယ့် အရေးက အတော်လေး စိုးရိမ်စရာ ဖြစ်တယ်လို့ ခါကာဘိုရာဇီ တောင်တက် အဖွဲ့ဝင် တဦးဖြစ်သူ ကိုဟန်လင်းထွန်းက ပြောပါတယ်။

“သူတို့ယူသွားတဲ့ ရိက္ခာရယ် နောက် သူတို့ ယူသွားတဲ့ တောင်တက် ကိရိယာတွေရယ်က Survive လုပ်နိုင်ဖို့ကတော့- သူတို့ယူသွားတဲ့ တောင်တက် ကိရိယာတွေကတော့  Survive လုပ်ဖို့ အဆင်ပြေတယ်။ အဆင်ပြေပြေလည်း အသုံးပြုနိုင်တယ်။  ဒါပေမယ့် ကျနော်တို့ စိုးရိမ်တာ အဲဒီ ရိက္ခာတခုပဲ။ ဘာဖြစ်လို့လဲဆိုတော့ ရိက္ခာကို  စတက်သွားကတည်းက ဘယ်နှစ်ရက်စာဆိုပြီး တွက်ချက်ပြီးတော့ ယူသွားကြတာ။  အခုတော့ အပေါ်မှာ ပျောက်တဲ့ရက်က များနေပြီ။ များလာပြီဆိုတော့ ရိက္ခာကတော့ သူတို့ ဖြည်းဖြည်းချင်း ကုန်လာတာနဲ့ ပြီးတော့ အပေါ်မှာက သောက်ရေမရဘူးလေ။ ရေမရှိတဲ့အတွက် နည်းနည်းတော့ အခက်ကြုံရမယ်လို့ ထင်ပါတယ်။”

သဘာဝခေါ်သံ ဖောင်ဒေးရှင်းက ခါကာဘိုရာဇီ တောင်တက်သမား ၆ ဦးတို့က ပျောက်ဆုံး တောင်တက်သမား ၂ ဦးတို့ကို ကူညီကယ်ဆယ်ရေးအတွက် ကမ်းလှမ်းခဲ့တယ်လို့လည်း ကိုဟန်လင်းထွန်းက ပြောပါတယ်။

“ကယ်ဆယ်ရေးပိုင်းမှာ ပြန်ပြီးတော့ ကူညီပေးဖို့ ကျနော်တို့ ကမ်းလှမ်းပါသေးတယ်။ ဒါပေမယ့် ထူးကုမ္ပဏီ ဥက္ကဋ္ဌကြီး ဦးတေဇက ကျနော်တို့က ပင်ပန်းလာကြပြီ၊ အားလုံး ပူတာအိုမှာ ခဏနား၊ ပြီးရင် ရန်ကုန်ကို ပြန်ပြီး မိဘတွေဆီကို ရက်လည်း အများကြီး ကြာနေပြီ ဖြစ်တဲ့အတွက် ရန်ကုန်ကို ပြန် မိဘတွေဆီကိုပဲ တန်းတန်းမတ်မတ် ပြန်ဖို့ သူက ညွှန်ကြားတယ်။ ပြီးတော့ ကျနော်တို့ကိုလည်း ကယ်ဆယ်ရေးနဲ့ ရှာဖွေရေးကို လုံးဝ မပူနဲ့ သူတို့ကပဲ ရအောင် ရှာပေးမယ်။ အဲလိုမျိုး ပြောထားတဲ့အတွက် ကျနော်တို့ကလည်း ရှာဖွေရေးနဲ့ ကယ်ဆယ်ရေးမှာ ဘာမှကို  လုပ်လို့မရဘူး။ လုပ်ပိုင်ခွင့် မရှိခဲ့တဲ့ သဘောရှိပါတယ်။”

ပေပေါင်း ၂ သောင်းနီးပါး မြင့်တဲ့ ခါကာဘိုရာဇီတောင်ပေါ်မှာ ပျောက်ဆုံး တောင်တက်သမား ၂ ဦးတို့ကို ကယ်ဆယ်မယ့် အဖွဲ့တွေကတော့ မနက်ဖြန်မှာ ပေပေါင်း ၁ သောင်း ၃ ထောင် အမြင့်ကို ရောက်ရှိမယ်လို့ ခန့်မှန်းထားပါတယ်ရှင်။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com/content/hkakabo-razi-missing-climbers-finding-mission-is-now-basic-camp-/2458104.html


ငြိမ်းချမ်းရေးနေ့ လမ်းလျှောက်သူ ပုဒ်မ ၁၈ နဲ့ အဖမ်းခံရ

ဧရာဝတီတိုင်း ဒေသကြီး ပုသိမ်မြို့မှာ မနေ့က အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်အဖြစ် လမ်းလျှောက်ခဲ့ကြတဲ့ ဧရာဝတီတိုင်း လူငယ်ကွန်ရက်အဖွဲ့ဝင် ၂၀၀ ကျော်ထဲက ၃ ဦးကို တရားမ၀င် စီတန်းလှည့်လည်ခြင်းဆိုင်ရာ ပုဒ်မ ၁၈ နဲ့ ပုသိမ်မြို့ရဲစခန်းက ဒီနေ့ အမှုဖွင့်လိုက်ပါတယ်။

ဧရာဝတီတိုင်းဒေသကြီး ခရိုင် ၆ ခုက လူငယ်တွေ စုပေါင်းပြီး ငြိမ်းချမ်းရေးနေ့ အထိမ်းအမှတ်အဖြစ် ကဗျာရွတ်ပွဲတွေ၊ လမ်းလျှောက်ပွဲတွေနဲ့ သံချပ်တွေနဲ့ ဖျော်ဖြေခဲ့တဲ့အတွက် ပုဒ်မ ၁၈ နဲ့ အမှုဖွင့်ခံရတာဖြစ်တယ်လို့ လပွတ္တာမြို့နယ် လူငယ်ကိုယ်စားလှယ် မနန်းအေးအေးခိုင်က ပြောပါတယ်။

"ဧရာဝတီတိုင်း ၆ ခရိုင်စလုံး လူငယ်တွေပေါ့၊ ဒီပုသိမ်မှာ ဒီငြိမ်းချမ်းရေး အထိမ်းအမှတ်အနေနဲ့ ပွဲလေးတစ်ပွဲလာလုပ်တယ်ပေါ့၊ ငြိမ်ချမ်းရေးနဲ့ဆိုင်တဲ့ ကဗျာတွေ၊ သီချင်းတွေ၊ သံချပ်တွေ ရွတ်တယ်ပေါ့၊ လမ်းလျှောက်တယ်၊ တူညီဝတ်စုံဝတ်တယ်ပေါ့၊ အဲ့ဒါကို ပုဒ်မ ၁၈ နဲ့ မြို့နယ်ရဲမှူးက တရားလိုအဖြစ် အမှုဖွင့်ထားတယ်တဲ့၊ ဒီလူငယ်တွေရဲ့ လှုပ်ရှားမှုတွေကို မကြိုက်တာလား၊ မလိုလားတာလား၊ သူတို့ငြိမ်းချမ်းရေးကို မလိုလားတာလား"

ဧရာဝတီတိုင်းကွန်ရက်က အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်အတွက် လှုပ်ရှားမယ့်အစီအစဉ်တွေကို ပုသိမ်မြို့ရဲစခန်းထံ အကြောင်းကြားခဲ့ပေမဲ့ ခွင့်မပြုတာဖြစ်တယ်လို့ သိရပါတယ်။

မနေ့က ကျရောက်တဲ့ ၃၂ ကြိမ်မြောက် အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်အဖြစ် ရန်ကုန်၊ တောင်ကြီး၊ ထားဝယ်၊ မော်လမြိုင်၊ မြစ်ကြီးနားစတဲ့ မြို့တွေမှာ ကဗျာရွတ်ပွဲ၊ တေးသီချင်းဖျော်ဖြေပွဲနဲ့ လမ်းလျှောက်ပွဲတွေ ကျင်းပခဲ့ကြတာဖြစ်ပါတယ်။

RFA Burmese
https://www.facebook.com/pages/RFA-Burmese/39218993127?fref=nf


ရန်ကုန်မြို့သစ် စီမံကိန်း တိုင်းလွှတ်တော်ကို တင်ပြ

ရန်ကုန်မြို့သစ် စီမံကိန်းကို အကောင်ထည်ဖော်ဖို့ သင့်၊ မသင့်နဲ့ အဲ့ဒီစီမံကိန်းကို အကောင်အထည် ဖော်ဖို့အတွက် ပုဂ္ဂလိက ကုမ္ပဏီတွေကို တင်ဒါစနစ်နဲ့ ထပ်မံရွေးချယ်သင့် မသင့်ကို ရန်ကုန်မြို့တော်ဝန် ဦးလှမြင့်က ဒီနေ့ ရန်ကုန်တိုင်း ဒေသကြီး လွှတ်တော်ကို တင်ပြပြီး အတည်ပြုချက်တောင်းခံခဲ့ပါတယ်။

အဲ့ဒီတင်ပြချက်ကို လာမယ့် စက်တင်ဘာလ ၂၆ ရက်နေ့မှာ လွှတ်တော်ကိုယ်စားလှယ်တွေ ဆွေးနွေးကြမှာဖြစ်တယ်လို့ ရန်ကုန်တိုင်းဒေသကြီး လွှတ်တော်ကိုယ်စားလှယ် ဒေါက်တာညိုညိုသင်းက ပြောပါတယ်။

"ဒီစီမံကိန်းကို ကုမ္ပဏီတစ်ခုထဲကို မပေးဖို့ပြောမယ်၊ ဒီမြို့သစ်စီမံကိန်းကြီးဟာ နိုင်ငံတော်အတွက် ဘယ်လိုအန္တရယ်မျိုးတွေ ကျရောက်နိုင်သလဲဆိုတာကို ဆွေးနွေးမယ်၊ ဒီမြို့သစ် စီမံကိန်းကြီးအတွက်ကို တာဝန်ခံမယ့်အဖွဲ့ ရှိလာမှာလား မရှိဘူးလားဆိုတာကို ဆွေးနွေးမယ်၊ လေ့လာပြီးတော့ ကျယ်ကျယ်ပြန့်ပြန့်ကို ဆွေးနွေးသွားမှာပါ"

ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေက ပြီးခဲ့တဲ့ သြဂုတ်လက ကျင်းပခဲ့တဲ့ ရန်ကုန်တိုင်းဒေသကြီး လွှတ်တော်မှာ မြို့သစ်စီမံကိန်းဆောင်ရွက်ဖို့ အစီအစဉ်ရှိကြောင်းနဲ့ အကောင်ထည်ဖော်ဆောင်ရွက်မယ့်ကုမ္ပဏီကို ရွေးချယ်ပြီးပြီလို့ တင်ပြခဲ့တဲ့အတွက် လွှတ်တော်ကိုယ်စားလှယ်တွေက ကန့်ကွက်မှုတွေရှိခဲ့ပါတယ်။

ရန်ကုန်မြို့သစ် စီမံကိန်းကို ကြည့်မြင်တိုင်၊ တွံတေးနဲ့ ဆိပ်ကြီးခနောင်တိုမြို့နယ်တွေက မြေဧက သုံးသောင်းကျော်မှာ အကောင်ထည်ဖော်မှာဖြစ်ပြီး မြို့သစ်စေတနာအများပိုင်ကုမ္ပဏီကို လုပ်ပိုင်ခွင့်ပေးဖို့ ရန်ကုန်တိုင်းဒေသကြီး အစိုးရက မူလက သဘောတူခဲ့တာဖြစ်ပါတယ်။

RFA Burmese
https://www.facebook.com/pages/RFA-Burmese/39218993127?fref=nf


အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။

နောက်ဆုံးရ သတင်း အပုဒ် (၅၀)

 

30 Days Stats

Sponsors

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

တစ်ပတ်အတွင်း စိတ်ဝင်စားဖွယ်ရာ သတင်းများ

ကျန်းမာရေးနှင့် ဖျော်ဖြေရေး

အင်္ဂလိပ်သတင်းများ