Showing posts with label မြန်မာ့သတင်း. Show all posts
Showing posts with label မြန်မာ့သတင်း. Show all posts

ရက္ခိုင့်တပ်မတော် AA နှင့် ဆက်နွယ်မှု သံသယဖြင့် နောက်ထပ် ၈ ဦး အဖမ်းခံရ


စစ်တွေ၊ မေ ၂၂

ရက္ခိုင့်တပ်မတော် AA နှင့် ဆက်စပ်မှုရှိသည်ဟု သံသယ ဖြစ်ခံရသူ ၈ ဦးကို မြန်မာအာဏာပိုင်များက နောက်ထပ်ဖမ်းဆီးလိုက်သည်ဟု ကျောက်တော်မြို့မရဲစခန်း မြို့နယ်မှူးက အတည်ပြုပြောကြားသည်။

အဖမ်းခံရသူများသည် မြန်မာတပ်မတော်နှင့် ရက္ခိုင့်တပ်မတော်တို့အကြား တိုက်ပွဲဖြစ်ပွားနေရာ ပတ်ဝန်းကျင် အနီးအနားရှိ  ပင်လုံနှင့် ကုလားချောင်းကျေးရွာများမှဖြစ်ပြီး ထိုအထဲတွင် ရာအိမ်မှူး ၂ ဦးလည်းပါဝင်ကြောင်း ကျောက်တော်မြို့ မြို့မရဲစခန်းမှ ပြောသည်။

အဆိုပါ ၈ ဦးတို့သည် ကုလားချောင်းပတ်ဝန်းကျင်တွင် AA က ပြုလုပ်သော အစည်းအဝေးကို တက်ရောက်ခဲ့ကြောင်း အထောက်အထားတွေ့ရှိရ၍ ယခုကဲ့သို့ ဖမ်းဆီးထားခြင်း ဖြစ်သည်ဟု ဆိုသည်။

“ကျွန်တော်တို့ ဖမ်းဆီးတဲ့အခါမှာ တပ်ဖွဲ့ဝင်၊ ကူညီပံ့ပိုးသူနဲ့ AA နဲ့ဆက်နွယ်မှု ရှိသူတွေကို ဖမ်းဆီးတာ ဖြစ်ပါတယ်။ ပထမ ဖမ်းဆီးထားတဲ့ ၂၃ ဦးကို ၁၇/၁ နဲ့ ၁၇/၂ ဥပဒေပုဒ်မတွေနဲ့ စွဲဆိုထားပါတယ်။ ၁၇/၁ နဲ့ ငြိရင် ထောင်သုံးနှစ်ကျခံရမယ်ဖြစ်ပြီး၊ ၁၇/၂ နဲ့ ငြိရင် ထောင် ၅ နှစ် ကျခံရမှာဖြစ်ပါတယ်”ဟု မြို့နယ်မှူးက ပြောသည်။

ခေါင်းဆောင်ပိုင်းကို ၁၇/၂ နှင့်စွဲထားပြီး၊ သာမန်ရဲဘော်နှင့် ဆက်နွယ်သူများကို ၁၇/၁ ဖြင့်စွဲထားသည်ဟု သိရသည်။

ယခင်ဖမ်းဆီးရမိထားသူများထဲတွင် တိုက်ပွဲအတွင်းဖမ်းမိသူ ၁၂ ဦးပါဝင်ပြီး၊ အခြားသူများမှာ အခြားနေရာများမှ ဖမ်းဆီးထားသူများဖြစ်သည်ဟု သိရသည်။

ထိုသို့ဖမ်းဆီးရခြင်းမှာ ရက္ခိုင့်တပ်မတော်မှ သင်တန်းတက်ရောက်သူ စာရင်းနှင့် ကိုယ်ရေး အကျဉ်းအထောက်အထားများကို ရရှိထား၍ဖြစ်ကြောင်း သိရသည်။

ဖမ်းဆီးခံထားသူများကို အမှုတည်ဆောက်ဆဲကာလတွင် မိသားစုဝင်များ အပါအ၀င် တစ်စုံတစ်ဦးနှင့်မှ  တွေ့ဆုံခွင့် မပြုခဲ့သော်လည်း အမှုတည်ဆောက်ပြီးစီးထားသူ ၂၀ ဦးကိုမူ မိသားစုများနှင့် မကြာမီ တွေ့ခွင့်ပြုပေးမည်ဟု ကျောက်တော်မြို့မ ရဲစခန်းမှ မြို့နယ်မှူးကပြောသည်။

စံမောင်သန်း / နိရဉ္စရာ
http://www.narinjara.com/burmese

စစ်ခုံရုံး ဆုံးဖြတ်ချက် ကိုပါကြီး ဇနီး ကန့်ကွက်

ကိုပါကြီးဇနီး မသန္တာကို တွေ့ရစဉ် Photo: Kyaw Lwin Oo/RFA
အလွတ်သတင်းထောက် ကိုပါကြီးသေဆုံးမူကို တပ်မတော်စစ်ခုံရုံးက ဆုံးဖြတ်ချက် ပေးလိုက်တာဟာ တရားမျှတမူမရှိတာကြောင့် ပြန်လည် စိစစ်ဆောင်ရွက်ပေးဖို့ ဇနီးဖြစ်သူ မသန္တာက နိုင်ငံတော် သမ္မတ ဦးသိန်းစိန်ထံ မနေ့က နေ့စွဲနဲ့ ကန့်ကွက်အသနားခံစာ ရေးသားပေးပို့လိုက်ပါတယ်။

အဲ့ဒီစာမှာ တပ်မတော်စစ်ခုံရုံး ဆုံးဖြတ်ချက်ကြောင့် အရပ်သားတွေ အခွင့်အရေးဆုံးရှုံးနေရတယ်လို့ ဖော်ပြ ထားတယ်လို့ မသန္တာက ပြောပါတယ်။

ကိုပါကြီးအသတ်ခံရမူနဲ့ ပတ်သက်ပြီး သေမူသေခင်း စစ်ဆေးချက်တွေကို ကျိုက်မရောမြို့နယ် တရားရုံးမှာ စစ်ဆေးနေချိန်အတွင်း၊ ကိုပါကြီးသေဆုံးခဲ့ရတဲ့အမှုမှာ တာဝန်ရှိသူတွေအဖြစ် စစ်ဆေးခံနေရသူ ဒုတပ်ကြပ် တစ်ဦးနဲ့ တပ်သား တစ်ဦးတို့ကို  စစ်ခုံရုံးက တရားသေ လွှတ်ပေးလိုက်ပါတယ်။

အဲ့ဒီလို လွှတ်ပေးခဲ့ရာမှာ ၂ဝဝ၈ ဖွဲ့စည်းပုံအခြေခံ ဥပဒေကို ရည်ညွန်းထားတာကြောင့် အဲ့ဒီဖွဲ့စည်းပုံဟာ တပ်မတော်သားတွေကိုသာ အကာအကွယ်ပေးပြီး အရပ်သားတွေကို အကာအကွယ် မပေးတဲ့ အဓိပ္ပာယ် သက်ရောက်စေတယ်လို့ မသန္တာက ပြောပါတယ်။

RFA Burmese
http://www.rfa.org/burmese
 

ဖွဲ့စည်းပုံပြင်ရေး ပြည်သူမထိခိုက်သည့်နည်းကို ရွေးမည်ဟု ဒေါ်အောင်ဆန်းစုကြည်ပြော


ဒီမုိုကရေစီ စံနှုန်းတွေနဲ့ မကုိုက်ညီတဲ့ ဖွဲ့စည်းပုံ အခြေခံ ဥပဒေထဲက အချက်တွေကုို ပြင်ဖုို့ ပြည်သူတွေ မနစ်နာ၊ မထိခုိုက်တဲ့ နည်းကုို ရွေးချယ်မယ်လုို့ ဒေါ်အောင်ဆန်းစုကြည်က ပြောဆုိုလုိုက်ပါတယ်။

ကချင်ပြည်နယ် ပူတာအုိုမြို့မှာ မေလ ၂၃ ရက်နေ့က ပြုလုပ်တဲ့ လူထုတွေ့ဆုံပွဲမှာ ပြောဆိုလုိုက်တာပါ။

ဖွဲ့စည်းပုံ ပြင်ရေးကုို ဥပဒေဘောင်အတွင်းက လုပ်မှာ ဖြစ်ပြီး ဆူပူလှုံ့ဆော် ဆန္ဒပြတဲ့နည်းနဲ့ မဟုတ်ဘဲ လုပ်မယ်လို့ ပြောပါတယ်။

ဒါ့အပြင် အဖွဲ့ချုပ်အနေနဲ့ စဉ်းစားထားတာတွေကုို ပြောသင့် ပြောထုိုက်တဲ့အခါမှာ ပြောမယ်လုို့ ဆုိုပါတယ်။

ပူတာအုို လူထုတွေ့ဆုံပွဲမှာ ဒေါ်အောင်ဆန်းစုကြည်ဟာ ပြည်သူတွေက မေးမြန်းတဲ့ မေးခွန်းတွေကုို ဖြေဆုိုခဲ့ပြီး လက်ရှိ နုိုင်ငံရေးအခြေအနေ၊ ဖွဲ့စည်းပုံ ပြင်ဆင်ရေးနဲ့ ၂၀၁၅ ရွေးကောက်ပွဲ အခြေအနေတွေကုို ဆွေးနွေးခဲ့ပါတယ်။

ပူတာအုို လူထု စည်းရုံးရေး ခရီးစဉ်မှာ မြစ်ကြီးနား၊ မုိုးကောင်း၊ ဖားကန့်စတဲ့ ဒေသတွေ ပြည်သူတွေ ထောင်နဲ့ချီပြီး တက်ရောက်ခဲ့ပါတယ်။

By ဒီဗွီဘီ
http://burmese.dvb.no
ဓာတ်ပုံ – NLD Chairperson

လှေစီးရွှေ့ပြောင်းသူတွေကို ဘင်္ဂလားဒေ့ရ်ှကို ပြန်ပို့နိုင်ရေး စီစဉ်နေ

ရွှေ့ပြောင်းသူ အယောက် ၂၀ဝ ကျော် ကို ယာယီ လက်ခံ ထားရာ မောင်တော မြို့ တောင်ပိုင်း ၊ အလယ် သံကျော် ရွာ က ယာယီ စခန်း တွေ ကို ကုလသမဂ္ဂ အတွင်းရေး မှုး ချုပ် ရဲ့ မြန်မာ နိုင်ငံ ဆိုင်ရာ အထူး အကြံပေး ဗီဂျေ နမ်ဘီးယား လည်း သွားရောက် ကြည့် ရှု့ ခဲ့။ 
မြန်မာ့ ရေပိုင်နက် ထဲ တွေ့ခဲ့ရ တဲ့ လူမှောင်ခို လှေ ၂ စင်း ပေါ် က ရွှေ့ပြောင်းသူ အယောက် ၂၀၀ ကျော် ဟာ ဘင်္ဂလားဒေ့ရှ် နိုင်ငံ သား တွေ ဖြစ် ကြောင်း စိစစ် တွေ့ထား ရပြီး သူတို့ရဲ့ မူ လ နိုင်ငံ ကို ပြန်လည် ပို့ဆောင် ပေး နိုင် ဖို့ ဘင်္ဂလား ဒေ့ရှ် သံရုံး နဲ့ ဆက်သွယ် ဆောင် ရွက် နေတယ် လို့ မြန်မာ နိုင်ငံခြားရေး ဌာ န က ပြောပါတယ်။

ဘင်္ဂလား ဒေ့ရှ် နိုင်ငံသား တွေ ကို မြန်မာ အာဏာ ပိုင် တွေ က ကယ်ဆယ် ထား တယ် ဆို တာ ကြောင့် စစ်တွေ မှာ ရှိတဲ့ ဘင်္ဂလား ဒေ့ရှ် ကောင်စစ်ဝန် ရုံး ဟာ ရခိုင် ပြည်နယ် အစိုးရ နဲ့ တွေ့ဆုံ ထားပြီး ဖြစ်တယ် လို့ ဘင်္ဂလား ဒေ့ရှ် ရဲ့ မြန်မာ နိုင်ငံ ဆိုင်ရာ သံအမတ် က မြန်မာ နိုင်ငံခြားရေး ဒုဝန်ကြီး နဲ့ တွေ့ဆုံ တုန်း မှာ ပြော ကြား ထား ကြောင်း နိုင်ငံခြားရေး ရုံး ရဲ့ ညွှန်ကြားရေး မှုး ချုပ် ဦးထင်လင်း က ဘီဘီစီ ကို ပြောပါတယ်။

ပြီးခဲ့တဲ့ ကြာသပတေး နေ့ က မြန်မာ အစိုးရ ရေတပ် ကနေ ခေါ်ဆောင် လာခဲ့တဲ့ ရွှေ့ပြောင်းသူ အယောက် ၂၀၀ ကျော် ကို ယာယီ လက်ခံ ထားရာ မောင်တော မြို့ တောင်ပိုင်း ၊ အလယ် သံကျော် ရွာ က ယာယီ စခန်း တွေ ကို ကုလသမဂ္ဂ အတွင်းရေး မှုး ချုပ် ရဲ့ မြန်မာ နိုင်ငံ ဆိုင်ရာ အထူး အကြံပေး ဗီဂျေ နမ်ဘီးယား လည်း သွားရောက် ကြည့် ရှု့ ခဲ့ ပါတယ်။

မစ္စတာ နမ်းဘီးယား နဲ့ အတူ လိုက်ပါ သွားတဲ့ ရခိုင် ပြည်နယ် အစိုးရ ဝန်ကြီး ချုပ် ဗိုလ်ချုပ် မောင်မောင် အုန်း က အဲဒီ့ လှေစီး ရွှေ့ပြောင်း သူ တွေ ကိုယ်တိုင် သူတို့ရဲ့ မူလ နိုင်ငံ ကို ပြန်လိုကြောင်း ပြောနေတယ် လို့ ဆိုပါ တယ်။

မြန်မာ နဲ့ ဘင်္ဂလား ဒေ့ရှ် နိုင်ငံ ကနေ ထွက် ခွာ နေကြ တဲ့ ထောင် ပေါင်း များစွာ သော လှေစီး ရွှေ့ပြောင်း သူ တွေ ဟာ အရှေ့တောင် အာရှ ဒေသတွင်း ပင်လယ် ပြင် ထဲ မျော ပါ ဒုက္ခရောက် နေကြ ရတာ ကို မြန်မာ အပါအဝင် ဒေသတွင်း နိုင်ငံ တွေ ပူးပေါင်း ကိုင်တွယ် ကြဖို့ ကုလသမဂ္ဂ အပါအဝင် နိုင်ငံတကာ က တောင်းဆို နေကြ ပါတယ်။

BBC Burmese
http://www.bbc.com/burmese
 

NLD သာ အစိုးရဆိုရင် လူထုအားနဲ့ ငြိမ်းချမ်းရေးရယူမည်

ကချင်ပြည်နယ် ပူတာအိုမြို့ လုံးစွတ်ရပ်ကွက်မှာကျင်းပတဲ့ လူထုတွေ့ဆုံပွဲမှာ ဒေါ်အောင်ဆန်းစုကြည်ကို မေလ ၂၃ ရက်နေ့က တွေ့ရစဉ် Photo: Kyaw Myo Min/RFA
အမျိုးသား ဒီမိုကရေစီ အဖွဲ့ချုပ် NLD သာ အစိုးရ ဖြစ်မယ်ဆိုရင်လည်း ပြည်တွင်း ငြိမ်းချမ်းရေး ရဖို့အတွက် ပြည်သူတွေရဲ့ ပူးပေါင်းပါဝင်မှုကို ရယူသွားရမှာ ဖြစ်ကြောင်း ပြည်သူမပါပဲ ပြည်တွင်းငြိမ်းချမ်းရေး မရနိုင်ကြောင်း အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က ပြောလိုက်ပါတယ်။

ကချင်ပြည်နယ် ပူတာအိုမြို့ လုံးစွတ်ရပ်ကွက်မှာ ဒီနေ့ကျင်းပခဲ့တဲ့ လူထုတွေ့ဆုံပွဲမှာ မချမ်းဘော့ မြို့ခံတစ်ဦးက NLD သာ အစိုးရဆိုရင် ငြိမ်းချမ်းရေးနဲ့ ပတ်သက်ပြီး ဘယ်လို သဘောထားရှိပါသလဲလို့ မေးမြန်းရာမှာ ဒေါ်အာင်ဆန်းစုကြည်က

"စစ်ပွဲတွေနဲ့ တိုက်ပွဲတွေနဲ့ ဟိုနေရာ ဒီနေရာဖြစ်နေတာပဲ၊ ကျမတို့ နိုင်ငံဟာလည်း ငြိမ်းချမ်းမှုမရှိသေးဘူး၊ အမျိုးသားဒီမိုကရေစီအဖွဲ့ချုပ် အစိုးရဖြစ်လို့ရှိရင်လည်း ငြိမ်းချမ်းဖို့ဆိုတာ ပြည်သူလူထုပါမှ ဖြစ်မယ်ဆိုတာ အခုကတည်းက ကျမပြောပါရစေ၊ အစိုးရတစ်ဖွဲ့တည်းကနေပြီးတော့ အားလုံးလုပ်ပေးမယ်လို့ ပြောတဲ့အဖွဲ့တွေကို ဘယ်တော့မှမဲမပေးနဲ့ အဲ့ဒါအာဏာရှင် အစိုးရပဲဖြစ်မှာပဲ၊ အစိုးရနဲ့ ငြိမ်းချမ်းရေးရဖို့ဆိုတာဟာ အများကြီးပိုပြီးတော့ခက်ခဲတယ်၊ ဘာကြောင့်လဲဆိုတော့ ပြည်သူလူထုရဲ့ ပူးပေါင်းဆောင်ရွက်မှုကို ကျမတို့ရယူပြီးမှ ငြိမ်းချမ်းရေးရနိုင်မှာဆိုတာ အခုတော့ အားလုံးကိုနားလည်စေချင်တယ်"

ဒါ့အပြင် အမျိုးသားဒီမိုကရေစီအဖွဲ့ချုပ်က ရွေးကောက်ပွဲနိုင်ပြီး အစိုးရဖွဲ့နိုင်ခဲ့ရင် ဒီမိုကရေစီအစိုးရ တင်မကပဲ အမျိုးသားရင်ကြားစေ့ရေးကို ဦးတည်တဲ့ အစိုးရဖြစ်ဖို့အတွက် တခြားပါတီတွေနဲ့ ပူးပေါင်းလုပ်ဆောင်သွားရမှာ ဖြစ်တယ်လို့လည်း ပရိသတ်တစ်ဦးရဲ့ မေးခွန်းကို ဖြေကြားခဲ့ပါတယ်။

လူထုတွေ့ဆုံပွဲကို ပူတာအိုခရိုင်အပြင် မြစ်ကြီးနား၊ မိုးကောင်း၊ ဖားကန့်မြို့နယ်တွေက NLDပါတီဝင်တွေနဲ့ ဒေသခံတွေစုစုပေါင်း နှစ်သောင်းဝန်းကျင် တက်ရောက်ခဲ့ပါတယ်။

RFA သတင်းထောက် ကိုကျော်မျိုးမင်း ပူတာအိုမြို့ကနေ ပေးပို့ခဲ့တဲ့ ဒေါ်အောင်ဆန်းစုကြည်ရဲ့ မိန့်ခွန်းထဲက အချက်တစ်ချို့ကို မဝေမာထွန်း စုစည်းတင်ပြထားပါတယ်။

RFA Burmese
http://www.rfa.org/burmese

အလုပ်သမားဆန္ဒဖော်ထုတ်သူများသည် အစိုးရနှင့်အလုပ်ရှင်များက စွဲဆိုသည့် အမှုများ ရင်ဆိုင်နေရသည့်အတွက် အခြားလုပ်ငန်းခွင်သို့ဝင်ရောက်ရန် အခက်အခဲဖြစ်နေ


အလုပ်သမားအခွင့်အရေး တောင်းဆိုသည့်အနေဖြင့် ဆန္ဒဖော်ထုတ်ပြီးနောက် အစိုးရနှင့် အလုပ်ရှင်များ စွဲဆိုသည့် အမှုများရင်ဆိုင်နေရသည့်အတွက် အခြားလုပ်ငန်းခွင်တစ်ခုခုတွင် ဝင်ရောက်လုပ်ကိုင်ရန် အခက်အခဲများတွေ့ရကြောင်း အလုပ်သမားများ ပြောပြချက်အရ သိရသည်။

လစာတိုးပေးရေး တောင်းဆိုပြီး နောက်အမှုရင်ဆိုင်နေရသူ ကောစ တက်အထည်ချုပ်စက်ရုံမှ မအေးစန္ဒာဝင်းက “ကျွန်မတို့ တရားစွဲခံရတဲ့ အလုပ်သမားတော်တော်များများက အဆောင်နေလုပ်ကိုင်သူတွေများတယ်။ အမှုလည်းဖြစ်ရော အလုပ်မရှိဖြစ်ကုန်တော့ ကိုယ့်အိမ်ကိုယ်ပြန်ရတယ်။ ရုံးချိန်းတွေက တစ်ပတ်တစ်ခါချိန်းနေတော့ လုပ်ငန်းခွင်ထဲဝင်လုပ်ဖို့က အဆင်မပြေဘူး။ နောက် ပန်းတနော်၊ ဓနုဖြူကလာတာဆိုတော့ သွားရေးလာရေးအခက်အခဲရှိတယ်” ဟု ပြောသည်။

အလုပ်သမားများ အမှုရင်ဆိုင်ရပါက အလုပ်ရှင်ဘက်မှ အမှုရင်ဆိုင် ရန် အခက်အခဲရှိနိုင်သော်လည်း အလုပ်သမားများအနေဖြင့် စားဝတ်နေရေး ဖြေရှင်းရန်အတွက် အခြားစက်ရုံတွင် ပြောင်းလဲလုပ်ကိုင်ပါကလည်း တစ်ပတ်တစ်ခါ ရုံးချိန်းများရှိသဖြင့် စက်ရုံလုပ်ငန်းများအနေဖြင့် တစ်လလျှင် ခွင့် ၃ ရက်ထက် ပိုပေးနိုင်ခြင်းမရှိခြင်း စသည့် အကြောင်းအမျိုးမျိုးကြောင့် မိဘလုပ်ကိုင်သည့် အလုပ်များတွင် ဝင်ရောက်လုပ်ကိုင်ခြင်း၊ ဆောက်လုပ်ရေးလုပ်ငန်းများတွင် နေ့စားအဖြစ် လုပ်ကိုင်ခြင်း စသည်တို့ လုပ်ကိုင်ရခြင်းများရှိကြောင်း သိရသည်။

ရွှေပြည်သာတွင်နေထိုင်သည့် လက်ရှိအမှုရင်ဆိုင်နေရသည့် အထည်ချုပ်စက်ရုံလုပ်သား မအေးအေးခိုင်က “လစာတိုပေးဖို့အတွက် ဆန္ဒပြတောင်း ဆိုတယ်။ အခု ပုဒ်မ ၁၈ နဲ့ အမှုဖွင့်ခံရ ပြီး အာမခံနဲ့အပြင်မှာနေရတယ်။ စက်ရုံအလုပ်က ဝင်ဖို့အဆင်မပြေဘူး။ ဒီတော့ ကန်ထရိုက်အဆောက်အအုံတွေမှာ ပန်းရံအကူအနေနဲ့ လိုက်လုပ်တယ်။ အမှုရင်ဆိုင်စဉ်ကာလအတွင်း စားဝတ်နေရေးပြေလည်အောင် ဒီလိုပဲလုပ်ရတယ်” ဟု ပြောသည်။

လက်ရှိအမှုရင်ဆိုင်နေရသူများ အနေဖြင့် ရုံးချိန်းအခက်အခဲရှိခြင်းများရှိပြီး အမှုများ ပြီးဆုံးသွားသည့်အခါတွင်လည်း အလုပ်သမားများဘက်က အနိုင်ရရှိသည့်အခါ အခြားလုပ်ငန်းခွင်တစ်ခုသို့ သွားရောက်လျှောက်ထားလျှင် အဆင်မပြေမှုများကြုံတွေ့ရ ကြောင်း အလုပ်သမားဝန်ကြီးဌာနမှ အလုပ်အကိုင်ရှာပေးသော်လည်း ဝင်ရောက်သည့်အခါ နေထိုင်ရာနေရာနှင့် ကွာဝေးခြင်း၊ လုပ်ငန်းခွင်အတွင်း အခြားသူများနှင့် အဆင်မပြေခြင်းတို့ကြောင့် အိမ်နီးချင်းနိုင်ငံများသို့ ပြောင်း ရွှေ့လုပ်ကိုင်ခြင်းများရှိကြောင်း သိရသည်။

လှိုင်သာယာစက်မှုဇုန်မှ အလုပ်သမားတစ်ဦးက “ဘယ်သူက ဒီလို ဆန္ဒပြတောင်းဆိုတာမျိုးကို လုပ်ချင်ပါ့မလဲ။ အဆင်ပြေအောင်လုပ်ကြတာပဲ။ စားဝတ်နေရေးကျပ်တည်းလာတော့ ဆန္ဒပြဖြစ်ခဲ့ကြတယ်။ နောက်အလုပ် တစ်ခုကိုပြောင်းလုပ်လည်း ဒီမှာက ဘာမှမထူးဘူးလေ။ ရတဲ့လခတွေက အကြွေးဆပ်တာနဲ့ကုန်တယ်။ တချို့ဆို အကြွေးပေါ်အကြွေးဆင့်နဲ့ အရမ်းဒုက္ခရောက်ကြတယ်” ဟု ပြောသည်။

လက်ရှိတွင် မြန်မာနိုင်ငံတွင် အနည်းဆုံးအခကြေးငွေ အမြန်ဆုံးမသတ် မှတ်နိုင်ခြင်း၊ အလုပ်သမားဥပဒေများအား ထိရောက်စွာ ကိုင်တွယ်အရေးယူ ဆောင်ရွက်နိုင်မှု အားနည်းခြင်းများကြောင့် အလုပ်သမားများမှာ အခက်အခဲများကြုံတွေ့ရပြီး မလိုလားအပ်သည့် ဆန္ဒပြတောင်းဆိုမှုများ ပေါ်ပေါက်လာနိုင်ကြောင်း အလုပ်သမား အရေးဆောင်ရွက်သူများက ဆိုသည်။

တစ်ဖက်တွင်လည်း သယ်ယူစရ်ိတ်ကြီးမြင့်ခြင်း၊ မြေနေရာငှားရမ်းခ ကြီးမြင့်ခြင်း ၊ လျှပ်စစ်မီးလုံလောက်စွာ မရရှိခြင်းနှင့် မလိုလားအပ်သည့် ငွေကြေးကုန်ကျမှုရှိနေမှုများကြောင့် လုပ်သားများအား လုပ်ခလစာတိုးပေး ရန်အခက်အခဲတွေ့ရကြောင်း လုပ်ငန်းရှင်များပြောပြချက်အရ သိရသည်။

စိုင်းဟန်
The Ladies News Journal
https://www.facebook.com/News.TheLadies

“တစ်နေ့ ၁၃၅၀ ကျပ်ရသည့် အခြေခံအလုပ်သမားများ ကျပ်တစ်ထောင် ထပ်တိုးပေးပါ ရန် တောင်းဆိုမှုကြောင့် အမှုပေါင်း ၁၃ မှုဖြင့် အမှုဖွင့်ခံထားရ”


လစာတစ်ထောင်တိုးပေးရန်အတွက် တောင်းဆိုသည့် စက်ရုံအလုပ်သမားများ အကြမ်းဖက်ဖြိုခွင်းခံရ သည့်အပြင် မြိုနယ် ၂ ခုတွင် ပုဒ်မ ၄ ခုနှင့် အမှုပေါင်း ၁၃ မှုဖြင့် ဖွင့်ခံ ထားရကြောင်း Cosetec အထည်ချုပ် စက်ရုံအလုပ်သမားသမဂ္ဂမှ မအေးစန္ဒာဝင်း က ပြောသည်။

အဆိုပါကိစ္စနှင့်ပတ်သက်ပြီး ရန်ကုန်တိုင်းဒေသကြီး အင်းစိန်မြို့နယ် တရားရုံးတွင် မေ ၂၁ ရက်က အင်း စိန်မြို့နယ်မှ တရားစွဲထားသည့်ကိစ္စ နှင့်ပတ်သက်ပြီး ရုံးချိန်း တွင်ပြောခြင်း ဖြစ်သည်။

မအေးစန္ဒာဝင်းက “ကျွန်မတို့ လက်ရှိရနေတဲ့လစာ ၁၃၅၀ ကျပ်ရတဲ့ အတွက် မကျေနပ်တဲ့ အတွက် ငွေကျပ်တစ်ထောင်တိုးပေးဖို့ ဆန္ဒပြတာကို အကြမ်းဖက်နှိမ်နှင်းပြီး အမှုဖွင့်ခံ ရ တယ်။ ဘယ်နှစ်မှုဖွင့်ခံထားရလဲ မသိဘူး။ တိုင်းတရားရုံးကို သွားတဲ့ အခါမှ ၁၃ မှုဖွင့် ထားတယ်ဆိုတာ သိရတယ်” ဟုပြောသည်။

ယင်းတို့အား လစာတိုးပေးရန် ဆန္ဒပြသည့်အတွက် မတ်လ ပထမပတ် အတွင်း နှစ်ကြိမ် တိုင်တိုင် အကြမ်းဖက်ဖြိုခွင်းနှိမ်နှင်းခဲ့ပြီး သပိတ်မှောက်ဆန္ဒပြသည့် စက်ရုံနှစ်ရုံမှ အလုပ်သမား ၁၄ ဦးနှင့် ဦးဆောင်သူ ၄ ဦးကို ရွှေပြည်သာမြို့နယ်နှင့် အင်းစိန်မြို့နယ်မှ တာဝန်ရှိသူများက ပုဒ်မ -၁၈၊ ၁၉၊ ၁၄၇ နှင့် ၅၀၅(ခ)တို့ဖြင့် အမှုပေါင်း ၁၃ မှုဖြင့် အမှုဖွင့် ထားကြောင်း သိရသည်။

အမှုရင်ဆိုင်ရသည့် တရားရုံးများမှာ လုံခြုံရေးအဆင်မပြေမှုများ ရှိသ ဖြင့် ရွှေပြည်သာမြို့နယ်မှ တောင်ဥက္ကလာပမြို့နယ်တရားရုံးသို့ ကိုမျိုးမင်းမင်းနှင့် ကိုနိုင်မင်းဝေတို့၏ ရှေ့နေအား အကြောင်းကြားခြင်းမရှိဘဲ ရုံးပြောင်းစစ်ဆေးကြောင်း၊ ယနေ့ အင်းစိန်ရုံးတွင် စစ်ဆေးသည့် ကိုစိုင်းနှင့် မအေးစန္ဒာဝင်းအပါအဝင် ၁၃ ဦး ကိုလည်း မေ ၂၆ ရက်တွင် ရန်ကင်းတရားရုံး ပြောင်းရွှေ့စစ်ဆေးခြင်းများပြုလုပ်ကြောင်း သိရသည်။

ယင်းတို့အလုပ်သမားထဲတွင် အသက်မပြည့်သေးသည့် အလုပ်သမား တစ်ဦးဖြစ်သည့် ကိုနိုင်မိုးထွန်း ၁၆ နှစ်ကိုလည်း ပုဒ်မ-၁၄၇ဖြင့် ဘားလမ်းရှိ ကလေးသူငယ် တရားရုံးတွင် မေ ၂၆ ရက်၌ ဆက်လက်စစ်ဆေးသွား ရန်ရှိကြောင်း သိရသည်။

အလုပ်သမားများသည့် တစ်ဖက်တွင် သက်ဆိုင်ရာအာဏာပိုင်များက စွဲဆိုထားသည့် အမှုများ ရင်ဆိုင်နေရ သကဲ့သို့ အလုပ်သမားခုံသမာဓိရုံးတွင် အလုပ်ရှင်နှင့် ဆက်လက် အမှုရင် ဆိုင်နေရပြီး ခုံသမာဓိရုံး ဆုံးဖြတ်ချက် အတိုင်း အလုပ်သမားများကို လုပ်ငန်းခွင် အတွင်း ဆက်လက်လုပ်ကိုင်ရန် အမိန့်ချမှတ်လိုက်သည့်အပေါ် အလုပ်ရှင်က မလိုက်နာဘဲ ကန့်ကွက် သဖြင့် ခုံသမာဓိကောင်စီတွင် အလုပ်သမားရေးရာနှင့် ပတ်သက်ပြီး အမှုရင်ဆိုင် ရမည်ဖြစ်ကြောင်း သိရသည်။

မအေးစန္ဒာဝင်းက “ကျွန်မတို့ အထည်ချူပ်စက်ရုံက အလုပ်သမားတွေ လုပ်ငန်းခွင် ပြန်ဝင်ဖို့ ခုံသမာဓိရုံးက အမိန့်ချလိုက်တယ်။ ဒါပေမဲ့ အလုပ်ရှင်ဘက်က လိုက်နာဖို့ ပျက်ကွက်တယ်။ အလုပ်သမားတွေဘက်က အမှုကိုလေးစားလိုက်နာတဲ့ အတွက် ဥပဒေ အဆုံးအဖြတ်တိုင်း ဆက်သွားတယ်။ အလုပ်ရှင်ဘက်က ချိုးဖောက်တာတွေကျတော့ ဘယ်သူ မှအရေးမယူဘူး” ဟု ပြောသည်။

ယင်းတို့အနေဖြင့် မေ ၂၆ ရက် တွင် ပုဒ်မ- ၁၄၇ ဖြင့် အင်းစိန်တရား ရုံးမှ ရန်ကင်း တရားရုံး သို့ ရုံးပြောင်း စစ်ဆေးခြင်းသည့်ကိစ္စအား တရားရုံး အရောက်လမ်းလျှောက် သွားပြီး အမှု ရင်ဆိုင်ရန် ရည်ရွယ်ထားကြောင်း သို့ ရာတွင် အမှု အတူတူ ရင်ဆိုင်ရမည့် သူများ ဆန္ဒ အရသာ ဆက်လက်လုပ်ဆောင်သွားမည်ဖြစ်ကြောင်း ထပ်မံ ဖြည်စွက်ပြောသည်။

စိုင်းဟန်
The Ladies News Journal
https://www.facebook.com/News.TheLadies

တရားမ၀င် ၀င်ရောက်လာသည့် တရုတ်နိုင်ငံသား ၄ ဦးကို မြ၀တီတွင် ဖမ်ဆီးခံရ


မေ - ၂၃ - ၂၀၁၅

ထိုင်းနိုင်ငံမဲဆောက်ကနေ တဆင့် မြန်မာနိုင်ငံ မြ၀တီဘက်ကို တရားမ၀င် ၀င်ရောက်လာတဲ့ တရုတ်နိုင်ငံသား ၄ ဦးကို မြ၀တီခရိုင် အာဏာပိုင်တွေက ဖမ်းဆီး လိုက်ပါတယ်။

ထိုင်းနိုင်ငံကနေတဆင့် ၀င်ရောက်လာတာဖြစ်ပြီး မနေ့က မြ၀တီက ကုန်သွယ်ရေးဇုန်မှာ ဖမ်းဆီးခံရတာဖြစ်တယ်လို့ မြ၀တီခရိုင်ရဲတပ်ဖွဲ့မှူး ရဲမှူးကြီးမိုးညို က ဒီကနေ့မှာ ဒေသခံ သတင်းထောက်တွေကို အတည်ပြုပြောဆိုခဲ့ပါတယ် အရေးယူ သွားမယ်လို့လည်း သိရှိရပါတယ်။။

မြ၀တီမြို့နယ်အတွင်းမှာ ဒီနှစ်အတွင်းမှာဘဲ အီရတ်နဲ့နိုင်ဂျီးရီးယား အပါအအ၀င် တရားမ၀င် ၀င်ရောက်လာတဲ့ နိုင်ငံအချို့က လူတွေကို ဖမ်းဆီး၇မိခဲ့တာတွေရှိခဲ့သလို ပြီးခဲ့တဲ့ ၂၀၁၄ ခုနှစ်ကလည်း အလားတူဖမ်းဆီးရမိမှုတွေရှိခဲ့ပါတယ်။

မနေ့ကဖမ်းဆီးလိုက်တဲ့ တရုတ်နိုင်ငံသား ၄ ဦးကို နိုင်ငံအတွင်း တရားမ၀င် ၀င်ရောက်မှု ပုဒ်မနဲ့ စွဲချက်တင်သွားမယ်လို့ သိရှိရပါတယ်။

ပုံစာ - မြ၀တီခရိုင်ရဲတပ်ဖွဲ့မှူး ရဲမှူးကြီးမိုးညို ။
သတင်းနှင့်ဓာတ်ပုံ - ကရင်အမျိုးသား(မီဒီယာ)

ဗြိတိန် ကျောင်းသား သမဂ္ဂတွေကို လာလေ့လာ


 ဗြိတိန် ကျောင်းသား သမဂ္ဂတွေကို လာလေ့လာ
ဗြိတိန် က ကျောင်းသား သမဂ္ဂ တွေ ဖွဲ့စည်း လှုပ်ရှားမှု တွေ ကို လေ့လာဖို့ ဒေါ် အောင်ဆန်း စုကြည် အစီ အစဉ် နဲ့ မြန်မာ တက္ကသိုလ် ၄ ခု က ကျောင်းသား သမဂ္ဂ ကိုယ်စားလှယ် ၄ ယောက် ဗြိတိန် ကို တပတ် ကြာ လာ လေ့လာ ခဲ့ ကြ ပါတယ်။

မြန်မာ နိုင်ငံ မှာ ရေးဆွဲ နေတဲ့ အဆင့်မြင့် ပညာရေး ဥပဒေ မှာ ထည့်သွင်း ဆွေးနွေး နိုင် ဖို့ ဗြိတိန် တက္ကသိုလ် သမဂ္ဂ တွေရဲ့ လှုပ်ရှားမှု တွေကို လာလေ့လာ ခဲ့တာ လို့ ရန်ကုန် စီးပွားရေး တက္ကသိုလ် ကျောင်းသား များ သမဂ္ဂ ဥက္ကဋ္ဌ ကိုဇေယျာလွင် က ပြောပါတယ်။

ဒီခရီးစဉ် အတွင်း မြန်မာ နိုင်ငံမှာ ဖြစ်ပွား ခဲ့တဲ့ ကျောင်းသား ဆန္ဒပြပွဲ တွေ ဖြိုခွဲ ခံရမှု နဲ့ ပတ်သက်ပြီး အောက်စဖို့ဒ် နဲ့ တခြား တက္ကသိုလ် သမဂ္ဂတွေမှာ ဆွေးနွေး ပြောကြား ခဲ့ပြီး ဖမ်းဆီး ခံရသူတွေ လွတ်မြောက် ဖို့ လှုပ်ရှား ဆောင်ရွက် လိုကြောင်း တချို့ သမဂ္ဂ တွေက ပြောကြား ပါတယ်။

ဗြိတိန် တက္ကသိုလ် တွေ မှာ သမဂ္ဂ တွေက ကျောင်းသား အရေး ကိစ္စတွေမှာ တက်တက် ကြွကြွ ဆောင်ရွက် နေတာ တွေ့ရပြီး စီမံ ဆောင်ရွက်ခွင့် တွေ လည်း ရနေကြတယ်၊ မြန်မာ နိုင်ငံ မှာတော့ သမဂ္ဂတွေ ရပ်တည်ဖို့ ကြိုးစား နေရဆဲ မို့ ဒီလို ဖြစ်လာ ဖို့ လိုသေးတယ် လို့လည်း ကို ဇေယျာလွင် က ပြောပါတယ်။

BBC Burmese
http://www.bbc.com/burmese

ဒေါ်အောင်ဆန်းစုကြည်ရဲ့ ပူတာအိုခရီးစဉ်


 အမျိုးသား ဒီမိုကရေစီ အဖွဲ့ချုပ် NLD ပါတီဥက္ကဋ္ဌ ဒေါ်အောင်ဆန်းစုကြည် ကချင်ပြည်နယ် ပူတာအိုမြို့မှာ ဖွဲ့စည်းပုံပြင်ဆင်ရေး ဆိုင်ရာ၊၂၀၁၅ ရွေးကောက်ပွဲ အခြေအနေ အပါအဝင် မြန်မာနိုင်ငံရဲ့ လက်ရှိနိုင်ငံရေး အခင်းအကျင်းတွေနဲ့ ပတ်သက်လို့ ကချင်ပြည်သူလူထုနဲ့ တိုက်ရိုက် တွေ့ဆုံဆွေးနွေးနေပါတယ်။ ကချင်ပြည်နယ်ခရီးစဉ်တွင်း ဒေါ်အောင်ဆန်းစုကြည် ကချင်ပြည်သူလူထုနဲ့တွေ့ဆုံမှုအပေါ် ကြိုဆိုပေမဲ့၂၀၁၅ ရွေးကောက်ပွဲအတွင်း ပါတီကြီးတွေအနေနဲ့ ဒေသခံ တိုင်းရင်းသားပါတီတွေကို ဦးစားပေးစေချင်ပါတယ်လို့ ကချင်ပြည်နယ် ဒီမိုကရေစီပါတီက ပြောပါတယ်။ ၂၀၁၅ ရွေးကောက်ပွဲမတိုင်ခင် တိုင်းရင်းဒေသတွေဆီ ခရီးဆက်နေတဲ့ NLD ပါတီရဲ့ ပါတီစည်းရုံးရေးခရီးစဉ် နောက်ဆုံးရသတင်းကို မဆုမွန် စုစည်းတင်ပြထားပါတယ်။

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ပြည်သူ့လွှတ်တော်ကိုယ်စားလှယ် ဒေါ်အောင်ဆန်းစုကြည်ဟာ ၂၀၁၅ ရွေးကောက်ပွဲကျင်းပဖို့ အချိန်ကာလ နီးကပ်လာချိန်မှာပဲ တိုင်းရင်းဒေသတွေဖြစ်တဲ့ ပြည်နယ်နဲ့ တိုင်းတွေကို ပါတီစည်းရုံးရေးခရီးစဉ်အဖြစ် သွားရောက်နေခဲ့ရာက ဒီကနေ့ မေလ ၂၃ရက်နေ့ စနေနေ့မှာတော့ ကချင်ပြည်နယ်ကို ရောက်ရှိလာခဲ့ပါတယ်။ ကချင်ပြည်နယ် ပူတာအိုခရိုင် ပူတာအိုမြို့ကို စနေ မနက်ပိုင်းက ရောက်ရှိခဲ့ပြီးနောက်မှာ ဒေါ်အောင်ဆန်းစုကြည်ကို ဒေသခံကချင်ပြည်သူလူထုက တိုင်းရင်းရိုးရာဝတ်စုံပြည့်တွေ ဝတ်ဆင်ပြီး သူမ ဆိုက်ရောက်လာရာလေဆိပ်ကနေစလို့ မြို့အဝင်လမ်း တလျောက် သောင်းသောင်းဖြဖြ ကြိုဆိုခဲ့ကြပါတယ်။

ပါတီရဲ့စည်းရုံးရေးခရီးစဉ်လည်းဖြစ်သလို လက်ရှိမြန်မာ့နိုင်ငံရေးအခင်းအကျင်းတွေကို ပါတီအနေနဲ့ ပြည်သူတွေသိရှိအောင် ရှင်းလင်းပြဖို့ဖြစ် ပါတယ်လို့ ဒေါ်အောင်ဆန်းစုကြည်ရဲ့ ကချင်ပြည်နယ် ခရီးစဉ်နဲ့ပတ်သက်ပြီး အဖွဲ့ချုပ်ပြောခွင့်ရ ဦးဉာဏ်ဝင်းက ဗွီအိုအေကို အခုလိုပြောပါတယ်။

“ကျနော်သိတာကတော့ အဲဒီဒေသကလူတွေက အန်တီ အဲဒီကိုတခါမှ မရောက်ဖူးလို့ ပြီးခဲ့တဲ့နှစ်ပတ်လောက်က ဖိတ်ပါတယ်။ ပါတီ စည်းရုံးရေးလို့ ပြောရင်ရပါတယ်။ ရွေးကောက်ပွဲအခြေအနေ၊ ပြုပြင်ပြောင်းလဲမှု၊ ဒီမိုကရေစီရရှိမှု ဒါတွေဟာ ဘယ်လို အခြေအနေ၊ အခြေခံဥပဒေက ဘယ်လိုရှိတယ်၊ ဒါမျိုး- အမျိုးစုံ၊ ကျနော်တို့၊ ဒီလို ခရီးစဉ်မျိုး ပြည်သူလူထုကို ရှင်းပြရတာပေါ့ဗျာ။”

အခုလို ၂၀၁၅ရွေးကောက်ပွဲအတွက် ကချင်ပြည်နယ်တွင်း ပါတီစည်းရုံးရေးခရီးစဉ်အဖြစ် ကချင်ပြည်သူလူထုနဲ့ တိုက်ရိုက် တွေ့ဆုံဆွေးနွေးမှု ပြုလုပ်တဲ့အပေါ် ကချင်ခေါင်းဆောင်တယောက်အနေနဲ့ ကြိုဆိုပါတယ်လို့ ကချင်ပြည်နယ် ဒီမိုကရေစီပါတီ ဥက္ကဋ္ဌ ဒေါက်တာတူးဂျာက ပြောပါတယ်။

“ဘာကြောင့်လဲဆိုတော့ ပြည်သူလူထုနဲ့တွေ့တယ်ဆိုတာတော့ ရွေးကောက်ပွဲလည်း နီးကပ်လာပြီဆိုတော့ ရွေးကောက်ပွဲ မဲအောင်နိုင်ရေး ခရီးစဉ်ဆိုတော့ အထိုက်အလျှောက်တော့ အကျိုးရှိမှာပါ။ အောင်မြင်မှာပါ။ ကျနော် အဲလိုပဲမြင်ပါတယ်ဗျ။”

ဒါပေမဲ့ တနိုင်ငံလုံးအတိုင်းအတာနဲ့ ပါတီစည်းရုံးရေး ရွေးကောက်ပွဲအောင်နိုင်ရေး လုပ်ဆောင်နေမှုတွေ အပေါ်မှာတော့ ကချင်ပြည်နယ် အပါအဝင် တိုင်းရင်းဒေသတွေမှာ NLD ပါတီလို ပါတီကြီးအနေနဲ့ တိုင်းရင်းသားပါတီတွေကို ဦးစားပေးသင့်ပါတယ်လို့ ၂၀၁၅ရွေးကောက်ပွဲ ပါဝင်ယှဉ်ပြိုင်မှာဖြစ်တဲ့ ကချင်ပြည်နယ် ဒီမိုကရေစီပါတီဥက္ကဋ္ဌက အကြံပြုပါတယ်။

“၂၀၁၅ ရွေးကောက်ပွဲမှာတော့ တိုင်းရင်းသားပြည်နယ်တွေမှာ ပါတီကြီးတွေအနေနဲ့ ဒေသပါတီတွေကို ဦးစားပေးစေချင်တယ်။ ဘာကြောင့်လဲဆိုလို့ရှိရင် လာမယ့်အချိန်အခါတွေမှာ ကျနော်တို့က ဖက်ဒရယ်ယူနီယံကို ….အချိန်အခါဖြစ်တယ်၊ နောက်ပြီးတော့မှ ကိုယ်ပိုင်ပြဌာန်းခွင့်၊ တန်းတူအခွင့်အရေးကို သွားနေတဲ့အချိန်အခါဖြစ်တယ်ပေါ့။ နောင် ရရှိလာမှာပဲဒီအခွင့်အရေးတွေ၊ အဲဒီအခါကျတော့ အခုကစပြီးတော့မှ တိုင်းရင်းသားပြည်နယ်တွေမှာ ပြည်နယ်သူ ပြည်နယ်သားများ ကိုယ့်ကြမ္မာကိုယ် ဖန်တီးနိုင်တဲ့အခွင့်အရေးပေါ့- တိုင်းရင်းသားပါတီတွေအနေနဲ့၊ ဒေသပါတီအနေနဲ့ ကိုယ့်ရဲ့ ဒေသသားတွေကို စည်းစည်းလုံးလုံးနဲ့ ဒေသသားတွေ ဦးဆောင်မှုပေးနိုင်တဲ့အနေအထားမျိုး၊ ဒီ ဒေသရဲ့ကံကြမ္မာကို ဖန်တီးပေးနိုင်မယ့် အနေအထားမျိုး အစပြုသင့်တယ်လို့ ထင်ပါတယ်။ ဒါကြောင့်မို့လို့ ၂၀၁၅ ရွေးကောက်ပွဲမှာ ပါတီကြီးတွေအနေနဲ့ တိုင်းရင်းသားပါတီတွေမှာ လွှမ်းမိုးမှု မရှိဘဲနဲ့ တိုင်းရင်းသားပါတီတွေကို ဦးစားပေးသင့်တယ်လို့ မြင်ပါတယ်။”

ဒေါ်အောင်ဆန်းစုကြည် ပူတာအိုခရီးစဉ်။ (ဓာတ်ပုံ/NLD Chairperson. May 23rd, 2015)
ရွေးကောက်ပွဲအတွင်း တိုင်းရင်းဒေသတွေမှာ တိုင်းရင်းပါတီတွေအပေါ် ဦးစားပေးသင့်ပါတယ်လို့ တိုင်းရင်းသားပါတီတွေဘက်က အကြံပြုချက်အပေါ်မှာတော့ NLD ပြောခွင့်ရဦးညဏ်ဝင်းက အခုလိုတုံ့ပြန်ပါတယ်။

“သူတို့ပြောတာကို တုံ့ပြန်ပြောဆိုခြင်းတော့ အန်ကယ်လ်တို့မလုပ်ပါဘူး။ ဒါပေမယ့်လို့ မြန်မာနိုင်ငံမှာ ပြုပြင်ပြောင်းလဲမှု တကယ်လုပ်နိုင်ဖို့က တကယ် အင်အားကြီးတဲ့ပါတီရှိဖို့လိုပါတယ်။ အဲဒီတော့ လက်ရှိအားဖြင့်တော့ အင်အားကြီးပါတီဖြစ်နိုင်တာလည်း အဖွဲ့ချုပ်ပဲဖြစ်တဲ့အတွက် ကျနော်တို့ကတော့ အင်အားကြီးမှ ပြုပြင်ပြောင်းလဲမှုကို ကိုယ်တိုင်ဆောင်ရွက်နိုင်ဖို့ အခွင့်အရေးကို မျှော်နေပါတယ်။”

အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ရဲ့ ကချင်ပြည်နယ် စည်းရုံးရေးခရီးစဉ်အတွင်း ပူတာအိုမြို့မှာ ဒေသခံပြည်သူလူထုနဲ့ တွေ့ဆုံပွဲကို နေ့လည်ပိုင်းမှာ ကျင်းပပြီး ညနေပိုင်းမှာတော့ ပူတာအိုဒေသခံ လီဆူး၊ ရဝမ်၊ ကချင်စတဲ့ ဒေသခံ တိုင်းရင်းသားအဖွဲ့အစည်းခေါင်းဆောင်တွေ၊ ခရစ်ယာန်အသင်းတော်အဖွဲ့တွေနဲ့ တွေ့ဆုံဖို့ရှိပါတယ်။

ဗွီအိုအေ (မြန်မာဌာန)
http://burmese.voanews.com

မြန်မာနိုင်ငံမှာ ပထမဆုံးမီးရှို့ဆန္ဒပြ သူတောင်သူ ဦးမြင့်အောင်ကိစ္စဟာ တုန်လှုပ်စရာ ဖြစ်လို့ ဦးတင်ဦးပြော


ကိုယ့်ကိုကိုယ်မီးရှို့ဆန္ဒပြခဲ့တဲ့ တောင်သူ ဦးမြင့်အောင် ကို မေလ ၂၁ ရက်နေ့က တောင်ကြီးမြို့ စ၀်စံထွန်းဆေးရုံ မှာတွေ့ရစဉ် Photo: Khun Zaryar/RFA
ရှမ်းပြည်နယ် တောင်ကြီးမြို့ ရေပူကျေးရွာမှာ အစိုးရ တပ်မတော် အရှေ့ပိုင်းတိုင်း စစ်ဌာနချုပ်က သိမ်းထား တဲ့လယ်ယာမြေတွေ ပြန်ပေးဖို့၊ ပြီးခဲ့တဲ့ ကြာသပတေးနေ့က ကိုယ့်ကိုကိုယ်မီးရှို့ပြီး ဆန္ဒပြတောင်းဆိုခဲ့တဲ့ တောင်သူ ဦးမြင့်အောင်ဟာ မနေ့က နေ့လည် ၁ နာရီခွဲလောက်မှာ စ၀်စံထွန်းဆေး ရုံကြီးမှာ ကွယ်လွန်သွားပါတယ်။

မီးလောင်ဒဏ်ရာပြင်းထန်လွန်းတဲ့အတွက် အသက်ဆုံး ရှုံးသွားတာလို့ ဦးမြင့်အောင်ရဲ့ တူမ မမော်မော်အောင် ကပြောပါတယ်။

"ကျမတို့ဦးလေးက ဒီနေ့ ၁ နာရီခွဲမှာ ဆုံးသွား တယ်ပေါ့နော်၊ ဒီမီးလောင်လောင်မှုနဲ့ ဒဏ်ရာက တအားပြင်းတယ်လေ၊ မီးလောင်ဒဏ်ရာက တအားပြင်းပြီးတော့ သေဆုံးသွားတယ်ပေါ့၊ မဖြစ်သင့် မဖြစ်ထိုက်တာတွေနဲ့ ဒီလိုမျိုးဖြစ်သွားရတဲ့အခါကျတော့ အစ်မ တအားဝမ်းနည်းတယ်ပေါ့နော်၊ သူက ဒီတောင်သူလယ်သမားတွေခံစားနေရ တာတွေကို သူလုပ်သွားပေးတဲ့အခါကျတော့ အစ်မတို့က ခံစားနေရတာ ကိုတော့ နည်းနည်းဖြေသိမ့်တာပေါ့နော်"

အခုလို ကိုယ့်ကိုယ်ကိုမီးရှို့ဆန္ဒပြတာဟာ မြန်မာနိုင်ငံမှာ ပထမဆုံးဖြစ်ရပ်ဖြစ်ပြီး၊ တုန်လှုပ်ခြောက်ခြား စရာကောင်းသလို၊ တောင်သူလယ်သမားတွေမှာ အားကိုး ရာမရှိတော့သလိုဖြစ်နေတယ်လို့ အမျိုးသားဒီမိုကရေစီ အဖွဲ့ချုပ် သဘာပတိအဖွဲ့ ဥက္ကဌ ဦးတင်ဦး က ပြောပါတယ်။

"မြန်မာနိုင်ငံမှာ မိမိကိုယ်မိမိသတ်ပြီးတော့ ဆန္ဒပြတယ်ဆိုတာကတော့ တုန်လှုပ်ခြောက်ခြားဖွယ်ရာကောင်းတဲ့ ပထမဆုံးဖြစ်ရပ်ပဲလို့ ကျနော်ကတော့ ပြောချင်ပါတယ်ဗျာ၊ ကျနော်တို့က တရားကလည်းရှိတာကိုး၊ ကိုယ့်ကို ကိုယ်သတ်သေရင် အဖန် ၅၀၀၊ ၅ ကမ္ဘာခံရတယ် ဆိုတာလည်းရှိတော့ သိပ်အယူသီးတဲ့ ပုဂ္ဂိုလ်တွေ ဖြစ်သွား တယ်ဆိုတော့ တော်တော်ကို မကျေနပ်ချက်တွေ၊ ဖိစီးတဲ့ဒဏ်က သိပ်ခံရတော့ အားကိုးရာမရှိတော့ ဒီလိုနေတာ ထက် သေတာဘဲကောင်း တယ်ဆိုပြီးတော့ လုပ်လိုက်တဲ့ သဘောလိုဖြစ်တာပေါ့ဗျာ"

အသက် ၆၃ နှစ်အရွယ်ရှိတဲ့ တောင်သူ ဦးမြင့်အောင်ရဲ့ ရုပ်အလောင်းကို ရေပူရွာမှာ သင်္ဂြိုလ်မှာ ဖြစ်ပါတယ်။

တောင်ကြီးမြို့နယ်ထဲက ကွန်လုံကျေးရွာအုပ်စုမှာပါဝင်တဲ့ ကျောက်နီ၊ ရေပူ၊ သရက်ပင်လှ၊ ဘုရားနီနဲ့ နောင်ကား ရွာတွေက လယ်ယာမြေ ဧက ၅၀၀၀ ကျော်ကို အရှေ့ပိုင်းတိုင်းစစ်ဌာနချုပ်က ၁၉၉၄ ခုနှစ် မှာ သိမ်းခဲ့တာဖြစ် ပါတယ်။

RFA Burmese
http://www.rfa.org/burmese

ဆောက်လုပ်ရေး လုပ်ငန်းများ ဈေးကွက်ကို စနစ်တကျ တွက်ချက်မှုမရှိဘဲ လုပ်ဆောင်နေကြဟုဆို


“ဈေးကွက်မှာ ၀ယ်လိုအား၊ ရောင်းလိုအား တွက်ချက်နိုင်တဲ့ လုပ်ငန်းရှင်တွေပေါ်လာမှ ဒီပြဿနာတွေ အေးမယ်။ ငါးပွက်ရာ ငါးစာချဖြစ်နေသေးသရွေ့ ဒီလိုဖြစ်နေဦးမှာပဲ…”

မြန်မာနိုင်ငံတွင် လက်ရှိတည်ဆောက်နေသော အထပ်မြင့်ကွန်ဒိုများ၊ တိုက်ခန်းများအား တည်ဆောက်သည့် Developer များအနေဖြင့် ဈေးကွက် ၀ယ်လိုအား၊ ရောင်းလိုအားကို စနစ်တကျတွက်ချက်မှုမရှိဘဲလုပ်ဆောင် နေကြကြောင်း မြန်မာနိုင်ငံဆောက်လုပ်ရေးလုပ်ငန်းရှင်များအသင်း အဖွဲ့ဝင်တဦးက ပြောသည်။ ''တချို့ဆိုရင် ရွှေဆိုင်တွေပိတ်၊ အထည်ဆိုင်တွေ ပိတ်ပြီး ကန်ထရိုက်လုပ်တယ်။ လမ်းတခုတည်းမှာ အထပ်မြင့်တွေများလာ လို့၊ ကားရပ်စရာနေရာမရှိတော့လို့ ရန်ဖြစ်နေတာတွေလည်း ရှိတယ်။ အစိုးရက ဒါတွေကိုလုပ်ရမယ်။ ဈေးကွက်မှာ ၀ယ်လိုအား၊ ရောင်းလိုအား တွက်ချက်နိုင်တဲ့ လုပ်ငန်းရှင်တွေပေါ်လာမှ ဒီပြဿနာတွေ အေးမယ်။ ငါးပွက်ရာ ငါးစာချဖြစ်နေသေးသရွေ့ ဒီလိုဖြစ်နေဦးမှာပဲ''ဟု ယင်းကပြောသည်။

တည်ဆောက်သူများအနေဖြင့် အမှန်တကယ် ဈေးကွက်အတွင်း လိုအပ်မှသာ တည်ဆောက်သင့်ကြောင်း၊ တယောက်အောင်မြင်တိုင်း နောက်တယောက်ကလိုက်၍ တည်ဆောက်ခြင်းမျိုး မလုပ်သင့်ဟုလည်း ဆောက်လုပ်ရေးလုပ်ငန်းလုပ်ဆောင်နေသူများကြား ဝေဖန်မှုများရှိနေသည်။ ''ကွန်ဒိုတွေ တခန်းကို သိန်း ထောင်ဂဏန်း၊ သောင်းဂဏန်း ရှိတယ်။ ဒါတွေကိုဝယ်နိုင်သူ မြန်မာနိုင်ငံမှာ ဘယ်လောက်ရှိနေလဲ''ဟု ၀ါရင့်ဆောက်လုပ်ရေးလုပ်ငန်းရှင်တဦးက မေးခွန်းထုတ်၍ News Watch ၏အမေးကို ပြန်ပြောသည်။
တချို့လုပ်ငန်းရှင်များကလည်း မြန်မာနိုင်ငံ၏ ဆောက်လုပ်ရေးဈေးကွက်သည် ၁၀ စုနှစ်တစုခန့်အကြာတွင် အရောင်းကျဆင်းတတ်ကြောင်း၊ လွန်ခဲ့သော ၂၀၀၇ ခုနှစ်ခန့်ကဖြစ်ခဲ့ပြီး နောက်လာမည့် ၂၀၁၇ နှစ်တွင် ထပ်မံကျဆင်းနိုင်သော်လည်း ယင်းနှစ်မတိုင်မီ ၂၀၁၅ ကတည်းက ကျနေခြင်းဖြစ်ကြောင်း ပြောဆိုကြသည်။ ''အခုလိုဖြစ်တာ အလေ့အထပါ။ ဒါကို ပြဿနာအနေနဲ့ မရှုမြင်ပါဘူး။ ကွန်ဒိုတွေကို တကယ်ဝယ်နိုင်သူ လူကုံ ထံတွေရှိမယ်။ နိုင်ငံခြားကပြန်လာပြီး ၀ယ်သူတွေရှိမယ်။ နိုင်ငံခြားရင်းနှီး မြှပ်နှံသူတွေရှိမယ်။ ဈေးကြီးလို့အရောင်းကျတယ်လို့ ပြောလို့မရဘူး''ဟု ဆောက်လုပ်ရေးလုပ်ငန်းရှင်တဦးက ပြောသည်။

သို့သော်လည်း ရန်ကုန်တွင် တည်ဆောက်နေသော လက်ရှိကွန်ဒိုတည်ဆောက်ရေးလုပ်ငန်း အများစုအနေဖြင့် ယခင်ကသတင်းစာ၊ ဂျာနယ်များတွင်ကြော်ငြာများ ထည့်သွင်းခဲ့သည်ကို တွေ့ရသော်လည်း ယခုအခါအရောင်းအ၀ယ် မကောင်းဟုဆိုကာ ရပ်နားထားကြကြောင်း သိရသည်။

ရန်ကုန်တိုင်းဒေသကြီးအတွင်း ဆောက်လုပ်နေသော အထပ်မြင့်အဆောက်အအုံများကို ရန်ကုန်မြို့တော် စည်ပင်သာယာရေးကော်မတီ၊ ရန်ကုန်တိုင်းဒေသကြီးအစိုးရအဖွဲ့တို့က ကြီးကြပ်၍ ခွင့်ပြုလျက်ရှိသည်။

မေငယ်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ကိုယ့်ကိုကိုယ်မီးရှို့ဆန္ဒပြခဲ့သူ မီးလောင်ဒဏ်ရာကြောင့် ကွယ်လွန်

ကိုယ့်ကိုကိုယ်မီးရှို့ဆန္ဒပြခဲ့တဲ့ တောင်သူ ဦးမြင့်အောင် ကို မေလ ၂၁ ရက်နေ့က တောင်ကြီးမြို့ စ၀်စံထွန်းဆေးရုံ မှာတွေ့ရစဉ် Photo: Khun Zaryar/RFA
ရှမ်းပြည်နယ် တောင်ကြီးမြို့ ရေပူကျေးရွာမှာ အစိုးရတပ်မတော်က သိမ်းဆည်းထားတဲ့ လယ်ယာမြေတွေ ပြန်လည်ရရှိဖို့အတွက် မနေ့က ကိုယ့်ကိုကိုယ် မီးရှို့ပြီးဆန္ဒပြတဲ့ တောင်သူ ဦးမြင့်အောင်ဟာ ဒီနေ့ စ၀်စံထွန်းဆေးရုံကြီးမှာ ကွယ်လွန်သွားပါတယ်။

မီးလောင်ဒဏ်ရာ ပြင်းထန်တာကြောင့် အသက်ဆုံးရှုံး သွားတာဖြစ်တယ်လို့ ဦးမြင့်အောင်ရဲ့ တူမဖြစ်သူ မမော်မော်အောင်က ပြောပါတယ်။

"ကျမတို့ဦးလေးက ဒီနေ့ ၁ နာရီခွဲမှာ ဆုံးသွား တယ်ပေါ့နော်၊ ဒီမီးလောင်လောင်မှုနဲ့ဒဏ်ရာက တအားပြင်းတယ်လေ၊ မီးလောင်ဒဏ်ရာက တအားပြင်းပြီးတော့ သေဆုံးသွားတယ်ပေါ့၊ မဖြစ်သင့် မဖြစ်ထိုက်တာတွေနဲ့ ဒီလိုမျိုးဖြစ်သွား ရတဲ့အခါကျတော့ အစ်မ တအားဝမ်းနည်းတယ်ပေါ့နော်၊ သူက ဒီတောင်သူလယ်သမားတွေကို ခံစားနေရတာတွေကို သူလုပ်သွားတဲ့အခါကျတော့ အစ်မတို့က ခံစားနေရတာကိုတော့ နည်းနည်းဖြေသိမ့် တာပေါ့နော်"

အသက် ၆၃ နှစ်အရွယ်ရှိတဲ့ တောင်သူ ဦးမြင့်အောင် ရုပ်အလောင်းကို ရေပူရွာမှာ သင်္ဂြိုလ်မှာ ဖြစ်ပါတယ်။

ကွန်လုံကျေးရွာအုပ်စု ကျောက်နီ၊ ရေပူ၊ သရက်ပင်လှ၊ ဘုရားနီနဲ့ နောင်ကား ကျေးရွာတွေက လယ်ယာ မြေ ဧက ၅ဝဝဝ ကျော်ကို လွန်ခဲ့တဲ့ ၁၉၉၄ ခုနှစ်မှာ အရှေ့ပိုင်းတိုင်းစစ်ဌာနချုပ်က သိမ်းဆည်းခဲ့တာ ဖြစ်ပါတယ်။

အဲ့ဒီလိုသိမ်းဆည်းထားတဲ့ လယ်ယာမြေတွေထဲမှာ စစ်တန်းလျားဆောက်ဖို့အတွက် ဒီလ ၂၁ ရက်နေ့က စစ်တပ်က ပြင်ဆင်တာမှာ ဝင်ရောက်တားမြစ်တဲ့ တောင်သူတွေနဲ့ တပ်မတော်သားတွေအကြား စကားများခဲ့ပြီးနောက် ဦးမြင့်အောင်က မီးရှို့ပြီး ဆန္ဒပြခဲ့တာဖြစ်ပါတယ်။

RFA Burmese
http://www.rfa.org/burmese

ရန်ကုန်-ဒလ တံတားအတွက် ကိုရီးယားက ဒေါ်လာ သန်း ၁၄ဝ နီးပါးချေးဖို့ လွှတ်တော်တင်ပြ

ရန်ကုန်-ဒလ ကူးတို့ဆိပ်ကို တွေ့ရစဉ် Photo: RFA
ရန်ကုန်-ဒလ မြစ်ကူးတံတား တည်ဆောက်ဖို့အတွက် ကိုရီးယားသမ္မတနိုင်ငံက အမေရိကန်ဒေါ်လာ သန်းပေါင်း ၁၄ဝ နီးပါးကို ချေးယူမှာဖြစ်ကြောင်း နိုင် ငံတော်သမ္မတ ဦးသိန်းစိန်က ပြည်ထောင်စု လွှတ်တော်ထံ ဒီနေ့ အကြောင်းကြားလိုက်ပါတယ်။

ရန်ကုန်-ဒလ မြစ်ကူးတံတားစီမံကိန်းကို ငါးနှစ်အတွင်း တည်ဆောက်သွားမယ်လို့ ဆောက်လုပ်ရေး ဝန်ကြီး ဌာန၊ ဝန်ကြီး ဦးကျော်လွင်က နိုင်ငံတော် သမ္မတ ကိုယ်စား ပြည်ထောင်စုလွှတ်တော်မှာ တင်ပြခဲ့ ပါတယ်။

"အတိုးနှုန်းက ဝ.ဝ၁ ရာခိုင်နှုန်းဖြစ်ပါတယ်၊ ပြန်ဆပ် ရမယ့်ကာလကတော့ ဆိုင်းငံ့ကာလ ၁၅ နှစ်အပါ အဝင် နှစ်ပေါင်း ၄ဝ ဖြစ်ပါတယ်၊ ချေးငွေပေးဆပ်မှု အနေနဲ့ တစ်နှစ်ကို ၂ ကြိမ်ပေးဆပ်ရမှာဖြစ်ပါတယ်၊ ပျက်ကွက်မှုစရိတ်အနေနဲ့ တစ်နှစ်မှာ ၂ ရာခိုင်နှုန်းရှိပါတယ်"

ဒေါ်လာ သန်း ၁၇ဝ လောက်ကုန်ကျမယ့် ရန်ကုန်-ဒလ မြစ်ကူးတံတားစီမံကိန်းကို မြန်မာအစိုးရဘက် က ဒေါ်လာသန်း ၃ဝ လောက်ကျခံသုံးစွဲမှာဖြစ်ပြီး ကျန်ငွေကို ကိုရီးယားနိုင်ငံကနေ ချေးယူမှာဖြစ်ပါတယ်။

ဒါ့အပြင် လျှပ်စစ်စွမ်းအားဝန်ကြီးဌာနကလည်း ရန်ကုန်မြို့မှာရှိတဲ့ မြို့နယ်ပေါင်း ၁၆ မြို့နယ်မှာ လျှပ်စစ်ဓာတ် အားဖြန့်ဖြူးရေး စီမံကိန်းနဲ့ပတ်သက်ပြီး ကန်ဒေါ်လာ သန်း ၆ဝ ကျော်နဲ့ညီမျှတဲ့ ဂျပန်ယန်းငွေ သန်း ၆၁ဝဝ ကျော် ချေးယူလိုကြောင်း တင်ပြခဲ့ပါတယ်။

ပို့ဆောင်ရေးဝန်ကြီးဌာနကလည်း သီလဝါအထူးစီးပွားရေးဇုန်အတွက် ဂျပန်ယန်းငွေသန်း တစ်သောင်းငါးထောင် နီးပါးနဲ့ အသေးစားနဲ့ အလတ်စား စီးပွားရေးလုပ်ငန်းတွေအတွက် ဂျပန်ယန်း သန်း ၅ဝဝဝ ကျော်ကို JICA ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီကနေ ချေးယူမှာဖြစ်ကြောင်း ပြည်ထောင်စု လွှတ်တော်ထံ တင်ပြခဲ့ပါတယ်။

အစိုးရဝန်ကြီးဌာနတွေ တင်ပြတဲ့ချေးငွေပမာဏဟာ ကမ္ဘာ့ဘဏ်နဲ့ အပြည်ပြည်ဆိုင်ရာ ငွေကြေးရန်ပုံငွေအဖွဲ့ IMF တို့က သတ်မှတ်ထားတဲ့ ချေးငွေခံနိုင်ရည် စံနှုန်းတွေနဲ့ ကိုက်ညီသေးတာကြောင့် ခွင့်ပြုသင့်တယ်လို့ ဘဏ္ဍာရေး ဝန်ကြီးဌာန၊ ဒုတိယဝန်ကြီး ဒေါက်တာလင်းအောင်က တင်ပြခဲ့ပါတယ်။

အဲ့ဒီချေးငွေယူမယ့်ကိစ္စကို လာမယ့် လွှတ်တော်အစည်းအဝေးတွေမှာ ဆွေးနွေးကြဦးမှာဖြစ်ပါတယ်။

RFA Burmese
http://www.rfa.org/burmese

နိုင်ငံတကာချေးငွေ လေလွင့်မှုဖြစ်မှာ လွှတ်တော် အမတ်တွေ စိုးရိမ်


မြန်မာအစိုးရ ဝန်ကြီးဌာန ၄ခုမှ နိုင်ငံတကာကနေ နှစ်ရှည်ချေးငွေ ရယူဖို့ အတွက် ဒီကနေ့ ပြည်ထောင်စု လွှတ်တော်မှာ တင်ပြဆွေးနွေးခဲ့တဲ့ အပေါ်မှာ လွှတ်တော် အမတ်တွေက ဝေဖန်လိုက်ပါတယ်။ အစိုးရသက်တမ်းကုန်ခါနီးမှာ ဒီလိုချေးငွေတွေ ရယူသုံးစွဲတာက နောက် လာမယ့် ရွေးကောက်ပွဲမှာ မဲဆွယ် စည်းရုံး ဖို့အတွက် အသုံးချမှုတွေ ရှိနေနိုင်တယ် လို့လည်း ထောက်ပြပြောဆို မှုတွေရှိပါတယ်။ ဒီသတင်းကို ဗွီအိုအေမြန်မာပိုင်းက မမေခ က သတင်း ပေးပို့ထားပါတယ်။

ဒီကနေ့ ကျင်းပတဲ့ ပြည်ထောင်စု လွှတ်တော်မှာ အစိုးရဝန်ကြီးဌာန (၄) ခုက ကိုရီးယား၊ ဂျပန် စတဲ့နိုင်ငံတွေကနေ အမေရိကန် သန်း (၄၀၀) နီးပါး ချေးယူဖို့ လွှတ်တော်မှာ တင်ပြဆွေးနွေးခဲ့ ပါတယ်။ ချေးယူမယ့် ဝန်ကြီးဌာနတွေ ကတော့ ဆောက်လုပ်ရေး ဝန်ကြီးဌာန၊ လျှပ်စစ်စွမ်းအားဝန်ကြီးဌာန၊ ပို့ဆောင်ရေး ဝန်ကြီးဌာန နဲ့ဘဏ္ဍာရေးဝန်ကြီးဌာန တို့ဖြစ်ပါတယ်။ ဒီလိုအမေရိကန် ဒေါ်လာသန်း (၄၀၀) နီးပါး ချေးယူမယ့် အပေါ်မှာ လွှတ်တော် အမတ်အချို့က ခုလိုဝေဖန်ပြောဆို ခဲ့တာပါ။ လွှတ်တော်ကိုတင်ပြလာတဲ့ချေးငွေတွေအပေါ်မှာ လွှတ်တော်အမတ်တွေ ကထောက်ပြမှုတွေလုပ်ခဲ့ပေမယ့် နောက်ဆုံးမှာ မဲခွဲဆုံးဖြတ်မှုကြောင့် လွှတ်တော် အမတ်တွေရဲ့ထောက်ပြချက်တွေက အရာမထင် လာခဲ့ကြောင်း ပြည်သူ့လွှတ်တော် ကိုယ်စားလှယ်တဦးဖြစ်တဲ့ ဦးခိုင်မောင် ရည်က ခုလိုပြောပါတယ်။

"ချေးငွေတွေနဲ့ ပါတ်သက်ပြီးတော့မှ အငြင်းအခုန် ဘယ်လောက်ပဲပြောပြော ကိုယ့်ဖက်က ငြင်းပိုင်ခွင့်အင်အားနည်းတယ်ဆိုတာကို ကျနော်တို့က ကောင်းကောင်း သိလာပါတယ်။ ဒါဟာ ဘာလည်းဆိုရင် ကျနော်တို့က အနိုင်ရပါတီ မဟုတ်ဘူး။ နောက်ပြီးတော့ အနိုင်ရ အဖွဲ့အစည်းတစ်ဖွဲ့ မဟုတ်တဲ့ အတွက် ကျနော်တို့ လူနည်းစုကပဲ ထပြီးတော့ ကန့်ကွက်ပြော ဆိုကြရတာ ဖြစ်ပါတယ်"

ချေးငွေရယူတာမှာ နှစ်ရှည်ချေးငွေတွေဖြစ်ပေမယ့် ဒီလိုချေးယူမှုဟာ ပြည်သူ့ဘဏ္ဍာ မှပြန်လည်ပေးဆပ်နေရတာဖြစ်ကြောင်း၊ ချေး ငွေယူလုပ်ဆောင်တာမှာလဲ အလေအလွင့်တွေရှိနိုင်ကြောင်း၊ တရားဥပဒေစိုးမိုးမှု အနိမ့်ဆုံးကာလ၊ အဂတိလိုက်စားမှုမြင့်မားနေ တယ်လို့နိုင်ငံတကာထောက်ပြမှုတွေရှိနေတဲ့ကာလနဲ့ ခုလက်ရှိမြန်မာနိုင်ငံအနေနဲ့ချေးငွေရယူမှုဟာလေလွင့်မှုများ နေကြောင်း ဒီလိုချေးငွေတွေရယူသုံးစွဲတာက နောက် လာ မယ့်ရွေးကောက်ပွဲမှာ မဲဆွယ် စည်းရုံး ဖို့အတွက် အသုံးချမှုတွေ ရှိနေနိုင်တယ်လို့လည်း ပြည်သူတွေ ကထောက်ပြနေကြတယ် လို့လည်း ပြည်သူ့လွှတ်တော် ကိုယ်စားလှယ် ဒေါက်တာအောင်မိုး ညိုက အခုလိုပြောပါတယ်။

"ဘယ်တုန်းကမှ လျှပ်စစ်မီး မရနိုင်တဲ့နေရာတွေမှာ လျှပ်စစ်မီးပေးမယ်တို့ ရွာတိုင်းရွာတိုင်း ပိုက်ဆံဘယ်လောက်ချီးမယ်တို့ ဘာတို့ညာတို့ဆိုတာတွေဟာ ဒါတွေကို မဲဆွယ်စည်းရုံးတဲ့နေရာမှာ သုံးနေကြသလားပေါ့နော်။ ဖွံ့ဖြိုးရေးလုပ်တယ် ဒေါ်အောင်ဆန်းစုကြည်ပိုက်ဆံမဟုတ်သလို ဦးသိန်းစိန်တို့ ဦးရွှေမန်းတို့ ပိုက်ဆံလည်းမဟုတ်ဘူး ဒါ နိုင်ငံတော်ရဲ့ ပိုက်ဆံတွေ ပြည်သူလူထုရဲ့ ပိုက်ဆံတွေ ပြည်သူလူထုရဲ့ ဘဏ္ဍာ နဲ့ အခွန်အထုတ်ကရတဲ့ ငွေတွေနဲ့ ကျနော်တို့က အခုလိုမျိုး ဖွံ့ဖြိုးရေးတွေ လုပ်ပေးတာ"

လက်ရှိမှာ ဆောက်လုပ်ရေးဝန်ကြီးဌာနက ရန်ကုန်-ဒလ လူကူးကြိုးတံတား အရှည် (၆၀၀၀) ကျော်ရှိတဲ့ တံတားဆောက်လုပ်ရေး အတွက် ကိုရီးယားနိုင်ငံမှ အမေရိကန်ဒေါ်လာ သန်း (၁၃၀) ကျော်ချေးယူမှာဖြစ်ပြီး၊ ဒီလိုလုပ်ဆောင်ဖို့ အတွက်လည်း စစ်တမ်း ကောက်ယူထားပြီးကြောင်း၊ တံတားဆောက် လုပ်ဖို့အတွက် ဒလဘက် ကမ်းမှာ ရှိနေတဲ့နေရာ အချို့ကိုဖယ်ရှားမယ် လို့လည်းပြောဆိုလိုက်ပါ တယ်။ ဒီလိုဖယ်ရှားတာမှာလျော်ကြေးငွေပေး သွားမယ်လို့လည်း ဆောက်လုပ်ရေးဒုဝန်ကြီး ဦးကျော်လွင်က ခုလိုပြောပါတယ်။

"စီမံကိန်းနယ်နဲ့ ပါတ်သက်ပြီးတော့ မလွတ်ကင်းတဲ့ အဆောက်အဦးတွေများ အကြမ်းဖျင်း တင်ပြရင် ရန်ကုန်ဖက်ကမ်းမှာ စီမံကိန်းနယ်အတွင်း အဆောက်အဦးများ ထိခိုက်မှုတွေ မရှိပါဘူး။ ဒလဖက်ကမ်းမှာတော့ ဗိုလ်မင်းရောင်လမ်းနဲ့ စီမံကိန်းနယ်မြေအတွင်း အဆောက်အဦးအချို့ စာသင်ကျောင်း ဗုဒ္ဓရုပ်ပွါးတော် လမ်းဘေးဈေးဆိုင်များ ရှိပါတယ်။ အဲဒီတော့ ဒီဟာနဲ့ ပါတ်သတ်ပြီးတော့ အနည်းဆုံးမလွတ်ကင်းတဲ့ ဟာကိုပဲ ကျနော်တို့ဖျက်သိမ်းတာမျိုးနဲ့ ပြန်လည်နေရာချထားတာမျိုး လုပ်မှာဖြစ်ပြီးတော့ ဒီဟာနဲ့ပါတ်သက်တဲ့ နစ်နာကြေးများကိုလည်း ထိုက်သင့်သလို ကော်မတီ အဆင့်ဆင့်ဖွဲ့စည်းပြီးတော့ ပေးသွားမှာဖြစ်ပါတယ်"

လျှပ်စစ်ဝန်ကြီးဌာနက ရန်ကုန်မြို့လျှပ်စစ်ဓါတ်အားဖွံ့ဖြိုးရေး ပြုပြင်ဖို့အတွက် ဂျပန်ကနေ အမေရိကန်ဒေါ်လာသန်း (၆၀) နီးပါးချေး ယူမှာ ဖြစ်ပြီး ရန်ကုန် မြို့ (၁၆) မြို့နယ်မှာ လျှပ်စစ်ဖွံ့ဖြိုးရေးလုပ်ဆောင်မယ်လို့ လျှပ်စစ်ဒုဝန်ကြီး ဦးအောင်သန်းဦးက ဒီကနေ့လွှတ် တော်မှာ ပြောပါတယ်။

ပို့ဆောင်ရေးဝန်ကြီးဌာနကလည်း သီလဝါအထူးစီးပွားရေးဇုံအတွက် ဆိပ်ကမ်း တည်ဆောက်ဖို့ ဂျပန်က နေ အမေရိကန်ဒေါ်လာ သန်း (၁၀၀) ကျော်ချေးမှာပါ။ ဒီဆိပ်ကမ်းကို လာမယ့်ဇွန်လမှာ စတင်ဆောက် လုပ်မှာဖြစ်ပြီး အရင်က လည်း ဆိပ်ကမ်းဆောက်ဖို့ အတွက် ပထမအရစ် အနေနဲ့ အမေရိကန်ဒေါ် လာ သန်း (၈၀) နီးပါးဂျပန် ကနေချေးယူထားတယ်လို့ ပို့ဆောင်ရေးဒုဝန်ကြီးဦးဟန် စိန်ကပြောဆိုလိုက်ပါတယ်။

လက်တလောမှာ ငွေကြေးလည်ပတ်မှုအခက်ခဲကြောင့် မဖွံ့ဖြိုးနိုင်သေးတဲ့ အသေးစား အလတ်စား စီးပွားရေးလုပ်ငန်းတွေကို ချေးငွေ ထုတ်ချေးနိုင်ဖို့အတွက် ဘဏ္ဍာရေးဝန်ကြီးဌာနကလည်း ဂျပန်နိုင်ငံကနေ အမေရိကန်ဒေါ်လာ သန်း (၄၀) ကျော်ချေးယူမယ်လို့ လွှတ်တော်မှာ တင်ပြခဲ့တာ ဖြစ်ပါတယ်။ ဒီလိုဝန်ကြီးဌာန အသီးသီးကချေးငွေတွေရယူတာနဲ့ ပါတ်သတ်ပြီး ဘဏ္ဍာရေးဝန်ကြီးဌာန ဒုဝန်ကြီး ဒေါက်တာလင်းအောင် က ချေးငွေတွေရယူတာနဲ့ပါတ်သက်ပြီး ခုလိုပြောပါတယ်။

"ဒီချေးငွေပေးအပ်တဲ့ အဖွဲ့အစည်းများရဲ့ မူဝါဒ ရည်မှန်းချက် စည်းကမ်း သတ်မှတ်ချက်များနဲ့ ကိုက်ညီပြီးတော့မှ ချေးငွေပေးအပ်မယ့် အဖွဲ့အစည်းတွေရဲ့ လိုအပ်ချက် စည်းကမ်းသတ်မှတ်ချက်တွေကို လက်ခံနိုင်မှု ချေးငွေပေးတဲ့ လူတွေကလည်း ချေးငွေရယူတဲ့ အပေါ်မှာ ယုံကြည်မှုတို့ ပြည့်စုံမှသာ ချေးငွေတွေ ရယူနိုင်တာဖြစ်ပါတယ်"

ဒီကနေ့လွှတ်တော်မှာ တင်သွင်းမှုအရ ဝန်ကြီးဌာန (၄) ခုက ချေးယူမယ့် အမေရိကန်ဒေါ်လာ သန်း (၄၀၀) နီးပါးဟာ အတိုးနှုန်း ၀.၀၁ နှုန်းနဲ့ နှစ်ရှည်နှစ် (၄၀) နီးပါးပေးဆပ်ရမယ့် နှစ်ရှည်ချေးငွေတွေဖြစ်ပါတယ်။ ဒီချေးငွေတွေနဲ့ ပတ်သတ်ပြီး ပြည်ထောင်စု လွှတ်တော်မှာ လာမယ့်တနင်္လာနေ့ ၂၅ရက်နေ့မှာ လွှတ်တော်အမတ်တွေ က အသေးစိတ်ဆွေးနွေးကြမှာဖြစ်ပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com

၈၈ မျိုးဆက်ကျောင်းသားခေါင်းဆောင် ဦးကိုကိုကြီးကို ပုဒ်မ ၁၉ နဲ့ ရဲစခန်းအမှုဖွင့်

၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးကိုကိုကြီးကို မေလ ၂၂ ရက်နေ့က တွေ့ရစဉ် Photo: Sann Maw Aung , Phone Moe Moe Zin/RFA
ရန်ကုန်တိုင်းဒေသကြီး တောင်ဥက္ကလာပမြို့နယ် ၉ ရပ်ကွက်က ပြည်သူပိုင်အားကစားကွင်းကို ပုဂ္ဂလိက အဆောက်အဦး ဆောက်လုပ်ခွင့်ပြုထားတာကို ကန့်ကွက်ဆန္ဒပြခဲ့တဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးကိုကိုကြီး ကို တောင်ဥက္ကလာမြို့နယ် ရဲစခန်းက ပုဒ်မ ၁၉ နဲ့ အမှုဖွင့်ကြောင်း ဒီနေ့ ခေါ်ယူအသိပေးခဲ့ပါတယ်။

အဲ့ဒီအမှုနဲ့ပတ်သက်ပြီး ခံဝန်လက်မှတ်ရေးထိုး ခိုင်းတာကို လက်မခံပဲ ငြင်းပယ်ခဲ့ကြောင်း ဦးကိုကိုကြီးက ပြောပါတယ်။

"၅ လကျော်ကြာတဲ့အခါကျမှ မနေ့ကမှ ရဲစခန်းကနေ ကျနော်ဆီကို ဒီစာပို့ပြီးတော့ အကြောင်းကြားလာ တယ်၊ အဲ့ဒီတော့ အများပိုင်ပစ္စည်းဖြစ်တဲ့ ကလေးအားကစားကွင်းကို ကာလပေါက်ဈေး သိန်း ၇ သောင်း ၈ သောင်းတန်တဲ့နေရာမှာ စီးပွားရေးအကျိုးအမြတ်အတွက် လုပ်တဲ့ကိစ္စကို နိုင်ငံတော်ကအရေးမယူပဲနဲ့ ကျနော်တို့ ဒေသခံတွေက ဒီကလေးကစားကွင်းကို မူလအတိုင်းပြန်လည်ရရှိဖို့အတွက် ဆန္ဒဖော်ထုတ်တဲ့သူတွေကို အရေးယူမယ် ဆိုရင်တော့ ကျနော်အနေနဲ့ အာမခံယူတာတို့ ခံဝန်တို့ ကျနော်တို့ လုံးဝလုပ်မှာမဟုတ်ဘူး၊ ဒီနေ့ရုံးက ရဲစခန်းကခေါ်တဲ့အခါမှာလည်းပဲ အမှုဖွင့်တဲ့အနေနဲ့မဟုတ်ပဲနဲ့ အဲ့ဒီနေ့က ဖြစ်ပွားခဲ့တဲ့အဖြစ်အပျက် ကို ပြန်ပြောပြပါဆိုလို့ ကျနော်ပြောပြတယ်၊ သူတို့လက်ရေးနဲ့ ရေးပြီးမှတ်တမ်းတင်တယ်၊ အဲ့ဒီတော့ ကျနော်ကလက်မှတ်ထိုးခဲ့တာ ခံဝန်လုပ်ခဲ့တာ ဘာတစ်ခုမှမရှိဘူး"

တောင်ဥက္ကလာပ ၉ ရပ်ကွက်က ပေ ၁ဝဝ ကျော်တဲ့ အများပိုင်အားကစားကွင်းကို ပြီးခဲ့တဲ့ နှစ်မှာ မြို့တော်ဝန်က သိမ်းဆည်းခဲ့ပြီး ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ပါတီပိုင် ရှစ်ထပ် အဆောက်အဦး တည်ဆောက်နေ တာဖြစ်ပါတယ်။

အဲ့ဒီလိုလုပ်တာဟာ နိုင်ငံရေးပါတီအနေနဲ့ အများပိုင်နေရာကို အလွဲသုံးစားလုပ်တာဖြစ်ကြောင်း ဦးကိုကိုကြီး က ပြောပါတယ်။

အဆောက်အဦးဆောက်လုပ်မှုကို ရပ်ဆိုင်းပေးဖို့အတွက် ဦးကိုကိုကြီးအပါအဝင် ဒေါက်တာစောနိုင်၊ ကိုနိုင်ကိုလင်း၊ ဦးအောင်မော်နဲ့ ဦးမုန်းခက်တို့က ပြီးခဲ့တဲ့နှစ် ဒီဇင်ဘာလက ဆန္ဒပြဟောပြောခဲ့တဲ့အတွက် ခွင့်ပြုချက်မပေး တဲ့နေရာမှာ ဆန္ဒပြလို့ဆိုပြီး ပုဒ်မ ၁၉ နဲ့ အမှုဖွင့်ခံရတာဖြစ်ပါတယ်။

မြို့နယ်ရဲစခန်းက ကျိုက္ကဆံဟစ်တိုင်မှာ ဆန္ဒပြဖို့ခွင့်ပြုပေမယ့် ဦးကိုကိုကြီးတို့က အဆောက်အဦး ဆောက်လုပ်နေ တဲ့ အားကစားကွင်းရှေ့မှာ ဆန္ဒပြဟောပြောခဲ့တာဖြစ်ပါတယ်။

RFA Burmese
http://www.rfa.org/burmese

ဖွဲ့စည်းပုံ မပြင်နိုင်ရင် ရွေးကောက်ပွဲ တရားမျှတမှာ မဟုတ်

လော်ခီးလာ ညီလာ ခံ ကို လည်း UNA နဲ့ ၈၈ မျိုးဆက် ပွင့်လင်း တို့ အကြံ ပြု စာတစ် စောင် ပို့ သွား မယ်။ 
ဖွဲ့စည်းပုံ ပြင်ဆင်ရေး နဲ့ ပြည်တွင်း ငြိမ်းချမ်းရေး ကိစ္စတွေ ဆောင်ရွက် ဖို့ ရာ ဘုံ ရည်မှန်း ချက် တူညီ ရာ ကျယ်ပြန့်တဲ့ ဒီမို ကရက်တစ် အင်အားစု မျိုး အဖြစ် စုစည်း မိ အောင် ဆောင် ရွက် မယ် ဆိုပြီး တိုင်းရင်းသား ပါတီ တွေ စုပေါင်း အဖွဲ့ UNA နဲ့ ၈၈ မျိုးဆက် ပွင့်လင်း တွေ မေလ ၂၂ ရက် နေ့ က တွေ့ဆုံ ကြ အပြီး ပြော လာ ပါတယ်။

၂၀၀၈ ဖွဲ့စည်းပုံ မှ မပြင်ဆင် နိုင်ရင် ၂၀၁၅ ရွေးကောက်ပွဲ ဟာ တရား မျှတ မှာ မဟုတ်ဘူး လို့ ရခိုင် နိုင်ငံရေး ခေါင်းဆောင် UNA က ဦးအေးသာ အောင် က ပြောပါတယ်။

တပြည်လုံး အပစ်ရပ် ရေး လက်မှတ် ထိုးဖို့ တိုင်းရင်းသား လက်နက် ကိုင် တွေ တပ် တွေ ဂျွန် လဆန်းကျ တွေ့ဆုံ ကြမယ့် လော်ခီးလာ ညီလာ ခံ ကို လည်း UNA နဲ့ ၈၈ မျိုးဆက် ပွင့်လင်း တို့ အကြံ ပြု စာတစ် စောင် ပို့ သွား မယ် လို့ လည်း ဦးအေးသာ အောင် က ဆိုပါတယ်။

ဖွဲ့စည်းပုံ ပြင်ဆင်ရေး ဟာ အရေးကြီးပြီး တခြား ကိစ္စ တွေ နဲ့ အာရုံ ပြောင်းသွား လို့ မရ ဘူး ဆိုပြီး တော့ ၈၈ မျိုးဆက် ပွင့်လင်း လူ့ အဖွဲ့အစည်း က မင်းကိုနိုင် က ပြောပါတယ်။

ဒီဆွေးနွေးပွဲကို UNA က ဦးခွန်ထွန်းဦး၊ ဦးစိုင်းညွန့်လွင်၊ ဦးစိုင်းလိတ်၊ ဦးအေးသာအောင်၊ စတဲ့ ပုဂ္ဂိုလ်တွေ နဲ့ ၈၈ မျိုးဆက် ပွင့်လင်း က ကိုမင်းကိုနိုင်၊ ဦးကိုကိုကြီး၊ ကိုမြအေး၊ ကိုပြုံးချို၊ ကိုဂျင်မီ စတဲ့ သူတွေ တက်ရောက် ခဲ့ပါတယ်။

BBC Burmese
http://www.bbc.com/burmese

လူကုန်ကူးမှု အပါအဝင် နယ်စပ်ပြဿနာများ ထိုင်းမြန်မာ စည်းဝေး


 ထိုင်း- မြန်မာ နယ်စပ်ဖြတ်ကျော် လူကုန်ကူးမှု၊ မူးယစ်ဆေးဝါး တိုက်ဖျက်ရေး ပူးပေါင်းဆောင်ရွက်ဖို့နဲ့ စစ်ရေး ဆက်သွယ်ဆောင်ရွက်ကြဖို့ အတွက် နှစ်နိုင်ငံ သဘောတူညီခဲ့ကြပါတယ်။လူကုန်ကူးမှု အဆိုးဆုံး အဆင့်သတ်မှတ်ခံထားရတဲ့ ထိုင်းနိုင်ငံနဲ့ လူကုန်ကူးမှု စောင့်ကြည့်စာရင်း သတ်မှတ်ခံထားရတဲ့ မြန်မာတို့ကြား ပူးပေါင်းဆောင်ရွက်မှုတွေကြောင့် ဒေသတွင်း လူကုန်ကူးမှု လျော့ကျ လာသလား ဆိုတာနဲ့ နယ်စပ်ဒေသ မူးယစ်ကုန်ကူးမှု တိုက်ဖျက်ရေး အခြေအနေ အလားအလာတွေကိုတော့ မသိင်္ဂီထိုက် စုစည်းတင်ပြထားပါတယ်။

ထိုင်းနဲ့ မြန်မာနှစ်နိုင်ငံ ဒေသတွင်း နယ်စပ်ရေးရာ ကော်မတီ ဆွေးနွေးပွဲမှာ နှစ်နိုင်ငံ စစ်ရေး ဆက်ဆံရေး၊ လူကုန်ကူးမှုနဲ့ မူးယစ်ကုန်ကူးမှု၊ နယ်စပ်ဒေသ တည်ငြိမ်ရေးတို့ အပါအ၀င် သဘောတူညီချက် ၁၂ ချက် ရခဲ့ပါတယ်။ မြန်မာ ကိုယ်စားလှယ် အဖွဲ့ဝင် အဖြစ် တက်ရောက်ခဲ့သူ ထိုင်းနိုင်ငံ ဆိုင်ရာ မြန်မာ သံအမတ်ကြီး ဦးဝင်းမောင်က သဘောတူညီချက် တချို့ကို အခုလို ပြောပါတယ်။

"ကျနော်တို့ နယ်စပ်မှာ ရှိတဲ့ ပြည်သူလူထု နှစ်ဖက်ပေါ့နော် အေးအေး ချမ်းချမ်း နေနိုင်ဖို့ အတွက် လုံခြုံရေး ကိစ္စတွေ ဆောင်ရွက်မယ့် အစီအမံပေါ့၊ နောက် တခုက မူးယစ်ဆေးဝါး ကာကွယ်တားဆီးရေးပေါ့နော် အဲဒီအချက်တွေ သဘောတူညီမှုရတယ်။ ကျန်တာတွေကတော့ စစ်တပ်က အပိုင်းတွေ ဖြစ် ပါတယ်နော်။"

ထိုင်းတော်ဝင် တပ်မတော်က ဒုတိယ ဗိုလ်ချုပ်ကြီး Sathit Pattharat ဦးဆောင်တဲ့ ထိုင်းကိုယ်စားလှယ် အဖွဲ့နဲ့ မြန်မာ့တပ်မတော်က ဒုတိယ ဗိုလ်ချုပ်ကြီး ခင်ဇော်ဦးတို့ ခေါင်းဆောင်ကြတဲ့ မြန်မာ ကိုယ်စားလှယ် အဖွဲ့တို့ ချင်းမိုင်မြို့ Imperial Mae Ping ဟိုတယ်မှာ ၂ ရက်ကြာ ကျင်းပခဲ့တဲ့ နှစ်နိုင်ငံ နယ်စပ်ရေးရာ ကိစ္စတွေကို ၂ ရက်ကြာ ဆွေးနွေးခဲ့တာ ဖြစ်ပါတယ်။

ထိုင်းနိုင်ငံဟာဆိုရင် ပြီးခဲ့တဲ့ ၂၀၁၄ အမေရိကန် နိုင်ငံခြားရေး ဌာနက ထုတ်ပြန်တဲ့ နိုင်ငံတကာ လူကုန်ကူးမှု တိုက်ဖျက်ရေး အစီရင်ခံစာမှာ အဆိုးဆုံး Tier 3 အဆင့် သတ်မှတ်ခံခဲ့ရသလို လတ်တလောမှာလည်း ဒေသတွင်း လူကုန်ကူးမှု ကိစ္စရပ်တွေ ထပ်မံ ပေါ်ပေါက်လာပြီးနောက်မှာ နိုင်ငံတွင်း လူကုန်ကူးမှု တိုက်ဖျက်ရေး လုပ်ငန်းတွေကိုအင်တိုက်အားတိုက် လုပ်ဆောင်လာခဲ့တာပါ။ မြန်မာနိုင်ငံကိုတော့ Tier 2 အဆင့် သတ်မှတ်ပြီး စောင့်ကြည့်နေတာ ဖြစ်ပါတယ်။

မြန်မာနိုင်ငံဘက်ကလည်း လတ်တလော ဖြစ်ပေါ်နေတဲ့ လှေစီးပြေး ဒုက္ခသည်တွေဟာ မြန်မာနိုင်ငံတွင်းက ရိုဟင်ဂျာတွေ ထွက်ပြေးကြတာ မဟုတ်ဘဲ လူကုန်ကူးမှု ပြဿနာ ဖြစ်တယ်လို့ ဒီရက်ပိုင်း အတွင်းမှာဘဲ ဦးတည် ပြောဆိုနေတာ ဖြစ်ပါတယ်။

ထိုင်းနဲ့ မြန်မာနှစ်နိုင်ငံ အစိုးရတို့ နယ်စပ်ဖြတ်ကျော် လူကုန်ကူးမှုကို ပူးပေါင်းတိုက်ဖျက်နေတဲ့ လုပ်ငန်းစဉ်အပေါ်မှာတော့ ထိုင်းနိုင်ငံတွင်း မြန်မာ အလုပ်သမားအရေး ဆောင်ရွက်နေသူ ဦးကျော်သောင်းကတော့ အခုလို ရှုမြင်ပါတယ်။

"လူတွေရာ၊ ထောင်ချီပြီး လာနေတာ ဒီနှစ်နိုင်ငံ နယ်စပ်ဖြတ်ကျော်တဲ့ နေရာတွေမှာ တာဝန်ကျတဲ့ နှစ်နိုင်ငံ အရာရှိတွေနဲ့ လုံးဝ ပါဝင် ပတ်သက်တယ်။ ထိုင်းနိုင်ငံမှာ ဆိုလို့ ရှိရင်လည်း ရဲတပ်ဖွဲ့ရော၊ ရပ်ကျေး အုပ်ချုပ်တဲ့ လူတွေ အထိကို လူပေါင်း ၅၀ ကျော်ကို ၀ရမ်းထုတ်ထားတယ်။ နောက် အဓိက အကြောင်းအရာ တခုက ကျနော်တို့ မြန်မာနိုင်ငံထဲမှာ အလုပ်လုပ်ပြီးတော့ ၀၀လင်လင် ထမင်းနဲ့ တူတဲ့ ထမင်း စားစရာ အလုပ်မရှိသေးဘူး။ အဲဒါကြောင့်မို့လို့ အရွယ်ရောက်ပြီးတဲ့လူတိုင်း၊ အလုပ်လုပ်နေတဲ့ လူတိုင်း ဒီထိုင်းနိုင်ငံကို နိစ္စဒူဝ ထွက်နေကြတာဘဲ။"

မြန်မာနဲ့ ထိုင်းနှစ်နိုင်ငံကြား ပူးပေါင်းဆောင်ရွက်မှုတွေမှာ နှစ်နိုင်ငံ အစိုးရ တာဝန်ရှိသူတွေကြား ပုဂ္ဂိုလ်ရေး ရင်းနှီးမှုနဲ့ ပူးပေါင်းဆောင်ရွက်မှု ရှိဖို့ကလည်း အရေးကြီးတယ်လို့ မူးယစ်ရဲမှူးကြီးဟောင်း ဦးခမ်းအောင် ကလည်း ထောက်ပြပါတယ်။

"ကျနော်တို့ တာဝန်ထမ်းဆောင်ခဲ့တုန်းကလည်း Cooperation (ပူးပေါင်းဆောင်ရွက်မှု) က အတော်ကောင်းပါတယ်။ နောက်ပြီးတော့ တခုရှိတာက Personal Attachment ပေါ့ ၊ ကျနော်တို့ Relationship က အရမ်းကောင်းပါတယ်။ တခုခု ဖြစ်ပြီဆိုရင် တယ်လီဖုန်းလေး ကောက်ဆက်ရင် တောင်မှ ကျနော်တို့ အလုပ်လုပ်လို့ ရတဲ့ အဆင့်ထိကို ကျနော်တို့က Establish (တည်ဆောက်) ထားတာပါ။ ဆိုတော့ အခုနောက်ပိုင်းကျတော့ ကျနော်ထင်တယ် အဲဒီအပိုင်းမှာ နည်းနည်းလေး အားနည်းမလားလို့။ ကျနော် အဲလိုတော့ မြင်တယ်။ ဘာလို့လည်း ဆိုတော့ လူတွေက အပြောင်းအလဲတွေ ဖြစ်တာများတယ်။ သူတို့ဘက်လည်း အပြောင်းအလဲတွေ များတယ်။ ကျနော်တို့ ဘက်လည်း အပြောင်းအလဲတွေ များတယ်။ လူသစ်တွေက အဲဒီအဆင့်ထိကို ပြန်ပြီးတော့ Cooperation (ပူးပေါင်းဆောင်ရွက်မှု) မရနိုင်ဘူးထင်တယ်။"

ချင်းမိုင်မြို့က နှစ်နိုင်ငံ ကိုယ်စားလှယ်တွေရဲ့ ဆွေးနွေးပွဲမှာတော့ နယ်စပ်ဒေသ လုံခြုံရေး၊ နှစ်နိုင်ငံ နယ်စပ်တလျှောက် စစ်ရေးဆက်ဆံရေး၊ လူမှုရေး၊ စီးပွားရေး၊ ကျန်းမာရေးနဲ့ သဘာဝပတ်ဝန်းကျင် ဆိုင်ရာ ကိစ္စရပ်တွေ၊ နောက် အကြမ်းဖက်မှု တိုက်ဖျက်ရေးနဲ့ လက်နက်ကုန်ကူးမှုတွေကိုလည်း ဆွေးနွေးခဲ့ကြပါတယ်။ ဒါ့အပြင် ထိုင်း မြန်မာ နယ်စပ်မှာ နှစ်နိုင်ငံ ချစ်ကြည်ရေး အတွက် ညီအမ ကျေးရွာ တခု တည်ဆောက်ဖို့လည်း သဘောတူခဲ့ကြတယ်လို့ ထိုင်းနိုင်ငံဆိုင်ရာ မြန်မာ သံအမတ်ကြီးက ပြောပါတယ်။

သိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com

လှေစီးဒုက္ခသည်အရေးဟာ လူမှောင်ခို ပြဿနာဖြစ်တယ်လို့ ရခိုင်ဝန်ကြီးချုပ်ပြော

ရိုဟင်ဂျာ မွတ်ဆလင်မ် တွေ ခွဲခြား ဆက်ဆံ ခံ နေရပြီး အကြမ်းဖက် ခံနေ ရတဲ့ ပြဿနာ ရင်းမြစ် ကို ကိုင်တွယ် ကြဖို့အမေရိကန် နိုင်ငံခြားရေး ဌာန ရဲ့ ဒုဝန်ကြီး အန်ထဏီ ဘလင်ကဲန် က တိုက်တွန်း။ 
ရခိုင် ပြည်နယ် က လူတွေ ထောင် ပေါင်း များ စွာ ထွက် ခွာ နေကြ တာဟာ လူမှောင် ခို ပြဿနာ သာ ဖြစ်ပြီး အမေရိကန် က စွပ်စွဲ သလို လူမျိုးရေး ဘာသာရေး အပေါ် မူတည် လို့ ပစ်မှတ် ထား ခွဲခြား ဖိနှိပ် ခံနေ ရ တာ ကနေ ထွက် ပြေး နေကြ ရတာ မဟုတ် ဘူး ဆိုပြီး ရခိုင် ပြည်နယ် အစိုးရ အကြီးအကဲ က ပြောလိုက် ပါတယ်။

အမေရိကန် အစိုးရ ရဲ့ စွပ်စွဲ မှု တွေ အပေါ် စိတ်ပျက် ရပြီး အဲဒီ စွပ်စွဲ မှု တွေ ဟာ အခြေ အမြစ် မရှိဘူး လို့လည်း ရခိုင် ပြည်နယ် ဝန်ကြီးချုပ် ဗိုလ်ချူပ်ဟောင်း ဦးမောင်မောင်အုန်း က ဆိုပါ တယ်။

လှေစီး ဒုက္ခသည် တွေ အရေး ကိုင်တွယ် ဖို့ ဆိုရင် ရိုဟင်ဂျာ မွတ်ဆလင်မ် တွေ ခွဲခြား ဆက်ဆံ ခံ နေရပြီး အကြမ်းဖက် ခံနေ ရတဲ့ ပြဿနာ ရင်းမြစ် ကို ကိုင်တွယ် ကြဖို့ မြန်မာ ခေါင်းဆောင် တွေ ကို အမေရိကန် နိုင်ငံခြားရေး ဌာန ရဲ့ ဒုဝန်ကြီး အန်ထဏီ ဘလင်ကဲန် က သူ့ရဲ့ မြန်မာ ပြည် ခရီးစဉ် အတွင်း မှာ သတိပေး ခဲ့ ပါတယ်။

မြန်မာ အစိုးရ ဘက် က လည်း မြန်မာ့ ရေပိုင် နက် ထဲ လူမှောင်ခို ကူး မှု တွေ ကို တိုက်ဖျက် ပြီး လှေစီး ဒုက္ခသည် တွေ ကို ကူညီ မယ် လို့ ပြော လာ ပြီး တဲ့ နောက် ပြီးခဲ့တဲ့ ကြာသပတေး နေ့ ကတော့ ဘင်္ဂလားဒေ့ရှ် နယ်စပ် အနီး မြန်မာ ပိုင်နက် ထဲ မှာ တွေ့ ရတဲ့ လူ မှောင် ခို လှေ ၂ စီး ကို မြန်မာ ကမ်း ဘက် ကို ရေတပ် ကနေ ခေါ် လာတာ မှာ လှေတွေ ပေါ် မှာ ရွှေ့ ပြောင်း သူ အယောက် ၂၀၀ ကျော် ပါလာ ပါတယ်။

BBC Burmese
http://www.bbc.com/burmese

ဧရာဝတီသပိတ်စစ်ကြောင်း ဦးဆောင်သူ ကျောင်းဆရာကို ထောင်ဒဏ် ၃ လချမှတ်

ဆရာဦးဝေယံအောင် (ဓာတ်ပုံ - အောင်အောင်ကျော်)
ဧရာဝတီ ကျောင်းသားသပိတ်စစ်ကြောင်း ဦးဆောင်ကော်မတီဝင် ဆရာဦးဝေယံအောင်ကို ငြိမ်းစုစီ ပုဒ်မ ၁၈ နဲ့ ဒီကနေ့ ပုသိမ်မြို့နယ်တရားရုံးမှာ အမြင့်ဆုံး ပြစ်ဒဏ်အဖြစ်  အလုပ်နဲ့ထောင်ဒဏ် ၃ လချမှတ်လိုက်ပါတယ်။

ဆရာ ဦးဝေယံအောင်အမှုနဲ့ ပတ်သက်ပြီး ဧရာဝတီ ကျောင်းသားသပိတ် ဦးဆောင်ကော်မတီဝင်တဦးဖြစ်တဲ့ ကိုအောင်အောင်ကျော်က “အမှုက ပင်မ သပိတ်စစ်ကြောင်းကို အကြမ်းဖက်ဖြိုခွင်းတာနဲ့ပတ်သက်ပြီးတော့ ပုသိမ်မြို့တော်ခန်းမရှေ့က ရင်ပြင်မှာ ဧရာဝတီသပိတ်စစ်ကြောင်းကနေပြီး ထိုင်သပိတ်လုပ်ကြတယ်ပေါ့။ အဲဒီဟာကို အကြောင်းပြုပြီးတော့ တရားစွဲတာပါ” လို့ ပြောပါတယ်။

ဆရာဦးဝေယံအောင်ဟာ ပုသိမ် ဂျီတီစီ ကျောင်းက သရုပ်ပြ ဆရာဖြစ်ပြီး အမျိုးသား ပညာရေးဥပဒေကို ဧရာဝတီကျောင်းသားတွေအနေနဲ့ သပိတ်မှောက်ရာမှာ သူက ဦးဆောင်ပါဝင်လာသူဖြစ်တယ်လို့ ဆိုပါတယ်။

နောက်ပိုင်းမှာတော့ ဧရာဝတီသပိတ်စစ်ကြောင်းရဲ့ ဦးဆောင်ကော်မတီတဦးဖြစ်လာပြီး ဧရာဝတီသပိတ်စစ်ကြောင်းနဲ့ ချီတက်ဆန္ဒထုတ်ဖော်ခဲ့သူဖြစ်ပါတယ်။  ဧရာဝတီ သပိတ်စစ်ကြောင်းမှာတော့ ပထမဦးဆုံး ထောင်ဒဏ်ချမှတ်ခံရသူဖြစ်ပါတယ်။

 By ဒီဗွီဘီ
http://burmese.dvb.no
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။

နောက်ဆုံးရ သတင်း အပုဒ် (၅၀)

 

30 Days Stats

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

အင်္ဂလိပ်သတင်းများ