Showing posts with label မြန်မာ့သတင်း. Show all posts
Showing posts with label မြန်မာ့သတင်း. Show all posts

နို့ဖိုးဒုက္ခသည်စခန်းတွင် ထိုင်းစစ်တပ်မှ လူဦးရေထပ်မံစစ်ဆေးပြီး

နိုဝင်ဘာ ၂၇ရက်၊ ၂၀၁၄ခုနှစ်။

ထိုင်း-မြန်မာနယ်စပ် တာ့ခ်ခရိုင်၊ နို့ဖိုးကရင် ဒုက္ခသည် စခန်းတွင် နိုဝင်ဘာ ၂၄ရက်နေ့က သက်ဆိုင်ရာ ထိုင်းအစိုးရ စစ်တပ်မှ ဦးဆောင်ပြီး လူဦးရေ စာရင်းများ အတိအကျ ပြန်ရရှိရန် နောက်ထပ်တဖန် ပြန်လည် စစ်ဆေးမှုများ ပြုလုပ်နေသည်ဟု သိရ သည်။

ထိုသို့ စစ်ဆေးရာတွင် စခန်းအတွင်းရှိ ဒုက္ခသည်အဖြစ် အသိအမှတ် ပြုထားသည့် ကုလသမဂ္ဂ မဟာမင်းကြီးရုံး (UNCHR) လက် မှတ်ရှိထားသူများ အပါအ၀င် လူသစ်လူဟောင်း အားလုံးကို တစ်ရက်အတွင်း အပြီးစစ်ဆေးမှု ပြုလုပ်ပြီး လူဦးရေ စာရင်းထဲရှိ အမည်ရှိထားသူ မည်သူမဆို စစ်ဆေးသည့် အချိန်တွင် မရှိပါက အမည်စာရင်းကို ကြက်ခြေခတ် မှတ်သား လိုက်သည်ဟု ယင်း စခန်းအတွင်းရှိ ဒုက္ခသည်များက ပြောဆိုနေကြသည်။

ကရင်ဒုက္ခသည်ကော်မတီ(Karen Refugee Committee-KRC)၏ ဒုတိယ ဥက္ကဌ စောဂျော့က “သူတို့က သူတို့ နိုင်ငံရဲ့ ဥပဒေ စည်းမျဉ်းစည်းကမ်းအရ ဖြစ်မှာပေါ့။ ပြီးတော့ အခုစစ်တာက လူဦးရေ အတိအကျ ပြန်ရယူဖို့ စစ်တာလို့ပဲ သိရတယ်။ ဒါပေမဲ့ အခုက နို့ဖိုးစခန်းမှာပဲ စစ်ဖြစ်သေးတယ်။ တခြားစခန်းမှာ စစ်မစစ်နဲ့ ဘယ်တော့ စစ်ဆေးမှုပြန်လုပ်မလဲဆိုတာတော့ မသိရသေး ဘူး”ဟု ကေအိုင်စီသို့ ပြောသည်။

ထိုင်းစစ်တပ်သည် လူဦးရေစစ်ဆေးရာ၌ ယခင်စစ်ဆေးရာထက် စည်းကမ်း ပိုမိုတင်းကြပ်မှုများရှိလာပြီး ရပ်ကွက်အတွင်း ဝင် ရောက်စစ်ဆေးခြင်းမဟုတ်ဘဲ ၎င်းတို့သတ်မှတ်ထားသည့်နေရာသို့ စခန်းရှိဒုက္ခသည်အားလုံး နံနက် ၅နာရီခွဲမှစ၍ သွားရောက် စုစည်းကာ စောင့်ခိုင်းခဲ့ကြောင်း သိရသည်။

နို့ဖိုးစခန်းအတွင်း နေထိုင်သည့် ဒုက္ခသည်တစ်ဦးဖြစ်သူ စောအဲခေါင်က “သူတို့ လူအားလုံးကို တစ်ရက်တည်း အပြီးလာစစ်တာ ဆိုတော့ သူတို့စစ်တဲ့ စစ်တပ်ကုန်းနေရာမှာ မနက်၅နာရီခွဲကနေ ထမင်းထုပ်နဲ့ သွားပြီး စောင့်ရတယ်ပေါ့။ နောက်ပြီး စစ်တပ်က ဒီလိုပုံစံမျိုးနဲ့ စစ်ဆေးမှုပြုလုပ်တာ ဒါ ပထမဦးဆုံးပဲလို့ မြင်တယ်။ ဘယ်လိုထူးလာမလဲတော့ မသိဘူး”ဟု ကေအိုင်စီသို့ ပြော သည်။

ယခု လူဦးရေစစ်သည့်အချိန်တွင် စခန်းတွင်း မရှိသူများ၏အမည်များကို ကြက်ခြေခတ်ထား၍ အချိန်တစ်ပတ်အထိ ပြန်လည် ပေးထားရာ တစ်ပတ်အတွင်း ပြန်ရောက်လာလျှင် လက်ခံဦးမည်ဖြစ်ပြီး သတ်မှတ်ထားသည့် နေ့ရက်အတွင်း ပြန်မရောက်လာ နိုင်ပါက နေထိုင်ခွင့်ပေးတော့မည်မဟုတ်ဟု စခန်းသူစခန်းသားများကို ထိုင်းအာဏာပိုင်များက ပြောဆိုထားကြောင်း သိရသည်။

ယခုနှစ် ဇူလိုင်လအတွင်းမှာလည်း သက်ဆိုင်ရာထိုင်းအာဏာပိုင်များသည် ဒုက္ခသည်စခန်းအားလုံးကို လူဦးရေ စာရင်း အတိအ ကျ လိုချင်သည်ဟု အကြောင်းပြုကာ ဝင်ရောက်စစ်ဆေးမှု တစ်ခါပြုလုပ်ပြီးဖြစ်သည့်အတွက် ယခုတဖန် ထပ်မံ စစ်ဆေးမှု ပြု လုပ်လာသည့်အပေါ် စခန်းတွင်းနေထိုင်သူ ဒုက္ခသည်များက ၎င်းတို့နေရပ်သို့ ပြန်ပို့ခံရမည်ကို စိုးရိမ်လျှက်ရှိကြောင်း စခန်းတာ ၀န်ရှိသူများက ဆိုသည်။

နန်းဝေဖြိုးဇာ
ကေအိုင်စီ - KIC News
http://kicnews.org


တာတမံများကို မဆည်ဖို့ရာမှ မြောက်ဦးနယ်တွင် စပါးစိုက်ခင်းများပျက်စီး

ရခိုင်ပြည်နယ်၏ စပါးကျီဟု တင်စားခေါ်ဝေါ်ရသော စပါးအများဆုံး ထွက်ရာ မြောက်ဦးမြို့နယ်တွင် တာတမံများကို လုံအောင် မဆည်နိုင်ရာမှ ဆားငံရေများ ၀င်ရောက်ကာ လယ်ဧက ရာနှင့်ချီပြီး ပျက်စီးသွားခဲ့သည်ဟု သတင်း ရရှိသည်။

စုစုပေါင်း လယ်သမား၂၃ ဦးပိုင်ဆိုင်သော လယ်ဧက ၂၀၀ နီးပါးခန့်မှာ စပါးများ အသီး လုံးဝ မသီးဘဲ ပျက်စီးသွားခဲ့သည်ဟု မြောက်ဦးမြို့နယ် နတ်ချောင်းကျေးရွာမှ လယ်သမား တစ်ဦးက ပြောသည်။

“ လယ်ဧက ၂၀၀ နီးပါးခန့်ပျက်စီးသွားပါတယ်။ လယ်သမားတွေကတော့ နတ်ချောင်းရွာဟောင်းက ၆ ဦး၊ နတ်ချောင်းရွာသစ်က ၁၁ ဦးနဲ့ ဂျင်ချေရွာက ၆ ဦးတို့ ဖြစ်ကြပါတယ်။ စပါးတွေက လုံးဝ မသီးဘဲ ပျက်စီးသွားတာပါ” ဟု ယင်းက ဆိုသည်။

နတ်ချောင်းတိုက်နယ် ဒေသခံများ အနေဖြင့် ကုလားပုန်းဆည်ရေကို အားကိုးရကြရကြောင်း၊ ကုလားပုန်းတာတမံကို ဆည်မြောင်းဦးစီးဌာမှ လုံအောင် မဆည်ဖို့ရာမှ ဆားငံရေများ ၀င်ရောက်လာပြီး ပျက်စီးသွားသည်ဟု ဆိုသည်။

ယခုနှစ် မိုးနှောင်းပိုင်းတွင် ရခိုင်ပြည်နယ် အနှံ့အပြားတွင် မိုးခေါင်ခဲ့ရာမှ ဆားငံရေ၀င်သော လယ်မြေများမှာ ပိုမို အပျက်အစီး များသွားခဲ့သည်ဟု တစ်ခြား လယ်သမား တစ်ဦးကဆိုသည်။

“ ခါတိုင်းနှစ်တွေက ဆားငံရေ ၀င်ပေမယ့် မိုးနှောင်းပိုင်း မိုးကောင်းတော့ ရေချိုရပြီး စပါးတွေ မပျက်စီးဘူး။ ဒီနှစ်ကတော့ ဆားငံရေတွေလည်း အများကြီးဝင်တယ်။ စပါးသီးချိန်မှာ မိုးလည်း မရွာတော့ စပါးအဖူးတွေက အသီးမသီးဘဲ ပျက်စီးသွားပါတယ်” ဟု ၎င်းက ဆက်ဆိုသည်။

မြောက်ဦးမြို့နယ် ကုလားပုန်းကို တာတမံကို ဆည်ဖို့ရန် ပြည်ထောင်စု လွှတ်တော်တွင် တင်ပြထားကြောင်း၊ ၂၀၁၅-၂၀၁၆ ဘတ်ဂျက်တွင် ဆည်ဖို့မည်ဟု သိရကြောင်း ရွာသားများက ဆိုသည်။

ယခုကဲ့သို့ လယ်ဧက ၂၀၀ နီးပါး ပျက်စီးသွားခြင်းကို နိုဝင်ဘာလ ၂၈ ရက်နေ့တွင် မြောက်ဦးမြို့နယ် အုပ်ချုပ်ရေးမှူးကို ကျေးရွာသားများက လက်မှတ်ထိုး တင်ပြ အစီရင်ခံသွားမည်ဟု ကျေးရွာသားများက ပြောဆိုသည်။

(နိရဉ္စရာ- ၂၇ နိုဝင်ဘာ ၂၀၁၄)
http://www.narinjara.com/burmese/?p=12870

စပါးခင်းဝင်းဝါနေသော်လည်း အသီးမသီးဘဲ ပျက်စီးခဲ့ရသည်။ (ဓါတ်ပုံ- နိရဉ္စရာ)

၆ ပွင့်ဆိုင်ဆွေးနွေးပွဲမှာ စိုးရိမ်မှုတွေ အဖြေရှာမယ်လို့ ဒေါ်အောင်ဆန်းစုကြည်ပြော

ဖွဲ့စည်းပုံ ပြင်ဆင်ရေးနဲ့ ပတ်သက်ပြီး ဘာတွေကို စိုးရိမ်မှုရှိ နေသလဲ ဆိုတဲ့ အချက်တွေ ကို ခြောက်ပွင့်ဆိုင် တွေ့ဆုံ ဆွေးနွေး ပွဲမှာ ဆွေးနွေး အဖြေရှာ သွားမယ်လို့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်က ပြောပါ တယ်။

နေပြည်တော် တရားဥပဒေ စိုးမိုးရေးနဲ့ တည်ငြိမ် အေးချမ်းရေး ကော်မတီရုံးမှာ ဒီနေ့ကျင်းပတဲ့ သတင်းစာ ရှင်းလင်းပွဲမှာ ခြောက်ပွင့်ဆိုင် တွေ့ဆုံ ဆွေးနွေးရေးနဲ့ ပတ်သက်ပြီး ပြောခဲ့တာ ဖြစ်ပါတယ်။

"ပြင်ဆင်ဖို့ မလိုဘူးဆိုတဲ့ လူတွေကတော့ ဘာစိုးရိမ်သလဲဆိုတာ အဲ့ဒါတွေကို ကျမတို့က ဆွေးနွေးချင်တာ၊ ဒါကြောင့်မို့လို့ အခု ၆ ပွင့်ဆိုင် ဖြစ်စေချင်တယ်ဆိုတာ ဒီလိုဖြစ်လာလို့ရှိရင် အဲ့ဒါကိုဆွေးနွေးရမယ့် အဓိကကိစ္စတစ်ခု၊ ဘာတွေကိုစိုးရိမ်လို့ ဘယ်အချက်တွေကို မပြင်ချင်တာလဲ၊ ဘာတွေကိုစိုးရိမ်လို့ ဘယ်အချက်တွေကို ပြင်ချင်တာလဲ၊ အဲဒီ့သဘောတရားတွေ ဖလှယ်ပြီးတော့ ဒီစိုးရိမ်မှုတွေ ပပျောက်သွားအောင်လို့ ဘယ်လိုလုပ်မလဲ၊ တစ်ယောက်နဲ့တစ်ယောက် ဘယ်လိုသဘောတူညီမှုယူမလဲပေါ့၊ အဲ့ဒါကြောင့် ဆွေးနွေးပွဲဆိုတာလိုအပ်တယ်"

ဒါ့အပြင် ဖွဲ့စည်းပုံအခြေခံ ဥပဒေပြင်ဆင်ရေး ဖြစ်လာရတာဟာ အမျိုးသားဒီမိုကရေစီအဖွဲ့ချုပ်ကစလိုက်လို့ ဖြစ်လာရတဲ့လုပ်ငန်းစဉ်ဖြစ်ပြီး ပြည်သူတွေက ဖွဲ့စည်းပုံပြင်ဆင်ဖို့ လူပေါင်း ငါးသန်းက တောင်းဆိုတာဟာလည်း အမျိုးသားဒီမိုကရေစီအဖွဲ့ချုပ်ရဲ့ လုပ်ဆောင်ချက်ဖြစ်တယ်လို့ သတင်းထောက်တစ်ဦးက NLD ရဲ့ လွှတ်တော်တွင်းမှာ လုပ်ဆောင်မှုနဲ့ ပတ်သက်ပြီး မေးမြန်းစဉ်မှာ ပြောပါတယ်။

အမျိုးသားဒီမိုကရေစီအဖွဲ့ချုပ်အနေနဲ့ ကြားဖြတ်ရွေးကောက်ပွဲဝင်စဉ်က မူ ၃ ခုဖြစ်တဲ့ ဖွဲ့စည်းပုံအခြေခံဥပဒေ ပြုပြင်ပြောင်းလဲရေး၊ ပြည်တွင်းငြိမ်းချမ်းရေးနဲ့ တရားဥပဒေစိုးမိုးရေးတွေကို ဆက်လက်ကြိုးပမ်းသွားမယ်လို့ ပြောပါတယ်။

RFA Burmese
https://www.facebook.com/pages/RFA-Burmese/39218993127


၆ ပွင့်ဆိုင်ဆွေးနွေးရေး လက်တွေ့မကျ၊ မဖြစ်နိုင်သေးကြောင်း သမ္မတပြောခွင့်ရသူ ပြောကြား

ပြည်ထောင်စု လွှတ်တော်က အတည်ပြုပြီး တောင်းဆိုထားတဲ့ ၆ ပွင့်ဆိုင် တွေ့ဆုံ ဆွေးနွေးရေး တောင်းဆို မှုဟာ လောလောဆယ် ဖြစ်နိုင်မှာ မဟုတ်သေး ဘူးလို့ သမ္မတ ဦးသိန်းစိန်ရဲ့ပြောခွင့်ရသူ ပြန်ကြားရေး ၀န်ကြီးဦးရဲထွဋ် က ဒီကနေ့ ပြောကြား လိုက်ပါတယ်၊

အစိုးရအနေနဲ့ နိုင်ငံရေး တွေ့ဆုံ ဆွေးနွေးပွဲ တွေကို အဖွဲ့အစည်း တွေကို အခြေခံပြီး စဉ်းစား ဆောင်ရွက် တာ ဖြစ်ပေမဲ့ အခု ၆ ပွင့်ဆိုင် တွေ့ဖို့တောင်းဆိုတာဟာ လူပုဂ္ဂိုလ်ကို အခြေခံတာမို့ လက်တွေ့နဲ့ မနီးစပ်ဘူ လို့ ဦးရဲထွဋ်က RFA ကို ပြောပါတယ်။

"ကျနော်တို့အမြင်ကတော့ ချဉ်းကပ်ပုံချင်းက အတော်ကွဲပြားနေတဲ့အတွက်ကြောင့် လောလောဆယ်တော့ ဖြစ်နိုင်ဦးမယ်မထင်ဘူး၊ ကျနော်တို့ရဲ့ ချဉ်းကပ်ပုံချင်းက အဖွဲ့ကိုအခြေခံပြီးတော့ စဉ်းစားပါတယ်၊ ဒါပေမဲ့ ဒေါ်အောင်ဆန်းစုကြည်ရော၊ လွှတ်တော်ရော ချဉ်းကပ်ပုံတွေက ပုဂ္ဂိုလ်ကို အခြေခံတာဖြစ်လေတော့ ကျနော်တို့နဲ့ အတော်ကွာပါတယ်၊ နောက်တစ်ခုက မနေ့ကဆွေးနွေးပွဲမှာလည်း တိုင်းရင်းသားပါတီထဲက တိုင်းရင်းသားအားလုံးထဲက တစ်ယောက်ဆိုတာက မဖြစ်နိုင်ဘူး၊ ဘာဖြစ်လို့လဲဆိုတော့ ကွဲပြားတဲ့တိုင်းရင်းသားတွေ ရှိတဲ့အတွက်ကြောင့်မို့ ကွဲပြားတဲ့အမြင်ကိုပြောနိုင်ဖို့ များများလိုချင်တယ်လို့ပြောတယ်၊ နောက်တစ်ခုက တကယ်ရွေးမယ်ဆိုရင်လည်း လွှတ်တော်ကတင်မဟုတ်ဘဲနဲ့ သူတို့ တိုင်းရင်းသားပါတီတွေအားလုံးက ရွေးတာမျိုးပဲဖြစ်သင့်တယ် သဘောပြောတော့ သူတို့ရဲ့ ၆ ပွင့်ဆိုင်က လက်တွေနဲ့ သိပ်မနီးစပ်ဘူးလို့ ကျနော်တို့ထင်ပါတယ်"

ဖွဲ့စည်းပုံအခြေခံဥပဒေ ပြင်ဆင်နိုင်ရေးနဲ့ မြန်မာ့နိုင်ငံရေး အခြေအနေတွေအတွက် ခြောက်ပွင့်ဆိုင်တွေ့ဆုံ ဆွေးနွေးမှုကို ဆောလျင်စွာပြုလုပ်ရေးအတွက်ဆိုပြီး နိုဝင်ဘာ ၂၅ ရက်နေ့က ကျင်းပတဲ့ ပြည်ထောင်စု လွှတ်တော်မှာ ပြည်ထောင်စု ကြံခိုင်ရေးနဲ့ ဖွံ့ဖြိုးပါတီရဲ့ လွှတ်တော်ကိုယ်စားလှယ်တစ်ဦးက အရေးကြီးအဆို တင်သွင်းခဲ့ပြီး၊ ပြည်ထောင်စု လွှတ်တော်ကလည်း အဲဒီအဆိုကို ကန့်ကွက်သူမရှိ အတည်ပြုခဲ့တာဖြစ်ပါတယ်။

အဲဒီ ၆ ပွင့်ဆိုင် တွေ့ဆုံဆွေးနွေးရေးအစီအစဉ်ကို ၄ ပွင့်ဆိုင် တွေ့ဆုံရေးတောင်းဆိုထားတဲ့ NLD ပါတီဥက္ကဌ ဒေါ်အောင်ဆန်းစုကြည်က သဘောတူလက်ခံကြောင်း ပြောဆိုထားပါတယ်။

RFA Burmese
https://www.facebook.com/pages/RFA-Burmese/39218993127


၆ ပွင့်ဆိုင်အတွက် တိုင်းရင်းသားကိုယ်စားလှယ် ဒေါက်တာအေးမောင်ကို ရွေးချယ်

၆ ပွင့်ဆိုင်တွေ့ဆုံပွဲအတွက် တိုင်းရင်းသား ကိုယ်စားလှယ်အဖြစ် အမျိုးသား လွှတ်တော် ကိုယ်စားလှယ် ဒေါက်တာ အေးမောင်ကို တိုင်းရင်းသား လွှတ်တော် ကိုယ်စားလှယ်တွေက လျှို့ဝှက်မဲပေးစနစ်နဲ့ ဒီနေ့ ရွေးချယ်လိုက်ပါတယ်။

အဲ့ဒီ ၆ ပွင့်ဆိုင်တွေ့ဆုံပွဲမှာ ဖွဲ့စည်းပုံ အခြေခံ ဥပဒေပြင်ဆင်နိုင်ရေးကို အဓိက ဆွေးနွေးကြမှာဖြစ်တယ်လို့ အမျိုးသားလွှတ်တော်ကိုယ်စားလှယ် ဒေါက်တာအေးမောင်က ပြောပါတယ်။

"၆ ဦးတွေ့တယ်ဆိုတဲ့ကဏ္ဍဟာ ဒါအရေးကြီးတဲ့ ကဏ္ဍတစ်ခုကို လုပ်တယ်လို့သုံးသပ်ပါတယ်၊ အဲ့ဒီကဏ္ဍဟာလည်းပဲ ပြည်ထောင်စုတစ်ခုလုံးနဲ့ပတ်သက်တဲ့ ငြိမ်းချမ်းမှု၊ ဖွံ့ဖြိုးတိုးတက်မှု အားလုံးကို ဆောင်ကျဉ်းပေးနိုင်သလို အထွေထွေသဟဇာတဖြစ်ရေးမူအရ တည်ငြိမ်အေးချမ်းတဲ့ မြန်မာအစိုးရတစ်ရပ် အရှေ့တောင်အာရှမှာ ပေါ်လာနိုင်တဲ့အခြေအနေရှိတယ်လို့ သုံသပ်ပါတယ်၊ အဲ့ဒါကြောင့် ဖွဲ့စည်းပုံအခြေခံဥပဒေသည် ပထမပြုပြင်နိုင်ခြင်းပေါ့နော်၊ ပြီးမှပဲ အကျိုးဆက်က ပြည်တွင်းငြိမ်းချမ်းရေးရမယ်၊ လက်နက်ကိုင် ပဋိပက္ခချုပ်ငြိမ်းမယ်၊ အမျိုးသားပြန်လည် ရင်ကြားစေ့ရေးပါဝင်တဲ့ ၂ဝ၁၅ အလွန် ပြည်ထောင်စုအစိုးရရဲ့ ပေါ်ထွန်းလာရေးကို မျှော်မှန်းတယ်လို့ ကျနော် နားလည်းပါတယ်"

ပြည်ထောင်စုလွှတ်တော် နာယကက ၆ ပွင့်ဆိုင်တွေ့ဆုံဆွေးနွေးပွဲမှာ တက်ရောက်မယ့် တိုင်းရင်းသား လွှတ်တော်ကိုယ်စားလှယ် တစ်ဦးကို ပြည်ထောင်စုလွှတ်တော်ကိုယ်စားလှယ်ထဲက ရွေးချယ်ပေးဖို့ မနေ့က ညွှန်ကြားခဲ့တာဖြစ်ပါတယ်။

ဖွဲ့စည်းပုံအခြေခံဥပဒေကို ခေတ်စနစ်နဲ့ ကိုက်ညီတဲ့ ဥပဒေအဖြစ် ပြင်ဆင်နိုင်ဖို့အတွက် နိုင်ငံတော်သမ္မတ၊ တပ်မတော်ကာကွယ်ရေးဦးစီးချုပ်၊ အမျိုးသားဒီမိုကရေစီအဖွဲ့ချုပ် ဥက္ကဌ၊ လွှတ်တော်နှစ်ရပ်က ဥက္ကဌတွေနဲ့ တိုင်းရင်းသားလွှတ်တော်ကိုယ်စားလှယ် ၁ ဦးတို့ တွေ့ဆုံကြဖို့ တိုက်တွန်းကြောင်းအဆိုကို အမျိုးသား လွှတ်တော်ကိုယ်စားလှယ် ဦးမြင့်ထွန်းက ပြီးခဲ့တဲ့ နှစ်ရက်က တင်သွင်းခဲ့တာဖြစ်ပါတယ်။

ဖွဲ့စည်းပုံအခြေခံဥပဒေပြင်ဆင်နိုင်ရေး အကောင်အထည်ဖော်မှုကော်မတီရဲ့အစီရင်ခံစာအပေါ် နှစ်ပတ်ကြာ ပါဝင်ဆွေးနွေးခဲ့တဲ့ လွှတ်တော်ကိုယ်စားလှယ် ၁၄၀ ဦးရဲ့ ဆွေးနွေးချက်တွေကို မူကြမ်းတစ်ခုရေးဆွဲပြီး နောက်နှစ် ဇန်န၀ါရီလမှာ ပြန်လည်ကျင်းပမယ့် ပြည်ထောင်စုလွှတ်တော်မှာ တင်သွင်းမှာဖြစ်တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127


ဒေါ်အောင်ဆန်းစုကြည်နဲ့ တပ်မတော် လွှတ်တော် ကိုယ်စားလှယ်တွေရဲ့ တွေ့ဆုံပွဲ ပျက်သွား

အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ တပ်မတော်သား လွှတ်တော် ကိုယ်စားလှယ် ၇၀ ဦးတို့ ဒီနေ့ တွေ့ဆုံဖို့ စီစဉ်ခဲ့ရာမှာ ပျက်သွားခဲ့ပါတယ်။

NLD ဘက်က ဖိတ်ကြားတာ ရက်ကပ်သွားတဲ့ အတွက် မတက်ရောက်နိုင်တာ ဖြစ်ကြောင်း အကြောင်း ပြန်ထားပြီ ဖြစ်တယ်လို့ တပ်မတော်သား လွှတ်တော် ကိုယ်စားလှယ် ဗိုလ်မှူးချုပ်တစ်ဦးက ပြောပါတယ်။

"မအားလို့ပါ၊ သူတို့ကို မနက်က အကြောင်းတော့ ပြန်ပေးထားတယ်၊ ဖိတ်စာကလည်း နည်းနည်းလေး ကပ်သွားတယ်လေ"

အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်က တပ်မတော်သား လွှတ်တော် ကိုယ်စားလှယ်တွေကို ထပ်မံ ဖိတ်ကြားမှာ ဖြစ်ကြောင်း ဒီနေ့ သတင်းစာ ရှင်းလင်းပွဲမှာ ပြောပါတယ်။

"ဘာဖြစ်လို့ဖိတ်လဲဆိုတာက ကျမတို့ကိုယ်စားလှယ်တွေက ခင်ခင်မင်မင်နဲ့ အချင်းချင်းပေါ့နော်၊ သူတို့အချင်းချင်းလည်း ခင်မင်တာတွေရှိတော့ ဖိတ်ချင်တယ်ဆိုတော့ ကျမအနေနဲ့လည်း ဖိတ်ချင်တယ်၊ ဒါလည်းကောင်းတာပေါ့၊ လာနိုင်ရင်လည်းကောင်းတာပေါ့၊ ဖိတ်ချင်တဲ့ဆန္ဒရှိရင် ဖိတ်ပါဆိုပြီးတော့ ဖိတ်ထားပါတယ်၊ ကျမတို့က ထပ်ဖိတ်ဖို့လည်း ဘာမှဝန်မလေးပါဘူး"

တပ်မတော်သား လွှတ်တော် ကိုယ်စားလှယ် ၇၀ နဲ့ တွေ့ဆုံဖို့ ဒေါ်အောင်ဆန်းစုကြည်က မနေ့က ဖိတ်ကြားခဲ့တာဖြစ်ပါတယ်။ အခုလို တပ်မတော်သား လွှတ်တော် ကိုယ်စားလှယ်တွေကို ဖိတ်ကြားမှုဟာ ပထမဆုံးအကြိမ်ဖြစ်ပြီး ဒေါ်အောင်ဆန်းစုကြည်ဟာ တိုင်းရင်းသား လွှတ်တော်ကိုယ်စားလှယ်တွေနဲ့ မကြာခဏတွေ့ဆုံမှုတွေ ရှိပါတယ်။

RFA Burmese
https://www.facebook.com/pages/RFA-Burmese/39218993127


မြဝတီ ကုန်သွယ်ရေးဇုန် မြေကွက်များ အဆမတန်မြင့်တက် နေခြင်းကြောင့် ကုန်သိုလှောင် တင်သွင်းရန် နေရာအခက်အခဲများ ရှိနေ

ရန်ကုန် ၊ ၂၇-၁၁-၂၀၁၄

မြဝတီ ကုန်သွယ်ရေးဇုန် မြေကွက်များ ဈေးနှုန်း အဆမတန် မြင့်တက် နေခြင်းကြောင့် ကုန်သိုလှောင် တင်သွင်းရန် နေရာ အခက်အခဲများ ရှိနေကြောင်း မြဝတီ ကုန်သွယ်ရေးဇုန် ရှိ ကုန်သည်များ၏ ပြောကြားချက် အရ သိရသည်။

အဆိုပါ မြဝတီ ကုန်သွယ်ရေးဇုန် အတွင်း၌ မြေကွက်အလွတ် အများအပြား ရှိသော်လည်း တည်ဆောက်ရေး ကုမ္ပဏီများ၏ ဈေးနှုန်း အဆမတန် မြှင့်တင် ထားခြင်းကြောင့် နယ်စပ် ကုန်သွယ်ရေး လုပ်ငန်းရှင်များ အနေဖြင့် ကုန်ပစ္စည်း သိုလှောင် တင်သွင်းရန် နေရာ အခက်အခဲများ ဖြစ်ပေါ်နေခြင်း ဖြစ်ကြောင်း သိရသည်။ ကုန်သည် အများစုမှာ မြေကွက်ဈေးနှုန်း မြင့်မားခြင်း ကြောင့် ကုန်ပစ္စည်းများ သိုလှောင်မည့် ဂိုဒေါင် နည်းပါး နေကြောင်း နှင့် အသစ် တည်ဆောက်ရန် မြေဝယ်ယူ နိုင်မှုမရှိ ဖြစ်နေကြောင်း သိရသည်။

သက်ဆိုင်ရာ အစိုးရမှ သတ်မှတ်ထား သည့် မြေဈေးနှုန်း ဧကဝက် ၁ဝဝx၂ဝဝ ပေလျှင် ငွေကျပ် သိန်း ၃၅ဝ နှင့် ရောင်းချ ပေးနိုင်ပါက နယ်စပ် ကုန်သွယ်ရေး လုပ်ငန်း ရှင်များ အနေဖြင့် ဂိုဒေါင်များ တည်ဆောက် နိုင်မည် ဖြစ်သော်လည်း ယခုအခါ ငွေကျပ် သိန်းထောင်ချီ၍ ရှိနေခြင်းကြောင့် အခက်အခဲများ ဖြစ်ပေါ်နေခြင်း ဖြစ်ကြောင်း သိရသည်။ လက်ရှိ တွင်လည်း မြဝတီ နယ်စပ် ကုန်သွယ်ရေး စခန်း တည်ဆောက်ရေး စီမံကိန်းကို မက်(စ်) မြန်မာ၊ ဧဒင်အုပ်စု၊ ရွှေဝါမြေ၊ အဲဗားဂရင်းဖိုင်း အတ် နှင့် အေးရှားဝေါလ် ကုမ္ပဏီများမှ တာဝန်ယူ တည်ဆောက် နေကြောင်း သိရသည်။

သို့သော်လည်း ဆယ်စုနှစ် တစ်ခုအကြာ အထိ တည်ဆောက်မှုများ မပြီးသေးသည့် အတွက် Asean Economic Community အမီ တည်ဆောက်ကြရန် စီးပွားရေး နှင့် ကူးသန်း ရောင်းဝယ်ရေး ဝန်ကြီးဌာန မှ တာဝန်ရှိ သူများက ဆွေးနွေး ညှိနှိုင်းမှုများ လုပ်ဆောင်ခဲ့သည်။ မြဝတီ ကုန်သွယ်ရေးဇုန် သည် ထိုင်းနိုင်ငံနှင့် နယ်စပ် ကုန်သွယ်မှုများ ပြုလုပ်ရာတွင် အဓိက အရေးပါသော ကုန်သွယ်ရေး စခန်းဖြစ်ပြီး ယာဉ်တန်း အဆင်း ရက်တိုင်းတွင် အမေရိကန် ဒေါ်လာ တစ်သန်းကျော် အထိ ကုန်သွယ်လျက် ရှိကြောင်း၊ ထို့ကြောင့် ကုန်ပစ္စည်းများ သိုလှောင်ရန် အတွက် ဂိုဒေါင်များ တည်ဆောက် ပေးနိုင်ရန် လိုအပ် လာခြင်း ဖြစ်ကြောင်း သိရသည်။

စိုးမိုး

#Themyawadydaily
#မြ၀တီနေ့စဉ်
http://myawady-myawady.blogspot.com/2014/11/blog-post_661.html


၆ ပွင့်ဆိုင် တွေ့ဆုံပွဲအတွက် တိုင်းရင်းသား ကိုယ်စားလှယ်အဖြစ် ဒေါက်တာအေးမောင်ကို ရွေးချယ်

၆ ပွင့်ဆိုင် တွေ့ဆုံပွဲအတွက် တိုင်းရင်းသား ကိုယ်စားလှယ်အဖြစ် ရခိုင် အမျိုးသားပါတီ ဥက္ကဌ အမျိုးသား လွှတ်တော်ကိုယ်စားလှယ် ဒေါက်တာအေးမောင် ကို ဒီနေ့ ရွေးချယ်လိုက်ပါတယ်။

နေပြည်တော် စည်ပင်ဧည့်ရိပ်သာမှာ တိုင်းရင်းသားလွှတ်တော်ကိုယ်စား လှယ်တွေတွေ့ဆုံပြီး လျှို့ဝှက်မဲပေးစနစ်နဲ့ ရွေးချယ်လိုက်တာဖြစ်တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127


အလွတ်သဘောတွေ့ဆုံရန် ဒေါ်အောင်ဆန်းစုကြည် ဖိတ်ကြားချက် တပ်ဘက်က ငြင်းဆန်

အမျိုးသား ဒီမိုကရေစီ အဖွဲ့ချုပ်က တပ်မတော်သား လွှတ်တော် ကိုယ်စားလှယ်များနဲ့ အလွတ်သဘော တွေ့ဆုံလိုကြောင်း ဖိတ်ကြားချက်အပေါ် တပ်မတော်ဘက်က ငြင်းဆန်လိုက်တယ်လို့ အန်အယ်ယ်ဒီက ပြောပါတယ်။

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီရဲ့ ပြည်သူ့လွှတ်တော် ကိုယ်စားလှယ် ဒေါက်တာမျိုးအောင်က တပ်မတော်သား ကိုယ်စားလှယ်တွေက ဒေါ်အောင်ဆန်းစုကြည်က ဖိတ်ကြားတာ အချိန်အရမ်းကပ်တဲ့အတွက်ကြောင့် တခြားအစီအစဉ်တွေကိုဖျက်ဖို့ ခက်ခဲသွားလို့ မတွေ့ဆုံဖြစ်တော့လို့ ဒေါ်အောင်ဆန်းစုကြည်ထံ စာနဲ့ အကြောင်းပြန်ထားတယ်လို့ ပြောပါတယ်။

ဒေါ်အောင်ဆန်းစုကြည်က တွေ့ဆုံ စကားပြောနုိုင်ဖုို့အတွက် တပ်မတော်သား ကုိုယ်စားလှယ် ၇၀ ကုို ဖိတ်ကြားခဲ့တာပါ။

ကာကွယ်ရေး ဦးစီးချုပ် ဗုိုလ်ချုပ်မှူးကြီး မင်းအောင်လှိုင်က စစ်တပ်ကုိုယ်စားလှယ်တွေကုို လွှတ်တော်မှာ လွတ်လွတ်လပ်လပ်ဆွေးနွေးခွင့် ပေးထားတယ်လုို့  ပြောဆုိုအပြီးမှာ အန်အယ်လ်ဒီဘက်က တွေ့ဆုံဖုို့ ပထမဆုံးအကြိမ် ဖိတ်ကြားခဲ့တာ ဖြစ်ပါတယ်။

ပြီးခဲ့တဲ့ ရက်ပုိုင်းကလည်း ဒေါ်အောင်ဆန်းစုကြည်ဟာ တုိုင်းရင်းသားလွှတ်တော် ကုိုယ်စားလှယ်တွေနဲ့ နေပြည်တော်မှာ တွေ့ဆုံ ဆွေးနွေးမှုတွေ ပြုလုပ်ခဲ့ပါတယ်။

By ဒီဗွီဘီ
http://burmese.dvb.no/archives/72092


ရန်ကုန်သို့ ဝင်သော နယ် မှတ်ပုံတင် ကားများ မြို့ဝင်ကြေး ကောက်ခံမည်

နိုဝင်ဘာ ၂၆ရက်မှ စတင်၍ ရန်ကုန်မြို့တော် စည်ပင်သာယာရေး နယ်နိမိတ်အတွင်း ဝင်ရောက်လာသော မော်တော်ယာဉ် များအား မြို့ဝင်ကြေး ကောက်ခံ သွားမည်ဟု ရန်ကုန်မြို့တော် စည်ပင်သာယာရေး ကော်မတီမှ ထုတ်ပြန် ကြေညာ ချက်အရ သိရသည်။

မြို့ဝင်ကြေး ပေးဆောင်ထားသည့် မော်တော်ယာဉ် များအနေဖြင့် ရန်ကုန်မြို့ အတွင်းမှ ပြန်လည်ထွက်ခွာသည့်အခါ သက်သေခံ လက်မှတ်ကို ပြသ ရမည်ဖြစ်ပြီး ယင်းလက်မှတ်ပြသနိုင်မှု မရှိလျှင် မြို့ဝင်ကြေး ကောက်ခံသောနေ့မှ စ၍ ပြန်လည် ထွက်ခွာသည့် နေ့အထိ သတ်မှတ် နှုန်းထားများအတိုင်း ရက်အလိုက် တွက်ချက် ပေးဆောင်ရမည်ဖြစ်သည်။

မြို့ဝင်ကြေး ကောက်ခံရာတွင် မှော်ဘီ၊ တိုက်ကြီး၊ သန်လျင်စသည့် မြို့နယ်များအတွင်း ကုမ္ပဏီ၊ ပုဂ္ဂလိက ဝန်ထမ်းကြိုပို့ယာဉ်များ၊ ဒလမြို့နယ်၊ ဆိပ်ကြီး ခနောင်တိုမြို့ နယ် အတွင်း ဝင်ရောက် အသုံးပြုသည့် ယာဉ်များအတွက် တစ်ရက် မြို့ဝင်ကြေးနှုန်း ထားများမှာ တစ်တန်အောက်ယာဉ် တစ်စီးလျှင် ငွေကျပ် ၁ဝဝ၊ တစ်တန်မှ သုံးတန်အထိ ယာဉ်တစ်စီးလျှင် ငွေကျပ် ၂ဝဝ၊ သုံးတန်အထက်မှ ငါးတန်အထိ ယာဉ်တစ်စီးလျှင် ငွေကျပ် ၃ဝဝနှင့် ငါးတန်အထက်ယာဉ် များအား ငွေကျပ် ၅ဝဝ စသည်ဖြင့် သတ်မှတ်ကောက်ခံသွား မည်ဖြစ်သည်။

ထို့ပြင် ရန်ကုန်တိုင်း ဒေသကြီး ပြင်ပ မော်တော်ယာဉ်များကို တစ်ရက်မြို့ဝင်ကြေး ကောက်ခံရာတွင်လည်း တစ်တန်အောက် ယာဉ်တစ်စီးလျှင် ငွေကျပ် ၂ဝဝဝ၊ တစ်တန်မှ သုံးတန်အထိ ယာဉ်တစ်စီးလျှင် ငွေကျပ် ၄ဝဝဝ၊ သုံးတန် အထက်မှ ငါးတန်အထိ ယာဉ်တစ်စီးလျှင် ငွေကျပ် ၆ဝဝဝနှင့် ငါးတန်အထက်ယာဉ်များကို ငွေကျပ် ၁ဝဝဝဝ စီ ကောက်ခံမည် ဖြစ်ကြောင်းသိရသည်။

မြတ်လေးငုံ
မြ၀တီ
https://www.facebook.com/mwdmedia?fref=nf


ကလေးငယ်များကို လိင်အလွဲသုံးမှုဖြင့် ဗြိတန်နိုင်ငံသားကို ထိုင်းရဲ ဖမ်းဆီး

ဗြိတိန်အစိုးရက အလိုရှိနေပြီး ကလေးသူငယ်တွေ အပေါ် လိင်ပိုင်းအလွဲသုံးမှုနဲ့ စွပ်စွဲခံထားရတဲ့ အသက် ၆၁ နှစ်အရွယ် ဗြိတိန်နိုင်ငံသား ရောဘတ် ဒေးဗစ် ဟတ်စ်တင်းစ်ကို ဖမ်းမိပြီလို့ ထိုင်းလူဝင်မှု ကြီးကြပ်ရေး ရဲတွေက ပြောပါတယ်။

ပြီးခဲ့တဲ့ နိုဝင်ဘာ ၂၆ ရက်နေ့က ကြေညာလိုက်တာ ဖြစ်ပြီး သူ့ကိုတော့ ထိုင်းလဝကရဲတွေက အရှေ့မြောက်ပိုင်း ဥဒုံဌာနီခရိုင်မှာ နိုဝင်ဘာ ၂၅ ရက်နေ့က ဖမ်းမိခဲ့တာပါ။

ထိုင်းအရှေ့မြောက်ပိုင်းကို ထိန်းချုပ်ရတဲ့ အမှတ် ၄ လူဝင်မှုစစ်တိုင်းရဲ့အကြီးအကဲ ရဲဗိုလ်ချုပ်ကြီး ချာ့ချိုင် လင်မ်ဆန်ဂ်က အဆိုပါ ဖမ်းမိတဲ့ ဗြိတိန်နိုင်ငံသားဟာ အသက်မပြည့်သေးတဲ့ ကလေးတွေအပေါ် လိင်ပိုင်းအလွဲသုံးမှု ၁၂ မှုနဲ့ ဆိုးဆိုးရွားရွား ညစ်ညမ်းမှု ၅ မှု ကျူးလွန်တယ်လို့ စွပ်စွဲခံထားရကြောင်း ပြောခဲ့ပါတယ်။

သတင်းစာရှင်းလင်းပွဲအတွင်း ဟတ်စ်တင်းစ်က သူဟာ ထိုင်းကို ၂၀၀၅ ခုနှစ်မှာ လာခဲ့ပြီး ခုတော့ ထိုင်းဇနီးသည်နဲ့ အတူ နေထိုင်တယ်လို့ ပြောပါတယ်။

သူကို စွပ်စွဲထားတာတွေကိုလည်း ငြင်းဆိုပြီး သူ့နာမည်ကို ပြန်သန့်စင်ဖို့ သူ့နိုင်ငံ ပြန်ဖို့ လိုလားကြောင်း ပြောပါတယ်။

ရဲတွေကတော့ ဟတ်စ်တင်းဟာ ဥဒုံဌာနီက ဒေသခံကျောင်းတခုမှာ အင်္ဂလိပ်ဆရာအဖြစ် လုပ်ကိုင်နေတယ်လို့ ပြောပါတယ်။

သူ့ကို ရက်ပိုင်းအတွင်း ဗြိတိန်ကို ပြန်ပို့ဖို့ မျှော်လင့်ထားတယ်လို့ ထိုင်းရဲတွေက ပြောခဲ့ပါတယ်။

By ဒီဗွီဘီ
http://burmese.dvb.no/archives/72089


ယူနတီ အယူခံ ပြည်ထောင်စု တရားလွှတ်တော်ချုပ် လက်မခံ

ယူနတီဂျာနယ် အယ်ဒီတာနဲ့ သတင်းထောက်တွေ ထောင်ဒဏ် ချမှတ်ခံထားရတဲ့ အပေါ် အယူခံ လက်ခံမခံ လျှောက်လဲရာမှာ ပြည်ထောင်စု တရားလွှတ်တော်ချုပ်က လက်မခံဘဲ ပယ်ချလိုက်တယ်လို့ ရှေ့နေ ဦးကျော်ကျော်လင်းက ပြောပါတယ်။

နိုဝင်ဘာ ၂၆ ရက် အယူခံ လက်ခံသင့် မသင့်လျှောက်လဲတာကို လက်မခံသင့်ဘူးဆိုပြီး ပယ်ချလိုက်တာဖြစ်ပြီး အထူးအယူခံရုံးမှာ ဆက်လက်လျှောက်လဲသွားမယ်လို့ ဆိုပါတယ်။

“ပယ်ချတဲ့အဆင့်ကိုတောင် မရောက်ဘူး၊ လက်ခံသင့်မခံသင့်မှာကို လက်မခံဘူးဆိုပြီး ပယ်လိုက်တာ၊ ပယ်ပုံပယ်နည်းက အမိန့်ကို ၂ ဖက် နားထောင်ပြီးမှ ပယ်တာမဟုတ်ဘူး၊ တဖက်က ပြောတာကိုပဲ လက်မခံနိုင်ဘူးဆိုတော့ သတင်းသမားတွေကို ဒီထက်ပို့လျော့မပေးနိုင်ဘူးပေါ့။ သတင်းသမားတွေကို ဒီလောက် အပြစ်ပေးထားတော်လောက်ပြီ၊ မီးကုန်ယမ်းကုန် လုပ်ပြမယ်ဆိုတဲ့ ပုံစံရှိတယ်” လို့ ဦးကျော်ကျော်လင်းက ပြောပါတယ်။

ဇူလိုင် ၁၀ ရက်နေ့က ပခုက္ကူခရိုင် တရားရုံးမှာ ယူနတီဂျာနယ်က ဦးတင့်ဆန်းပါ ၅ ဦးကို မြန်မာနိုင်ငံ အစိုးရလျှို့ဝှက်ချက် အက်ဥပဒေ ပုဒ်မ ၃ (၁) (က)/ ၉နဲ့ ထောင်ဒဏ် ၁၀ နှစ်ချမှတ်ခဲ့တာ ဖြစ်ပါတယ်။

စက်တင်ဘာ ၂၈ ရက်နေ့က မကွေးတိုင်းတရားရုံးမှာ အယူခံဝင်ခဲ့ရာမှာတော့ အယူခံဝင်ပြီး ၁ လကျော်အကြာမှာ ထောင်ဒဏ် ၃ နှစ် လျော့ချပေးခဲ့ပါတယ်။

ဇန်န၀ါရီ ၂၅ ရက်ထုတ် ယူနတီဂျာနယ်မှာ မကွေးတိုင်း ပေါက်မြို့နယ်က ကာကွယ်ရေး ပစ္စည်း စက်ရုံကို လျှိ့ဝှက်ဓာတုလက်နက် စက်ရုံခေါင်းစဉ်နဲ့ သတင်းဖော်ပြခဲ့တဲ့အတွက် အမှုဆောင်အရာရှိချုပ် ဦးတင့်ဆန်းနဲ့ သတင်းထောက်တွေဖြစ်ကြတဲ့ ဦးလူမော်နိုင်၊ ဦးစည်သူစိုး၊ ဦးသဲရာဇာဦးနဲ့ ဦးအောင်သူရ တို့ကို နိုင်ငံတော် လျှို့ဝှက်ချက် အက်ဥပဒေနဲ့ တရားစွဲဆိုခဲ့ပါတယ်။

ရန်ကုန် အခြေစိုက် အပတ်စဉ်ထုတ် ယူနတီဂျာနယ်ကတော့ ပြီးခဲ့တဲ့ဇွန်လကုန်ကတည်းက ငွေကြေးအခက်အခဲကြောင့် ထုတ်ဝေမှု ရပ်ဆိုင်းသွားခဲ့ပါတယ်။

By ကို​ထွေး​ (ဒီဗွီဘီ)
http://burmese.dvb.no/archives/72118


ဥပဒေနောက်က နည်းဥပဒေအမြန်လိုက်ဖို့ ဒေါ်အောင်ဆန်းစုကြည်တောင်းဆို

ပြည်ထောင်စု လွှတ်တော်က ဥပဒေတွေ ပြဌာန်းပေး လိုက်ပေမယ့် တကယ်တန်း အကောင်အထည် ဖော်နိုင်ဖို့ လိုအပ်တဲ့ နည်းဥပဒေတွေ စည်းမျဉ်း စည်းကမ်းတွေ ထွက်မလာရင် ဥပဒေဟာ စက္ကူပေါ်မှာပဲ ရှိတဲ့ ဥပဒေပဲ ဖြစ်နေလိမ့်မယ်၊ ဒါ့ကြောင့် နည်းဥပဒေတွေကို အမြန်ဆုံး ထုတ်ပြန်ပေးဖို့ သက်ဆိုင်ရာ အစိုးရဌာနတွေကို တိုက်တွန်းကြောင်း နိုဝင်ဘာလ ၂၆ ရက်နေ့က ပြည်ထောင်စု လွှတ်တော်မှာ ဒေါ်အောင်ဆန်းစုကြည်က အရေးကြီး အဆိုတစ်ရပ် တင်သွင်းခဲ့ပါတယ်။

ဒေါ်အောင်ဆန်းစုကြည်ရဲ့ တင်ပြချက်ကို ပြည်ထောင်စု ဒုတိယရှေ့နေချုပ် ဦးထွန်းထွန်းဦးက ထောက်ခံဆွေးနွေးခဲ့တယ်လို့ အမျိုးသား ဒီမိုကရေစီ အဖွဲ့ချုပ် လွှတ်တော် ကိုယ်စားလှယ်တစ်ဦး ဖြစ်သူ ဦးမင်းသူက ဘီဘီစီကို ပြောပါတယ်။

ဥပဒေတွေ ထွက်ပြီးပေမယ့် နည်းဥပဒေတွေ မရှိသေးတာကြောင့် အခက်အခဲ တွေ့ရတာတွေကို ဥပမာအနေနဲ့ ဒေါ်အောင်ဆန်းစုကြည်က တင်ပြသွားရာမှာ နိုင်ငံခြား ရင်းနှီးမြုပ်နှံမှု ဥပဒေမှာလည်း နည်းဥပဒေတွေ မထွက်သေးလို့ ပြည်ပက ရင်းနှီးမြုပ်နှံမှုတွေ ဝင်သင့်သလောက် ဝင်မလာနိုင်သေးတဲ့ အကြောင်း၊ အလုပ်သမား လုပ်ခ လစာဥပဒေ၊ တောင်သူလယ်သမား အကျိုးစီးပွား ကာကွယ်ရေး ဥပဒေ၊ သတင်းမီဒီယာ ဥပဒေ၊ ဆက်သွယ်ရေး ဥပဒေ၊ အမျိုးသား ပညာရေးဥပဒေတွေမှာလည်း ဥပဒေရဲ့ ရည်ရွယ်ချက်အတိုင်း ပြည်သူလူထု အကျိုးစီးပွားကို ထိထိရောက်ရောက် မဆောင်ကြဉ်းပေးနိုင် ဖြစ်နေသေးတဲ့ အကြောင်းတွေ တင်ပြသွားပါတယ်။

လွှတ်တော် ကိုယ်စားလှယ် ဦးမင်းသူကလည်း နည်းဥပဒေတွေမရှိသေးပဲ ဆက်သွယ်ရေးဥပဒေ၊ သတင်းမီဒီယာ ဥပဒေတွေနဲ့ အရေးယူ ပြစ်ဒဏ်ချနေတာတွေဟာလည်း မသင့်တော်ဘူးလို့ ထောက်ပြပါတယ်။

ဥပဒေတစ်ရပ်ကို ပြဋ္ဌဌာန်းပြီးရင် သက်ဆိုင်ရာ နည်းဥပဒေကို ရက်ပေါင်း ၉၀ အတွင်း ထုတ်ပြန်ရမယ်ဆိုတဲ့ ပြဋ္ဌဌာန်းချက်ရှိပေမယ့် တကယ်တန်းကျတော့ နည်းဥပဒေတွေ ထွက်မလာသလို အကျိုးအကြောင်းတွေကိုလည်း ရှင်းလင်းပြတာ မရှိခဲ့ဘူးလို့ ဆိုပါတယ်။

အခုလို အစိုးရရဲ့ ဒုတိယ ရှေ့နေချုပ်ကိုယ်တိုင်က နည်းဥပဒေတွေ လိုအပ်နေတာ ကို အသိအမှတ်ပြုကြောင်း ပြောခဲ့တဲ့ အတွက် အစိုးရ ဌာနတွေ အနေနဲ့ အမြန်ဆုံး လိုက်နာ ဆောင်ရွက်လာမယ်လို့ မျှော်လင့်တဲ့ အကြောင်းလည်း ဦးမင်းသူက ဘီဘီစီကို ပြောခဲ့ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/11/141126_dassk_parlt_emergency_proposal

 အရေးကြီးအဆို တင်သွင်းနေတဲ့ ဒေါ်အောင်ဆန်းစုကြည် (ဓာတ်ပုံ - NLD Chairperson Facebook)

Unity ဂျာနယ်အမှု ပြင်ဆင်ချက် အထူးအယူခံဝင်မည်

 နိုင်ငံတော် လျှို့ဝှက်ချက် ပေါက်ကြားမှုနဲ့ ထောင်ဒဏ်နှစ်ရှည် ကျခံနေရတဲ့ Unity သတင်းသမား တွေရဲ့အမှု ပြင်ဆင်ချက်ကို နေပြည်တော် ပြည်ထောင်စု တရား လွှတ်တော်ချုပ်ရုံးမှာ သူတို့ရဲ့ အကျိုးဆောင် ရှေ့နေတွေက လျှောက်လဲ ခဲ့ကြပါတယ်။

ထောင်ဒဏ်တချို့ လျှော့ချပေးထားတဲ့ ဒီအမှုကို ထပ်မံ ပြန်လည် စစ်ဆေးပေးဖို့ ပြင်ဆင်ချက်ကို လျှောက်လဲခဲ့ကြတာပါ။ သတင်းသမားတွေအရေး မြန်မာစာနယ်ဇင်းကောင်စီ (ယာယီ) ဘက်ကလည်း သူတို့အမှုကို မီဒီယာဥပဒေနဲ့အညီ ဆောင်ရွက်ဖို့ကိုလည်း တိုက်တွန်းမှုတွေ ရှိပါတယ်။ အသေးစိတ် မဆုမွန် က တင်ပြထားပါတယ်။

နိုင်ငံတော်လျှို့ဝှက်ချက် အက်ဥပဒေချိုးဖောက်မှုနဲ့ ထောင်ဒဏ်နှစ်ရှည် ကျခံနေရတဲ့ Unity အမှုဆောင်အရာရှိချုပ် အပါအဝင် အယ်ဒီတာနဲ့ သတင်းသမား ၅ ဦးအတွက် နေပြည်တော် ပြည်ထောင်စု တရားလွှတ်တော်ချုပ်ရုံးမှာ နိုဝင်ဘာလ ၂၆ ရက်နေ့မှာ သတင်းသမားတွေရဲ့ ဥပဒေ အကျိုးဆောင်ရှေ့နေတွေက ပြင်ဆင်ချက် လျှောက်လဲ တင်သွင်းခဲ့ကြပါတယ်။ တရားသူကြီးချုပ်ထံမှောက်မှာ ပြင်ဆင်ချက် လျှောက်လဲချက် တင်သွင်းခဲ့တာနဲ့ ပတ်သက်လို့ Unity အမှုဆောင်အရာရှိချုပ် ဦးတင့်ဆန်းရဲ့ အကျိုးဆောင်တရားရုံးချုပ်ရှေ့နေ ဦးကျော်လင်းက ဗွီအိုအေမြန်မာပိုင်းကို ပြောပါတယ်။

“ပြင်ဆင်မှုတွေကို နေပြည်တော် တရားရုံးချုပ် ပြည်ထောင်စု တရားလွှတ်တော်ချုပ် အထွေထွေလျှောက်လွှာနဲ့ အထူးအယူခံဆိုတာ ရှိတယ်။ နှစ်ပါးထိုင်၊ သုံးပါးထိုင်တွေပေါ့ဗျာ။ အဲ့ဒီမှာကျတော့ ကျယ်ကျယ်ပြန့်ပြန့် ကြားနာမယ်။ ပြင်ဆင်မှု၊ ပြင်ဆင်မှုဆိုတာမှာတော့ သူတို့က များသောအားဖြင့် သူတို့ ပြင်ဆင်မပေးဘူးဆိုတဲ့ ဆုံးဖြတ်ချက်က များတယ်။ အဲ့ဒီပြင်ဆင်မှုကို အထွေထွေလျှောက်လွှာတင်တော့ အထူးအယူခံခေါ်တယ်။ သို့သော်လည်း ဥပဒေပြဿနာပေါ်မှ။ အခုက ဥပဒေပြဿနာမှာလည်း တော်တော်ပေါ်တယ်ဗျ။ သတင်းထောက်တွေကို spy ပုဒ်မနဲ့ စွဲတယ်ဆိုတော့ ဥပဒေအရ မကောင်းဘူးလေဗျာ။ နောက်တခါ အဲ့ဒီဥပဒေကို ထုတ်တဲ့တိုင်းပြည်မှာလည်း ဒီဥပဒေက မရှိတော့ဘူး။ မြန်မာပြည်မှာ လာရှိနေတယ်၊ ဥပဒေအားနည်းချက်ပေါ့။ သတင်းထောက်တွေကို ဒီလို မလုပ်ထိုက်ဘူးပေါ့။”

ပြင်ဆင်ချက် လျှောက်လဲချက် တင်သွင်းပြီးနောက် ပြည်ထောင်စု တရားလွှတ်တော်ချုပ်ရုံးရဲ့ ၆ လအတွင်း အကြောင်းပြန်ကြားမှုကို စောင့်ဆိုင်းနေမှာဖြစ်ပြီး အထူးအယူခံ တင်သွင်းသွားဖို့လည်း ပြင်ဆင်နေတယ်လို့ တရားရုံးချုပ်ရှေ့နေ ဦးကျော်လင်း က ပြောပါတယ်။

“စစ်ယူနီဖောင်းနဲ့ သူတို့ တရားမ၀င် ၀င်တဲ့သူတောင်မှ ထောင် ၂ နှစ်ဆိုတော့ ဒီလူတွေက စစ်ယူနီဖောင်းနဲ့ ၀င်တာမဟုတ်ဘူး။ အရပ်သားအဖြစ်နဲ့ ၀င်တယ်။ ၀င်တယ်ဆိုရင်တောင် ၂ နှစ်ထက် မပိုထိုက်ဘူးပေါ့ဗျာ။ အခုက တအားများနေတယ်။”

ထောင်ဒဏ်နှစ်ရှည်ကျခံနေရဆဲ Unity သတင်းသမားတွေရဲ့ အမှုကို ပြင်ဆင်ချက် လျှောက်လဲနေချိန်မှာပဲ သတင်းသမားတွေနဲ့ အာဏာပိုင်တွေကြား ကြားဝင်စေ့စပ် ညှိနှိုင်းပေးနေတဲ့ မြန်မာစာနယ်ဇင်းကောင်စီဘက်ကလည်း နိုင်ငံတော် တာဝန်ရှိသူတွေနဲ့ တွေ့ဆုံချိန်မှာ အကျဉ်းကျခံ သတင်းသမားတွေအရေး တောင်းဆိုမှုတွေ လုပ်ပေးသလို အခုလက်ရှိ အတည်ပြုထားတဲ့ မီဒီယာဥပဒေနဲ့ ဆောင်ရွက်ဖို့ကိုလည်း တိုက်တွန်းမှုတွေ လုပ်နေပါတယ်လို့ မြန်မာစာနယ်ဇင်းကောင်စီ (ယာယီ) အဖွဲ့ဝင် ဦးဇော်သက်ထွေး ကလည်း ပြောပါတယ်။

“ထောင်ထဲကို သတင်းကိစ္စကြောင့် ရောက်သွားတဲ့ မီဒီယာသမားတွေနဲ့ ပတ်သက်ပြီးတော့ ကျနော်တို့က နိုင်ငံတော်သမ္မတ အပါအ၀င် သက်ဆိုင်ရာပေါ့လေ တိုင်းပြည်အတွက် အရေးကြီးတဲ့ အခန်းကဏ္ဍမှာ ရှိတဲ့လူတွေနဲ့ တွေ့တဲ့အခါမှာတော့ ဒီလို ဒီဟာလေးတွေရှိတယ်၊ ဒါနဲ့ပတ်သက်ပြီးတော့ ဘယ်လိုများ ဒါကို ဆောင်ရွက်ပေးနိုင်မလဲဆိုတာမျိုးတော့ ဆောင်ရွက်တာမျိုးတွေ ရှိပါတယ်။ ထောင်ကျတဲ့သူကို ချက်ခြင်းလွှတ်ပေးလို့တော့ ကျနော်တို့က ပြောလို့မရပေမဲ့ နိုင်ငံတော်သမ္မတ ဆိုလို့ရှိရင် သူ့ရဲ့လုပ်ပိုင်ခွင့်ထဲကနေပြီးတော့ လွတ်ငြိမ်းချမ်းသာခွင့် ပေးလို့ရတယ်။ ခုနက ကာကွယ်ရေးဦးစီးချုပ်ဆိုလို့ရှိရင် Unity ကို အမှုပြန်ပြီးတော့ ကြေအေး ရုပ်သိမ်းပေးလို့ရတယ်။ ဒါမျိုးလေးတွေကိုတော့ တိုက်တွန်းဆွေးနွေးတာတွေ ရှိပါတယ်။ နောက်တခုက သတင်းယူရင်းနဲ့ ပြဿနာဖြစ်တဲ့အချိန်မှာ မီဒီယာဥပဒေနဲ့ပဲ အရေးယူဖို့အတွက် ကျနော်တို့အနေနဲ့ ကြိုးပမ်းဆောင်ရွက်နေတာမျိုးတွေလည်း ရှိပါတယ်။”

ပေါက်မြို့နယ်မှ လျှို့ဝှက် ဓာတုလက်နက်စက်ရုံ ဆိုတဲ့ ခေါင်းစဉ်နဲ့ အပတ်စဉ်ထုတ် Unity သတင်းဂျာနယ်တွင် ဖော်ပြခဲ့တဲ့ သတင်းဆောင်းပါးဟာ နိုင်ငံတော် လျှို့ဝှက်ချက် အက်ဥပဒေကို ချိုးဖောက်တယ်ဆိုပြီး  ပခုက္ကူခရိုင် တရားရုံးက ပြစ်ဒဏ် ၁၀ နှစ် ချမှတ်ခဲ့တာ ဖြစ်ပါတယ်။ အဲ့ဒီနောက်မှာ သတင်းသမားတွေရဲ့ ရှေ့နေတွေက တိုင်းဒေသကြီး တရားလွှတ်တော်မှာ အယူခံဝင်ရာတွင် တိုင်းဒေသကြီး တရားလွှတ်တော် တရားရုံးမှ ပြစ်ဒဏ် ၃ နှစ်အထိ လျှော့ချပြီး ထောင်ဒဏ် ၇ နှစ် ပြောင်းလဲချမှတ်လိုက်တာ ဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
http://burmese.voanews.com/content/unity-journal/2536355.html

Unity Journal ဂျာနယ်ရဲ့အမှုဆောင် အရာရှိချုပ် ဦးတင့်ဆန်းနဲ့ သတင်းထောက် ကိုလူမော်နိုင် ဓါတ်ပုံ- ချိုနွယ်ဦး

အပစ်ရပ် ဆွေးနွေးမှုတွေ ရွှေ့ဆိုင်းနိုင်ဖွယ်ရှိ

ပြီးခဲ့တဲ့ နိုဝင်ဘာ ၁၉ ရက်နေ့က ကေအိုင်အေ ဌာနချုပ် အနီး ဗိုလ်သင်တန်း ကျောင်းကို အစိုးရ စစ်တပ်ရဲ့ လက်နက်ကြီးနဲ့ ပစ်ခတ်ခဲ့လို့ ဗိုလ်လောင်း၂၃ ယောက် သေဆုံး ခဲ့ရတဲ့ အတွက် NCCT တစ်နိုင်ငံလုံး အပစ် အခတ်ရပ်စဲရေး ဆိုင်ရာ တိုင်းရင်းသား လက်နက်ကိုင် များရဲ့ ညှိနှိုင်း ရေး အဖွဲ့ဝင်တွေ ကြားမှာ မကျေနပ်မှုတွေ ရှိနေ ပြီး အပစ် အခတ် ရပ်စဲရေး ဆွေးနွေးမှု တွေကို နောက်ရွှေ့ လိုက်နိုင်ဖွယ် ရှိနေပါတယ်။

ထိခိုက် ဒဏ်ရာ ရခဲ့ကြတဲ့ ဗိုလ်လောင်းတွေရဲ့ မိခင် အဖွဲ့တွေ ဖြစ်တဲ့ ပလောင်၊ ရခိုင်၊ ချင်းနဲ့ ABSDF စတဲ့ အဖွဲ့တွေက ခေါင်းဆောင်တွေ မကျေမနပ် ဖြစ်နေကြတယ်လို့ NCCT ခေါင်း ဆောင် ဦးနိုင်ဟံသာက ပြောပါတယ်။

အဲဒီ လေးဖွဲ့က မကျေမနပ်ဖြစ်နေသလို ကျန်တဲ့ NCCT အဖွဲ့ အတွင်းမှာလည်း ဒီအရေးနဲ့ ပတ်သက်ပြီး ညှိနှိုင်းစရာတွေ ရှိနေသေးတယ်လို့ သူက ပြောပါတယ်။

လိုင်ဇာက ကေအိုင်အေ ဗိုလ်သင်တန်းကျောင်း ပစ်ခတ် ခံခဲ့ရမှုနဲ့ ပတ်သက်ပြီး အစိုးရ ဘက်က မတော်တဆ ထိမှန်တာလို့ ထုတ်ပြန် ပြောဆိုခဲ့ပေမဲ့ ကေအိုင်အေ ဘက်ကတော့ ဒါဟာ ရည်ရွယ်ချက်နဲ့ လုပ်တာလို့ ပြောတဲ့ အတွက် နှစ်ဘက် ကွဲလွဲ နေတဲ့ အကြောင်းနဲ့ အဖြစ်မှန်ကို လေ့လာဖို့ လိုမယ်လို့လည်း ဦးနိုင်ဟံသာက ပြောပါတယ်။

အခု လိုင်ဇာ ပစ်ခတ်မှုကြောင့် အပစ်ရပ်ရေး ဆွေးနွေးမှုတွေကို အခု နိုဝင်ဘာလမှာ ထပ်မံ ပြုလုပ်မယ့် အစီ အစဉ်ကိုလည်း တစုံတရာ သက်ရောက်မှု ရှိတယ်လို့ ဦးနိုင်ဟံသာက ပြော ပါတယ်။

ဘီဘီစီ (မြန်မာပိုင်း)
http://www.bbc.co.uk/burmese/burma/2014/11/141126_peacetalks_delayed

တိုင်းရင်းသား တွေနဲ့ အစိုးရကြား နိုဝင်ဘာ လဆန်းက အလွတ် သဘော တွေ့ဆုံခဲ့ကြ

၆ ပွင့်ဆိုင် တွေ့ဆုံပွဲအတွက် တိုင်းရင်းသားခေါင်းဆောင် လွှတ်တော်မှာ ရွေးချယ်မည်

၆ ပွင့်ဆိုင် တွေ့ဆုံဆွေးနွေးပွဲမှာ တိုင်းရင်းသားတွေကို ကိုယ်စားပြု တက်ရောက်မယ့် လွှတ်တော် ကိုယ်စား လှယ်တစ်ဦးရဲ့ အမည်ကို မနက်ဖြန်ကျင်းပမယ့် လွှတ်တော်မှာ တင်သွင်းဖို့ ပြည်ထောင်စု လွှတ်တော် နာယက သူရဦးရွှေမန်းက ဒီနေ့ ညွှန်ကြားလိုက်ပါတယ်။

ပြည်ထောင်စုလွှတ်တော် နာယက သူရဦးရွှေမန်းက ပြည်သူ့လွှတ်တော်နဲ့ အမျိုးသားလွှတ်တော်က တိုင်းရင်းသား လွှတ်တော်ကိုယ်စားလှယ်တွေနဲ့ ဒီနေ့ သီးသန့်တွေ့ဆုံပြီး ညွှန်ကြားလိုက်တာဖြစ်တယ်လို့ ရခိုင်အမျိုးသားပါတီ ပြည်သူ့လွှတ်တော် ကိုယ်စားလှယ် ဦးထွန်းအောင်ကျော်က ပြောပါတယ်။

"တိုင်းရင်းသား အဖွဲ့အစည်းကတော့ ရွေးချယ်ရမယ့်အပိုင်းရှိနေတယ်၊ စာရင်းပေးရမယ့်အပိုင်းရှိနေတယ်၊ အဲဒီတော့ ဒီအဆိုမှာကတည်းက ပစ္စုပ္ပန်နဲ့ အနာဂါတ်အတွက် ဆောလျင်စွာ တိုင်ပင်ဖြေရှင်းရမယ်ဆိုတဲ့ ကဏ္ဍပါနေတယ်၊ အဲ့တော့ ဒီနေ့ဥက္ကဌကြီးပြောတာက ၁၂ ကြိမ်မြောက်မှာပဲ မနက်ဖြန် အစည်းအဝေးမှာ ကြေညာချင်တယ်ပေါ့၊ တိုင်းရင်းသားအစုအဖွဲ့က ဘယ်သူ့ကိုဖြင့် ကိုယ်စားလှယ်ပါဆိုပြီးတော့ လွှတ်တော်ထဲမှာ ကြေညာချင်တယ်၊ မနက်ဖြန် ၂၇ ရက်မှာ ကျနော်တို့ တိုင်းရင်းသား အဖွဲ့အစည်းကနေပြီးတော့ ရွေးပြီးတော့ စာရင်းပေးရမယ်"

တိုင်းရင်းသားလွှတ်တော် ကိုယ်စားလှယ်တွေဟာ ၆ ပွင့်ဆိုင် တွေ့ဆုံဆွေးနွေးပွဲကို ကိုယ်စားပြု တက်ရောက်မယ့် တိုင်းရင်းသား လွှတ်တော်ကိုယ်စားလှယ်တစ်ဦး ရွေးချယ်ဖို့အတွက် စည်ပင်ဧည့်ရိပ်သာမှာ ဒီနေ့ ညနေ ဆွေးနွေးညှိနှိုင်းခဲ့ကြပါတယ်။

ဖွဲ့စည်းပုံအခြေခံဥပဒေကို ခေတ်စနစ်နဲ့ ကိုက်ညီအောင် ပြင်ဆင်နိုင်ရေးအတွက် နိုင်ငံတော်သမ္မတ၊ တပ်မတော်ကာကွယ်ရေး ဦးစီးချုပ်၊ ပြည်သူ့လွှတ်တော် ဥက္ကဌ၊ အမျိုးသားလွှတ်တော် ဥက္ကဌ၊ အမျိုးသားဒီမိုကရေစီအဖွဲ့ချုပ် ဥက္ကဌ နဲ့ တိုင်းရင်းသားအစုအဖွဲ့ ကိုယ်စားပြု တိုင်းရင်းသား လွှတ်တော်ကိုယ်စားလှယ် ၁ ဦးတို့ တွေ့ဆုံဆွေးနွေးဖို့ တိုက်တွန်းကြောင်းအဆိုကို ပြည်ထောင်စုလွှတ်တော်မှာ အတည်ပြုခဲ့တာဖြစ်ပါတယ်။

RFA Burmese
https://www.facebook.com/pages/RFA-Burmese/39218993127


တစ်နိုင်ငံလုံး အပစ်ရပ်စဲရေး ပါတီ ၉ ခု မန္တလေးမှာ ဆန္ဒပြတောင်းဆို

မန္တလေးမြို့အခြေစိုက် နိုင်ငံရေးပါတီ ၉ ခုက ပါတီဝင် ၂၀၀ ကျော်ဟာ တစ်နိုင်ငံလုံး အပစ်ခတ်ရပ်စဲရေးနဲ့ ငြိမ်းချမ်းရေးရရှိဖို့ မန္တလေးမြို့ ပြည်သူ့ဟစ်တိုင်ကွင်းမှာ ဒီနေ့ ဟောပြောပွဲကျင်းပပြီး တောင်းဆိုခဲ့ကြပါတယ်။

အစိုးရက တိုင်းရင်းသား လက်နက်ကိုင်အဖွဲ့တွေနဲ့ အပစ်ခတ်ရပ်စဲရေးရရှိဖို့ ကြိုးပမ်းနေတာကို အောင်မြင်လာအောင် တွန်းအားပေးတဲ့အနေနဲ့ ပါတီ ၉ ပါတီ ပူးပေါင်းပြီး တောင်းဆိုတာဖြစ်တယ်လို့ တိုင်းရင်းသားစည်းလုံး ညီညွှတ်ရေးပါတီ မန္တလေးတိုင်းဒေသကြီး အလုပ်သမားအဖွဲ့ခေါင်းဆောင် ဦးမိုးကြည်က ပြောပါတယ်။

"နိုင်ငံတော်က လက်ရှိလုပ်နေတဲ့ ငြိမ်းချမ်းရေးကို ပါတီများရော၊ ပြည်သူများပါ အားပေးအားမြှောက်နဲ့ တွန်းအားပေးသင့်တယ် ဆိုတဲ့ရည်ရွယ်ချက်နဲ့ ၉ ပါတီ စုပေါင်းပြီးတော့ ဆောင်ရွက်တာဖြစ်ပါတယ်၊ ငြိမ်းချမ်းရေးကို နိုင်ငံတော်က ကြေညာထားတဲ့အတိုင်းပဲ မကြာခင်ကာလမှာ တစုံတခုသေ အောင်မြင်မှုကို ရရှိလိမ့်မယ်လို့ ယုံကြည်ပါတယ်၊ ဖြစ်နေကြတဲ့ပုဂ္ဂိုလ်တွေ အပစ်အခတ်ရပ်စဲရင်ကောင်းမယ်၊ ပြည်သူတွေကလည်း ဒုက္ခရောက်လာပြီ၊ ဒါကြောင့် တစ်နိုင်ငံလုံး အပစ်ခတ်ရပ်စဲသည်အထိ ကျနော်တို့ အကောင်အထည်ဖော်ပေးရင် ကောင်းမယ်ဆိုတဲ့သဘောမျိုး ဆန္ဒဖော်ထုတ်တာပါ"

ဆန္ဒဖော်ထုတ်ပွဲမှာ မန္တလေးမြို့ မစိုးရိမ်ကျောင်းတိုက် ဆရာတော် ဦးဝီရသူလည်း ပါဝင်ဟောပြောခဲ့ပြီး အစိုးရနဲ့ တိုင်းရင်းသား လက်နက်ကိုင် အဖွဲ့အစည်းတွေ အပစ်ခတ်ရပ်စဲဖို့ကို တိုက်တွန်းကြောင်း မိန့်ကြားပါတယ်။

ဒီနေ့ တောင်းဆိုပွဲမှာ တိုင်းရင်းသား စည်းလုံးညီညွတ်ရေးပါတီ၊ ဒီမိုကရက်တစ်ပါတီ(မြန်မာ)၊ အမျိုးသား ဒီမိုကရေစီအင်အားစု၊ အမျိုးသားနိုင်ငံရေး မဟာမိတ်များအဖွဲ့ချုပ်၊ ပြည်သူ့ဒီမိုကရေစီပါတီ၊ ၀ံသာနုဒီမိုကရက်တစ်ပါတီ၊ ဖက်ဒရယ်ပြည်ထောင်စုပါတီ၊ ဓနုအမျိုးသားဒီမိုကရေစီပါတီနဲ့ တိုင်းလိုင် ရှမ်းနီအမျိုးသားများ ဖွံ့ဖြိုးတိုးတက်ရေးပါတီတို့ ပါဝင်ခဲ့ပါတယ်။

RFA Burmese
https://www.facebook.com/pages/RFA-Burmese/39218993127


မြန်မာလူငယ်နှစ်ဦး အယူခံလျှောက်ထားချက် ထိုင်းတရားရုံး ပယ်ချ

ထိုင်းနိုင်ငံ ခိုတောင်းကျွန်းလူသတ်မှုနဲ့ ဖမ်းဆီးခံထားရတဲ့ မြန်မာနိုင်ငံသား အလုပ်သမားနှစ်ဦး အတွက် မြန်မာသံရုံးက ထိုင်းဘတ်ငွေ နှစ်သန်းတင်ပြီး အာမခံရဖို့ ဒီကနေ့ တင်ပြရာမှာ Koh Samuei ခရိုင် တရားရုံးက ပယ်ချလိုက်ပါတယ်။

မြန်မာအလုပ်သမားနှစ်ဦးဟာ နိုင်ငံခြားသားဖြစ်တာတွေ အပြင် အမှုကအမှုကြီးဖြစ်နေတယ်ဆိုတဲ့ အကြောင်းပြ ချက်တွေနဲ့ တရားသူကြီးက အာမခံကိုပယ်ချလိုက်တာ လို့ မြန်မာသံရုံးအထူးအဖွဲ့ဝင် ရှေ့နေဦးအောင်မျိုးသန့် က ပြောပါတယ်။

"ကျနော်တို့ နိုင်ငံသားပဲဖြစ်တယ်၊ ပုဒ်မကြီးတွေလည်းဖြစ်တယ်၊ အမှုဟာ ရေးဆွဲဆဲပေါ့လေ၊ အဲ့ဒီအချက်တွေပြပြီးတော့ သူတို့ ကျနော်တို့ကို ဒီနေ့အာမခံတာ ပယ်ဖျက်လိုက်ပါတယ်၊ ကျနော်တို့ နောက်တစ်ကြိမ်တော့ လူအာမခံ ပိုင်ဆိုင်မှု၊ အိမ်ဂရန်မျိုးပါတဲ့ အာမခံလျှောက်ထားမှုမျိုးနဲ့ ပြန်တင်ဖို့ ကျနော်တို့ ပြန်လည်စီစဉ်ထားပါတယ်"

ပြီးခဲ့တဲ့ အောက်တိုဘာလ၂ဝ ရက်နေ့က ရမန်ယူရာမှာ တရားရုံးက အာမခံကြေး ဘတ်ငွေငါးသိန်းတင်မယ်ဆိုရင် အာမခံပေးဖို့ စဉ်းစားမှာဖြစ်ကြောင်း ပြောခဲ့ပါတယ်။ ဒါပေမဲ့ မြန်မာသံရုံးက အာမခံရစေလိုတဲ့အတွက် စုစုပေါင်း ဘတ်နှစ်သန်းပေးပြီး ဒီနေ့ လျှောက်ထားခဲ့တာ ဖြစ်ပါတယ်။

ပြီးခဲ့တဲ့ရက်ပိုင်းက အမျိုးသားလွှတ်တော်ဥက္ကဌ ဦးခင်အောင်မြင့် ထိုင်းနိုင်ငံကို သွားရောက်ပြီး ထိုင်းလွှတ်တော် ဥက္ကဌ၊ ထိုင်းဝန်ကြီးချုပ်တို့နဲ့ တွေ့ဆုံစဉ်မှာ မြန်မာအလုပ်သမားနှစ်ဦးကို အာမခံပေးဖို့ တောင်းဆိုခဲ့တယ်လို့ သိရပါတယ်။

ခိုတောင်းကျွန်းမှာ ဗြိတိန်နိုင်ငံသား ၂ ဦး အသတ်ခံရတာနဲ့ပတ်သက်ပြီး ပြီးခဲ့တဲ့ စက်တင်ဘာလ ၁၅ ရက်နေ့က မြန်မာအလုပ်သမား ၂ ဦးဖြစ်တဲ့ ကိုဝင်းဇော်ထွန်းနဲ့ ကိုဇော်လင်းတို့ ဖမ်းဆီးခံခဲ့ရတာဖြစ်ပါတယ်။

RFA Burmese
https://www.facebook.com/pages/RFA-Burmese/39218993127


နိုင်ငံရေးဆွေးနွေးပွဲ ဖြစ်မြောက်ရေး သမ္မတကတိပြု

နိုင်ငံရေး ဆွေးနွေးပွဲ ဖြစ်ပေါ်လာ စေရေး အတွက် ထိပ်သီး ဆွေးနွေး ပွဲတွေ ဆက်လက်ကျင်းပဖို့နဲ့ ပါဝင်သင့်တဲ့ အင်အားစုတွေ အားလုံး ပါဝင်နိုင်ရေး ဆောင်ရွက်သွားဖို့လို့ နိုင်ငံတော်သမ္မတက ဒီကနေ့ ကတိပြု ပြောကြားပါတယ်။

ဒီကတိစကားကိုတော့ ပြည်ထောင်စု အစိုးရအဖွဲ့နဲ့ နိုင်ငံရေးပါတီ ခေါင်းဆောင်တွေ ဒီကနေ့ ရန်ကုန်မြို့မှာ တွေ့ဆုံစဉ် ပြောဆိုခဲ့တာဖြစ်ပြီး သမ္မတရဲ့ ကတိစကားဟာ ပြည်ထောင်စုလွှတ်တော်က ၆ ပွင့်ဆိုင် ဆွေးနွေးရေးအတွက် ဆုံးဖြတ်လိုက်ချိန်နဲ့လည်း တိုက်ဆိုင်နေပါတယ်။ အပြည့်အစုံကို ဗွီအိုအေ မြန်မာပိုင်းသတင်းထောက် ကိုမိုးဇော်က တင်ပြထားပါတယ်။

ပြည်ထောင်စုအစိုးရအဖွဲ့ဝင်တွေနဲ့ နိုင်ငံရေးပါတီ ၆၇ ပါတီက ခေါင်းဆောင်တွေဟာ ဒီကနေ့ညနေ ၃ နာရီမှာ ရန်ကုန်တိုင်းဒေသကြီး လွှတ်တော်မှာ တွေ့ဆုံခဲ့ကြတာ ဖြစ်ပါတယ်။ ဒီတွေ့ဆုံဆွေးနွေးပွဲမှာ နိုင်ငံတော်သမ္မတ ဦးသိန်းစိန်က လက်ရှိ အစိုးရအဖွဲ့ရဲ့ ဆောင်ရွက်မှုတွေ၊ ဆက်လက် ဆောင်ရွက်မယ့် လုပ်ငန်းစဉ်တွေ၊ တွေ့ကြုံနေရတဲ့ အခက်အခဲတွေ အဓိကထား တင်ပြသွားခဲ့ပါတယ်။ ဒီလိုဆွေးနွေးရာမှာ အင်အားစုတွေ အားလုံးပါဝင်တဲ့ နိုင်ငံရေးဆွေးနွေးပွဲ ဖြစ်ပေါ်လာစေရေးအတွက်လည်း အခုလို ကတိပြု ပြောကြားပါတယ်။

“နိုင်ငံရေးအင်အားစုအားလုံး ပါဝင်တဲ့ တွေ့ဆုံဆွေးနွေးမှုတွေကို မကြာခဏ ပြုလုပ်သွားဖို့ လိုအပ်ပါတယ်။ မကြာခဏလည်း ပြုလုပ်သွားဖို့ ရှိပါတယ်။ အဲတော့ နေပြည်တော်မှာပြုလုပ်ခဲ့တဲ့ စောစောက ကျနော်ပြောခဲ့တဲ့ ထိပ်သီးဆွေးနွေးပွဲမျိုး ဆွေးနွေးဖို့ ဆက်လက်ပြီးတော့ ပြုလုပ်သွားမှာ ဖြစ်ပါတယ်။ ဒီမှာလည်း အားလုံး ကျနော်တို့ ပါဝင်နိုင်အောင်လို့ နောက်တခါ အားလုံးကို ဖိတ်ကြားနိုင်အောင်လို့ စီစဉ်ဆောင်ရွက်တဲ့အခါမှာ တချို့ အခက်အခဲကြောင့် ကျန်ခဲ့တာမျိုးတွေ ရှိနိုင်ပါတယ်။ ဒီ့အတွက်ကို နောက်လာမယ့် ဆွေးနွေးပွဲတွေမှာ ပါဝင်နိုင်ဖို့အတွက် ကျနော်တို့ ဒီမှာ ကတိပြုပြီးတော့ ဆောင်ရွက်သွားမှာ ဖြစ်ပါတယ်။ အဲတော့ အားလုံး ပါဝင်နိုင်အောင် ကျနော်တို့ ကြိုးပမ်းပြီးတော့ ဆောင်ရွက်သွားမယ်ဆိုတာကို ကတိပြုပြီးတော့ ပြောကြားလိုပါတယ်။”

နိုင်ငံတော်သမ္မတက အခုလို ကတိပေးပြောကြားသလို အင်္ဂါနေ့က  ကျင်းပတဲ့ ပြည်ထောင်စု လွှတ်တော်ကလည်း ဖွဲ့စည်းပုံအခြေခံဥပဒေ ပြင်ဆင်နိုင်ရေးအတွက် နိုင်ငံတော်သမ္မတ၊ တပ်မတော် ကာကွယ်ရေးဦးစီးချုပ်၊ ပြည်သူ့လွှတ်တော်ဥက္ကဌ၊ အမျိုးသားလွှတ်တော်ဥက္ကဌ၊ ဒေါ်အောင်ဆန်းစုကြည်နဲ့ တိုင်းရင်းသားခေါင်းဆောင်တဦး တွေ့ဆုံဖို့အဆိုကို ကန့်ကွက်သူမရှိ အတည်ပြု ဆုံးဖြတ်ထားပါတယ်။

ဒီကနေ့ ဆွေးနွေးပွဲကို ပါဝင်တက်ရောက်လာတဲ့ ညီနောင်တိုင်းရင်းများဖက်ဒရေးရှင်း (ခေါ်) တိုင်းရင်းသား နိုင်ငံရေးပါတီများ မဟာမိတ်အဖွဲ့ရဲ့ ပြောရေးဆိုခွင့်ရှိသူ ပူးဇိုဇမ်ကတော့ သူတို့ရဲ့သဘောထားကို အခုလို တင်ပြပါတယ်။

“ဖြစ်စေချင်တာက တိုင်းရင်းသားနာမည်ခံမယ်ဆိုလို့ရှိရင် အထက်ကနေ တိုက်ရိုက် လူကြီးတွေ ရွေးချယ်ထားတဲ့ တိုင်းရင်းသားပုဂ္ဂိုလ်မျိုး ဖြစ်မှာကို ကျနော်တို့ စိုးရိမ်ပါတယ်။ ကျနော်တို့ တိုင်းရင်းသားအဖွဲ့အစည်းတွေ ဖွဲ့စည်းထားတဲ့ NBF (ညီနောင်တိုင်းရင်းသားပါတီများဖက်ဒရေးရှင်း) တို့ ရှိပါတယ်။ ကျန်တဲ့ FDA (ဖက်ဒရယ်ဒီမိုကရေစီမဟာမိတ်) ဆိုတာမျိုးလည်း ရှိပါတယ်။ ကျနော်တို့ ညှိနှိုင်းပြီးမှ ကျနော်တို့ကိုယ်စားလှယ်ကို ဒီထိပ်သီးကို ကျနော်တို့ ပို့ပေးချင်ပါတယ်။ သူပြောမယ့်ကိစ္စ၊ သူဆွေးနွေးမယ့်ကိစ္စလည်းပဲ ကျနော်တို့ တိုင်းရင်းသားပါတီတွေ ဘက်ကနေ ဒီဟာကို တာဝန်ပေးချင်ပါတယ်။ အဲ့ဒါလေးတခု ကျနော်တင်ပြချင်ပါတယ်။”

မွန်ဒေသလုံးဆိုင်ရာ ဒီမိုကရေစီပါတီက ကိုယ်စားလှယ်ကတော့ ၆ ပွင့်ဆိုင် ဆွေးနွေးမယ်ဆိုရင် တိုင်းရင်းသား အစုအဖွဲ့အနေနဲ့ ကိုယ်စားလှယ် ၇ ဦး ထည့်သွင်းပေးဖို့အတွက် တင်ပြခဲ့ပါတယ်။ အခြားနိုင်ငံရေးပါတီက ကိုယ်စားလှယ်အများစုကတော့ လက်ရှိ ကချင်ပြည်နယ်မှာ ဖြစ်ပွားနေတဲ့ စစ်ပွဲရပ်ဆိုင်းရေး၊ တပြည်လုံးဆိုင်ရာ ငြိမ်းချမ်းရေးရရှိရေး၊ လယ်သမားတွေ လယ်ယာမြေ ပြန်လည်ရရှိရေးနဲ့ လစာတိုးပေးချိန်မှာ ကုန်ဈေးနှုန်းတွေ ထိန်းချုပ်နိုင်ရေး စတာတွေ တင်ပြခဲ့ကြပါတယ်။

ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com/content/thein-sein-all-inclusive-meeting/2535156.html


နိုင်ငံရေး သဘောတူညီချက်တွေနဲ့အညီ အခြေခံဥပဒေပြင်ဖို့ သမ္မတ တိုက်တွန်း

တိုင်းရင်းသား လက်နက်ကိုင် အဖွဲ့တွေနဲ့ အပစ်အခတ် ရပ်စဲရေး လက်မှတ်ရေး ထိုးအပြီး နိုင်ငံရေး ဆွေးနွေးပွဲ တွေကနေ ပေါ်ထွက်လာမယ့် နိုင်ငံရေး သဘောတူ ညီချက်တွေကို ထင်ဟပ်တဲ့ ဖွဲ့စည်းပုံ ပြင်ဆင်ရေးဖြစ်ဖို့ လိုအပ်တယ်လို့ နိုင်ငံတော် သမ္မတ ဦးသိန်းစိန်က ဒီကနေ့ ပြောလိုက်ပါတယ်။

ရန်ကုန်မြို့ ရန်ကုန်တိုင်းဒေသကြီး လွှတ်တော်မှာ ပြည်ထောင်စု အစိုးရအဖွဲ့နဲ့ နိုင်ငံရေးပါတီ ၆၇ ပါတီ ခေါင်းဆောင်တွေ ဒီကနေ့တွေ့ဆုံပွဲမှာ နိုင်ငံတော်သမ္မတ ဦးသိန်းစိန်က အခုလိုပြောကြားခဲ့တာ ဖြစ်ပါတယ်။

"လက်ရှိဆောင်ရွက်နေတဲ့ ငြိမ်းချမ်းရေးဖြစ်စဉ်တွေကနေ ပေါ်ထွက်လာမယ့် နိုင်ငံရေးဆွေးနွေးမှုများကနေ တိုင်းရင်းသား နိုင်ငံရေးအင်အားစုအားလုံးရဲ့ နိုင်ငံရေး သဘောတူညီချက်တွေကို ထင်ဟပ်မယ့် ဖွဲ့စည်းပုံ အခြေခံဥပဒေ ပြင်ဆင်ရေးဆိုင်ရာကိစ္စတွေ ပါဝင်လာဖို့လိုပါတယ်၊ ဖွဲ့စည်းပုံ အခြေခံဥပဒေ ပြင်ဆင်ရေးအတွက် အားလုံးမှာတာဝန်ရှိတယ်ဆိုတာ မှန်ပါတယ်၊ ဒါအထူးသဖြင့် ဥပဒေပြုရေးရဲ့ အဓိကမောင်းနှင်အားဖြစ်တဲ့ လွှတ်တော်ကိုယ်စားလှယ်များရဲ့ အခန်းကဏ္ဍက အထူးပဲအရေးကြီးတယ်လို့ ကျနော့်အနေနဲ့ ယူဆပါတယ်"

ဖွဲ့စည်းပုံပြင်ဆင်ရေးနဲ့ ပတ်သက်ပြီး နိုင်ငံရေးပါတီတွေ လွှတ်တော် ကိုယ်စားလှယ်တွေအနေနဲ့ နိုင်ငံရေး စိတ်စေတနာအပြည့်နဲ့ အမျှော်အမြင်ကြီးကြီးထားပြီး အားသွန်ခွန်စိုက်ကြိုးစားဖို့ လိုအပ်တယ်လို့လည်း နိုင်ငံတော်သမ္မတ ဦးသိန်းစိန်က နိုင်ငံရေးပါတီခေါင်းဆောင်တွေကို တိုက်တွန်းခဲ့ပါတယ်။

ငြိမ်းချမ်းရေးလုပ်ငန်းစဉ်နဲ့ ပတ်သက်ပြီး ဖက်ဒရယ်စနစ်ကိုအခြေခံတဲ့ ပြည်ထောင်စု တည်ဆောက်ရေး အပါအ၀င် အပစ်အခတ်ရပ်စဲရေး လက်မှတ်ရေးထိုးဖို့နဲ့ နှစ်ဘက်လေ့လာစောင့်ကြည့်ရေးအဖွဲ့တွေ ဖွဲ့စည်းဖို့ကို အစိုးရနဲ့ တိုင်းရင်းသားလက်နက်ကိုင် ခေါင်းဆောင်တွေ သဘောတူညီထားပြီး ဖြစ်တယ်လို့လည်း နိုင်ငံတော်သမ္မတ ဦးသိန်းစိန်က ပြောပါတယ်။

ဒါ့အပြင် ကျောင်းသားသမဂ္ဂတွေ ပေါ်ပေါက်ရေးကိုလည်း ဆောင်ရွက်ပေးသွားမယ်လို့ ပြောခဲ့ပါတယ်။

ဒီကနေ့ ပြည်ထောင်စု အစိုးရအဖွဲ့နဲ့ နိုင်ငံရေးပါတီတွေရဲ့ တွေ့ဆုံပွဲကို အမျိုးသားဒီမိုကရေစီအဖွဲ့ချုပ်၊ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ အပါအ၀င် နိုင်ငံရေးပါတီ ၆၇ ပါတီက ကိုယ်စားလှယ်တွေ တက်ရောက်ခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127


အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။

နောက်ဆုံးရ သတင်း အပုဒ် (၅၀)

 

30 Days Stats

Sponsors

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

တစ်ပတ်အတွင်း စိတ်ဝင်စားဖွယ်ရာ သတင်းများ

ကျန်းမာရေးနှင့် ဖျော်ဖြေရေး

အင်္ဂလိပ်သတင်းများ